Толығырақ

Автор: admin1

Категория: Асхана бұрышы

Қаралды: 123

Қазақстан Республикасы Денсаулық сақтау министрінің 2021 жылғы 5 тамыздағы № ҚР ДСМ-76 бұйрығы. Қазақстан Республикасының Әділет министрлігінде 2021 жылғы 6 тамызда № 23890 болып тіркелді

      ЗҚАИ-ның ескертпесі!
      Осы бұйрықтың қолданысқа енгізілу тәртібін 5 т. қараңыз.

       Қазақстан Республикасы Үкiметiнiң 2017 жығы 17 ақпандағы № 71 қаулысымен бекітілген Қазақстан Республикасының Денсаулық сақтау министрлігі туралы ережесінің 16-тармағының 132-1) тармақшасына сәйкес БҰЙЫРАМЫН:

       1. Қоса беріліп отырған "Білім беру объектілеріне қойылатын санитариялық-эпидемиологиялық талаптар" санитариялық қағидалары бекітілсін.

       2. Осы бұйрыққа қосымшаға сәйкес тізбе бойынша Қазақстан Республикасы Денсаулық сақтау министрлігінің кейбір бұйрықтарының күші жойылды деп танылсын.

      3. Қазақстан Республикасы Денсаулық сақтау министрлігінің Санитариялық-эпидемиологиялық бақылау комитеті Қазақстан Республикасының заңнамасында белгіленген тәртіппен:

      1) осы бұйрықты Қазақстан Республикасы Әділет министрлігінде мемлекеттік тіркеуді;

      2) осы бұйрықты ресми жарияланғаннан кейін оны Қазақстан Республикасы Денсаулық сақтау министрлігінің интернет-ресурсында орналастыруды;

      3) осы бұйрық Қазақстан Республикасы Әділет министрлігінде мемлекеттік тіркелгеннен кейін он жұмыс күні ішінде осы тармақтың 1) және 2) тармақшаларында көзделген іс-шаралардың орындалуы туралы мәліметтерді Қазақстан Республикасы Денсаулық сақтау министрлігінің Заң департаментіне ұсынуды қамтамасыз етсін.

      4. Осы бұйрықтың орындалуын бақылау жетекшілік ететін Қазақстан Республикасының Денсаулық сақтау вице-министріне жүктелсін.

      5. Осы бұйрық алғашқы ресми жарияланған күнінен кейін күнтізбелік алпыс күн өткен соң қолданысқа енгізіледі.

Қазақстан Республикасы Денсаулық сақтау министрі

А. Цой

      "КЕЛІСІЛДІ"

      Қазақстан Республикасы

      Білім және ғылым министрлігі

      "КЕЛІСІЛДІ"

      Қазақстан Республикасы

      Индустрия жәнеинфрақұрылымдық

      дамуминистрлігі

      "КЕЛІСІЛДІ"

      Қазақстан Республикасы

      Ұлттық экономика министрлігі

Қазақстан Республикасы Денсаулық сақтау министрі 2021 жылғы 5 тамыздағы № ҚР ДСМ-76 бұйрығымен бекiтiлген

 "Білім беру объектілеріне қойылатын санитариялық-эпидемиологиялық талаптар" санитариялық қағидалары

 1-тарау. Жалпы ережелер

       1. Осы "Білім беру объектілеріне қойылатын санитариялық-эпидемиологиялық талаптар" санитариялық қағидалары (бұдан әрі – Санитариялық қағидалар) "Қазақстан Республикасы Денсаулық сақтау және Ұлттық экономика министрлiктерінің кейбiр мәселелерi туралы" Қазақстан Республикасы Үкiметiнiң 2017 жығы 17 ақпандағы № 71 қаулысымен бекітілген Қазақстан Республикасының Денсаулық сақтау министрлігі туралы ережесінің (бұдан әрі – Ереже) 16-тармағының 132-1) тармақшасына сәйкес әзірленген және меншік нысанына қарамастан білім беру объектілерінде объект салынатын жер учаскесін таңдауға, жобалауға, реконструкциялауға, пайдалануға, сумен жабдықтауға, су бұруға, жылумен жабдықтауға, жарықтандыруға, желдетуге, ауаны баптауға, жөндеуге және күтіп-ұстауға, тұру, тамақтану, оқыту жағдайларына және өндірістік практикаға, өндірістік бақылауға, персоналдың еңбек және қызмет көрсету жағдайларына, білім алушылар мен тәрбиеленушілерді медициналық қамтамасыз етуге қойылатын санитариялық-эпидемиологиялық талаптарды белгілейді.

      2. Осы Санитариялық қағидалар балаларды мектепке дейінгі тәрбиелеу мен оқыту объектілерін (бұдан әрі – мектепке дейінгі ұйымдар) қоспағанда, білім беру ұйымдарының объектілеріне, оның ішінде білім алушылар мен тәрбиеленушілердіоқыту, тәрбиелеу, тұру және тамақтану орнын ұйымдастыру объектілеріне, барлық түрдегі және типтегі интернат ұйымдарына (бұдан әрі – объектілер) қолданылады.

       3. Объектілерде осы Санитариялық қағидаларға 1-қосымшаға сәйкес зертханалық-аспаптық зерттеулер жүргізіледі.

      4. Осы Санитариялық қағидаларда мынадай ұғымдар пайдаланылды:

      1) арнайы білім беру ұйымдары – бұл ерекше білім берілуіне қажеттілігі бар адамдардың (балалардың) оларсыз жалпы білім беретін оқу және білім беру бағдарламаларын меңгеруі мүмкін болмайтын, арнайы оқу бағдарламаларын және оқыту әдістерін, техникалық және өзге де құралдарды, өсір сүру ортасын, сондай-ақ медициналық, әлеуметтік және өзге де көрсетілетін қызметтерді қамтитын жағдайларды қамтамасыз ететін білім беру ұйымдары;

      2) орта білім беру ұйымы – мектепке дейінгі тәрбиелеу мен оқытудың, бастауыш, негiзгi орта, жалпы орта бiлiмнің жалпы бiлiм беретін оқу бағдарламаларын, мамандандырылған жалпы білім беру және арнайы оқу бағдарламаларын iске асыратын бiлiм беру ұйымы;

      3) бракераж – органолептикалық көрсеткiштер бойынша тамақ өнiмдерiнiң және дайын тағамдардың сапасын бағалау;

      4) білім беру ұйымдары – заңды тұлғалар, сондай-ақ меншік нысанына және ұйымдық құқықтық нысанына қарамастан, бір немесе бірнеше білім беру бағдарламаларын іске асыратын және (немесе) білім алушылар мен тәрбиеленушілерді бағуды және оларға тәрбие беруді қамтамасыз ететін халықаралық мектеп мәртебесі бар заңды тұлғалардың филиалдары, жалпы білім беретін оқу бағдарламаларын іске асыратын, заңды тұлға құрмаған дара кәсіпкерлер;

      5) білім берудің оқу-сауықтыру ұйымы – балалар мен оқушы жастарды тәрбиелеу, оларға білім беру, сауықтыру, олардың демалысы жөніндегі функцияларды жүзеге асыратын заңды тұлға;

      6) дене шынықтыру – мәдениеттiң құрамдас бөлiгi, адамның дене бітімін және интеллектуалдық қабілеттерін дамыту, дене тәрбиесі мен дене бітімін дамыту арқылы оның қозғалыс белсенділігін жетілдіру және саламатты өмір салтын қалыптастыру, әлеуметтік бейімдеу мақсатында қоғам жасайтын және пайдаланатын рухани және материалдық құндылықтар жиынтығын білдіретін әлеуметтiк қызмет саласы;

      7) жазу құралдары – жазу дәптерлері, жазуға және сурет салуға арналған құралдар, оларға қаламдар, қарындаштар, фломастерлер, пенал, циркуль, маркерлер, көмір түйірлері, борлар, стерженьдер, грифельдер жатады;

      8) жалпы білім беретін мектеп – бастауыш, негізгі орта және жалпы орта білімнің жалпы білім беретін оқу бағдарламаларын, сондай-ақ білім алушылар мен тәрбиеленушілерге қосымша білімнің білім беру бағдарламаларын іске асыратын оқу орны;

      9) жетім балалар мен ата-анасының қамқорлығынсыз қалған балаларға арналған білім беру ұйымдары – жетім балаларға, ата-анасының қамқорлығынсыз қалған балаларға тұратын орындар бере отырып, оларды тәрбиелеу, оларға білім беру үшін қолайлы жағдай жасалатын ұйым;

      10) жеке медициналық кітапша – жұмысқа жіберілу туралы белгі қойылып, міндетті медициналық қарап-тексерудің нәтижелері енгізілетін дербес құжат;

      11) жиынтық оқу жүктемесі – Үлгілік оқу жоспарының инвариантты және вариативті бөлігі сағаттарының жалпы саны;

      12) интернат ұйымдары – тұратын орын беріле отырып, белгілі бір санаттағы адамдардың білім алу құқықтарына мемлекеттік кепілдіктерді қамтамасыз ететін білім беру ұйымдары;

      13) кәмелетке толмағандарды бейiмдеу орталықтары (бұдан әрі – КТБО) – ата-анасын немесе басқа да заңды өкiлдерiн анықтағанға дейін үш жастан он сегіз жасқа дейiнгi қадағалаусыз және панасыз қалған балалар мен жасөспірімдерді, уақтылы орналастыру мүмкiн болмаған жағдайда ата-анасының немесе оларды алмастыратын адамдардың қамқорлығынсыз қалған балаларды, қорғаншылық және қамқоршылық органы балалардың өмiрiне немесе денсаулығына тiкелей қатер төнген кезде ата-анасынан (олардың бiреуiнен) немесе қамқорлыққа алған басқа адамдардан алып қойған балаларды, арнаулы бiлiм беру ұйымдарына жiберiлетiн балаларды, сондай-ақ әлеуметтiк бейiмсiздiкке және әлеуметтiк депривацияға әкеп соққан қатыгездiкпен қарау салдарынан өмiрлiк қиын жағдайда жүрген балаларды қабылдауды және уақытша бағуды қамтамасыз ететiн, бiлiм беру органдарының қарамағындағы ұйымдар;

      14) лицей – білім алушылардың бейімділігі мен қабілеттеріне сәйкес оларға кең ауқымда және тереңдете жаратылыстану-математикалық білім беруді қамтамасыз ететін негізгі орта және жалпы орта білімнің жалпы білім беретін оқу бағдарламаларын және қосымша білімнің білім беру бағдарламаларын іске асыратын оқу орны;

      15) мамандандырылған білім беру ұйымы – жалпыға міндетті мемлекеттік білім беру стандарттары негізінде әзірленген және ғылым, мәдениет, өнер, спорт, әскери іс негіздерін терең игеруге, олардың шығармашылық әлеуеттері мен дарын-қабілеттерін дамытуға бағытталған негізгі және жалпы орта білім берудің мамандандырылған жалпы білім беретін оқу бағдарламаларын іске асыратын оқу орны, спорттық объектілер;

      16) мектеп алды сыныптары (0) – жалпы білім беретін мектептерде бес, алты (жеті) жастағы балаларды тегін міндетті мектеп алды даярлау жүргізілетін сыныптар;

      17) мектептен тыс қосымша білім беру ұйымы (бұдан әрі – мектептен тыс объектілер) – білім алушылар мен тәрбиеленушілердің жеке тұлғасын дамытуға, денсаулығын нығайтуға және өзін-өзі кәсіптік тұрғыдан айқындауға, шығармашылық еңбегіне, олардың жалпы мәдениетін қалыптастыруға, жеке тұлғаны қоғамдағы өмірге бейімдеуге, бос уақытын пайдалы өткізуді ұйымдастыруға қажетті жағдайларды қамтамасыз етуге арналған оқу-тәрбие ұйымдары;

      18) оқу-әдістемелік кешен (бұдан әрі – ОӘК) – білім алушының оқу пәні (пәндер) бойынша білім мазмұнын меңгеруін қамтамасыз етуге бағытталған және оқулыққа ілеспе болатын жекелеген оқу және әдістемелік басылымдардың жиынтығы;

      19) оқу жүктемесі – әрбір жас тобы үшін оқу сағаттарымен өлшенетін оқу-тәрбие процесіне қатысудың нормаланатын жиынтығы;

      20) оқу сағаты – сабақтың (жаттығудың) немесе дәрiстердiң сабақ басталғаннан үзiлiске дейiнгі ұзақтығы;

      21) оңтайлы микроклиматтық жағдай – білім алушылар мен тәрбиеленушілерге ұзақ және жүйелі әсер ету кезінде термореттегіш тетіктерінің көмегінсіз организмнің қалыпты жылу жағдайын сақтауды қамтамасыз ететін микроклиматтың сандық көрсеткіштерінің үйлесімдігі;

      22) өндірістік бақылау – өндірілетін өнімнің, жұмыстар мен көрсетілетін қызметтердің адам мен мекендеу ортасы үшін қауіпсіздігін және (немесе) зиянсыздығын қамтамасыз етуге бағытталған, дара кәсіпкер немесе заңды тұлға орындайтын іс-шаралар, оның ішінде зертханалық зерттеулер мен сынақтар кешені;

      23) рекреация – үзіліс кезінде және сабақтан бос уақытта білім алушылар мен тәрбиеленушілердің демалуына және күшін қалпына келтіруге арналған үй-жай;

      24) санитариялық-аулалық қондырғылар (бұдан әрі – САҚ) – орталықтандырылған кәрізбен байланысы жоқ, объектінің аумағында орналасқан жер үсті бөлігі мен қазылған шұңқыры бар дәретхана;

      25) санитариялық арнайы киім (бұдан әрі – арнайы киім) – шикізатты, қосымша материалдар мен дайын өнімді механикалық бөлшектермен, микроорганизмдермен ластанудан және басқа да ластанулардан қорғауға арналған персоналдың қорғаныш киімінің жиынтығы;

      26) септик – шағын көлемдегi тұрмыстық сарқынды суды тазалауға арналған құрылыс;

      27) спорт объектілері – қызметі балалар және жасөспірімдерді емдеу-сауықтыру, дене шынықтыру-сауықтыру, оқу-тәрбие жұмыстарын және мәдени бос уақытты ұйымдастырумен және жүзеге асырумен байланысты ұйымдар;

      28) сыныптардың (топтардың) толықтырылуы – сыныптағы білім алушылардың нормаланған саны;

      29) ұтымды тамақтану – тамақтанудың физиологиялық және жас ерекшелігі нормаларын ескере отырып, теңестірілген тамақтандыру;

      30) халықтың жүріп-тұруы шектеулі топтары – өз бетімен жүріп-тұру, көрсетілетін қызметтер, ақпарат алу немесе кеңістікте бағдарлану кезінде қиындық көріп жүрген, оның ішінде балаларға арналған арбаларды пайдаланатын адамдар, қарттар, мүгедектер;

      31) халықаралық мектеп – дербес әзірленген интеграцияланған білім беру бағдарламаларын іске асыратын, Халықаралық Бакалавриат ұйымында авторизациялаудан немесе халықаралық институционалдық аккредиттеуден өткен оқу орны;

      32) шағын жинақталған мектеп – білім алушылар контингенті аз (5 баладан бастап), біріккен сынып-жиындары бар және оқу сабақтарын ұйымдастыру нысаны ерекше жалпы білім беру мектебі.

 2-тарау. Объектінің салынатын жер учаскесін таңдауға, жобалауға, пайдалануға, реконструкциялауға қойылатын санитариялық-эпидемиологиялық талаптар

       5. Объектінің жер учаскесін таңдау, жобалау, реконструкциялау "Қазақстан Республикасындағы сәулет, қала құрылысы және құрылыс қызметі туралы" 2001 жылғы 16 шілдедегі Қазақстан Республикасы Заңының 20-бабының 23-16) тармақшасына сәйкес сәулет, қала құрылысы және құрылыс істері бойынша уәкілетті орган бекітетін сәулет, қала құрылысы және құрылыс саласындағы мемлекеттік нормативтердің (бұдан әрі – сәулет, қала құрылысы және құрылыс саласындағы мемлекеттік нормативтер) талаптарымен айқындалады.

      6. Жалпы білім беру ұйымдарының және білім алушылар мен тәрбиеленушілердың тұратын орындарын ұйымдастыратын объектілердің аумағында сәулет, қала құрылысы және құрылыс саласындағы мемлекеттік нормативтер талаптарына сәйкес барлық периметрі бойынша қоршау болуы тиіс. Қоршау зақымдалмаған болуы тиіс.

      7. Объектілердің аумағында олардың қызметiмен байланысы жоқ объектілерді орналастыруға жол берілмейді.

      8. Көп қабатты тұрғын үйлерде, жеке үй иелігінде, ішіне-жапсарлас салынған үй-жайларда орналастырылатын мектептен тыс объектілерде жеке жер учаскесі болмауына жол беріледі.

      9. Объектінің учаскесіне кіру жолдары, көлiкпен өту жолдары, шаруашылық құрылыстарға, қоқыс жинағыштарға арналған алаңдарға, САҚ-қа апаратын жолдар асфальтпен, бетонмен немесе тазалауға қолжетімді басқа да қатты жабынмен жабылады.

      10. Жалпы білім беретін ұйымдардағы үй-жайлардың (сыныптар, оқу кабинеттері) ауданы оқытудың аралас нысандарында (фронтальды және топтық) бір білім алушыға шаққанда 2,5 шаршы метр (бұдан әрі – м²) нормасы белгіленеді. Халықаралық мектептерді (сыныптар, оқу кабинеттері) жобалау кезінде үй-жайлар алаңының нормасы жобалауға арналған тапсырмамен немесе "Стандарттау туралы" және "Қазақстан Республикасындағы сәулет, қала құрылысы және құрылыс қызметі туралы" Қазақстан Республикасының Заңдарында белгіленген тәртіппен және халықаралық шарттарда, өңірлік стандарттарға немесе шет мемлекеттердің стандарттарына сәйкес белгіленеді. Технологияны және еңбекті зерделеу шеберханаларының, сондай-ақ бағыттар бойынша саралап оқытуға арналған мамандандырылған шеберханалардың ауданы бір білім алушыға шаққанда 3,75 м².

      11. Техникалық және кәсіптік білімнің (бұдан әрі – ТжКБ), орта білімнен кейінгі (бұдан әрі – ОБКБ), жоғары және жоғары оқу орнынан кейінгі (бұдан әрі – ЖОО) оқу кабинеттері мен дәрісханалары үй-жайларының ауданы:

      1) 12-15 орын үшін 1 білім алушыға 2,5 м²;

      2) 16-25 орын үшін 1 білім алушыға 2,2 м²;

      3) 26-49 орын үшін 1 білім алушыға 1,8 м²;

      4) 50-75 орын үшін 1 білім алушыға 1,5 м²;

      5) 76-100 орын үшін 1 білім алушыға 1,3 м²;

      6) 100-150 орын үшін 1 білім алушыға 1,2 м²;

      7) 150-350 орын үшін 1 білім алушыға 1,1м²;

      8) 350 және одан артық орын үшін 1 білім алушыға 1,0 м² болып айқындалады.

      Дәрісханалар, оқу кабинеттері, зертханалар жерүсті қабаттарда орналасуы тиіс.

      12. Білім алушылар мен тәрбиеленушілердің саны объектінің жобалық сыйымдылығынан аспауы тиіс. Қашықтықтан оқыту нысаны бойынша білім алушылардың саны жалпы санға енгізілмейді.

      13. Әрбір ауысымда 1 білім алушыға шаққандағы аудан нормалары және осы Санитариялық қағидалардың талаптары сақталған жағдайда оқудың екі ауысымдық режимін ұйымдастыруға жол беріледі.

      14. Пайдалану режимі шумен қоса жүретін және білім алушылар мен тәрбиеленушілердің алаңдауын тудыруы мүмкін, педагогикалық, медициналық, әкімшілік персоналдың жұмысына кедергі келтіруі немесе оларды бұзуы мүмкін үй-жайлар (сорғы қондырғысы бар бойлерлер, өндірістік үй-жайлар, жөндеу шеберханалары, сорғы бөлімшесі бар салқындатқыш камералар, желдеткіш камералары, компрессорлық) жатын бөлмелермен, оқу, медицина кабинеттерімен көршілес, олардың астына немесе үстіне орналастырылмайды.

      Шу мен дірілді оқшаулау жөніндегі іс-шаралар орындалған жағдайда жатын бөлмелерін, оқу және медициналық кабинеттерді, адамдар тұрақты болатын үй-жайларды, желдету жүйелерінің техникалық үй-жайларына тігінен және көлденеңінен жанасатын үй-жайларды орналастыруға жол беріледі.

      15. Мектептен тыс объектілер үй-жайларының жиынтығы қосымша білім беру бағдарламаларының іске асырылуына, бір жолғы сыйымдылығына, білім беру технологиясына, инженерлік-техникалық жабдыққа, қажетті жиһазбен жарақтандырылуына қарай белгіленеді.

      16. Спорт залының жылыту жүйесінің радиаторлары терезе астындағы қуыстарда орналастырылады және торлармен жабылады немесе еденнен биіктігі 2,4 метрде (бұдан әрі – м) орналастырылады. Терезелерде және жарықтандыру аспаптарында қоршау құрылғылары көзделуі тиіс.

      17. Барлық үй-жайлардағы еденнің беті тегіс, саңылаусыз, ақаусыз және механикалық зақымданбаған болуы тиіс.

      Оқу үй-жайларындағы, кабинеттердегі және рекреациялардағы еденнің тақтай немесе паркет төсемі болуы тиіс. Едендерге ылғалды тәсілмен өңдеуге және дезинфекциялауға жол беретін синтетикалық полимерлі материалдар, жылы линолеум төсеуге болады.

      Спорт залының едені ағаштан болуы немесе арнайы төсемі болуы, еденнің беті тегіс, саңылаусыз және ақаусыз болуы тиіс.

      Еңбекке баулу шеберханаларындағы еден механикалық әсерге төзімді, химия кабинеттері мен зертханаларында – химиялық реагенттерге төзімді материалдан жасалады.

      18. Объектілер жеке тұрған ғимаратта немесе бірнеше жекелеген ғимараттарда пайдаланылады.

      Объектілерді бейімделген ғимараттарда, ішіне-жапсарлас салынған үй-жайларда пайдалануға жол беріледі. Жалпы білім беру ұйымдарын бейімделген ғимаратта пайдаланған кезде оқу үй-жайларының және кабинеттердің есептік сыйымдылығы 1 білім алушыға шаққанда 2,5м² аудан нормасы ескеріле отырып айқындалады.

      19. Объектілерді тұрғын үй ғимараттарында, ішіне-жапсарлас салынған үй-жайларда орналастыру сәулет, қала құрылысы және құрылыс саласындағы мемлекеттік нормативтермен айқындалады.

      20. Көп пәтерлі тұрғын үйдің бірінші қабатында пайдаланылатын объектілердің тұрғын үйдің кіреберісімен қосылмаған бөлек есігі болуы тиіс.

      21. Білім алушылар мен тәрбиеленушілер болатын, медициналық мақсаттағы үй-жайларды ғимараттардың жертөле және цокольдық қабаттарда пайдалануға жол берілмейді.

      22. Барлық үй-жайлар функционалдық мақсатына сәйкес пайдаланылуы тиіс.

      23. Авариялық ғимараттарда және үй-жайларда орналасқан объектілерді пайдалануға жол берілмейді.

      24. Объектілерде мектепке дейінгі ұйымдар, компьютерлік сыныптар, мамандандырылған медициналық және стоматологиялық кабинеттер, шаштараздар, кір жуатын орындар, бассейндер, оқу-өндірістік шеберханалары, тамақтану объектілері болған жағдайда Ереженің 16-тармағының 132-1) тармақшасына сәйкес бекітілетін санитариялық қағидалардың, гигиеналық нормативтердің (бұдан әрі – нормалау құжаттары) талаптары қолданылады.

      25. Объектілерді реконструкциялау кезінде осы Санитариялық қағидалардың 6-24-тармағы аралығындағы талаптардың сақталуы көзделеді.

 3-тарау. Сумен жабдықтауға, су бұруға, жылумен жабдықтауға, жарықтандыруға, желдетуге, ауаны баптауға қойылатын санитариялық-эпидемиологиялық талаптар

      26. Объектілерде орталықтандырылған шаруашылық-ауыз сумен, ыстық сумен жабдықтау, су бұру көзделеді және олар жарамды жағдайда болуы тиіс.

      27. Объектілер нормалау құжаттарының белгіленген талаптарына сәйкес қауіпсіз және сапалы ауыз сумен қамтамасыз етіледі.

      28. Объектілерде ауыз су режимі ұйымдастырылады. Ауыз су, оның ішінде сыйымдылықтарға (графиндер, шәйнектер, бөшкелер және басқалар) өлшеп-құйылған немесе шөлмектердегі ауыз су сапасы мен қауіпсіздік көрсеткіштері бойынша нормалау құжаттарының талаптарына сәйкес келеді.

      Суға арналған кулерлер (диспенсерлер) өндірушінің нұсқаулығына сәйкес тұрақты түрде тазартылады. Су ішу үшін таза ыдыс (шыны, фаянс ыдыс, бір рет қолданылатын стақандар) пайдаланылады.

      Жеке шөлмек сыйымдылықты пайдалануға рұқсат етіледі. Қайнаған ауыз су 3 сағаттан аспай сақталған жағдайда оны пайдалануға жол беріледі.

      29. Стационарлық ауыз су бұрқақтарының конструктивтік шешімдері судың тік ағынының айналасында биіктігі кемінде он сантиметр болатын шектеу сақинасының болуын көздейді.

      30. Ауыз су режимін ұйымдастыру үшін объекті басшысының бұйрығымен жауапты адам тағайындалады. Білім алушылар мен тәрбиеленушілердің объектілерде болатын барлық уақыты ішінде олардың ауыз суға еркін қолжетімдігі қамтамасыз етіледі.

      31. Орталықтандырылған сумен жабдықтау жүйесі болмаған жағдайда ішкі су құбыры және су бұру құрылғысымен жергілікті ауыз суы мақсатындағы көздерден алынатын су пайдаланылады.

      32. Шаруашылық-ауыз су мұқтаждығы үшін әкелінетін ауыз-суды пайдалануға жол беріледі, оны жеткізу мамандандырылған автокөлікпен, ауыз сумен жанасуға рұқсат етілген материалдардан жасалған, уақтылы тазартылатын, жуылатын және дезинфекцияланатын таңбаланған арнайы сыйымдылықтарда жүргізіледі.

      33. Әкелінетін сумен жұмыс істейтін объектілерде ауыз су қорын сақтауға арналған сыйымдылықтар орнатылған жеке үй-жай көзделеді. Сыйымдылықтар таңбаланады ("ауыз су"), олар апта сайын (және қажеттілігіне қарай) жуу және дезинфекциялау құралдары қолданыла отырып, тазартылады және дезинфекцияланады. Ауыз суға арналған сыйымдылықтарды өзге де мақсаттарда пайдалануға жол берілмейді.

      34. Орталықтандырылған ыстық сумен жабдықтау жүйесі болмаған жағдайда су жылытқыштар орнатылады. Ыстық және суық су тұратын жерлердегі, медициналық мақсаттағы үй-жайлардағы барлық ванналарға, себезгілерге, кір жуатын орындарға, қолжуғыштарға, сондай-ақ ас блогындағы технологиялық жабдыққа араластырғыш орнатыла отырып, жүргізіледі.

      Сумен жылыту жүйесiндегi ыстық суды технологиялық және шаруашылық-тұрмыстық мақсаттар үшін пайдалануға жол берiлмейдi.

      35. Сурет салуға және жабыстыруға, өсімдіктермен жұмыс істеуге арналған үй-жайлар, шеберханалар, медициналық блок үй-жайлары, ас блогының өндірістік үй-жайлары ыстық және суық су өткізілген раквиналармен, қол жууға және кептіруге арналған құралдармен жабдықталады.

      36. Объектілерді кәріз жүргізілмеген және ішінара кәріз жүргізілген орындарда орналастырған кезде жергілікті су бұру құрылғысы көзделеді. Сарқынды суларды, оның ішінде САҚ-тың сарқынды суын қабылдауды объекті аумағының шаруашылық аймағында орналасқан, гидравликалық бекітпесі бар қақпақтармен (сифондар) жарақталған жалпы немесе бөлек жерасты су өткізбейтін сыйымдылықтарға (шұңқырға, септикке) жүзеге асырады, оларды тазалау уақтылы жүргізіледі.

      Сарқынды суды ашық су айдындарына және іргелес аумаққа, сондай-ақ су сіңіргіш құдықтар құрылғысына ағызуға жол берiлмейдi.

      37. Өндірістік, қойма үй-жайларындағы, тұрмыстық үй-жайлардағы су бұруға арналған кәріз бағандары сыланған қораптарға салынады.

      38. Кәріз жүргізілмеген жерлерде жылы санитариялық тораптар құрылғысына (75 адамға 1) және су құйылатын қолжуғыштарды (30 адамға 1) орнатуға жол беріледі.

      Жылы санитариялық тораптарда жер үстіндегі үй-жайлары мен су өткізбейтін материалдан жасалған қазылған шұңқыры болады. Санитариялық тораптар жинау дезинфекциялау құралдарын пайдалана отырып күн сайын жүргізіледі. Қазылған шұңқырларды уақтылы тазалайды.

      Жобаланатын, салынып жатқан және реконструкцияланатын білім беру объектілерінде кәрізденбеген және ішінара кәрізденген жерлерде санитариялық тораптар ғимаратта (мектеп, жатақхана, оқу корпусы) орналастырылады.

      39. Объектілердің ғимараттары орталық жылыту жүйелерімен жабдықталады. Орталықтандырылған жылумен жабдықтау көзі болмаған жағдайда сұйық, қатты және газ түріндегі отынмен жұмыс істейтін автономды қазандық көзделеді.

      40. Селолық елді мекендердегі шағын жинақталған мектептердің бір қабатты ғимараттарында пешпен жылыту құрылғысына жол беріледі. Пешті жағу жеке есігі бар оқшауланған үй-жайда жүргізіледі.

      41. Жылыту кезеңінде ауаның температурасы нормалау құжаттарына сәйкес айқындалады.

      42. Үй-жайларды табиғи және жасанды жарықтандыруды сәулет, қала құрылысы және құрылыс саласындағы мемлекеттік нормативтерге сәйкес жобалау керек. Жасанды жарықтандыру үшін жарық диодты, люминесцентті және энергия үнемдеуші шамдарды пайдаланады. Ортақ жасанды жарықтандыру барлық үй-жайларда көзделеді.

      43. Объектінің аумағында сыртқы жасанды жарықтандыру болады.

      44. Оқу үй-жайларындағы, ойын және жатын бөлмелеріндегі жарық түсетін ойықтарды реттелетін күннен корғайтын құрылғылармен жабдықтайды.

      45. Оқу-өндірістік шеберханаларда, спорт залдарында екі жақ бүйірден табиғи жарықтандыруға және аралас (үстіңгі және бүйір жақтан) жарықтандыруға жол беріледі. Оқу үй-жайларында терезенің әйнектерін бояуға жол берілмейді.

      Терезелердің әйнектелуі бүтін шыны төсемінен орындалады.

      46. Жасанды жарықтандыру кезінде бір үй-жайда бір үлгідегі шамдар қолданылады. Жарықтандыру кезінде шағылысқан және шашыраңқы жарықты шамдарды пайдаланады, оларды плафондармен қамтамасыз етеді.

      47. Білім беру объектілерін жасанды жарықтандыру көрсеткіштері нормалау құжаттарына сәйкес айқындалады.

      48. Көру қабілеті бұзылған білім алушылар мен тәрбиеленушілерге арналған объектілердегі оқу үй-жайларын (сыныптарды, кабинеттерді, зертханаларды, шеберханаларды), сондай-ақ оқу залдарын жасанды жарықтандырудың құрамдастырылған жүйесімен жабдықтайды. Көру патологиясының түріне байланысты жалпы және жергілікті жарықтандырудың жиынтық жарықтандыру деңгейі мынаны құрайды:

      1) жоғары дәрежелі күрделі алыстан көрмейтіндер және жоғары дәрежедегі жақыннан көрмейтіндерге – 1000 люкс (бұдан әрі – лк);

      2) торлы қабық пен көру нервісі зақымдалғандарға (көздің қарығуы болмайтын) – 1000 – 1500 лк;

      3) жарықтан қорқу ауруынан зардап шегетіндерге – 500 лк-тен артық емес;

      4) жасанды жарықтандыру деңгейі жалпы жарықтандыру жүйесінен 400 лк-тен аспауы тиіс;

      5) әр жұмыс орнын кемінде 400 лк жергілікті жарықтандыру шамдарымен жабдықтайды.

      Шамдар үстелдің бетіне нығыз бекітілуі және олардың еңкею бұрышы мен жарық көзінің биіктігін өзгертуге мүмкіндік беретін иілімді кронштейні болады.

      49. Істен шыққан шамдар ауыстырылады. Жарамсыз, құрамында сынап бар шамдар білім алушылар мен тәрбиеленушілердің қолы жетпейтін жеке үй-жайда сақталады. Пайдаланылған құрамында сынап бар шамдарды қоқыс жинағыштарға тастауға жол берілмейді. Пайдаланылған құрамында сынап бар шамдарды сақтау және кәдеге жаратуға жіберу объекті басшысының бұйрығымен жауапты адамға жүктеледі.

      50. Объектілердің ғимараттары желдету және ауа баптау жүйелерімен жабдықталады. Ас блогында механикалық түрде іске қосылатын желдету жүйесі көзделеді. Жылу және ылғал бөлу көздері болып табылатын жабдықтың үстінде сыртқа тарту шатырлары орнатылады.

      51. Желдету және ауа баптау жүйелерін пайдалану кезінде нормалау құжаттарының талаптары сақталады.

      52. Оқу үй-жайларын үзілістер кезінде, рекреациялық үй-жайларды сабақ уақытында желдетеді. Сабақ басталғанға дейін және олар аяқталғаннан кейін оқу үй-жайларында өтпелі желдету жүзеге асырылады. Өтпелі немесе бұрыштан желдетуді білім алушылар мен тәрбиеленушілер болмаған кезде жүргізеді. Өтпелі желдетуді дәретхана үй-жайлары арқылы жүргізбейді.

      53. Станоктарда және тетіктерде жұмыс істеу жылу мен шаңның көп мөлшерінің бөлінуімен байланысты болатын шеберханалар сору-сыртқа тарту желдеткішімен және жергілікті шаңұстағыштармен және сыртқа тарту құралдарымен жабдықтайды.

      54. Объектілерде нормалау құжаттарына сәйкес үй-жайлардың оңтайлы микроклиматтық жағдайлары (температура, ауа қозғалысының жылдамдығы және ауаның салыстырмалы ылғалдылығы) қамтамасыз етіледі.

      55. Ауаның температурасын бақылау үшін білім беру ұйымдарының ойын, оқу және жатын үй-жайларында, балаларды тәрбиелеу және олардың тұратын орындарында, сондай-ақ медициналық пункт үй-жайларында термометрлер орнатылады.

 4-тарау. Объектілердің үй-жайларын жөндеуге және күтіп-ұстауға қойылатын санитариялық-эпидемиологиялық талаптар

      56. Жыл сайын объектіде ағымдағы жөндеу жүргізіледі.

      57. Объектілер жұмыс істеп тұрған кезде авариялық жағдайларды жою жұмыстарын қоспағанда, күрделі және ағымдағы жөндеу жұмыстарының түрлерін жүргізуге жол берілмейді.

      58. Үй-жайларды әрлеу үшін олардың сапасы мен қауіпсіздігін растайтын құжаттары бар құрылыс материалдары пайдаланылады.

      59. Вестибюльдерде, холлдарда, рекреацияларда, акті және мәжіліс залдарында, әкімшілік үй-жайларында конструкциясы әртүрлі аспалы төбелерді қолдануға жол беріледі.

      60. Барлық үй жайлардың төбелері мен қабырғалары тегіс, саңылаусыз, жарықшағы жоқ, бүлінбеген, грибоктармен зақымдану белгілерінсіз болуы тиіс.

      61. Қалыпты режимде пайдаланылатын үй-жайлардағы қабырғалардың, еденнің, жабдықтың беті ылғалды тәсілмен жинауға жол беретіндей тегіс, күңгірт болады.

      Ылғалды режиммен жұмыс істейтін үй-жайлардың (медициналық мақсаттағы, ас блогы, санитариялық тораптар, кір жуу, жуыну орындары) қабырғаларын жуу және дезинфекциялау құралдарын қолдана отырып, ылғалды тәсілмен жинауға жол беретін тақтаймен немесе ылғалға төзімді басқа материалдармен, кемінде 1,5 м биіктікке, себезгі бөлмелерінде кемінде 1,8 м биіктікке қаптайды.

      62. Терезе әйнектері, электр шамдардың плафондары және сыртқа тартып желдету жүйесінің жалюзді торлары таза ұсталады. Білім алушылар мен тәрбиеленушілерді жарықтандыру арматурасын тазалауға және терезелерді жууға тартуға жол берілмейді.

      63. Желдету үшін ашылатын терезелерге, форточкаларға, фрамугаларға москит торлары орнатылады.

      64. Объектілердің аумағы, ашық ауадағы дене шынықтыру және спорт алаңдары таза ұсталады, бөгде заттардан бос болуы тиіс.

      65. Барлық үй-жайлар таза ұсталады. Ас блогын және дәретханаларды күн сайын дезинфекциялау құралдарын пайдалана отырып жинайды. Дәретханаларда еден, есік тұтқалары, кранның құлақтары, раковиналар және унитаздар күн сайын дезинфекциялауға жатады.

      Үй жайларды ылғалды жинауды ұйымның техникалық персоналы жүргізеді. Білім алушылар мен тәрбиеленушілерді санитариялық тораптарды жинауға тартуға жол берілмейді.

      66. Жинау жүргізу үшін нормалау құжаттарына сәйкес қолдануға рұқсат етілген жуу, дезинфекциялау құралдары пайдаланылады.

      Дезинфекциялау ерітінділерін өндірушінің нұсқаулығына сәйкес ерітіндінің дайындалған күнін көрсете отырып, таңбаланған сыйымдылықтарда дайындайды. Дезинфекциялау және жуу құралдары және олардың жұмысшы ерітінділері білім алушылар мен тәрбиешілердің қолы жетпейтін орындарда сақталады.

      67. Жинау мүкәммалы (легендер, шелектер, щеткалар, шүберектер) таңбаланады және олар жекелеген үй-жайларға (санитариялық торап, медициналық пункт, ас блогының өндірістік үй-жайлары, тамақ ішетін залдар, рекреациялар, оқу кабинеттері, жатын бөлмелер, өндірістік шеберханалар) бекітіледі және арнайы бөлінген орындарда сақталады.

      Барлық ұйымдардың санитариялық тораптары үшін жинау мүкәммалының белгілік таңбасы болады.

      68. Объектілерде дератизациялау және дезинсекциялау бойынша іс-шаралар жүргізіледі. Жәндіктердің, кенелердің және басқа да буынаяқтылар мен кеміргіштердің болуына жол берілмейді.

      69. Тығыз жабылатын қақпақтармен жабдықталған қоқыс жинағыштар шаруашылық аймақтағы үш жағынан қоршалған тазалау және дезинфекциялау үшін қолжетімді, су өткізбейтін төсемі бар алаңға орнатылады. Қоқыс жинағыштар (контейнерлер) тазаланады, жуылады және дезинфекцияланады.

      Көп пәтерлі тұрғын үйдің бірінші қабатында, ішіне-жапсарлас салынған үй-жайларда орналасқан объектілердің қоқысын жинау үшін тұрғын үйдің ортақ қоқыс жинағыштары немесе контейнерлері пайдаланылады.

 5-тарау. Оқыту және өндірістік практика жағдайларына қойылатын санитариялық-эпидемиологиялық талаптар

       70. Арнайы білім беру ұйымдары топтарының (сыныптарының) толықтырылуы осы Санитариялық қағидаларға 2-қосымшаға сәйкес қабылданады.

      71. Жалпы білім беру ұйымдарында сабақтың ұзақтығы 45 минуттан аспауы тиіс. Бірінші сыныптарда оқу жүктемесін бірте-бірте арттыра отырып, оқу сабақтарының "сатылы" режимін қолданады. Қыркүйекте үш сабақ 35 минуттан, қазаннан бастап 45 минуттан жоспарланады. Сабақтарда дене шынықтыру минуттарын және көзге арналған жаттығулар өткізіледі.

      Бірінші сынып оқушылары үшін бір жыл ішінде қосымша бір апталық демалыстар болуы тиіс.

       72. Жалпы білім беру ұйымдарындағы апталық оқу жүктемесі осы Санитариялық қағидаларға 3-қосымшада көрсетілген нормалардан аспауы тиіс.

      Кестедегі сабақтар саны ата-аналар комитетімен келісіледі.

      73. Бастауыш мектепте қосарланған сабақтарды өткізуге жол берілмейді.

       Сабақ кестесін жасаған кезде бір күн және бір аптаның ішіндегі оқушының ақыл-ой еңбегіне қабілеттілік серпіні ескеріледі және осы Санитариялық қағидаларға 4-қосымшаға сәйкес қиындығы бойынша пәндерді саралау кестесі пайдаланылады.

      74. Мектептің сабақ кестесі міндетті және факультативтік сабақтар үшін жеке жасалады. Факультативтік сабақтар міндетті сабақтардың саны барынша аз күндері жоспарланады.

      Күн сайынғы оқу жиынының салмағы:

      1-3-сыныптардың білім алушылары үшін – 1,5-2,0 килограмм (бұдан әрі – кг);

      4-5-сыныптардың білім алушылары үшін – 2,0-2,5 кг;

      6-7-сыныптардың білім алушылары үшін – 3,0-3,5 кг;

      8-11(12)-сыныптардың білім алушылары үшін – 4,0-4,5 кг - нан аспауы тиіс.

      Сабақ кестесі оқу портфельінің немесе аспалы сөмкенің (рюкзактың) салмағынсыз күн сайынғы оқу жиынының (оқулықтар, ОӘК және жазу құралдары) гигиеналық нормативтерін ескере отырып құрылады.

      75. Жалпы білім беру ұйымдарының барлық түрінде оқушылар үшін сабақтар арасындағы үзілістің ұзақтығы кемінде 5 минут, үлкен үзіліс (2-ші немесе 3-ші сабақтан кейін) 30 минутты құрайды. Бір үлкен үзілістің орнына екінші және төртінші сабақтан кейін әрқайсысы 15 минуттан екі үзіліс жасауға жол беріледі.

      Үзілістерді таза ауаны барынша көп пайдаланып, қозғалыс ойындарымен өткізеді.

      Ауысымдар арасында ылғалды жинау және желдету үшін ұзақтығы кемінде 40 минут үзіліс көзделеді.

      76. Мектеп алды сыныптардағы сабақтардың барынша рұқсат етілген саны – ұзақтығы 25-30 минуттан төрт сабақтан аспайды. Сабақтар арасындағы үзілістер кемінде 10 минут болуы тиіс.

       77. ТжКБ, орта білімнен кейінгі және жоғарғы білімнің білім беру бағдарламаларын іске асыратын білім беру ұйымдарының білім алушыларының оқу жүктемесі Қазақстан Республикасы Білім және ғылым министрінің 2018 жылғы 31 қазандағы № 604 бұйрығымен (Нормативтік құқықтық актілерді мемлекеттік тіркеу тізілімінде № 17669 болып тіркелген) бекітілген Білім берудің барлық деңгейінің мемлекеттік жалпыға міндетті білім беру стандарттарыбелгіленеді.

      78. Жазғы демалыс кезінде жалпы білім беру ұйымдары жанында дене шынықтыру-сауықтыру, оқу-тәрбие қызметін және білім алушылар мен тәрбиеленушілердің мәдени бос уақытын өткізуді жүзеге асыратын мектеп жанындағы лагерьлерді (алаңдарды) ұйымдастыруға жол беріледі. Мектеп жанындағы лагерьлер жұмыс істеген уақытта тамақтандыруды және күндізгі ұйқыны ұйымдастыруға жол беріледі. Тамақтандыруды ұйымдастыру кезінде осы Санитариялық қағидалардың талаптары ескеріледі. Күндізгі ұйқыны ұйымдастыру кезінде жатын үй-жайы бөлінеді, жеке кереуеттер (жазылатын кереуеттер) орнатылады, жеке төсек-орын жабдықтары (жайма, жастықтың тысы, көрпенің тысы) және кемінде екі орамал (аяққа және қолға арналған) көзделеді.

      79. Өндірістік практика оқу-тәрбие процесінің кестесіне сәйкес жүргізіледі. Білім алушылар мен тәрбиеленушілердің технологиялық жабдықты жөндеуіне жол берілмейді.

      80. Ойын және спорт алаңдарының жабдықтарын қоса алғанда, жиһаз бен жабдық білім алушылар мен тәрбиеленушілердің бойына және жасына сәйкес келеді. Спорт, ойын жабдығы жарамды күйде ұсталады.

       81. Оқу жиhазын іріктеп алуды білім алушылардың бойына сәйкес жүргізеді. Оқу жиһазының өлшемдері осы Санитариялық қағидаларға 5-қосымшада көрсетілген.

      82. Объектілерде оқу кабинеттері, зертханалар жұмыс үстелдерімен, арқалығы бар орындықтармен жабдықталады.

      Мынадай білім алушылар мен тәрбиеленушілер:

      есту, көру қабілеті бұзылған білім алушылар мен тәрбиеленушілер тақтаға жақын, алдыңғы қатардағы үстелдерге;

      жиі суық тиіп ауыратын білім алушылар мен тәрбиеленушілер сыртқы қабырғадан алыс отырғызылады.

      83. Оқу үй-жайларындағы жиһаз сол жақ бүйірден табиғи жарықтандыру қамтамасыз етіле отырып, орнатылады. Негізгі жарық ағынының білім алушылар мен тәрбиеленушілердің алдынан және арт жағынан түсуіне жол берілмейді.

      84. Физикалық және химиялық реагенттерді пайдалана отырып, зертханалық жұмыстарды жүргізу үшін физика мен химия кабинетіндегі демонстрациялық және оқу зертханалық үстелдерге электр энергиясын жүргізу, химия кабинетінде (орталықтандырылған сумен жабдықтау болғанда) су және кәріз жүргізу көзделеді.

      Химия кабинетінде сыртқа тарту шкафы жабдықталады.

      85. Тәжірибелер жүргізу үшін пайдаланылатын химиялық реагенттер, қышқылдар мен сілтілер таңбаланады, жауапты адамның бақылауымен арнайы бөлінген сейфте сақталады.

      86. Оқу шеберханаларында мамандандырылған верстактарда және үстелдерде жұмыс істеу кезінде өздерінің мақсатына сәйкес арқалығы жоқ көтеріліп-бұрылатын отырғыштар қолданылады.

      87. Шеберханалар шуы аз жабдықпен жарақталады, шу мен діріл деңгейлері нормалау құжаттарының талаптарына сәйкес келеді.

      88. Спорт залдарының жанындағы киім шешетін орындар киімге арналған шкафтармен немесе ілгіштермен және орындықтармен жабдықталады.

      89. Спорттық төсеніштер мен снарядтардың жабыны (қаптамасы) ылғалды тәсілмен өңдеуге және дезинфекциялауға жол беретіндей бүтін болады.

      90. Секіруге арналған шұңқырларды үгінділер қосылған таза құммен (тас, бұтақтар, жапырақтары жоқ) толтырады, секіру алдында іші қопсытылады және тегістеледі. Шұңқырлардың ағаш ернеулері жердің бетімен бір деңгейде болуы тиіс, олар брезентпен немесе резеңкемен қапталады.

      Жүгіру жолдарының бетінің қатты, жақсы құрғатылатын жабыны болуы, нығыз, шаңданбайтын, атмосфералық жауын-шашынға төзімді жоғарғы қабаты болуы тиіс.

      91. Орталықтандырылған сумен жабдықтау жүйесі болмаған жағдайда су құятын қолжуғыштарды орнатуға жол беріледі.

      92. Объектілердің санитариялық тораптарында унитаздар, қол жуатын раквиналар, қолды жууға және кептіруге арналған құралдар, қоқыс жинауға арналған қоқыссалғыштар орнатылады. Білім алушылар мен тәрбиеленушілерге арналған унитаздар жабық кабиналарда орналастырылады, білім беру объектілерінің мектеп алды сыныптары үшін балаларға арналған унитаздар орнатылады.

       Объектілердің оқу және тұрғын корпустарындағы санитариялық аспаптарға қажеттілік осы Санитариялық қағидаларларға 6-қосымшаға сәйкес көзделеді.

      Халықтың жүріп-тұруы шектеулі топтар үшін санитариялық құралдардың орнатылуы және оларға қажеттілік сәулет, қала құрылысы және құрылыс саласындағы мемлекеттік нормативтердің талаптарына сәйкес нормаланады.

      93. Білім алушылар мен тәрбиеленушілер үшін сатып алынған өнімдердің (ойыншықтар, аяқ киім, киім, ыдыс, жеке гигиена құралдары, мектеп және жазу құралдары, төсек-орын жабдықтары, парфюмерлік-косметикалық өнім, жиһаз) оның сапасы мен қауіпсіздігін растайтын құжаттары болуы тиіс.

 6-тарау. Объектілерде тұру жағдайларына қойылатын санитариялық-эпидемиологиялық талаптар

      94. Білім алушылар мен тәрбиеленушілердің тұруына арналған объектіні бөлек тұрған ғимараттарға, ішіне-жапсарлас салынған ғимараттарға, сондай-ақ оқу корпустарымен көрші ғимараттарға орналастыруға жол беріледі.

      Жатын үй-жайлардағы ауданы 1 орынға кемінде 4 м², полиемиелит және енжар параличтен зардап шеккен балаларға арналған мектеп-интернаттарда 4,5 м² көзделеді.

      ТжКБ, ОБКБ және ЖОО білім алушыларына арналған жатақханаларда 1 адамға кемінде 6 м² аудан көзделеді.

      95. Үй-жайлар олардың функционалдық мақсаттарына сәйкес жиһазбен жабдықталады.

      Төсек-орын жабдықтары, жаңа және ескі киімдер мен аяқ киімдер, қатты мүкәммал қорларын сақтау үшін қойма үй-жайлары көзделеді.

      96. Білім алушылар мен тәрбиеленушілерді тәулік бойы болатын объектілерде шомылдыру төсек-орын жабдықтарын, іш киім мен орамалдарды бір уақытта ауыстыра отырып, кесте бойынша жеті күнде бір реттен сиретпей жүзеге асырылады.

      97. Төсек-орын жабдықтарын, орамалдарды ауыстыру ластануына қарай, бірақ аптасына бір реттен сиретпей жүргізіледі. Лас киім-кешек кір жуатын орынға қаптармен (клеенкалы және мата) жеткізіледі. Матадан тігілген қаптар жууға тапсырылады, клеенкалы қаптар қолдануға рұқсат етілген жуу құралдарымен өңделеді. Таза киім-кешек жуылған қаптарда жеткізіледі. Төсек-орын жабдықтары жылына кемінде бір рет камералы дезинфекциялауға жатады.

      98. Бір жатын орынға кемінде үш төсек-орын жабдығының болуы көзделеді. Білім алушылар мен тәрбиеленушілердің тұратын орны ұйымдастырылған объектілерде төсек-орын керек-жарақтары мен төсек-орын жабдықтары таңбаланады, жеке гигиенаға арналған заттар (тіс щеткалары, тарақтар, жөкелер) әр балаға жеке бөлінеді. Жеке тіс щеткалары, жөкелер жуынатын бөлмелердегі ашық ұяшықтарда сақталады.

      99. Кір жуу объектінің кір жуатын орнында жүзеге асырылады, таза және лас киім-кешектің қарама-қарсы ағыны болмайды. Кір жуатын орын болмаған жағдайда кір жуу басқа кір жуатын орындарда бір орталықтан жүргізіледі.

      Инфекциялық аурумен ауырған адамның киім-кешегі жуу алдында таңбаланған ванналарда дезинфекциялауға жатады.

      100. ТжКО, ОБКБ және ЖОО білім алушыларына арналған студенттік жатақханаларда 4-6 адамға 1 себезгі, 1 қол жуатын раквина және 1 унитаз орнатылады. Әйелдердің жеке гигиенасы кабинасы 50 адамға шаққанда 1 кабина есебінен көзделеді және унитазбен, бидемен, себезгімен және қол жуатын раквинамен жабдықталады.

 7-тарау. Объектілердегі тамақтану жағдайларына қойылатын санитариялық-эпидемиологиялық талаптар

      101. Объектілердің ас блогтарына осы Санитариялық қағидалардың талаптарына қайшы келмейтін бөлігінде қоғамдық тамақтану объектілеріне қойылатын нормалау құжаттарының талаптары қолданылады.

      102. Тамақ ішу арасындағы интервал 3,5 – 4 сағаттан аспауы тиіс.

       103. Тәрбиелеу және білім беру объектілерінде білім алушылар мен тәрбиеленушілерді тамақтандыру нормалары ("брутто" массасында) "Әлеуметтік көмек көрсетілетін азаматтарға әлеуметтік көмектің мөлшерін, көздерін, түрлерін және оны беру қағидаларын бекіту туралы" Қазақстан Республикасы Үкіметінің 2012 жылғы 12 наурыздағы № 320 қаулысымен регламенттелген.

      104. Объектіде перспективалық маусымдық (жаз-күз, қыс-көктем) екі апталық ұтымды, үйлестірілген мәзір жасалады. Мәзірді әзірлеу кезінде білім алушылар мен тәрбиеленушілердің болу ұзақтығы, жас санаты ескеріледі, витаминдік-минералдық кешенмен байытылған тамақ өнімдері көзделеді.

      105. Жалпы білім беретін ұйымдардың бірінші ауысымының білім алушылары үшін бір-екі рет тамақтану – екінші таңғы ас немесе екінші таңғы ас пен түскі ас, екінші ауысымның білім алушылары үшін – бесін ас, ұзартылған күн топтары үшін – екінші таңғы ас, түскі ас және бесін ас көзделеді. Балалар тәулік бойы болатын кезде кемінде бес рет тамақтану көзделеді.

       106. Жасқа байланысты граммен тағам порцияларының массасы осы Санитариялық қағидаларға 7-қосымшада көрсетілген.

       107. Осы Санитариялық қағидаларға 8-қосымшаға сәйкес тамақ өнімдерін ауыстыруға жол беріледі.

      108. Мәзірде бірдей тағамдарды немесе аспаздық өнімдерді бір күнде және келесі екі-үш күнтізбелік күнде қайталауға жол берілмейді.

      109. Күн сайын тамақтану рационына ет, сүт, сары май және өсімдік майы, қара бидай және (немесе) бидай наны, көкөністер және қант енгізіледі. Балық, жұмыртқа, ірімшік, сүзбе, құс еті екі-жеті күнтізбелік күнде бір рет енгізіледі.

      110. Таңғы ас тағамнан (бірінші немесе екінші) және сусыннан (компот, кисель, шай және шырындар) тұрады. Жұмыртқаны, шырындарды, жемістерді, сары маймен немесе ірімшікпен бутербродтарды таңғы асқа енгізуге немесе жеке қабылдауға жол беріледі.

      Түскі асқа салат, бірінші, екінші тағам (негізгі тағам еттен, балықтан немесе гарнирі бар құс еті) және үшінші (компот, кисель, шай және шырындар) кіреді. Пісірілген және жас көкөністерден оңай жасалатын салаттар дайындалады.

      Бесін аста мәзірге тоқашпен және кремі жоқ кондитерлік өнімдермен бірге сусын (сүт, қышқыл сүт өнімдері, кисель, шырындар) енгізіледі.

      Кешкі ас көкөніс (сүзбе) тағамынан немесе ботқадан, негізгі екінші тағамнан (ет, балық немесе гарнирі бар құс еті), сусыннан (шай, шырын, кисель) тұрады.

      Қосымша екінші кешкі ас ретінде жемістер немесе қышқыл сүт өнімдері, тоқаш немесе кремі жоқ кондитерлік өнімдер енгізіледі.

      111. Күн сайын тамақ ішетін залда объектінің басшысы бекіткен мәзір ілінеді, онда тағамдардың атауы, әр дайын тағамның шығымы көрсетіледі. Мәзірде көрсетілген тағамдар мен аспаздық өнімдердің атаулары пайдаланылған рецептуралар жинақтарында көрсетілген атауларға сәйкес келуі тиіс.

       112. Тамақ өнімдерін және азық-түлік шикізатын қабылдау осы Санитариялық қағидаларға 9-қосымшаның 1-нысанына сәйкес деректер тез бұзылатын тамақ өнімдері мен жартылай фабрикаттардың бракераж журналына енгізіле отырып, олардың сапасы мен қауіпсіздігін растайтын құжаттар бар болған жағдайда жүзеге асырылады.

      Тамақ өнімінің сапасы мен қауіпсіздігін растайтын құжаттар қоғамдық тамақтану ұйымында сақталады.

      113. Білім алушылар мен тәрбиеленушілерді тамақтандыруда көрсетілген тамақ өнімінің сапасы мен қауіпсіздігін растайтын зертханалық-аспаптық зерттеулер нәтижелері болған кезде, ауыл шаруашылығы мақсатындағы ұйымдарда, білім беру ұйымдарының оқу-тәжірибелік және бақша учаскелерінде, жылыжайларында өсірілген өсімдіктен алынған азық-түлік шикізатын пайдалануға жол беріледі.

      114. Білім алушылар мен тәрбиеленушілердің ас блогының өндірістік үй-жайларында болуына және оларды тағам дайындаумен, көкөністерді тазалаумен, дайын тағамды таратумен, нан тураумен, ыдыс жуумен, өндірістік үй-жайларды жинаумен байланысты жұмыстарға тартуға жол берілмейді.

      115. Сусындарды құю тікелей тұтынушының ыдысына (стақандарға, бокалдарға) жүзеге асырылады, тарату алдында ортақ ыдысқа құюға жол берілмейді.

       116. С витаминімен витаминдеуді балалар тәулік бойы болатын ұйымдарда осы Санитариялық қағидаларға 9-қосымшаның 2-нысанына сәйкес деректерді С-витаминдеу журналына енгізе отырып, С витаминінің тәуліктік нормасы есебінен мектеп жасындағы балалар үшін – 70 миллиграмм мөлшерінде жүргізеді.

      117. Тамақ өнімдерінің жарамдылық мерзімдері және оларды сақтау шарттары өндіруші (дайындаушы) белгілеген жарамдылық мерзімдеріне сәйкес келеді.

      118. Тез бұзылатын тамақ өнімдерін сақтау температурасы төмен тоңазыту жабдықтарында және (немесе) тоңазыту камераларында және (немесе) тоңазытқыштарда жүзеге асырылады. Температураны бақылау үшін термометрлер орнатылады. Сынап термометрлерін пайдалануға жол берілмейді.

      119. Тәрбиелеу және білім беру объектілерінің қоғамдық тамақтану ұйымдарында мыналарды:

      1) қатық, сүзбе, айранды;

      туралған ет қосылған құймақтарды;

      флотша макаронды;

      зельцтер, форшмактар, сілікпелер, паштеттерді;

      кремі бар кондитерлік өнімдерді;

      тұтыну қаптамасындағы кондитерлік өнімдер мен тәттілерді (шоколад, кәмпит, печенье);

      морстар, квастарды;

      фритюрде қуырылған өнімдерді;

      шала пісірілген жұмыртқа, қуырылған жұмыртқаны;

      күрделі (4 компоненттен артық) салаттарды; қаймақ пен майонез қосылған салаттарды;

      окрошканы;

      саңырауқұлақтарды;

      өнеркәсіпте дайындалмаған (үйде дайындалған) тамақ өнімдерін;

      тез дайындалатын құрғақ тағамдық концентраттар негізіндегі бірінші және екінші тағамдарды;

      газдалған, емдік және емдік-асханалық минералдық суды, тәтті алкогольсіз сусындарды, алкогольсіз энергетикалық (сергітетін) сусындарды, диффузиялық қойылтылған шырындарды (қаптамаланған минералды және ауыз суды қоспағанда);

      фаст-фудтар: гамбургерлер, ход-догтар, чипсілер, кептірілген нан, қытырлақ нанды;

      ащы тұздықтар, кетчуптар, ащы дәмдеуіштерді (бұрыш, ақшелкек, қыша) дайындауға және өткізуге;

      2) мыналарды:

      пастерленбеген сүтті, термиялық өңделмеген сүзбені және қаймақты;

      суда жүзетін құстың жұмыртқасы мен етін;

      ауыл шаруашылығы малының сырқаттанушылығы бойынша қолайсыз шаруашылықтардың сүтін және сүт өнімдерін;

      тіл, жүректі қоспағанда өнімді мал мен құстың субөнімдерін;

      механикалық түрде сылынып алынған өнімді малдың етін және құс етін;

      құс етінен алынған құрамында коллаген бар шикізатты;

      сойылған өнімді мал мен құстың қайта мұздатылған өнімдерін;

      генетикалық түрлендірілген шикізаттар және (немесе) құрамында генетикалық түрлендірілген көздер бар шиізаттарды;

      йодталмаған тұзды және құрамында темір бар витаминдермен, минералдармен байытылмаған (фортификацияланбаған) жоғарғы және бірінші сұрыпты бидай ұнын пайдалануға жол берілмейді.

      120. ЖОО-ны қоспағанда білім беру объектілерінде тамақ өнімдерін өткізетін автоматтарды орнатуға жол берілмейді.

      121. Жаппай сауықтыру емшарасы ретінде оттегі коктейльдерін өткізуге жол берілмейді.

       122. Күн сайын медицина қызметкері немесе жауапты адам осы Санитариялық қағидаларға 9-қосымшаның 3-нысанына сәйкес тағамдардың және аспаздық өнімдердің сапасын органолептикалық бағалау журналына жазба енгізе отырып, дайын тағамдардың сапасына органолептикалық бағалау жүргізеді.

      Тамақтану сапасын мерзімдік бағалауды бракераж комиссиясы жүргізеді, оның құрамы міндетті түрде құрамына медицина, әкімшілік қызметкері, өндіріс меңгерушісі және ата-аналар комитетінің өкілі енгізіле отырып, обьекті басшысының бұйрығымен айқындалады.

      123. Күн сайын ас блогында аспазшы нақты ас мәзіріне сәйкес дайын өнімнің тәуліктік сынамасын қалдырады. Сынамаларды қақпағы бар таза (қайнатылып өңделген) шыны ыдысқа (гарнирлерді бөлек ыдысқа салады) іріктейді. Іріктелген тәуліктік сынамалар кемінде 48 сағат арнайы тоңазыту жабдығында немесе +2 °C – +6 °C температурада дайын тамақ өнімдерін сақтауға арналған тоңазытқыш жабдығының арнайы бөлінген орнында сақталады, 48 сағат өткеннен кейін тәуліктік сынама тамақ қалдықтарына тасталады.

 8-тарау. Өндірістік бақылауға, персоналдың еңбек және тұрмыстық қызмет көрсету жағдайларына қойылатын талаптар

      124. Объектіде нормалау құжаттарының талаптарына сәйкес өндірістік бақылау ұйымдастырылады және жүргізіледі.

      125. Объектіде персоналдың еңбек жағдайын және жеке гигиена қағидаларын сақтауына жағдай жасалады.

      126. Ас блогының жұмыскерлері, техникалық персонал арнайы киіммен (халат немесе шалбары бар күрте, бас киім, аяқ киім) қамтамасыз етіледі.

      Объектілердің жұмыскерлері жеке және өндірістік гигиенаны сақтайды: қолдың тазалығын бақылайды, таза арнайы киім мен аяқ киім киеді, объектіден шығу және дәретханаға бару алдында арнайы киімін шешеді, жұмыс басталу алдында және дәретханаға барғаннан кейін, сондай-ақ жұмыстағы әрбір үзілістен соң және лас заттармен жанасқанда қолдарын сабынмен жуады.

      127. Білім беру объектілерінің асхана жұмыскерлері жұмыс басталу алдында шаштарын орамалдың немесе қалпақтың астына жинайды, бұйымдарды (сағаттарды, сақиналарды, білезіктерді) шешеді, тырнақтарын қысқа етіп қиады және оларды лакпен боямайды.

      Жұмыскерлердің өндірістік үй-жайларға арнайы киімсіз кіруіне және оның үстінен өзге киімді киюіне жол берілмейді.

      Арнайы киім жеке заттарынан бөлек сақталады.

      128. Шикізат пен дайын өнімге бөгде заттардың түсуін болдырмау үшін өндірістік үй-жайларда ұсақ шыны және металл заттарды (технологиялық мүкәммалдан басқа) әкелуге және сақтауға, арнайы киімді түйреуішпен, инемен түйреуге және халаттың қалталарында жеке заттарды сақтауға жол берілмейді.

      129. Қол жуу үшін ыстық және салқын су өткізілген қол жуатын раквиналар, қол жууға және құрғатуға арналған құралдар орнатылады.

      130. Тамақ ішу қатаң түрде бөлінген жерлерде рұқсат етіледі.

 9-тарау. Объектілердегі медициналық қамтамасыз етуге қойылатын санитариялық-эпидемиологиялық талаптар

      131. Білім беру объектілерінде медициналық қызмет көрсету қамтамасыз етіледі.

      Медицина қызметкері болмаған жағдайда медициналық қызмет көрсетуді медициналық-санитариялық алғашқы көмек ұйымы жүзеге асырады.

      132. Жетім балалар мен ата-аналарының қамқорлығынсыз қалған балаларға арналған білім беру ұйымдарына, КТБО-ға жаңа келіп түскен білім алушылар мен тәрбиеленушілер үшін изолятор бокстар көзделеді.

      133. Білім беру объектілерінде медициналық пункттегі үй-жайлардың ең аз жиыны медицина қызметкерінің кабинетін және емшара кабинетін қамтиды.

      Тұратын орындар ұйымдастырылатын объектілерде, жатақханаларда бірінші қабатта изоляторы бар медициналық пункт көзделеді.

      134. Изолятор палаталары өтпелі болмауы тиіс, олардың арасында биіктігі 1,2 м әйнектелген қалқа құрылғысы бар медициналық кабинетпен көрші орналасуы тиіс.

      135. Білім алушылар аз уақыт болатын білім беру ұйымдарында, сондай-ақ мектептен тыс объектілерде медициналық кабинет көзделмейді.

      136. Емшара кабинетінде профилактикалық егулер жүргізуге жол беріледі. Медициналық емшаралар мен профилактикалық егулерді бір мезгілде жүргізуге жол берілмейді.

      137. Селолық елді мекендерде орналасқан ұйымдарда медициналық пункттің қажетті үй-жайлар жиыны болмаған кезде медициналық пункттер үшін ауданы кемінде 12 м² болатын бөлме жабдықталады.

       138. Медициналық пунктті жарақтандыруға арналған медициналық жабдықтар мен құрал-саймандардың ең аз тізбесі осы Санитариялық қағидаларға 10-қосымшада белгіленген.

       139. Эпидемиологиялық қауіптілік дәрежесі бойынша ықтимал қауіпті қалдықтарға жататын медициналық қалдықтар пайда болған кезде оларды "Өндіріс және тұтыну қалдықтарын жинауға, пайдалануға, қолдануға, залалсыздандыруға, тасымалдауға, сақтауға және көмуге қойылатын санитариялық-эпидемиологиялық талаптар" санитариялық қағидаларын бекіту туралы" Қазақстан Республикасы Денсаулық сақтау министрінің міндетін атқарушының 2020 жылғы 25 желтоқсандағы № ҚР ДСМ-331/2020 бұйрығына сәйкес залалсыздандырады және жояды.

      140. Аурудың созылмалы түрлерімен, тәуекел факторларымен диспансерлік есепте тұрған, сондай-ақ жекелеген жіті аурулармен ауырған білім алушылар мен тәрбиеленушілер құрылған жоспарға сәйкес диспансерлік бақылауға және сауықтырылуға жатады.

      141. Емдеу-профилактикалық және сауықтыру іс-шараларын медицина персоналы жүргізеді. Обьектілерде білім алушылар мен тәрбиеленушілердің денсаулығын нығайтуға, сырқаттанушылықтың алдын алуға және оны төмендетуге бағытталған сауықтыру іс-шараларының кешенді жоспары жасалады.

      142. Білім беру ұйымдарына түсетін білім алушылар мен тәрбиеленушілер медициналық тексеріп-қараудан өтеді.

      143. Білім беру объектілерінің қызметкерлері мен ас блогының персоналында жұмысқа жіберілгені туралы белгісі бар жеке медициналық кітапшалары болады.

      144. Іріңді тері аурулары, іріңдеген тіліктер, күйіктер, жаралары бар адамдар, инфекциялық аурулармен ауыратын науқастар немесе олардың қоздырғыштарын тасымалдаушылар, сондай-ақ науқастармен және тасымалдаушылармен байланыста болған адамдар тиісті медициналық зерттеп-қарау жүргізілгенге дейін және дәрігердің қорытындысына дейін жұмысқа жіберілмейді.

      145. Медицина қызметкері мектептен тыс объектілерден басқа объектілерде медициналық кабинетті, құжаттаманы және жататын контингентті профилактикалық медициналық тексеріп-қарау жүргізуге дайындауды, білім алушылар мен тәрбиеленушілерді, персоналды вакцинациялауды жүргізеді.

      146. Объектілердің медицина қызметкерлері мен әкімшілігі:

       1) объектілердегі қызметкерлердің профилактикалық медициналық тексеріп-қараудан уақтылы өтуін есепке алуды және осы Санитариялық қағидаларға 9-қосымшаның 4-нысанына сәйкес деректерді ас блогы жұмыскерлерін тексеріп-қарау нәтижелері журналына тіркеу арқылы ас блогы жұмыскерлерінің денсаулығына күн сайын бақылау жүргізеді;

      2) жыл сайын және сұрау салу бойынша сырқаттанушылық, профилактикалық медициналық тексеріп-қарауды өткізу, денсаулық жағдайы бойынша білім алушылар мен тәрбиеленушілерді бөлу (денсаулық топтары), дене бітімінің дамуы, диспансерлік бақылау және жүргізілген сауықтыру топтары бойынша ақпаратты халықтың санитариялық-эпидемиологиялық саламаттылығы саласындағы мемлекеттік органның аумақтық бөлімшелеріне ұсынады;

       3) он күн сайын осы Санитариялық қағидаларға 9-қосымшаның 5-нысанына сәйкес оны кейіннен түзете отырып және тамақ өнімдері нормаларының орындалуын бақылау тізімдемесін жүргізе отырып, күнтізбелік 10 күнге негізгі өнімдер бойынша тәуліктік нормалардың орындалуына талдау жүргізеді.

      147. Білім алушылар мен тәрбиеленушілер немесе персонал арасында инфекциялық аурулар тіркелген жағдайда, сондай-ақ профилактикалық мақсатта білім беру ұйымының басшылығы, оның персоналы және медицина қызметкерлері санитариялық-эпидемияға қарсы және санитариялық-профилактикалық іс-шараларды жүргізеді.

       148. Білім беру ұйымдарында медициналық көмек көрсету Кодекстің 7-бабы 82) тармақшасына сәйкес бекітілетін Медициналық қызмет көрсету қағидаларының талаптарына сәйкес жүзеге асырылады.

      149. Медициналық кабинеттерде өндірушінің нұсқаулығына сәйкес қолдануға рұқсат етілген дезинфекциялау құралдарымен жабдықтар мен мүкәммалға санитариялық-дезинфекциялық өңдеу жүргізіледі.

       150. Білім беру объектілерінде осы Санитариялық қағидаларға 11-қосымшаға сәйкес медициналық құжаттама жүргізіледі.

 10-тарау. Шектеу іс-шаралары, оның ішінде карантин кезеңінде білім беру ұйымдарына қойылатын санитариялық-эпидемиологиялық талаптар

      151. Білім алушылар білім беру ұйымдарының ғимаратына кірген және шыққан кезде:

      1) барлық қызметкерлер мен білім алушылардың медицина қызметкерлері күнделікті таңертеңгі сүзгіні (жанаспайтын термометрия, ғимаратқа кіреберісте қолды антисептикпен өңдеу) жүргізеді;

      2) мектепте жүріп-тұру, оның ішінде баспалдақпен көтерілу "бір жақты қозғалыс" қағидасы бойынша арнайы көрсеткіштермен таңбаланады;

      3) кезекте қашықтықты қамтамасыз ету үшін кірер алдында асфальтқа таңба қойылады;

      4) жалпы білім беру объектісінің үй-жайларында да, ғимаратында да да қашықтықты сақтау үшін сигналдық белгілер қойылады;

      5) объектілерде, білім беру объектісінің аумағында, дәліздерде, үй-жайда оқушылардың қозғалысы кезінде кемінде 1,5 м қашықтықты сақтау;

      6) оқушылардың, персоналдың қолдарын өңдеуге арналған тері антисептигі бар санитайзерлер әр қабатта, әр сыныпта (аудиторияда, кабинетте), санитариялық тораптарда және лас маскаларға арналған таңбаланған сыйымдылықтарда орнатылады;

      7) оқушылар мен қызметкерлерге арналған санитариялық тораптарда дозаторларда сабынның, дозаторларда қолға арналған дезинфекциялық құралдардың болуы, қол жуу қағидалары бар плакаттардың болуы қамтамасыз етіледі.

      152. Сабақ режимін және жұмыс орнын ұйымдастыру кезінде мынадай іс-шараларды жүргізу талап етіледі:

      1) сабақтар арасындағы үзіліс уақыты әр түрлі уақытта әр түрлі сыныптар (топтар) үшін белгіленеді;

      2) кабинеттік жүйені болдырмау;

      3) 1 оқу күніне үстелде оқу құралдары бар (дербес оқулықтар, кеңсе) ресурстық лотокпен бір-бірінен кемінде 1,5 м қашықтықта 1 нақты білім алушыға 1 партаны (үстелді) бекіту;

      4) үй-жайларды толтырудың жобалық қуатын сақтау (асырмау);

      5) таза ауада дене шынықтыру сабақтарын жылы уақытта (ауа температурасы –18 °С төмен емес) ұйымдастыру немесе спорт залдарын үнемі желдету.

      153. Білім беру ұйымдарында эпидемияға қарсы іс-шаралар жүргізіледі:

      1) әр қабаттағы санитариялық бекеттердің жұмысын ұйымдастырылады, мектепке келген кезде (сабақ басталғанға дейін), үзілістерде, көшеде серуендегеннен кейін, санитариялық торапта болғаннан кейін және ластану жағдайларында оқушылардың қолдарын уақтылы жууын (сұйық сабынды пайдаланып қолды жуу) сыныптарда (топтарда) бақылау жүзеге асырылады;

      2) қажетті медициналық жабдықтармен және дәрі-дәрмектермен (термометрлермен, шпательдермен, маскалармен) қамтамасыз ете отырып, медициналық кабинеттер мен изоляторлардың жұмыс істейді (күн сайын температураны өлшеу, ауру белгілерін анықтау, ауырған адамдар анықталған жағдайда оқшаулау үшін);

      3) қызметкерлер арасында жеке (өндірістік) гигиена қағидаларын сақтау және олардың мүлтіксіз орындалуын бақылау қажеттілігі туралы апта сайын нұсқама жүргізіледі;

      4) түшкіру және жөтелу кезінде пайдаланылған маскаларды, сулықтарды кәдеге жарату үшін арнайы орындар ұйымдастырылады;

      5) санитариялық-эпидемиологиялық талаптардың сақталуына жауапты адамды тағайындау (температураны жанаспайтын термометрмен өлшеу, персоналға нұсқаулық беру, жеке қорғаныш құралдарын уақтылы ауыстыру, дезинфекциялау, жуу және антисептикалық құралдардың қажетті қорын қадағалау, нұсқама, термометрия жүргізу журналын жүргізу, респираторларды, сулықтарды кәдеге жарату, жабдықтар мен мүкәммалды өңдеу, үй-жайларды жинау);

      6) коронавирустық инфекциямен ауыратын науқаспен байланыста болған, ауырып сауыққан білім алушылардың білім беру ұйымына баруына дәрігердің білім беру ұйымында болу үшін медициналық қарсы айғақтардың жоқ екендігі туралы медициналық қорытындысы болған кезде жол беріледі;

      7) сырқаттанушылықты тіркеу кезінде сыныпқа, топқа карантин белгіленеді.

      154. Білім беру ұйымдарында инфекциялық аурулардың (респираторлық, ішек, дене қызуының көтерілуі) белгілері бар білім алушылар мен қызметкерлер жіберілмейді.

      Инфекциялық аурулар белгілері бар білім алушылар мен қызметкерлер көрсетілген белгілер анықталған сәттен бастап жедел (кезек күттірмейтін) медициналық көмек бригадасы келгенге дейін не ата-аналары (заңды өкілдері) келгенге дейін дереу оқшауланады немесе үй жағдайында өздігінен оқшаулау жүзеге асырылады.

      155. Білім беру ұйымы инфекциялық аурулардың белгілері бар білім алушылар мен қызметкерлерді кез келген қолжетімді тәсілмен анықтаған кезде халықтың санитариялық-эпидемиологиялық саламаттылығы саласындағы мемлекеттік органның аумақтық бөлімшелерін осы Санитариялық қағидалардың 154-тармағында көрсетілген адамдар анықталған сәттен бастап инфекциялық аурулардың (респираторлық, ішек, жоғары дене температурасы) белгілері бар адамдар туралы хабардар етеді.

      156. Білім беру ұйымдарында ата-аналарды (заңды өкілдерді) және басқа да келушілерді, оның ішінде жүкті әйелдерді және білім беру ұйымдарына барғанға дейін күнтізбелік 14 күн бұрын шетелден келген білім алушыларды (карантин) 65 жастан асқан адамдарды жіберу шектеледі. Ата-аналардың (заңды өкілдердің) балаларды жалпы білім беретін мектептерге алып жүруі мектеп ғимаратының кіреберісіне дейін жүзеге асырылады.

      157. Білім беру ұйымында білім алушылар мен қызметкерлерге көліктік қызмет көрсету жүргізілетін өз көлігі болған кезде жүргізушілер қолдарын өңдеуге арналған антисептикпен және оларды міндетті түрде қажетті жиілікпен ауыстыра отырып, қорғаныш құралдарымен (маскамен), сондай-ақ әрбір рейс алдында автокөлік салонына дезинфекция жүргізу, кейіннен желдету арқылы жабдықталады.

      158. Білім беру ұйымының әкімшілігі үй-жайларды жинауғаарналған дезинфекциялау және жуу құралдарының, қызметкерлердің қолдарын өңдеу, тыныс алу ағзаларының жеке қорғаныш құралдарының азаймайтын (кемінде бір ай) қорын қамтамасыз етеді.

      Дезинфекциялау құралдарымен жұмыс істеуге денсаулық жағдайы бойынша қарсы көрсетілімдері жоқ кәмелетке толған адамдар жіберіледі.

      159. Дезинфекциялау құралдары вирустық инфекциялар кезінде дезинфекциялау режимі көрсетілген, оларға қоса берілетін нұсқаулықты қатаң сақтаған кезде қолданылады.

      160. Дезинфекциялау құралдары өнім берушінің ыдысында (қаптамасында) заттың атауы, оның мақсаты, заттаңбадағы жарамдылық мерзімі көрсетіле отырып сақталады. Ыдыстыңзаттаңбасы дезинфекциялау құралын сақтаудың (пайдаланудың) барлық кезеңінде сақталады, бөгде адамдарға берілмейді және қараусыз қалдырылмайды.

      161. Оқу, жаттығу, өзге де ұйымдастыру процестері мен жұмыс режимінің кестесіне сәйкес ауаны зарарсыздандыру жөніндегі жабдықты пайдалана отырып, ауаны тұрақты зарарсыздандыру және үй-жайларды желдету жүргізіледі.

      162. Вирулицидтік әсер ететін дезинфекциялық құралдары бар сыныптарды күніне кемінде 2 рет ылғалды жинау, есік тұтқаларын, ажыратқыштарды, тұтқаларды, сүйеніштерді, баспалдақ марштарын, байланыс беттерін (жабдықтарды, мүкәммалды, үстелдерді, орындықтарды), жалпы пайдалану орындарын (спорт, акт залдары, киім ілетін орындар, асхана, санитариялық тораптар) міндетті түрде дезинфекциялау, сондай-ақ профилактикалық тексеру, жөндеу, оның ішінде сүзгілерді ауыстыру, ауа өткізгіштерді дезинфекциялау жүргізе отырып, желдету жүйелері мен ауаны баптау жүйелерінің үздіксіз жұмысы қамтамасыз етіледі.

      Үй-жайларды күрделі жинау аптасына кемінде 1 рет жүргізіледі.

      163. Жинау мүкәммалы (шелектер, щеткалар, шүберектер) пайдаланылғаннан кейін арнайы бөлінген орындарда өңделуге және сақталуға жатады.

      164. Білім беру ұйымдарында ауыз су режимін сақтау қамтамасыз етіледі.

      Ауыз су, оның ішінде ыдыстарға құйылған (графиндер, шәйнектер, бөшкелер) немесе қауіпсіздік сапасының көрсеткіштері бойынша бөтелкеге құйылған су нормалау құжаттарының талаптарына сәйкес келеді.

      Жеке бөтелкедегі ыдысты пайдалануға рұқсат етіледі. Ішу үшін таза ыдысты (шыны, фаянс, бір рет қолданылатын стақандар) пайдаланады. Қайнатылған ауыз суды үш сағаттан аспайтын уақыт сақтаған жағдайда пайдалануға жол беріледі.

      Ауыз су режимін ұйымдастыру үшін объект басшысының бұйрығымен жауапты адам тағайындалады, білім алушылар мен тәрбиеленушілердің объектіде болған барлық уақыт ішінде ауыз суға еркін қол жеткізуі қамтамасыз етіледі.

      165. Бастауыш, орта және негізгі орта деңгейдегі білім беру ұйымдарында асханада тамақтану қалыптасқан эпидемиологиялық жағдайға байланысты жергілікті атқарушы органдардың шешімі бойынша және тиісті аумақтардың бас мемлекеттік санитариялық дәрігерлерінің келісімі бойынша ұйымдастырылады.

      166. Асханада оқушыларды отырғызу олардың арасындағы кемінде 2 м әлеуметтік қашықтықты сақтай отырып қамтамасыз етіледі.

       167. Бірнеше рет қолданылатын ыдыстарды пайдалану кезінде – оны өңдеуді арнайы жуу машиналарында, оны пайдалану жөніндегі нұсқаулыққа сәйкес, 65 ^оС төмен емес температурада 90 минут бойы ыдыс-аяқ пен асхана аспаптарын дезинфекциялауды қамтамасыз ететін өңдеу режимдерін қолдана отырып немесе оларды қолдану жөніндегі талаптарға сәйкес дезинфекциялау құралдарын қолдана отырып, сол температурада қолмен жүргізеді.

      168. Ыдыс-аяқты қолмен жуу үшін асхана ыдыстарына арналған үш секциялы ванналар, шыны ыдыстар мен асхана құралдарына арналған екі секциялы ванналар көзделуі қажет.

      169. Асхана ыдыстарын қолмен жуу мынадай тәртіппен жүргізіледі:

      1) тамақ қалдықтарын механикалық жою;

      2) ваннаның бірінші секциясында жуу құралдарын қоса отырып, суда жуу;

      3) ваннаның екінші секциясында температурасы 40 °С-тан төмен емес суда жуу және ваннаның бірінші секциясына қарағанда екі есе аз мөлшерде жуғыш заттарды қосу;

      4) ваннаның үшінші секциясында тұтқалары бар металл торда ыдысты температурасы 65 °С төмен емес ыстық ағынды сумен себезгі саптамасы бар икемді шланг көмегімен шаю;

      5) барлық асхана ыдыстары мен аспаптарын оларды қолдану жөніндегі нұсқаулыққа сәйкес дезинфекциялау құралдарымен өңдеу;

      6) ваннаның үшінші секциясында тұтқалары бар металл торда ыдысты себезгі саптамасы бар икемді шланг көмегімен ағынды сумен шаю;

      7) ыдысты торлы сөрелерде, стеллаждарда кептіру.

      170. Ыдыс жуғыш машина істен шыққан кезде ыдыстарды қолмен жууға жағдай жасау, жуу және дезинфекциялау құралдарымен, щеткамен, шүберекпен қамтамасыз ету және ыдыс жуу сапасын бақылау қажет.

      171. Асхана қызметкерлері (сатушылар, аспазшы, даяшылар, кассирлер және тамақ өнімдерімен тікелей байланысы бар басқа да қызметкерлер) өз қызметтерін қолын жиі өңдей отырып, медициналық немесе мата маскаларын киіп (маскаларды 3 сағатта кемінде 1 рет ауыстыру) көрсетеді.

      172. Жұмыс ауысымы аяқталғаннан кейін (немесе кемінде 6 сағаттан кейін) үй-жайларды дезинфекциялау құралдарын қолдана отырып, есік тұтқаларын, тұтқаларды, үстелдерді, орындықтардың арқаларын (креслолардың шынтақшаларын), тамақтану залына (асханаға) кіре берісте қол жууға арналған Раковиналарды дезинфекциялау сулықтарымен (немесе дезинфекциялау құралдарының ерітінділерімен) сүрту жолымен желдету және ылғалды жинау жүргізіледі.

      173. Вирустар мен микроорганизмдерді жою үшін экспозиция уақыты және препаратқа арналған нұсқаулыққа сәйкес дезинфекциялау құралының жұмыс ерітіндісінің концентрациясы сақталады.

      174. Өңдеуден кейін беті сумен жуылады және қағаз сүлгілердің немесе бір рет қолданылатын сулықтарың (шүберектердің) көмегімен кептіріледі.

      175. Дезинфекциялау құралын пайдалану регламенті жекелеген дезинфекциялау құралдарын қолдану жөніндегі нұсқаулықпен айқындалған, онда дезинфекциялау құралын экспозициядан кейін жуу қажеттілігі немесе қажеттілігінің болмауы түсіндіріледі.

      176. Бір уақытта қолданылатын асхана ыдыстары мен аспаптарының саны ұйымның қажеттіліктерін қамтамасыз етуі керек. Жарықтары, сынықтары, шеттері сынған, пішіні өзгерген, эмалі зақымдалған ыдыстарды пайдалануға жол берілмейді.

      177. Білім беру ұйымдарында сабақтардың аралас және штаттық режимін ұйымдастыру кезінде мынадай көрсетілімдері бар тәуекел тобына жататын педагогтар жұмыс істемейді:

      1) жасы 65 жастан асқан педагог;

      2) қан айналымы жүйесінің қосалқы аурулары бар (артериялық гипертония, созылмалы жүрек жеткіліксіздігі);

      3) жоғарғы тыныс алу жүйесінің қосалқы созылмалы аурулары,эндокринопатиялар, иммун тапшылығы жай-күйі және басқа да ауыр созылмалы аурулар;

      4) жүкті әйелдер.

      Аталған аурулары бар педагогтар қашықтықтанбілім беруге (оқытуға) ауыстыруға жатады.

      178. Білім беру ұйымдарының жатақханаларында демалыс және өзге де бұқаралық іс-шараларды өткізу тоқтатылады, үй-жайларды санитариялық өңдеуге және белгіленген өткізу режимінің қамтамасыз етілуіне бақылау күшейтіледі.

      179. Жатақханадан шығуға оқу сабақтарына қатысу үшін және басқа ерекше жағдайларда жол беріледі. Тұратын адамдардың ғимаратқа кіруіне және одан шығуына, жатақханаларға бөгде адамдардың кіруіне жол берілмейді.

      180. Жатақхананың әрбір қабаты жанаспайтын шашыратқыш диспенсерлермен немесе оларды құюға арналған дезинфекциялық ерітіндісі бар санитайзерлермен жабдықталады.

      181. Жатақханаларда қашықтықтан оқыту үшін жағдай жасалады (тұрмыстық жағдайлармен, компьютермен, интернетпен қамтамасыз ету).

      182. Қашықтықтан оқыту форматында оқу кезінде жатақханаларда тұратын адамдар азық-түлік дүкендері мен дәріханаларда сатып алу үшін шығуды қоспағанда, тұрақты тұратын орындарына немесе өзге де орындарға шықпайды.

      183. Білім алушылар қашықтықтан оқыту режимінде жатақханадан уақытша шыққан кезде жатақханадан шығу уақытын, қайтып келу уақытын және ол жіберілетін орынды көрсете отырып, білім беру ұйымын жазбаша, оның ішінде электрондық байланыс арқылы хабардар етеді.

      184. Білім беру ұйымы кәмелетке толмаған білім алушының жатақханадан шығуы туралы ата-аналарға (заңды өкілдеріне) хабарлайды.

      185. Білім беру ұйымдары жатақханадан шыққаннан кейін қайтып келген білім алушының денсаулық жағдайына қайтып келген күннен бастап күнтізбелік 14 күн ішінде мониторинг жүргізеді.

      186. Жатақханаларда мынадай эпидемияға қарсы іс-шаралар жүргізіледі:

      1) білім алушылардың бірге тамақтануын болдырмау;

      2) дәретханаларда, қолжуғыштарда, себезгі және тұрмыстық бөлмелерде дезинфекциялау құралдарын қолдана отырып, үнемі ылғалды жинауды жүргізу;

      3) жалпы пайдалану орындарын қол жууға арналған құралдармен және антисептиктермен қамтамасыз ету;

      4) жинау жиілігі мен сапасын арттыру (тұтқаларды, таяныштарды, басқа да жанасатын беттердің тұтқаларын қосымша өңдеу);

      5) білім алушылардың жатақханадан шығуы мен кіруін журналға тіркеу;

      6) жатақханада тұруға қалған білім алушылардың дене қызуының көтерілуінің барлық жағдайларын немесе жіті респираторлық вирустық инфекцияның (бұдан әрі – ЖРВИ) өзге де белгілерін журналға тіркеу);

      7) тәуекел топтарын ескере отырып, созылмалы аурулары бар студенттерге ерекше бақылауды қамтамасыз ету.

 1-параграф. Шектеу іс-шаралары, оның ішінде карантин кезеңінде бастауыш, орта және негізгі орта білім беру ұйымдарындағы сабақ режиміне қойылатын санитариялық-эпидемиологиялық талаптар

      187. Мектепалды, 1-11(12) сыныптар үшін оқу процесін ұйымдастыру республикадағы эпидемиологиялық жағдайды ескере отырып, Қазақстан Республикасының Бас мемлекеттік санитариялық дәрігерінің қаулыларымен айқындалатын мектептерді қоспағанда, қашықтықтан жүргізіледі.

      188. Мектептерде тиісті жағдайлар болған кезде (күшейтілген санитариялық талаптар) балалардың ата-аналары мен заңды өкілдерінің өтініштері бойынша ғана санитариялық қауіпсіздіктің қатаң шараларын сақтай отырып, кезекші сыныптарды ашуға рұқсат етіледі. Білім алушылар контингенті республикадағы эпидемиологиялық жағдайды ескере отырып Қазақстан Республикасының Бас мемлекеттік санитариялық дәрігерінің қаулыларымен айқындалады.

      189. Кабинеттерде жүру, мұғалімге бару, сыныптан тыс іс-шаралар мен ата-аналар жиналыстарын өткізу шектеледі.

      190. Кезекші сыныптарда оқытуды ұйымдастыру кезінде мынадай талаптардың орындалуы қамтамасыз етіледі:

      1) сыныптың толымдылығы – 15 баладан аспайды;

      2) сабақтың ұзақтығы – 40 минут;

      3) әр түрлі сыныптар үшін әр уақыттағы өзгерістер;

      4) әр сабақтан кейін кабинеттерді желдету;

      5) әр сабақтан кейін қолды жуу және арнайы құралдарды қолдану;

      6) сабақ кестесі білім беру ұйымының оқу жылына арналған жұмыс оқу жоспарына сәйкес жасалады;

      7) сабақтар кестеге сәйкес өткізіледі;

      8) "бір сынып – бір кабинет" қағидатын сақтау.

       191. Арнайы сыныптарда (мектептерде) кезекші сыныптарды қалыптастыру ерекше білім беру қажеттіліктері бар балалар үшін ата-аналардың немесе заңды өкілдердің өтініштері бойынша жүзеге асырылады. Өтініштер электрондық нысанда қол жетімді байланыс құралдары арқылы осы Санитариялық қағидаларға 12-қосымшаға сәйкес нысан бойынша қабылданады.

      Сырқаттанушылық тұрақты төмендеген кезде Қазақстан Республикасының Бас мемлекеттік санитариялық дәрігерінің қаулысымен эпидемиологиялық жағдайға сәйкес білім беру ұйымының аралас немесе штаттық оқыту режиміне біртіндеп көшуі айқындалады.

      192. Білім беру ұйымдарында оқытуды аралас форматта ұйымдастыру кезінде әлеуметтік қашықтықты, физикалық байланыстарды қысқартуды сақтай отырып, ауысымдар мен кіші ауысымдар ұлғаяды.

      193. Ерекше білім беруге қажеттілігі бар балаларға арналған арнайы мектеп-интернаттардың (оның ішінде ата-анасының қамқорлығынсыз қалған балаларға арналған), білім беру ұйымдарының оқу-сауықтыру, дарынды балаларға арналған мектеп-интернаттардың, жалпы үлгідегі мектеп-интернаттардың, барлық сыртқы байланыстары шектелген мектеп жанындағы интернаттардың жабық режимдегі жұмысын ұйымдастыру ата-аналардың (заңды өкілдердің) өтініштері негізінде жүргізіледі.

      194. Жабық форматта сабақ режимін ұйымдастыру кезінде мынадай талаптарды сақтау қажет:

      1) мектеп-интернатта тұру үшін білім алушылар бір мезгілде келуі жүзеге асырылады;

      2) білім беру ұйымының әкімшілігі жасаған және бекіткен кестеге сәйкес ауысыммен педагогикалық қызметті жүзеге асырылады (мұғалімдер, тәрбиешілер, психологиялық-педагогикалық сүйемелдеу мамандары);

      3) білім беру ұйымдары үшін белгіленген тәртіппен ауысымға түсетін педагог қызметкерлердің денсаулық жағдайын бақылауды жүзеге асырылады;

      4) білім беру процесін жабық режимде жүзеге асыратын мұғалімдер, тәрбиешілер мен мамандар үшін тұру, тамақтану, педагогикалық процеске дайындалу үшін жағдайларды қамтамасыз етіледі;

      5) оқу-тәрбие процесіне тікелей қатысы жоқ әкімшілік-басқару құрамының, қосалқы және техникалық қызметтердің қызметі қашықтықтан да, штаттық режимде де жүзеге асырылуы мүмкін.

      6) штаттық режимде қызметті ұйымдастыру кезінде педагогикалық ұжымның, техникалық қызметтердің байланыстарын болдырмайды.

      7) интернет-ресурстарды, басқа да қол жетімді байланыс құралдарын пайдалана отырып, ата-аналармен (заңды өкілдермен) қашықтық тәртіппен байланысты жүзеге асырылады;

      8) сабақтың ұзақтығы - 40 минут деп белгіленеді;

      9) әр түрлі сыныптар үшін әр уақыттағы үзілістер белгіленеді;

      10) әр сабақтан кейін кабинеттерді желдету жүргізіледі;

      11) әр сабақтан кейін қолды жуу және арнайы құралдарды пайдалану;

      12) сабақ кестесі білім беру ұйымының оқу жылына арналған жұмыс оқу жоспарына сәйкес жасалады;

      13) сабақтар кестеге сәйкес өткізіледі.

      195. Білім алушының компьютерде жұмыс істеуі сабақ ұзақтығына қойылатын талаптарды сақтай отырып жүзеге асырылады.

      196. Мектепалды сыныптарда және мектептерде тікелей бейнетерминалмен, дербес компьютермен, планшетті дербес компьютермен және ноутбуктермен сабақтардың үздіксіз ұзақтығы оқу сағаты ішінде:

      1) мектепалды, мектепке дейінгі топтарда (сыныптарда) және 1 сыныптарда - 15 минуттан аспайды;

      2) 2-3 сыныптарда - 20 минуттан аспайды;

      3) 4-5-сыныптарда - 25 минуттан аспайды;

      4) 6-8 сыныптарда - 25 минуттан аспайды;

      5) 9-11(12) сыныптарда - 30 минуттан аспайды.

      197. Компьютерлермен және ноутбуктермен тікелей жұмыс істеу ұзақтығы 2 сағаттан аспайды. Жұмыс кезеңінде профилактикалық іс-шаралар жүргізіледі: әр 20-25 минут сайын көзге арналған жаттығулар және үзіліс кезінде 45 минуттан кейін дене шынықтыру үзілісі.

      198. Арнайы білім беру ұйымдарында (психологиялық-медициналық-педагогикалық консультациялар (бұдан әрі – ПМПК), психологиялық-педагогикалық түзету кабинеттерінде (бұдан әрі – ППТК), оңалту орталықтарында (бұдан әрі – ОО) жұмысты ұйымдастыру жергілікті атқарушы органдардың шешімі және тиісті аумақтардың бас мемлекеттік санитариялық дәрігерлерінің келісімі бойынша қашықтықтан оқыту технологияларын қолдана отырып, қашықтықтан, штаттық режимде жүргізіледі.

      199. ППТК-да ерекше білім беру қажеттіліктері бар балалармен психологиялық-педагогикалық процесті ұйымдастыру белгіленген оқу жүктемесіне, жеке және кіші топтық бағдарламаларға, жеке кестеге және бірнеше ауысымдағы сабақ кестесіне сәйкес жүзеге асырылады.

      200. Жеке және кіші топтық сабақтарды оларды кезектестіре отырып өткізуге жол беріледі: біреуі штаттық режимде – біреуі педагогтің қашықтықтан қол жеткізу мүмкіндігімен қашықтықтан форматта (ұйымнан тыс).

      201. ППТК-да кіші топтық сабақтар баланың ата-анасын (заңды өкілдерін) қоса отырып, 5 баладан аспайтын құрамда өткізіледі.

      202. ППТК жағдайындағы сабақтардың ұзақтығы ерте жастағы балалар үшін 20-25 минутты, мектепке дейінгі және мектеп жасындағы балалар үшін 30-35 минутты құрайды. Сабақтар арасындағы аралық 10-15 минутты құрайды.

      203. Емдік дене шынықтыру (бұдан әрі – ЕДШ) залда ата-аналары (заңды өкілдері) ата-анасы (заңды өкілдері) мен педагог (1-1,5 м) арасындағы қауіпсіз қашықтықты сақтай отырып, сабаққа қатыса отырып өткізіледі. Сабақтарға балаларды алып жүретін адамдардың мынадай санаттары жіберілмейді:

      1) расталған коронавирустық инфекциямен байланыста болғандар;

      2) жүкті әйелдер;

      3) 65 жастан асқан адамдар;

      4) жедел респираторлық аурулардың белгілері бар адамдар. ЕДШ нұсқаушысының баламен жұмысы бір рет қолданылатын қолғаптар мен маскаларды пайдалана отырып жүргізіледі.

      204. Ауырып сауыққан балаға және (немесе) ол коронавирустық инфекциямен ауыратын науқаспен байланыста болған жағдайда, ППТК-да сабақтарды жалғастыру үшін медициналық қарсы көрсетілімдердің жоқтығы туралы дәрігердің медициналық қорытындысы болған кезде жол беріледі.

      205. ОО-да ерекше білім беру қажеттіліктері бар балалармен оқу-дамыту және психологиялық-педагогикалық процесті ұйымдастыру белгіленген оқу жүктемесіне, жеке, топтық және топтық бағдарламаларға, жеке кесте мен сабақ кестесіне сәйкес жүзеге асырылады.

      206. Жеке және кіші топтық сабақтарды кезектестіре отырып өткізу: инфекциялық сырқаттанушылық бойынша санитариялық-эпидемиологиялық жағдай жақсарғанға дейін біреуі штаттық режимде – біреуіқашықтықтан форматта. Педагогтың қашықтықтан қол жеткізу мүмкіндігімен (ұйымнан тыс) қашықтықтан оқыту форматында сабақтар өткізу жүргізіледі.

      207. Сабақтарды штаттық режимде ұйымдастыру кезінде мүмкіндігінше баламен дене байланысын шектеу, мүмкіндігінше баланың қажетті ойыншықтары мен үйдегі дидактикалық материалдары пайдаланылады.

      208. РО-да кіші топтық сабақтар баланың ата-анасын (заңды өкілдерін) қоса отырып, 5 баладан аспайтын құрамда өткізіледі.

      209. Сабақтың ұзақтығы ерте жастағы балалар үшін 20-25 минутты, мектепке дейінгі және мектеп жасындағы балалар үшін 30-35 минутты құрайды. Сабақтар арасындағы интервал 10-15 минутты құрайды.

      210. ЕДШ сабаққа ата-ананы (заңды өкілдерін) қосып, ата-ана мен педагог арасындағы қауіпсіз қашықтықты сақтай отырып, қатаң түрде залда өткізіледі (1-1,5 м). ЕДШ нұсқаушысының баламен жұмысы маскаларды пайдалана отырып жүргізіледі.

      211. Ата-аналарының (заңды өкілдерінің) қалауы бойынша ОО-да 12 адамнан аспайтын күндізгі және қысқа мерзімді болу топтары штаттық режимде жұмыс істеуі мүмкін.

      212. Физиопроцедураларды, массаждарды жүргізу кезінде кушеткалар арасындағы қауіпсіз қашықтықты сақтай отырып, бөлмеде 2-ден аспайтын баланың болуын шектеу. Баламен медициналық процедуралар маскаларды қолдану арқылы жүзеге асырылады.

      213. ПМПК балаларды консультацияға алдын ала жазылу бойынша қызметті жүзеге асырады.

      214. ПМПК-да диагностикалық топ болған жағдайда ерекше білім беру қажеттіліктері бар балалармен қашықтықтан режимде жұмысты ұйымдастыру ОО және ППТК үшін іс-шараларға сәйкес жүзеге асырылады.

 2-параграф. Шектеу іс-шаралары, оның ішінде карантин кезеңінде техникалық және кәсіптік, орта білімнен кейінгі білім беру ұйымдарында сабақ режимін ұйымдастыруға қойылатын талаптар

      215. ТжКБ ұйымдары республикадағы эпидемиологиялық жағдайды ескере отырып Қазақстан Республикасының Бас мемлекеттік санитариялық дәрігерінің қаулыларымен айқындалатын режимдерде (қашықтықтан, аралас, штаттық) жұмыс істейді.

      216. ТжКБ ұйымдарында мәдени-бұқаралық және тәрбиелік, бұқаралық спорттық іс-шараларды өткізуге жол берілмейді.

      217. Білім беру бағдарламаларын немесе олардың бөліктерін іске асыру кезінде ТжКБ ұйымы:

      1) үй-жайдағы жобалық қуаттың 30 %-ынан аспаған кезде корпустарда, аудиторияларда адамдардың бір мезгілде болуы қажет;

      2) спорт, акт залдарын топтармен толтыру жобалық қуаттылықтың 30% - нан аспайтын мөлшерде жүзеге асырылады;

      3) 65 жастан асқан адамдар мен ауруы бойынша диспансерлік есепте тұрған адамдар аудиториялық сабақтарды олардың келісімінсіз өткізуге жіберілмейді.

      218. Оқу сабақтары қашықтықтан, аралас және штаттық режимде ұйымдастырылады. Штаттық режимде оқыту барлық санитариялық нормаларды сақтай отырып, күндерді және (немесе) пәндерді кезектестіре отырып (күн шегінде немесе аптаның күндері бойынша) топтарда (немесе кіші топтарда) жүзеге асырылады.

      219. Штаттық, аралас форматтарда оқытуды ұйымдастыру кезінде:

      1) кемінде 1,5 м қашықтың сақталуын ескере отырып, аудиторияларда сабақтар өткізу, кабинеттік жүйенің күшін жоюмен өткізіледі;

      2) әр топ үшін сабақтар арасындағы үзілістер жеке ұйымдастырылады;

      3) кітапханаларда оқу залдары жабылады, тек кітап беру жұмыс істейді;

      4) студенттерге, педагогтарға, өндірістік оқыту шеберлеріне, персоналдарға, ата-аналарға (заңды өкілдеріне) санитариялық-гигиеналық талаптарды сақтау туралы нұсқама жүргізіледі;

      5) жатақханаларда бөлу тұратындар арасындағы әлеуметтік қашықтықты сақтай отырып және бөлмелерді 50 %-ға дейін толтыру арқылы жүзеге асырылады.

 3-параграф. Шектеу іс-шаралары, оның ішінде карантин кезеңінде жоғары және жоғары оқу орнынан кейінгі білім беру ұйымдарында сабақ режимін ұйымдастыруға қойылатын талаптар

      220. ЖОО ұйымдары республикадағы эпидемиологиялық жағдайды ескере отырып, Қазақстан Республикасының Бас мемлекеттік санитариялық дәрігерінің қаулыларымен айқындалатын (қашықтықтан, аралас, штаттық) режимде жұмыс істейді.

      221. ЖОО ұйымдарында эпидемияға қарсы мынадай іс-шаралар жүргізіледі:

      1) оқу және өзге де корпустардың, жатақханалардың ішінде желдету жүйелері мен ауа баптау жүйелері жұмыс істейді, желдету режимі сақталады;

      2) үй-жайдағы жобалық қуаттың 40-50%-ынан асырмай корпустарда, аудиторияларда адамдардың бір мезгілде болуына жол беріледі;

      3) спорттық, акт, ағынды залдарды топтармен толтыру жобалық қуаттың 40-50% - нан аспайтын мөлшерде жүзеге асырылады;

      4) ағынды аудиторияларды (сыйымдылығы 40 адамнан астам), кітапханаларды өңдеу әрбір 4 сағат сайын ылғалды жинау және кейіннен желдету арқылы жүргізіледі;

      5) аудиторияларды (сыйымдылығы 40 адамнан кем) өңдеу күн сайын ылғалды жинау және кейіннен желдету арқылы жүргізіледі;

      6) корпус (корпустар) ішінде қосымша өткізу режимін болжайтын аймақтарға бөлу жүйесі енгізіледі;

      7) зертханалық, практикалық және студиялық сабақтар 1 білім алушыға кемінде 5 м2 қамтамасыз ету арқылы жүргізіледі;

      8) оқу процесінде пайдаланылатын жұмыс орындарында, зертханаларда, аудиторияларда (қажет болған жағдайда) мөлдір қалқалар орнату көзделеді.

      222. Білім алушылар (студенттер, магистранттар, докторанттар, курс тыңдаушылары) үшін бағдарлау апталары шеңберінде орнату сабақтарын өткізуге жол берілмейді.

      223. ЖОО ұйымдарында бұқаралық оқу, тәрбие және спорттық іс-шараларды өткізуге жол берілмейді.

"Білім беру объектілеріне қойылатын санитариялық- эпидемиологиялық талаптар" санитариялық қағидаларына 1-қосымша

 Зертханалық-аспаптық зерттеулер

№	Сынама алу орны	Зертханалық зерттеулер, саны (бірлік)		Зерттеу кезеңділігі
1	2	3		4
1	Білім алушылар мен тәрбиеленушілерге білім беру, тәрбеиелеу, тұру орындарының ұйымдары, барлық түрдегі және типтегі интернат ұйымдары
1.1	ас блоктары	микробиологиялық зерттеулерге тамақ өнімдерінің (шикізат) сынамалары		ағымдағы қадағалау тәртібінде
		микробиологиялық зерттеулерге алынатын дайын тағамдардың сынамалары		ағымдағы қадағалау тәртібінде
		микробиологиялық және санитариялық-химиялық зерттеулерге су сынамалары		ағымдағы қадағалау тәртібінде (жылына бір рет)
		тағамдардың құнарлығы		ағымдағы қадағалау тәртібінде
		термиялық өңдеу сапасы		ағымдағы қадағалау тәртібінде
		сыртқы орта шайындылары		ағымдағы қадағалау тәртібінде
		дезинфекциялау құралдарындағы хлордың қалдығын айқындау		ағымдағы қадағалау тәртібінде
		бактериологиялық, санитариялық-химиялық зерттеулерге жергілікті сумен жабдықтау көздерінен (орталықтандырылған, құдықтар, ұңғымалар, каптаждар) алынатын ауыз су		ағымдағы қадағалау тәртібінде (жылына бір рет)
		персоналды бактериологиялық тасымалдаушылыққа зерттеп-қарау		эпидемиологиялық көрсеткіштер бойынша
1.2	қабылдау бөлмелері, жатын бөлмелер, оқу үй-жайлары, шеберханалар, спорт және музыка залдары, медициналық кабинеттер, демалуға және ұйықтауға арналған үй-жайлар, компьютерлік сыныптар	температурасы, ауаның салыстырмалы ылғалдылығы		объектінің сәйкестігі (сәйкес еместігі) туралы санитариялық-эпидемиологиялық қорытынды берген кезде, ағымдағы қадағалау тәртібінде (жылыту маусымы кезеңінде жылына бір рет)
1.3	зертханалар, химия кабинеті, спорт залдары, шеберханалар, ас блоктары	желдетудің, шудың тиімділігін зерттеу		ағымдағы қадағалау тәртібінде (жылына бір рет)
1.4	су тарату крандары - ғимаратқа, ас блоктарына (бөлек блокта орналасқан кезде) – судың кіру және шығу орындары	су құбыры жүйесінен алынатын су (бактериологиялық және санитариялық-химиялық зерттеулер)		объектінің сәйкестігі (сәйкес еместігі) туралы санитариялық-эпидемиологиялық қорытынды берген кезде, ағымдағы санитариялық қадағалау
1.5.	құдықтар, ұңғымалар, каптаждар және бұлақтар, су тарату крандары	бактериологиялық, санитариялық-химиялық зерттеулерге жергілікті сумен жабдықтау көздерінен (орталықтандырылған, құдықтар, ұңғымалар, каптаждар) алынатын ауыз су		объектінің сәйкестігі (сәйкес еместігі) туралы санитариялық-эпидемиологиялық қорытынды берген кезде, ағымдағы қадағалау тәртібінде
1.6	ыдыстарға өлшеп-құйылған суды пайдаланатын объектілер	ыдыстарға өлшеп-құйылған ауыз су (шөлмектердегі суды қоспағанда)		ағымдағы қадағалау тәртібінде
1.7	жабық жүзу бассейндері және ванналар	бактериологиялық, санитариялық-химиялық, паразитологиялық зерттеуге алынатын су сынамалары		объектінің сәйкестігі (сәйкес еместігі) туралы санитариялық-эпидемиологиялық қорытынды берген кезде, ағымдағы қадағалау тәртібінде
1.8	компьютерлік және мультимедиялық сыныптар, кабинеттер	жұмыс орындарындағы электромагниттік, электростатикалық өрістердің кернеуі, аэроиондардың шоғырлану және униполярлық коэффициент деңгейі, шу		объектінің сәйкестігі (сәйкес еместігі) туралы санитариялық-эпидемиологиялық қорытынды берген кезде, ағымдағы қадағалау тәртібінде
1.9	оқу үй-жайлары, зертханалар, шеберханалар, өзін-өзі дайындау бөлмесі, оқу залы, медициналық кабинет	жасанды жарықтандыру деңгейі		объектінің сәйкестігі (сәйкес еместігі) туралы санитариялық-эпидемиологиялық қорытынды берген кезде, ағымдағы қадағалау тәртібінде
1.10	пешпен немесе автономды, электрсіз жылытылатын үй-жайлар, медициналық кабинеттер	ауа ортасын зерттеу		ағымдағы қадағалау тәртібінде
1.11	ойын алаңдарындағы құмды алаңқай	топырақты зерттеу		ағымдағы қадағалау тәртібінде мамырдан бастап қыркүйекке дейінгі кезеңде
1.12	балалар тауарларының ассортиментін сатып алуды жүзеге асыратын білім беру ұйымдары	балалар тауарларының ассортименті (киім, аяқ киім, ойыншықтар, косметикалық құралдар, кеңсе тауарлары, ыдыс, гигиена құралдары және басқалары)		жылына бір рет
			"Білім беру объектілеріне қойылатын санитариялық- эпидемиологиялық талаптар" санитариялық қағидаларына 2-қосымша

 Арнайы білім беру ұйымдарындағы сыныптардың, тәрбиелеу топтарының, ұзартылған күн топтарының толықтырылуы

Балаларға арналған арнайы білім беру ұйымдары	Сыныптағы (топтағы) балалар саны
	мектеп жасы
1	2
Сөйлеу қабілеті бұзылған:
сөйлеу қабілеті қатты бұзылған	12
жекелеген дыбыстарды айта алмау фонетикалық-фонематикалық дамымаған	12
Есту қабілеті бұзылған:
естімейтін	8
нашар еститін және кейіннен саңырау болған	10
Көру қабілеті бұзылған:
көзі көрмейтін, кейіннен соқыр болған:	8
нашар көретін	12
амблиопия және қылилық	10
жеңіл ақыл-ой кемістігі	10
орташа ақыл-ой кемістігі	6
ауыр ақыл-ой кемістігі	4
психикалық дамуы тежелген	12
тірек-қозғалыс аппараты бұзылған	10
ауыр кемістігі бар	6
эмоциялық-ерік бұзылыстары бар	4

       Ескертпе:

      1. Жергілікті жағдайларға және қаражаттың болуына қарай көрсетілген арнайы білім беру ұйымдарында ұзартылған күн сыныптарын, тәрбиелеу топтарын толықтырудың ұсынылған шекті толықтырудан төмен болуына жол беріледі.

      2. Дене бітімінің кемістігі және ақыл-ой кемістігі бар балалар топтарының саны (арнайы топ) 4 – 6-ны құрауы мүмкін.

"Білім беру объектілеріне қойылатын санитариялық- эпидемиологиялық талаптар" санитариялық қағидаларына 3-қосымша

 Жалпы білім беретін ұйымдардағы апталық оқу жүктемесі

Сынып	0	1	2	3	4	5	6	7		8	9	10	11
Жүктеме сағатпен, аптасына
1	2	3	4	5	6	7	8	9		10	11	12	13
Ең көп оқу жүктемесi	22	24	25	29	29	33	33	34		36	38	39	39
										"Білім беру объектілеріне қойылатын санитариялық- эпидемиологиялық талаптар" санитариялық қағидаларына 4-қосымша

 Қиындығы бойынша пәндердi саралау кестесi

№	Пән		Балл саны
1	2		3
1	Математика, орыс тiлi (қазақ тiлiнде оқытатын мектептер үшiн), Математика, қазақ тiлi (қазақ тiлiнде оқытпайтын мектептер үшiн)		11
2	Шет тiлi, пәндерді шет тiлiнде оқу		10
3	Физика, химия, информатика, биология		9
4	Тарих. Адам. Қоғам. Құқық.		8
5	Қазақ тiлi, әдебиет (қазақ тiлiнде оқытатын мектептер үшiн) Орыс тiлi, әдебиет (қазақ тiлiнде оқытпайтын мектептер үшiн)		7
6	Жаратылыстану, география, өзін-өзі тану, алғашқы әскери дайындық		6
7	Дене шынықтыру		5
8	Еңбек, технология		4
9	Сызу		3
10	Бейнелеу өнері		2
11	Ән сабағы		1
		"Білім беру объектілеріне қойылатын санитариялық- эпидемиологиялық талаптар" санитариялық қағидаларына 5-қосымша

 Оқу жиһазының өлшемдерi

				Кесте
№	Жиhаздың нөмiрлерi	Оқушылар бойының тобы (миллиметрмен)	Білім алушыға қараған үстел жиегiнiң еденнен биiктiгi		Орындықтың алдыңғы жиегiнiң еденнен биiктiгi
1	2	3	4		5
1	1	1000 – 1150	460		260
2	2	1150 – 1300	520		300
3	3	1300 – 1450	580		340
4	4	1450– 1600	640		380
5	5	1600 – 1750	700		420
6	6	1750-ден жоғары	760		460
				"Білім беру объектілеріне қойылатын санитариялық- эпидемиологиялық талаптар" санитариялық қағидаларына 6-қосымша

 Объектілердің оқу және тұрғын корпустарындағы санитариялық аспаптарға қажеттілік

1-кесте

 Жалпы бiлiм беретiн және интернат ұйымдарындағы оқу корпустарының санитариялық аспаптарға қажеттілігі

№	Үй-жай	Өлшем бірлігі	Санитариялық аспаптардың есепті саны
1	2	3	4
1	Оқушылар дәретханалары және қолжуғыштары: қыздарға ұлдарға	1 білім алушы 1 білім алушы	20 қызға 1 унитаз, 30 қызға 1 қолжуғыш 30 ұлға 1 унитаз, 40 ұлға 0,5 писсуар лотогы, 30 ұлға 1 қолжуғыш
2	Персонал дәретханалары және қолжуғыштары (жеке)	2 санторап	1 унитаз, 1 қолжуғыш
3	Әйелдердiң жеке гигиена кабинеті (персоналға арналған)	1 кабина	1 гигиеналық себезгі, 1 унитаз, 1 қолжуғыш
4	Жалпы мектеп үй-жайлары блогындағы акті залы – дәрісханасы жанындағы дәретханалар және қолжуғыштар	2 санторап (әйелдер және ерлер)	30 орындық залға 1 унитаз және 1 қолжуғыш
5	Спорт залдардың киім шешетін орындары жанындағы дәретханалар және себезгілер	1 киім шешетін бөлме	1 унитаз, 1 қолжуғыш, 2 себезгі торы
6	Асханадағы персоналға арналған дәретханалар және себезгiлер	1 санторап және 1 себезгі кабинасы	1 унитаз, 1 қолжуғыш, 1 себезгі торы
7	Қыздарға арналған жеке гигиена кабинасы	1 кабина	1 гигиеналық себезгi, 1 унитаз, бiр кабинаға 1 қолжуғыш, 70 қызға бiр кабина
8	Медициналық кабинеттегі персоналға арналған дәретханалар	1 санторап	1 унитаз, 1 қолжуғыш
9	Тамақ ішетін залдар жанындағы қолжуғыштар: соқыр және нашар көретіндерге арналған мектеп-интернаттарда ақыл-ой кемістігі бар балаларға арналған мектеп-интернаттарда жалпы білім беретін, мамандандырылған ұйымдарда, саңырау мен нашар еститін, тірек-қозғалыс аппараты бұзылған балаларға арналған мектеп-интернаттарда	1 білім алушы 1 білім алушы 1 білім алушы	10 орынға 1 қолжуғыш 15 орынға 1 қолжуғыш 20 орынға 1 қолжуғыш

 Мектептен тыс ұйымдар үшін санитариялық аспаптарға қажеттілік

				2-кесте
№	Үй-жай	Өлшем бірлігі	Санитариялық аспаптардың есепті саны
1	2	3	4
1	Оқушылар дәретханалары: қыздарға ұлдарға	1 білім алушы 1 білім алушы	20 қызға 1 унитаз, 30 қызға 1 қолжуғыш 30 ұлға 1 унитаз, 0,5 писсуар лотогы және 1 қолжуғыш
2	Персонал дәретханалары және қолжуғыштары (жеке)	2 санторап	1 унитаз, 1 қолжуғыш
3	Спорт залдардың киім шешетін бөлмелері жанындағы дәретханалар және себезгілер	1 киім шешетін бөлме	1 унитаз, 1 қолжуғыш 2 себезгі торы

 Жалпы білім беретін, мамандандырылған және арнайы интернат ұйымдары, интернат ұйымдарының жатын корпустары, жетім балалар және ата-ананың қамқорлығынсыз қалған балаларға арналған білім беру ұйымдары, КТБО тұрғын кешендеріндегі санитариялық аспаптар саны

				3-кесте
Үй-жайлар атауы	Өлшеуіш	Санитариялық аспаптар саны
1	2	3
Қыздарға арналған дәретханалар және қолжуғыштар	1 тәрбиеленуші	5 қызға 1 унитаз 4 қызға 1 қолжуғыш 10 қызға 1 аяқ ваннасы
Ұлдарға арналған дәретханалар және қолжуғыштар	1 тәрбиеленуші	5 ұлға 1 унитаз 5 ұлға 1 писсуар 4 ұлға 1 қолжуғыш 10 ұлға 1 аяқ ваннасы
Қыздарға арналған жеке гигиена кабиналары	1 кабина	15 қызға 2 кабина: 1 гигиеналық себезгі 1 унитаз 1 қолжуғыш (биде немесе иілгіш шлангі және тұғырық)
Себезгі кабиналар	1 кабина	10 жатын орынға 1 себезгі торы
Ванналар	1 орын	10 жатын орынға 1 ванна
Киім шешетін орын	1 орын	бір себезгі торына 2 орын (бір орынға ұзындығы 0,5 м орындық)
Себезгі бөлмесіндегі және ваннадағы дәретханалар	1 дәретхана	1 унитаз дәретхана жанындағы шлюзде 1 қолжуғыш
				"Білім беру объектілеріне қойылатын санитариялық- эпидемиологиялық талаптар" санитариялық қағидаларына 7-қосымша

 Жас ерекшелігіне байланысты граммен тағам порцияларының массасы

Тамақ ішу, тағам	Жасы
	6-жастан 11 жасқа дейін	11-18 жастағы
1	2	3
Бірінші тағам	200-250	250-300
Екінші тағам:
Гарнир	100-150	150-180
Ет, котлет, балық, құс еті	80-150	100-180
Көкөніс, жұмыртқа, сүзбе, ет тағамы және ботқа	150-200	200-250
Салат	60-100	100-150
Үшінші тағам	200	200
		"Білім беру объектілеріне қойылатын санитариялық- эпидемиологиялық талаптар" санитариялық қағидаларына 8-қосымша

 Тамақ өнімдерін ауыстыру

№	Ауыстыруға жататын өнім	Граммен салмағы	Ауыстыратын өнім		Граммен салмағы
1	2	3	4		5
1	Сиыр еті	100,0	1-санатты сүйегі бар кесек ет: қой еті, жылқы еті, қоян еті		100,0
			1-санатты сүйегі жоқ кесек ет: қой еті, жылқы еті, қоян еті		80,0
			1-санатты жылқы еті		104,0
			құс еті		100,0
			1-санатты субөнімдер: бауыр, бүйрек, жүрек		116,0
			пісірілген шұжық		80,0
			ет консервілері		120,0
			балық		150,0
			жартылай майлы сүзбе		250,0
			сүт		600,0
2	Майы алынбаған сүт	100,0	кефир, айран		100,0
			қойылтылған стерилденген сүт		40,0
			кілегей		20,0
			майлы сүзбе		30,0
3	Қаймақ	100,0	кілегей		133,0
			сүт		667,0
4	Сүзбе	100,0	сүт		333,0
			ірімшік		40,0
			сүзбе ірімшік		80,0
			қаймақ		50,0
			кілегей		66,0
5	Ірімшік	100,0	сиырдың сары майы		50,0
			қаймақ		125,0
			сүзбе		250,0
			сүзбе ірімшік		200,0
			сүт		825,0
			жұмыртқа		3 шт.
6	Жұмыртқа	1 шт.	ірімшік		33,0
			қаймақ		40,0
			сүзбе		80,0
7	Басы алынған балық	100,0	ет		67,0
			тұздалған майшабақ		100,0
			балықтың жон еті		70,0
			сүзбе		168,0
			ірімшік		50,0
8	Жемістер	100,0	жеміс-жидек шырыны		100,0
			кептірілген алма		20,0
			кептірілген өрік		8,0
			қара өрік		17,0
			жүзім		22,0
			қарбыз		300,0
			қауын		200,0
				"Білім беру объектілеріне қойылатын санитариялық- эпидемиологиялық талаптар" санитариялық қағидаларына 9-қосымша

 Тез бұзылатын тамақ өнімдері мен жартылай фабрикаттардың бракераж журналы

						1-нысан
Азық-түлік шикізаты мен тамақ өнімдерінің келіп түскен күні мен сағаты	Тамақ өнімдерінің атауы	Келіп түскен азық-түлік шикізаты мен тамақ өнімдерінің саны (килограммен, литрмен, данамен)	Келіп түскен азық-түлік шикізаты мен тамақ өнімдерін органолептикалық бағалау нәтижелері	Азық-түлік шикізаты мен тамақ өнімдерін өткізудің соңғы мерзімі	Күндер бойынша азық-түлік шикізаты мен тамақ өнімдерін іс жүзінде өткізу күні мен сағаты		Жауапты адамның Т.А.Ә. (бар болса), қолы	Ескертпе (бар болса)*
1	2	3	4	5	6		7	8

      Ескертпе : * Өнімдерді есептен шығару, кері қайтару фактілері және басқалар көрсетіледі.

 "С – витаминдеу" журналы

					2-нысан
Тағамды дайындау күні және сағаты	Тағамның атауы	Қосылған витаминнің жалпы саны	Бір порциядағы "С" витаминінің мөлшері		Жауапты адамның қолы

 Тағамдардың және аспаздық өнімдердің сапасын органолептикалық бағалау журналы

						3-нысан
Тағамды және аспаздық өнімдерді дайындау күні және сағаты	Тағамның және аспаздық өнімнің атауы	Тағамның және аспаздық өнімнің дайындық дәрежесін қоса алғанда, органолептикалық бағалау	Өткізуге рұқсат ету (уақыты)	Жауапты орындаушы (Т.А.Ә.) (бар болса, лауазымы)		Бракераж жүргізген адамның Т.А.Ә. (бар болса)	Ескертпе
1	2	3	4	5		6	7

      Ескертпе: 7-бағанда дайын өнімді өткізуге тыйым салу фактілері көрсетіледі.

 Ас блогы жұмыскерлерін тексеріп-қарау нәтижелері

													4-нысан
№	Тегі, аты, әкесінің аты (бар болса)	Лауазымы	айы / күндері
			1*	2	3	4	7	8	9	10	11		12	13	14	15… 30
1	2	3	4	5	6	7	8	9	10	11	12		13	14	15	16

       Ескертпе: *дені сау, ауру, жұмыстан шеттетілді, санация жүргізілді, еңбек демалысы, демалыс

 _________ жылғы ___ айына тамақ өнімдері нормаларының орындалуын бақылау тізімдемесі

										5-нысан
№	Тамақ өнімінің атауы	Тамақ өнімінің бір адамға граммен алғандығы г (брутто) нормасы*	Бір адамға күндер бойынша (барлығы) бруттода, граммен алғанда іс жүзінде өнім берілді және (немесе) тамақтанатындар саны					10 күнде 1 адамға бруттомен алғанда барлығы тамақ өнімі берілді		Орташа алғанда 1 адамға күніне	% (+/-)-да нормадан ауытқу
			1	2	3	...	10
1	2	3	4	5	6	7	8	9		10	11

      Ескертпе: _______________________________________________________

"Білім беру объектілеріне қойылатын санитариялық- эпидемиологиялық талаптар" санитариялық қағидаларына 10-қосымша

 Медициналық пунктті жарақтандыруға арналған медициналық жабдықтар мен құрал-саймандардың ең аз тізбесі

№	Медициналық жабдықтар мен құрал-саймандардың атауы		Саны
1	2		3
1	Жазу үстелі		1
2	Орындықтар		2-6
3	Кушетка		1
4	Кеңсе шкафы		1-3
5	Медициналық шкаф		1
6	Керме		1
7	Шыны қақпағы бар медициналық шағын үстел		1-2
8	Тоңазытқыш (вакциналарға және дәрі-дәрмектерге арналған)		2
9	Тонометр		1-2
10	Фонендоскоп		1-2
11	Бактерицидті шам		1-2
12	Медициналық таразы		1
13	Бой өлшегіш		1
14	Вакциналарды тасымалдауға арналған термоконтейнер		1-2
15	Үстелге қоятын шам		1
16	Медициналық термометрлер		20-50
17	Қайшылар		2
18	Қол жуатын раковина		1
19	Педальды қақпағы бар шелек		1
20	Вакциналардың қалдықтарын жоюға арналған ыдыс		2
21	Медициналық халаттар		2
22	Қалпақтар		2
23	Бір рет қолданылатын жаймалар		үнемі болады
24	Бір рет қолданылатын қағаз сүлгілер		үнемі болады
25	Жинауға арналған қоңыр түсті халаттар		1
26	Бір рет қолданылатын бетперделер		10-30
27	Жинау мүкәммалы: шелек, швабра, шүберек, шүберектерді сақтауға арналған сыйымдылықтар, қолғаптар		үй-жай жиынына қарай есептеледі
28	Дезинфекциялау құралдары		3 айға қор
29	Кеңсе тауарлары (журналдар, дәптерлер, желім, қаламсап, қағазтескі, степлер, корректор, папкалар және басқа)		қажеттілігіне қарай
30	Кішкентай бикс		1 дана
31	Үлкен бикс		1 дана
32	Резеңке бұрау		4-6 дана
33	2,0 5,0 10,0 инелері бар шрицтер		10 дана 10 дана 5 дана
34	Пинцет		1 дана
35	Резеңке жылытқы		1-2 дана.
36	Мұзға арналған ыдыс		1-2 дана.
37	Бүйрек тәрізді науа		5 дана.
38	Металл қалақша		40 дана.
39	Аяқ-қолды иммобилизациялауға арналған шиналар		5 дана.
40	Кілемше
41	Сантиметрлік лента		1 дана
42	Көздің көргіштігін анықтауға арналған кестелер		1 дана
43	Дозаторлы сұйық сабын		үнемі болады
		"Білім беру объектілеріне қойылатын санитариялық- эпидемиологиялық талапта" санитариялық қағидаларына 11-қосымша

 Объектілердің медициналық құжаттамасы

      Медициналық құжаттама мыналар болып табылады:

      1) инфекциялық ауруларды есепке алу журналы;

      2) жіті инфекциялық аурулармен байланыстарды есепке алу журналы;

      3) профилактикалық егулер картасы;

      4) профилактикалық егулерді есепке алу журналы;

      5) вакциналардың, басқа бактериялық препараттардың қозғалысын тіркеу журналы;

      6) Манту сынамаларын тіркеу журналы;

      7) Манту сынамасы бойынша зерттеп-қарауға жататын тәуекел тобындағы балаларды тіркеу журналы;

      8) фтизиопедиатрда қосымша зерттеп-қарауға жататын туберкулиннің оң нәтижесі бар адамдар журналы;

      9) гельминттерге зерттеп-қаралатын адамдарды тіркеу журналы;

      10) баланың денсаулық паспорты;

      11) тәуекел тобындағы балалардың тізімдері;

      12) студенттерді флюорографиялық зерттеп-қарауды есепке алу журналы;

      13) флюорографиялық оң нәтижесі бар адамдарды есепке алу журналы;

      14) диспансерлік қадағалаудың бақылау картасы;

      15) тереңдетілген профилактикалық медициналық тексеріп-қарау журналы, мамандардың актілері;

      16) оқушылардың (тәрбиеленушілердің) жеке медициналық карталары;

      17) ас блогы жұмыскерлерінің денсаулық жағдайын тіркеу журналы;

      18) шикі өнімдерге арналған бракераж журналы

      19) дайын тамақтың сапасын бақылау (бракераж) журналы

      20) "С- витаминдеу" журналы;

      21) бір айдағы тамақтану өнімдері нормаларының орындалуын бақылау тізімдемесі.

	"Білім беру объектілеріне қойылатын санитариялық- эпидемиологиялық талапта" санитариялық қағидаларына 12-қосымша
	Нысан
	Кімге ______________________ Т.А.Ә. (бар болса) ____________ ____________________________
	мекенжайында тұратын
	кімнен ______________________ Телефоны ___________________

      ӨТІНІШ

       Менің ұлымның (қызымның) ________________________________________________

      Т.А.Ә. (бар болса) толығымен, сыныбы

      кезекші сыныпта білім алуын ұйымдастыруыңызды сұраймын. Карантин және шектеу іс-шаралары кезеңінде баламның мектептегі білім алу жағдайларымен танысқанымды және келісетінімді хабарлаймын.

	Күні___________
	Қолы_____________
	Қазақстан Республикасы Денсаулық сақтау министрі 2021 жылғы 5 тамыздағы № ҚР ДСМ-76 бұйрығына қосымша

 Қазақстан Республикасы Денсаулық сақтау министрлігінің күші жойылған кейбір бұйрықтарының тізбесі

       1. "Білім беру объектілеріне қойылатын санитариялық-эпидемиологиялық талаптар" санитариялық қағидаларын бекіту туралы" Қазақстан Республикасы Денсаулық сақтау министрінің 2017 жылғы 16 тамыздағы № 611 бұйрығы (Нормативтік құқықтық актілерді мемлекеттік тіркеу тізілімінде № 15681 болып тіркелген).

       2. "Қазақстан Республикасы Денсаулық сақтау министрлігінің және Қазақстан Республикасы Ұлттық экономика министрлігінің кейбір бұйрықтарына өзгерістер мен толықтырулар енгізу туралы" Қазақстан Республикасы Денсаулық сақтау министрінің міндетін атқарушының 2018 жылғы 3 қыркүйектегі № ҚР ДСМ-9 бұйрығымен бекітілген Қазақстан Республикасы Денсаулық сақтау министрлігінің және Қазақстан Республикасы Ұлттық экономика министрлігінің өзгерістер мен толықтыру енгізілетін кейбір бұйрықтарының тізбесінің 12-тармағы (Нормативтік құқықтық актілерді мемлекеттік тіркеу тізілімінде № 17501 болып тіркелген).

       3. "Білім беру объектілеріне қойылатын санитариялық-эпидемиологиялық талаптар" санитариялық қағидаларын бекіту туралы" Қазақстан Республикасы Денсаулық сақтау министрінің 2017 жылғы 16 тамыздағы № 611 бұйрығына өзгерістер енгізу туралы" Қазақстан Республикасы Денсаулық сақтау министрінің 2018 жылғы 28 қыркүйектегі № ҚР ДСМ-20 бұйрығы (Нормативтік құқықтық актілерді мемлекеттік тіркеу тізілімінде № 17480 болып тіркелген).

       4. "Санитариялық-эпидемияға қарсы және санитариялық-профилактикалық іс-шараларды ұйымдастыру мен жүргізудің кейбір мәселелері туралы" Қазақстан Республикасы Денсаулық сақтау министрінің 2020 жылғы 5 шiлдедегi № ҚР ДСМ-78/2020 бұйрығымен бекітілген Қазақстан Республикасы Денсаулық сақтау министрлігі мен Қазақстан Республикасы Ұлттық экономика министрлігінің өзгерістер мен толықтырулар енгізілетін кейбір бұйрықтарының тізбесінің 9-тармағы (Нормативтік құқықтық актілерді мемлекеттік тіркеу тізілімінде № 20935 тіркелген).

       5. "Білім беру объектілеріне қойылатын санитариялық-эпидемиологиялық талаптар" санитариялық қағидаларын бекіту туралы" Қазақстан Республикасы Денсаулық сақтау министрінің 2017 жылғы 16 тамыздағы № 611 бұйрығына өзгерістер енгізу туралы" Қазақстан Республикасы Денсаулық сақтау министрінің 2020 жылғы 28 тамыздағы № ҚР ДСМ-98/2020 бұйрығы (Нормативтік құқықтық актілерді мемлекеттік тіркеу тізілімінде № 21142 болып тіркелген).

Толығырақ

Автор: admin1

Категория: Асхана бұрышы

Қаралды: 145

 

Мемлекеттік орта білім беру ұйымдарында, мектептен тыс қосымша білім беру ұйымдарында білім алушыларды тамақтандыруды ұйымдастыру, сондай-ақ мемлекеттік мектепке дейінгі ұйымдарда, жетім балалар мен ата-анасының қамқорлығынсыз қалған балаларға арналған білім беру ұйымдарында, техникалық және кәсіптік, орта білімнен кейінгі білім беру ұйымдарында тәрбиеленетін және білім алатын балаларды тамақтандыруды қамтамасыз етуге байланысты тауарларды сатып алу қағидаларын бекіту туралы

Қазақстан Республикасы Білім және ғылым министрінің 2018 жылғы 31 қазандағы № 598 бұйрығы. Қазақстан Республикасының Әділет министрлігінде 2018 жылғы 14 желтоқсанда № 17948 болып тіркелді.

       Ескерту. Бұйрықтың тақырыбы жаңа редакцияда – ҚР Білім және ғылым министрінің 24.05.2021 № 231 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

       "Білім туралы" 2007 жылғы 27 шілдедегі Қазақстан Республикасы Заңының 5-бабының 2-5) тармақшасына сәйкес БҰЙЫРАМЫН:

       1. Қоса беріліп отырған Мемлекеттік орта білім беру ұйымдарында, мектептен тыс қосымша білім беру ұйымдарында білім алушыларды тамақтандыруды ұйымдастыру, сондай-ақ мемлекеттік мектепке дейінгі ұйымдарда, жетім балалар мен ата-анасының қамқорлығынсыз қалған балаларға арналған білім беру ұйымдарында, техникалық және кәсіптік, орта білімнен кейінгі білім беру ұйымдарында тәрбиеленетін және білім алатын балаларды тамақтандыруды қамтамасыз етуге байланысты тауарларды сатып алу қағидалары бекітілсін.

      Ескерту. 1-тармақ жаңа редакцияда – ҚР Білім және ғылым министрінің 24.05.2021 № 231 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

      2. Мыналардың күші жойылды деп танылсын:

       1) "Орта білім беру ұйымдарында оқитындарды тамақтандыруды ұйымдастыру және мектепке дейінгі білім беру ұйымдарында, жетім балалар мен ата-аналарының қамқорлығынсыз қалған балаларға арналған білім беру ұйымдарында тәрбие алатын және оқитын балаларды тамақтандыруды қамтамасыз етуге байланысты тауарлар сатып алу қағидаларын бекіту туралы" Қазақстан Республикасы Білім және ғылым министрінің міндетін атқарушының 2015 жылғы 31 желтоқсандағы № 717 бұйрығы (Нормативтік құқықтық актілердің мемлекеттік тіркеу тізілімінде № 12788 болып тіркелген, 2016 жылғы 25 қаңтарда Қазақстан Республикасы нормативтік құқықтық актілерінің "Әділет" ақпараттық-құқықтық жүйесінде жарияланған);

       2) "Орта білім беру ұйымдарында білім алушыларды тамақтандыруды ұйымдастыру және мектепке дейінгі білім беру ұйымдарында, жетім балалар мен ата-аналарының қамқорлығынсыз қалған балаларға білім беру ұйымдарында тәрбиеленуші және білім алушы балаларды тамақтандыруды қамтамасыз етуге байланысты тауарлар сатып алу қағидаларын бекіту туралы" Қазақстан Республикасы Білім және ғылым министрінің міндетін атқарушының 2015 жылғы 31 желтоқсандағы № 717 бұйрығына өзгерістер енгізу туралы" Қазақстан Республикасы Білім және ғылым министрінің міндетін атқарушының 2017 жылғы 22 ақпандағы № 76 бұйрығы (нормативтік құқықтық актілерді мемлекеттік тіркеу тізілімінде № 14956 болып тіркелген, 2017 жылғы 21 сәуірде Қазақстан Республикасы нормативтік құқықтық актілерінің "Әділет" ақпараттық-құқықтық жүйесінде жарияланған).

      3. Қазақстан Республикасы Білім және ғылым министрлігінің Балалардың құқықтарын қорғау комитеті Қазақстан Республикасының заңнамасында белгіленген тәртіппен:

      1) осы бұйрықтың Қазақстан Республикасы Әділет министрлігінде мемлекеттік тіркелуін;

      2) осы бұйрық мемлекеттік тіркелген күннен бастап күнтізбелік он күн ішінде оның қазақ және орыс тілдеріндегі электронды түрдегі көшірмесін ресми жариялау және Қазақстан Республикасының нормативтік құқықтық актілерінің эталондық бақылау банкіне енгізу үшін "Республикалық құқықтық ақпарат орталығы" шаруашылық жүргізу құқығындағы республикалық мемлекеттік кәсіпорнына жолдауды;

      3) осы бұйрық ресми жарияланғаннан кейін оны Қазақстан Республикасы Білім және ғылым министрлігінің интернет-ресурсында орналастыруды;

      4) осы бұйрық мемлекеттік тіркеуден өткеннен кейін он жұмыс күні ішінде Қазақстан Республикасы Білім және ғылым министрлігінің Заң қызметі департаментіне осы тармақтың 1), 2) және 3) тармақшаларында көзделген іс-шаралардың орындалуы туралы мәліметтерді ұсынуды қамтамасыз етсін.

      4. Осы бұйрықтың орындалуын бақылау Қазақстан Республикасының Білім және ғылым вице-министрі Б.А. Асыловаға жүктелсін.

      5. Осы бұйрық алғашқы ресми жарияланған күнінен бастап күнтізбелік он күн өткен соң қолданысқа енгізіледі.

Қазақстан Республикасының Білім және ғылым министрі

Е. Сағадиев

      "КЕЛІСІЛДІ"

      Қазақстан Республикасының

      Денсаулық сақтау министрі

      ____________________

      2018 жылғы "____" __________

      "КЕЛІСІЛДІ"

      Қазақстан Республикасының

      Қаржы министрі

      ____________________

      2018 жылғы "____" __________

      "КЕЛІСІЛДІ"

      Қазақстан Республикасының

      Ұлттық экономика министрі

       __________________

      2018 жылғы "____" __________

Қазақстан Республикасы Білім және ғылым министрінің 2018 жылғы 31 қазандағы № 598 бұйрығымен бекітілген

 Мемлекеттік орта білім беру ұйымдарында, мектептен тыс қосымша білім беру ұйымдарында білім алушыларды тамақтандыруды ұйымдастыру, сондай-ақ мемлекеттік мектепке дейінгі ұйымдарда, жетім балалар мен ата-анасының қамқорлығынсыз қалған балаларға арналған білім беру ұйымдарында, техникалық және кәсіптік, орта білімнен кейінгі білім беру ұйымдарында тәрбиеленетін және білім алатын балаларды тамақтандыруды қамтамасыз етуге байланысты тауарларды сатып алу қағидалары

       Ескерту. Қағида жаңа редакцияда – ҚР Білім және ғылым министрінің 24.05.2021 № 231 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

 1-тарау. Жалпы ережелер

      1. Осы Мемлекеттік орта білім беру ұйымдарында, мектептен тыс қосымша білім беру ұйымдарында білім алушыларды тамақтандыруды ұйымдастыру, сондай-ақ мемлекеттік мектепке дейінгі ұйымдарда, жетім балалар мен ата-анасының қамқорлығынсыз қалған балаларға арналған білім беру ұйымдарында, техникалық және кәсіптік, орта білімнен кейінгі білім беру ұйымдарында тәрбиеленетін және білім алатын балаларды тамақтандыруды қамтамасыз етуге байланысты тауарларды сатып алу қағидалары (бұдан әрі – Қағидалар) мемлекеттік орта білім беру ұйымдарында, мектептен тыс қосымша білім беру ұйымдарында білім алушыларды тамақтандыруды ұйымдастыру, сондай-ақ мемлекеттік мектепке дейінгі ұйымдарда, жетім балалар мен ата-анасының қамқорлығынсыз қалған балаларға арналған білім беру ұйымдарында, техникалық және кәсіптік, орта білімнен кейінгі білім беру ұйымдарында тәрбиеленетін және білім алатын балаларды тамақтандыруды қамтамасыз етуге байланысты тауарларды сатып алу тәртібін белгілейді.

      2. Қағидаларда мынадай ұғымдар пайдаланылады:

      1) әлеуетті өнім беруші – кәсіпкерлік қызметті жүзеге асыратын жеке кәсіпкер, заңды тұлға (мемлекеттік мекемелерді қоспағанда);

      2) конкурстық құжаттама – конкурсқа қатысуға өтінімді дайындау үшін конкурсты ұйымдастырушы әлеуетті өнім берушіге ұсынатын және конкурсты өткізу шарттары мен тәртібін қамтитын құжаттар;

      3) конкурсты ұйымдастырушы (тапсырыс беруші):

       мемлекеттік орта білім беру ұйымдарында, мектептен тыс қосымша білім беру ұйымдарында – орта білім беру ұйымы, мектептен тыс қосымша білім беру ұйымы бухгалтерлік есепті дербес жүргізбеген жағдайда, орта білім беру ұйымы, мектептен тыс қосымша білім беру ұйымы не білім беруді басқару органы не орта білім беру ұйымдарында білім алушыларды тамақтандыруды ұйымдастыру "Мемлекеттік-жекешелік әріптестік туралы" 2015 жылғы 31 қазандағы Қазақстан Республикасының Заңына (бұдан әрі – Мемлекеттік-жекешелік әріптестік туралы заң) сәйкес мемлекеттік-жекешелік әріптестік шартын жасасу арқылы жүзеге асырылған жағдайда, облыстың, республикалық маңызы бар қаланың және астананың жергілікті атқарушы органы не облыстың, республикалық маңызы бар қаланың және астананың жергілікті атқарушы органының шешімі бойынша орган;

      мемлекеттік мектепке дейінгі ұйымдарда, жетім балалар мен ата-анасының қамқорлығынсыз қалған балаларға арналған білім беру ұйымдарында, техникалық және кәсіптік, орта білімнен кейінгі білім беру ұйымдарында – мектепке дейінгі ұйым, жетім балалар мен ата-анасының қамқорлығынсыз қалған балаларға арналған білім беру ұйымы, техникалық және кәсіптік, орта білімнен кейінгі білім беру ұйымы бухгалтерлік есепті дербес жүргізбеген жағдайда, мектепке дейінгі ұйым, жетім балалар мен ата-анасының қамқорлығынсыз қалған балаларға арналған білім беру ұйымы, техникалық және кәсіптік, орта білімнен кейінгі білім беру ұйымы немесе білім беруді басқару органы не облыстың, республикалық маңызы бар қаланың және астананың жергілікті атқарушы органының шешімі бойынша орган;

      4) Қазақстан Республикасының резиденттері – шет мемлекетте тұрақты тұру құқығына осы мемлекеттің заңнамасына сәйкес берілген құжаты бар азаматтарды қоспағанда, Қазақстан Республикасының азаматтары, оның ішінде шетелде уақытша жүрген немесе одан тыс жерлерде мемлекеттік қызметте жүрген азаматтары;

      Қазақстан Республикасында тұрақты тұру құқығына құжаты бар шетелдіктер мен азаматтығы жоқ адамдар;

      Қазақстан Республикасының заңнамасына сәйкес құрылған, оның аумағында орналасқан заңды тұлғалар, сондай-ақ Қазақстан Республикасында және одан тысқары жерлерде орналасқан олардың филиалдары мен өкілдіктері;

      Қазақстан республикасының одан тыс жерлердегі дипломатиялық, сауда және өзге де ресми өкілдіктері;

      5) қаржы жылы – ағымдағы жылғы 1 қаңтарда басталып, 31 желтоқсанда аяқталатын уақыт аралығы;

      6) көрсетілетін қызметті берушіні таңдау өлшемшарттары – әлеуетті өнім берушінің қызмет көрсетуі бойынша мүмкіндіктері мен жағдайларын бағалау негізінде жасалатын белгілер;

      7) құжаттың электронды көшірмесі – түпнұсқа құжаттың түрі мен ақпаратын (деректерін) электрондық-цифрлық нысанда толық күйге келтіретін,өтініш берушінің немесе осы құжатты куәландыруға өкілеттігі бар тұлғаның не мемлекеттік қызметті алушы жеке өзі қатысқан кезде берген жазбаша келісімінің негізінде халыққа қызмет көрсету орталығының уәкілетті қызметкерінің электрондық цифрлық қолтаңбасымен куәландырылған құжат;

       8) мемлекеттік-жекешелік әріптестік – мемлекеттік әріптес және жекешелік әріптес арасындағы "Мемлекеттік-жекешелік әріптестік туралы" заңда (бұдан әрі – Мемлекеттік-жекешелік әріптестік туралы заң) айқындалған белгілерге сәйкес келетін ынтымақтастық нысаны;

      9) мемлекеттік-жекешелік әріптестік шарты – мемлекеттік-жекешелік әріптестік жобасын іске асыру шеңберінде мемлекеттік-жекешелік әріптестік шарты тараптарының құқықтарын, мiндеттерi мен жауапкершiлiгiн, мемлекеттік-жекешелік әріптестік шартының өзге де талаптарын айқындайтын жазбаша келiсiм;

       10) мемлекеттік сатып алу веб-порталы (бұдан әрі - веб-портал) – мемлекеттік органның сатып алудың электронды қызметтеріне бірыңғай қол жеткізу нүктесін ұсынатын ақпараттық жүйесі;

      11) көрсетілетін қызметтерді, тауарларды сатып алу туралы шарт (бұдан әрі – Шарт) – тапсырыс беруші мен өнім беруші арасында веб-портал арқылы жасалған, электрондық цифрлық қолтаңбалармен куәландырылған азаматтық-құқықтық шарт;

      12) орта білім беру ұйымы – бастауыш, негізгі орта, жалпы орта білім берудің жалпы білім беретін оқу бағдарламаларын, мамандандырылған жалпы білім беретін және арнайы оқу бағдарламаларын іске асыратын білім беру ұйымы;

       13) отандық қызмет көрсетушілерді, тауар өндірушілерді қолдау – 2015 жылғы 29 қазандағы Қазақстан Республикасының Кәсіпкерлік Кодексінің 17-бабының 1-тармағына сәйкес көрсетілетін қызметтердің, тауарлардың отандық өндірісін дамытуды ынталандыру үшін қолайлы жағдайлар жасау жөніндегі шаралар;

      14) өнім беруші – қызмет көрсету немесе тауарларды жеткізу туралы шарт жасасқан кәсіпкерлік қызметті жүзеге асыратын жеке кәсіпкер, заңды тұлға (мемлекеттік мекемелерді қоспағанда);

      15) сатып алудың сәйкестендіру коды – сатып алудың барлық кезеңдері туралы ақпарат қамтылған әрбір сатып алуға (лотқа) берілетін сәйкестендіру нөмірі;

      16) электрондық әмиян – мемлекеттік сатып алу саласындағы бірыңғай оператордың банктік шотында орналастырылатын, конкурсқа қатысуға өтінімдерді қамтамасыз етуге байланысты есептік операцияларды жүзеге асыруға арналған әлеуетті өнім берушінің жеке шоты.

 2-тарау. Мемлекеттік орта білім беру ұйымдарында, мектептен тыс қосымша білім беру ұйымдарында білім алушыларды тамақтандыруды ұйымдастыру тәртібі

      3. Тамақтандыруды ұйымдастыру:

      орта білім беру ұйымдарында:

      1) білім алушыларды тамақтандыруды ұйымдастыру бойынша көрсетілетін қызметтерді, тауарларды конкурстық негізде сатып алу арқылы жүзеге асырылады;

      2) мектеп асханасының жабдығы болмаған және/немесе тозған жағдайда жаңа жабдыққа ауыстыру мақсатында орта білім беру ұйымдарында білім алушыларды тамақтандыруды ұйымдастыру бойынша көрсетілетін қызметтерді сатып алу Мемлекеттік-жекешелік әріптестік туралы заңға және осы Қағидаларға сәйкес жүзеге асырылады;

      3) орта білім беру ұйымдарында білім алушыларды тамақтандыруды ұйымдастыру үшін жағдайларды қамтамасыз ету жолымен;

      мектептен тыс қосымша білім беру ұйымдарында тамақтандыруды ұйымдастыру бойынша көрсетілетін қызметтерді, тауарларды конкурстық негізде сатып алу жолымен жүзеге асырылады.

 1-параграф. Конкурстық негізде білім алушыларды тамақтандыруды ұйымдастыру бойынша көрсетілетін қызметтерді, тауарларды сатып алу

      4. Конкурстық негізде білім алушыларды тамақтандыруды ұйымдастыру бойынша көрсетілетін қызметтерді, тауарларды сатып алу мынадай дәйекті іс-қимылдарды орындауды көздейді:

      1) егер конкурсты ұйымдастырушы тапсырыс берушінің өзі болмаған жағдайда, көрсетілетін қызметті және (немесе) тауарларды сатып алу жоспарын әзірлеу және бекіту – конкурсты ұйымдастыру және өткізу рәсімдерін орындау үшін тапсырыс берушінің көрсетілетін қызметтерді және (немесе) тауарларды сатып алудың жылдық жоспарының (көрсетілетін қызметтерді және (немесе) тауарларды сатып алудың алдын ала жылдық жоспарының) тармақтарын веб-портал арқылы жіберуі;

      2) конкурстық комиссияның құрамын қалыптастыру және бекіту, конкурсты ұйымдастырушы өткізген жағдайда, конкурстық комиссияның құрамына тапсырыс берушінің қызметкерлерін енгізу міндетті емес;

      3) конкурстық құжаттаманы бекіту;

      4) өнім берушіні таңдау рәсімін жүзеге асыру туралы хабарландыруды, сондай-ақ конкурстық құжаттаманың мәтінін веб-порталда орналастыру;

      5) әлеуетті өнім берушілердің конкурсқа қатысуға өтінімдерді электрондық құжат нысанында ұсынуы және оларды веб-порталда автоматты түрде тіркеуі;

      6) өтінімдерді автоматты түрде ашу және тиісті ашу хаттамасын веб-порталда орналастыру;

      7) конкурстық комиссияның веб-портал арқылы әлеуетті өнім берушілердің конкурсқа қатысуға өтінімдерін олардың біліктілік талаптарына және конкурстық құжаттама талаптарына сәйкестігі тұрғысынан қарауы;

      8) біліктілік талаптарына және конкурстық құжаттама талаптарына сәйкес келетін әлеуетті өнім берушілерді анықтау және оларды конкурсқа қатысушылар деп тану;

      9) конкурс жеңімпазын, сондай-ақ екінші орын алған әлеуетті өнім берушіні анықтау және сатып алу қорытындылары туралы хаттаманы веб-порталда орналастыру;

      10) конкурс қорытындылары туралы хаттама негізінде тапсырыс берушінің, ұйымдастырушының жеңімпазбен шарт жасасуы.

      5. Конкурстық құжаттамада не орналастырылатын ақпаратта әлеуетті өнім берушілерге сандық жағынан өлшенбейтін және (немесе) әкімшілендірілмейтін кез келген талаптарды белгілеуге не сатып алынатын қызметтердің, тауарлардың жекелеген әлеуетті өнім берушілерге тиесілігін айқындайтын сипаттамаларды көрсетуге жол берілмейді.

      6. Қызметті және (немесе) тауарларды сатып алуды ұйымдастырушының немесе тапсырыс берушінің қызметті немесе тауарларды сатып алудың бекітілген жоспары негізінде конкурсты ұйымдастырушы жүзеге асырады.

       7. Тапсырыс беруші немесе, егер тапсырыс беруші мен конкурсты ұйымдастырушы бір тұлға болған жағдайда, конкурсты ұйымдастырушы тиісті бюджет бекітілген күннен бастап он жұмыс күні ішінде осы Қағидаларға 1-қосымшаға сәйкес нысан бойынша көрсетілетін қызметтерге және (немесе) тауарларға қажеттілік негізінде қаржы жылына арналған көрсетілетін қызметтерді және (немесе) тауарларды сатып алу жоспарын әзірлейді және бекітеді.

      8. Тапсырыс беруші немесе, егер тапсырыс беруші мен конкурсты ұйымдастырушы бір тұлға болған жағдайда, конкурсты ұйымдастырушы көрсетілетін қызметті және (немесе) тауарларды сатып алу жоспары бекітілген күннен бастап бес жұмыс күні ішінде оны веб-порталда орналастырады.

      Тапсырыс беруші ұйымдастырушыға конкурсты ұйымдастыру және өткізу үшін ақпарат пен құжаттарды ұсынады.

      9. Көрсетілетін қызметтерді және (немесе) тауарларды сатып алу жоспарына өзгерістер және (немесе) толықтырулар енгізу тапсырыс берушінің немесе, егер тапсырыс беруші мен конкурсты ұйымдастырушы бір тұлға болса, конкурсты ұйымдастырушының бюджетіне өзгерістер және (немесе) толықтырулар енгізілген жағдайда жүзеге асырылады.

      Тапсырыс беруші немесе, егер тапсырыс беруші мен конкурсты ұйымдастырушы бір тұлға болған жағдайда, конкурсты ұйымдастырушы көрсетілетін қызметтерді және (немесе) тауарларды сатып алу жоспарына өзгерістер және (немесе) толықтырулар енгізу туралы шешім қабылданған күннен бастап бес жұмыс күні ішінде енгізілген өзгерістерді және (немесе) толықтыруларды веб-порталға орналастырады.

      10. Конкурсты ұйымдастыру және өткізу рәсімдерін орындау үшін ұйымдастырушы конкурстық комиссияны бекітеді және конкурстық комиссияның хатшысын айқындайды.

      11. Конкурстық комиссия құру және конкурстық комиссияның хатшысын айқындау туралы шешімді ұйымдастырушының бірінші басшысы не оның міндетін атқарушы тұлға қабылдайды.

      12. Конкурстық комиссия конкурсты ұйымдастырушының бұйрығымен құрылады және комиссия мүшелерінің тақ санынан, бірақ кемінде бес адамнан тұрады.

      Конкурстық комиссияның мүшелері өтінімдерді қарайды және комиссияның жоқ мүшелерін ауыстырусыз дауыс беруге қатысады.

      13. Конкурсты ұйымдастырушы конкурстық комиссияның құрамына келісім бойынша жергілікті атқарушы органдардың, сондай-ақ веб-порталда тіркелген халықтың санитариялық-эпидемиологиялық саламаттылығы саласындағы мемлекеттік орган ведомствосының аумақтық бөлімшелерінің өкілдерін енгізеді.

      14. Конкурстық комиссияның төрағасы болып ұйымдастырушының бірінші басшысының орынбасарынан не бірінші басшының немесе оның орынбасарының міндетін атқарушы тұлғадан төмен емес лауазымды адам айқындалады.

      Конкурстық комиссияның төрағасы болмаған жағдайда конкурстық комиссия төрағасының кандидатурасы қайта бекітіледі. Бұл ретте, конкурстық комиссияның төрағасы болып бірінші басшының орынбасарынан төмен емес лауазымды адам, ал ол болмаған жағдайда бірінші басшы айқындалады.

      15. Конкурстық комиссияның төрағасы конкурстық комиссияның қызметіне жетекшілік жасайды және осы Қағидаларда көзделген функцияларды жүзеге асырады.

      16. Конкурстық комиссия оны құру туралы шешім күшіне енген күннен бастап әрекет етеді және шарт жасалған күні өз қызметін тоқтатады.

      17. Конкурстық комиссияның отырысы, егер оған конкурстық комиссия мүшелерінің кемінде үштен екісі қатысса, алмастыру құқығынсыз заңды болып табылады. Конкурстық комиссия мүшелерінің бірі болмаған жағдайда, конкурстық комиссия отырысының хаттамасында оның болмау себебі көрсетіледі.

      18. Конкурстық комиссияның ұйымдастырушылық қызметін конкурстық комиссияның хатшысы қамтамасыз етеді. Конкурстық комиссияның хатшысы конкурстық комиссияның мүшесі болып табылмайды және конкурстық комиссия шешімдер қабылдаған кезде дауыс беруге қатыспайды.

      Конкурстық комиссияның хатшысы конкурсты ұйымдастырушы болып табылатын, конкурсты ұйымдастыруға және өткізуге жауапты органның немесе ұйымның лауазымды адамдарының арасынан айқындалады.

      19. Конкурстық комиссияның хатшысы:

      1) конкурстық құжаттаманы қалыптастырады және веб-порталға орналастырады;

      2) веб-порталда конкурс өткізу туралы хабарландыруды, конкурсқа қатысуға өтінімдерді ашу хаттамасын, конкурс қорытындылары туралы хаттаманы, сондай-ақ олар болған жағдайда басқа да құжаттарды орналастырады;

      3) осы Қағидаларда көзделген функцияларды жүзеге асырады.

       20. Конкурсты ұйымдастырушы осы Қағидаларға 2-қосымшаға сәйкес нысан бойынша Өнім берушіні таңдау жөніндегі үлгілік конкурстық құжаттамаға (бұдан әрі – Үлгілік конкурстық құжаттама) сәйкес конкурстық құжаттаманы әзірлейді және бекітеді, ол мыналарды қамтиды:

       1) Үлгілік конкурстық құжаттамаға 1-қосымшаға сәйкес нысан бойынша көрсетілетін қызметті алушылар санаттарының тізбесі, тауарларды жеткізушіні таңдау кезінде - Үлгілік конкурстық құжаттамаға 2-қосымшаға сәйкес нысан бойынша сатып алынатын тауарлардың тізбесі;

       2) Үлгілік конкурстық құжаттамаға 3-қосымшаға сәйкес өнім берушіні таңдау бойынша конкурстық құжаттамаға техникалық тапсырма.

       Қызметті жеткізушіні таңдау кезінде өнім берушіні таңдау бойынша конкурстық құжаттаманың техникалық тапсырмасына тағамдарды, сондай-ақ білім алушылардың жасына байланысты "Әлеуметтік көмек көрсетілетін азаматтарға әлеуметтік көмектің мөлшерін, көздерін, түрлерін және оны беру қағидаларын бекіту туралы" Қазақстан Республикасы Үкіметінің 2012 жылғы 12 наурыздағы № 320 қаулысымен бекітілген нормаларға сәйкес келетін граммен есептелетін тағам порциясының массасын көрсете отырып, білім беру органы бекіткен перспективалық мәзір қоса беріледі.

       3) Үлгілік конкурстық құжаттамаға 4, 5-қосымшаларға сәйкес нысандар бойынша заңды тұлғалар және жеке кәсіпкерлер үшін конкурсқа қатысуға өтінім;

      4) мына есеппен:

       - 150-ге дейін білім алушысы бар білім беру ұйымдарында – кемінде 1 аспаз, 1 ас үй жұмысшысы;

      - 151-ден 350-ге дейін білім алушысы бар білім беру ұйымдарында – кемінде 1 аспаз, 2 ас үй жұмысшысы;

      - 351-дан 650-ге дейін білім алушысы бар білім беру ұйымдарында – кемінде 1 аспаз, 3 ас үй жұмысшысы;

      - 651-ден 1500-ге дейін білім алушысы бар білім беру ұйымдарында – кемінде 3 аспаз, 4 ас үй жұмысшысы;

       - 1501-ден 2500-ге дейін білім алушысы бар білім беру ұйымдарында – кемінде 3 аспаз, 5 ас үй жұмысшысы;

        - 2501 және одан да көп білім алушысы бар білім беру ұйымдарында –кемінде 3 аспаз, 7 ас үй жұмысшысының болуы туралы растайтын құжаттардың көшірмелерін қоса отырып, Үлгілік конкурстық құжаттамаға 6-қосымшаға сәйкес нысан бойынша әлеуетті өнім берушінің біліктілігі туралы мәліметтер;

       5) Үлгілік конкурстық құжаттамаға 7, 8-қосымшаларға сәйкес қызметтерді немесе тауарларды жеткізушіні таңдау өлшемшарттары;

       6) Үлгілік конкурстық құжаттамаға 9-қосымшаға сәйкес Қызмет көрсету туралы үлгілік шарт және 10-қосымшаға сәйкес Тауарларды жеткізу туралы үлгілік шарт.

      21. Конкурс орта білім беру ұйымы конкурсты ұйымдастырушы болып табылмайтын жағдайда білім беру ұйымдары бойынша лоттарға бөле отырып (1 лот – 1 білім беру ұйымы) өткізіледі.

      22. Тауарларды сатып алу кезінде ұйымдастырушы тауарларды лоттарға бөле отырып конкурс өткізу және (немесе) жекелеген тауарларды мынадай топтар бойынша бір лотқа біріктіру туралы шешім қабылдайды: сүт өнімдері, ет өнімдері, көкөністер мен аскөктер, жемістер мен шырындар, балық өнімдері, ұн өнімдері мен жармалар (бұршақ өнімдері).

      23. Конкурсқа қатысуға өтінімдерді қарау, сондай-ақ лоттарға бөлінген жағдайда конкурс жеңімпазын айқындау конкурстық құжаттамада көзделген әрбір лот бойынша жүзеге асырылады.

      24. Конкурсқа қатысуға арналған өтінімдерді қарау қорытындылары бойынша айқындалған, біліктілік талаптарына және конкурстық құжаттама талаптарына сәйкес келетін әлеуетті өнім берушілер конкурсқа қатысады.

      25. Конкурсқа қатысу үшін әлеуетті өнім беруші келесі біліктілік талаптарына сәйкес келеді:

      1) конкурс өткізу туралы хабарландыру орналастырған күннен кейін мемлекеттік кіріс органдарының мәліметтері негізінде веб-портал автоматты түрде айқындайтын тиісті қаржы жылына арналған республикалық бюджет туралы заңда белгіленген айлық есептік көрсеткіштің алты еселенген мөлшерінен асатын салық берешегінің болмауы;

      2) банкроттық не таратылу рәсіміне жатқызылмауы;

      3) материалдық және еңбек ресурстарының болуы.

      26. Отандық тауар өндірушілерді қолдау үшін конкурсты ұйымдастырушы (тапсырыс беруші) тамақтандыруды ұйымдастыру шеңберінде техникалық тапсырмада, шартта әлеуетті өнім берушілерге отандық өндірістің тамақ өнімдерінен кемінде 60% (алпыс пайыз) сатып алу туралы талаптарды қарастырады.

      27. Конкурстық құжаттама бекітілгеннен кейін конкурсты ұйымдастырушы веб-порталда қазақ және орыс тілдерінде конкурстық құжаттаманы қалыптастырады.

       28. Конкурсты ұйымдастырушы конкурстық құжаттама бекітілген күннен бастап үш жұмыс күнінен кешіктірмей веб-порталда осы Қағидаларға 3-қосымшаға сәйкес конкурс өткізу туралы хабарландырудың мәтінін, сондай-ақ конкурстық құжаттаманы орналастырады.

      Әлеуетті өнім берушілердің конкурсқа қатысуға өтінімдер ұсынуының соңғы күнінің мерзімі конкурс өткізу туралы хабарландырудың мәтінін және бекітілген конкурстық құжаттаманың мәтінін орналастырған күннен бастап кемінде күнтізбелік он бес күнді құрайды.

      29. Конкурстық құжаттамаға өзгерістерді конкурсты ұйымдастырушы конкурс өткізу туралы хабарландырудың мәтінін орналастырған күннен бастап күнтізбелік 10 күн ішінде енгізеді.

      Конкурсты ұйымдастырушы конкурстық құжаттамаға өзгерістер және (немесе) толықтырулар енгізу туралы шешім қабылданған күннен бастап бір жұмыс күнінен кешіктірмей енгізілген өзгерістердің және (немесе) толықтырулардың мәтінін веб-портал арқылы веб-порталда конкурстық құжаттаманы алған өнім берушілерге жібереді.

      Конкурсқа қатысуға өтінімдер берудің соңғы мерзімі күнтізбелік бес күннен он күнге дейінгі мерзімге ұзартылады.

      30. Қайта конкурсты жүзеге асырған жағдайда конкурсты ұйымдастырушы конкурсқа қатысуға өтінімдерді ұсынудың соңғы күніне дейін кемінде күнтізбелік он күн бұрын конкурсты қайта өткізуге байланысты шартты орындау мерзімін қоспағанда, өтпеген конкурстың конкурстық құжаттамасының өзгермеу шартымен қайта конкурсты жүзеге асыру туралы хабарландырудың мәтінін веб-порталда орналастырады.

      31. Конкурс өткізу туралы хабарландыру жарияланған күннен бастап барлық ниет білдірушілерге веб-порталда конкурстық құжаттаманы алу мүмкіндігі беріледі.

      32. Конкурстық құжаттаманы веб-порталда конкурс өткізу туралы хабарланған сәтке дейін беруге жол берілмейді.

      33. Құқықтық қабілеті бар, төлем қабілеті бар және материалдық және еңбек ресурстары бар әлеуетті өнім беруші конкурсқа қатысуға үміткер болады.

      34. Конкурсқа қатысуға өтінім конкурстық құжаттамада көрсетілген оны ұсынудың соңғы мерзімі өткенге дейін веб-портал арқылы электрондық құжат нысанында беріледі және әлеуетті өнім берушінің конкурстық құжаттамада белгіленген шарттарға келісім беру, сондай-ақ әлеуетті өнім берушінің осы Қағидаларда көзделген өнім берушіні таңдау жөніндегі біліктілік және конкурстық құжаттама талаптарына сәйкестігін растайтын мәліметтерді алуға келісім білдіру нысаны болып табылады.

      35. Конкурсқа қатысуға ниет білдірген әлеуетті өнім беруші ұйымдастырушыға ұсынатын конкурсқа қатысуға өтінім конкурстық құжаттамада келтірілген құжаттарды қамтуы тиіс.

      36. Әлеуетті өнім берушілер ұсынған конкурсқа қатысуға өтінімдер автоматты түрде веб-порталда тіркеледі.

      37. Веб-портал конкурсқа қатысуға өтінім берген әлеуетті өнім берушіге тиісті хабарламаны автоматты түрде жіберген кезде конкурсқа қатысуға өтінім қабылданған болып есептеледі.

      38. Әлеуетті өнім беруші конкурсқа, лоттар бойынша бөлінген жағдайда лотқа қатысуға бір ғана өтінім береді.

      39. Мынадай жағдайларда әлеуетті өнім берушінің конкурсқа қатысуға құқығы жоқ және әлеуетті өнім берушінің конкурсқа қатысуға өтінімін веб-портал автоматты түрде қабылдамайды:

      1) әлеуетті өнім беруші бұрын осы конкурсқа қатысуға өтінім берген болса;

      2) конкурсқа қатысуға өтінім веб-порталға осы конкурсқа қатысуға өтінімдерді қабылдаудың соңғы мерзімі өткеннен кейін келіп түссе;

      3) осы әлеуетті өнім берушінің бірінші басшыларының және (немесе) осы әлеуетті өнім берушінің уәкілетті өкілінің жақын туыстары, жұбайы (зайыбы) немесе жекжаттары өнім берушіні таңдау туралы шешім қабылдауға қатысса не өткізілетін конкурстарда тапсырыс берушінің немесе конкурсты ұйымдастырушының өкілі болып табылса;

       4) конкурсқа қатысуға үміткер әлеуетті өнім берушінің басшысы "Мемлекеттік сатып алу туралы" 2015 жылғы 4 желтоқсандағы Қазақстан Республикасының Заңына сәйкес қалыптастырылатын Мемлекеттік сатып алуға жосықсыз қатысушылардың тізілімінде (бұдан әрі – Мемлекеттік сатып алуға жосықсыз қатысушылардың тізілімі), "Орта білім беру ұйымдарында білім алушыларды тамақтандыруды ұйымдастыру бойынша көрсетілетін қызметтерді, тауарларды, сондай-ақ мектепке дейінгі ұйымдарда, жетім балалар мен ата-анасының қамқорлығынсыз қалған балаларға арналған білім беру ұйымдарында тәрбиеленетін және білім алатын балаларды тамақтандыруды қамтамасыз етуге байланысты тауарларды жосықсыз берушілердің тізбесін қалыптастыру қағидаларын бекіту туралы" Қазақстан Республикасы Білім және ғылым министрінің 2018 жылғы 31 қазандағы №599 бұйрығымен (Нормативтік құқықтық актілерді мемлекеттік тіркеу тізілімінде №17766 болып тіркелген) бекітілген Орта білім беру ұйымдарында білім алушыларды тамақтандыруды ұйымдастыру бойынша көрсетілетін қызметтерді, тауарларды, сондай-ақ мектепке дейінгі ұйымдарда, жетім балалар мен ата-анасының қамқорлығынсыз қалған балаларға арналған білім беру ұйымдарында тәрбиеленетін және білім алатын балаларды тамақтандыруды қамтамасыз етуге байланысты тауарларды жосықсыз берушілердің тізбесінде (бұдан әрі – Жосықсыз өнім берушілердің (әлеуетті өнім берушілердің) тізбесі) тұрған заңды тұлғаларды басқарумен, құрумен, олардың жарғылық капиталына қатысумен байланысты болса;

      5) конкурсқа қатысуға үміткер әлеуетті өнім берушінің басшысы Мемлекеттік сатып алуға жосықсыз қатысушылардың тізіліміне, Жосықсыз өнім берушілердің (әлеуетті өнім берушілердің) тізбесіне енгізілген кәсіпкерлік қызметті жүзеге асыратын жеке тұлға болып табылса;

      6) кәсіпкерлік қызметті жүзеге асыратын, конкурсқа қатысуға үміткер жеке тұлға болып табылатын әлеуетті өнім беруші Мемлекеттік сатып алуға жосықсыз қатысушылардың тізіліміне, Жосықсыз өнім берушілердің (әлеуетті өнім берушілердің) тізбесіне енгізілген әлеуетті өнім берушінің басшысы болып табылса;

      7) әлеуетті өнім беруші Мемлекеттік сатып алуға жосықсыз қатысушылардың тізілімінде, Жосықсыз өнім берушілердің (әлеуетті өнім берушілердің) тізбесінде тұрса;

      8) әлеуетті өнім берушінің атқарушылық құжаттар бойынша орындалмаған міндеттемелері болса және оны атқарушылық құжаттардың орындалуын қамтамасыз ету саласындағы мемлекеттік саясатты іске асыруды және қызметті мемлекеттік реттеуді жүзеге асыратын уәкілетті орган Борышкерлердің бірыңғай тізіліміне енгізсе;

      9) тиісті қаржы жылына республикалық бюджет туралы заңда белгіленген айлық есептік көрсеткіштің алты еселеген мөлшерінен асатын салық берешегі және міндетті зейнетақы жарналары, міндетті кәсіптік зейнетақы жарналары мен әлеуметтік аударымдары бойынша берешегі болса;

      10) әлеуетті өнім беруші Қазақстан Республикасының резиденті болып табылмаса;

      11) әлеуетті өнім берушінің баланстық құны тиісті негізгі қаражат құнының он пайызынан асатын мүлкіне тыйым салынса;

      12) әлеуетті өнім беруші және (немесе) олардың басшысы Қазақстан Республикасының заңнамасында белгіленген тәртіппен терроризм мен экстремизмді қаржыландырумен байланысты ұйымдар мен тұлғалар тізбесіне енгізілсе;

      13) банкроттық не тарату рәсіміне жатса.

      40. Әлеуетті өнім беруші конкурсқа қатысу үшін ұсынатын конкурсқа қатысуға өтінімнің қолданылу мерзімі конкурсқа қатысуға өтінімдер ашылған күннен бастап кемінде күнтізбелік алпыс күнді құрайды және конкурстық құжаттамада белгіленген мерзімге сәйкес келуі тиіс.

      41. Әлеуетті өнім берушінің конкурсқа қатысуға өтінімді өзгертуі немесе кері қайтарып алуы конкурсқа қатысуға өтінімдерді берудің соңғы мерзімі өткенге дейін кез келген уақытта жүзеге асырылады.

      Конкурсқа қатысуға өтінім берудің соңғы мерзімі өткеннен кейін оны қайтарып алуға жол берілмейді.

      42. Әлеуетті өнім берушінің конкурстық құжаттамаға сәйкес талап етілетін жекелеген құжаттарды ұсынуы мемлекеттік ақпараттық жүйелерге және (немесе) мемлекеттік деректер базаларына жүгіну арқылы не веб-порталды пайдалана отырып, электрондық нысанды толтыру арқылы құжаттарды алу жолымен жүзеге асырылады.

      43. Әлеуетті өнім беруші оларды ұсынудың соңғы мерзімі өткенге дейін веб-порталда мынадай құжаттарды қамтитын конкурстық өтінімді орналастырады:

       1) қолданыс мерзімін көрсете отырып, Үлгілік конкурстық құжаттамаға 4, 5-қосымшаларға сәйкес әлеуетті өнім берушінің қазақ және орыс тілдерінде жасалған конкурсқа қатысуға арналған өтінімі;

      2) әлеуетті өнім берушінің электрондық әмиянындағы ақша немесе қызметтерді немесе тауарларды сатып алу үшін бөлінген соманың бір пайызы мөлшеріндегі электрондық банк кепілдігі түрінде конкурсқа қатысуға өтінімді қамтамасыз ету;

       3) Үлгілік конкурстық құжаттамаға 3-қосымшаға сәйкес жеткізушіні таңдау жөніндегі конкурстық құжаттамаға техникалық тапсырма;

      Өнім берушіні таңдау кезінде жеткізушіні таңдау жөніндегі конкурстық құжаттамаға техникалық тапсырмаға тағамдарды, сондай-ақ білім алушылардың жасына байланысты Қазақстан Республикасының заңнамасымен белгіленген нормаларға сәйкес келетін граммен есептелетін тағам порциясының массасын көрсете отырып, білім беру органы бекіткен перспективалық мәзір қоса беріледі.

      4) мынадай есеппен:

      - 150-ге дейін білім алушысы бар білім беру ұйымдарында – кемінде 1 аспаз, 1 ас үй жұмысшысы;

      - 151-ден 350-ге дейін білім алушысы бар білім беру ұйымдарында – кемінде 1 аспаз, 2 ас үй жұмысшысы;

      - 351-дан 650-ге дейін білім алушысы бар білім беру ұйымдарында – кемінде 1 аспаз, 3 ас үй жұмысшысы;

      - 651-ден 1500-ге дейін білім алушысы бар білім беру ұйымдарында – кемінде 3 аспаз, 4 ас үй жұмысшысы;

      - 1501-ден 2500-ге дейін білім алушысы бар білім беру ұйымдарында – кемінде 3 аспаз, 5 ас үй жұмысшысы;

      - 2501 және одан да көп білім алушысы бар білім беру ұйымдарында – кемінде 3 аспаз, 7 ас үй жұмысшысының болуы туралы растайтын құжаттардың көшірмелерін қоса отырып, Үлгілік конкурстық құжаттамаға 6-қосымшаға сәйкес нысан бойынша әлеуетті өнім берушінің біліктілігі туралы мәліметтер.

      44. Тиынмен есептелген конкурсқа қатысуға өтінімді қамтамасыз ету сомасы дөңгелектенеді. Бұл ретте елу тиыннан кем сома нөлге дейін дөңгелектенеді, ал елу тиынға тең және одан жоғары сома бір теңгеге дейін дөңгелектенеді.

      45. Конкурсқа қатысуға өтінімді қамтамасыз етуді енгізу әрбір лотқа жеке немесе әлеуетті өнім беруші қатысатын конкурс лоттарының жалпы сомасына жүзеге асырылады.

       Әлеуетті өнім беруші ұйымдастырушының банктік шотына не мемлекеттік органдар және мемлекеттік мекемелер болып табылатын ұйымдастырушылар үшін Қазақстан Республикасының бюджеттік заңнамасында көзделген шотқа енгізілетін кепілді ақшалай жарна түрінде конкурсқа қатысуға өтінімді қамтамасыз етуді енгізген жағдайда, ол кепілді ақшалай жарнаны растайтын төлем құжатының электрондық көшірмесі түрінде ұсынылады. Бұл ретте кепілді ақшалай жарна конкурсқа қатысуға өтінімдерді ұсынудың соңғы мерзіміне дейін конкурстық құжаттамада көрсетілген банктік шотқа енгізіледі.

      46. Конкурсқа қатысуға өтінімдерді ашуды веб-портал конкурсқа қатысуға өтінімдерді ұсынудың соңғы мерзімі өткен сәттен бастап бес минут ішінде автоматты түрде жүргізеді.

      47. Егер конкурсқа (лотқа) қатысуға бір ғана өтінім берілсе, онда мұндай өтінім де осы Қағидаларға сәйкес ашылады және қаралады.

       48. Конкурсқа қатысуға өтінімдерді ашу хаттамасын веб-портал осы Қағидаларға 4-қосымшаға сәйкес оларды ашу сәтінде автоматты түрде орналастырады. Бұл ретте веб-портал конкурстық комиссияның мүшелеріне, конкурсқа қатысуға өтінім берген әлеуетті өнім берушілерге автоматты түрде хабарлама жібереді.

      49. Конкурсты өткізу басталғанға дейін конкурстық комиссияның мүшелері, конкурстық комиссияның хатшысы бекітілген конкурстық құжаттамамен және оның қосымшаларымен танысады.

      50. Конкурстық комиссия веб-портал арқылы біліктілік талаптарына және конкурстық құжаттама талаптарына сәйкес келетін әлеуетті өнім берушілерді анықтау мақсатында конкурсқа қатысуға арналған өтінімдерді қарайды.

      51. Әлеуетті өнім берушілердің біліктілік талаптарына және конкурстық құжаттама талаптарына сәйкестігі мәніне конкурсқа қатысуға өтінімдерді қарау кезінде конкурстық комиссия:

      1) конкурсқа қатысуға өтінімдерді қарауды, салыстыруды оңайлату үшін әлеуетті өнім берушілерден олардың өтінімдеріне байланысты материалдар мен түсіндірмелерді жазбаша нысанда және (немесе) электрондық құжат нысанында сұратады;

      2) конкурсқа қатысуға өтінімдерде қамтылған мәліметтерді нақтылау мақсатында тиісті жеке немесе заңды тұлғалардан, мемлекеттік органдардан жазбаша нысанда және (немесе) электрондық құжат нысанында қажетті ақпаратты сұратады.

      52. Конкурстық комиссияның конкурсқа қатысуға өтінімді жетіспейтін құжаттармен толықтыруға, конкурсқа қатысуға өтінімде ұсынылған құжаттарды ауыстыруға, тиісінше ресімделмеген құжаттарды сәйкес келтіруге байланысты сауал жіберуіне және өзге де іс-әрекеттеріне жол берілмейді.

      Конкурстық комиссия конкурсқа қатысуға өтінімді, егер онда ұсынылған өтінімнің мәнін қозғамай түзетуге болатын грамматикалық немесе арифметикалық қателер болса, конкурстық құжаттаманың талаптарына жауап беретін өтінім ретінде қарайды.

      53. Әлеуетті өнім берушілердің біліктілік талаптарының банкроттық не тарату рәсіміне қатыстылығы бойынша сәйкестігін нақтылау мақсатында конкурстық комиссия банкроттық не тарату рәсімдерінің жүргізілуін бақылауды жүзеге асыратын уәкілетті органның интернет-ресурсында орналастырылған ақпаратты қарайды.

      54. Конкурсқа қатысуға өтінімдерді қарау нәтижелері бойынша конкурстық комиссия конкурсқа қатысуға өтінімдерді ашқан күннен бастап бес жұмыс күні ішінде:

      1) біліктілік талаптарына және конкурстық құжаттаманың талаптарына сәйкес келетін әлеуетті өнім берушілерді айқындайды, конкурсқа қатысушылар деп таниды;

      2) өлшемшарттарды қолданады және есептейді;

       3) осы Қағидаларға 6-қосымшаға сәйкес конкурс қорытындылары туралы хаттаманы ресімдейді.

      55. Конкурстық комиссияның шешімі веб-портал арқылы дауыс берумен қабылданады және егер оған конкурстық комиссия мүшелерінің жалпы санынан конкурстық комиссия мүшелерінің көпшілігі дауыс берсе, қабылданды деп есептеледі. Дауыстар тең болған жағдайда конкурстық комиссияның төрағасы дауыс берген шешім қабылданды деп есептеледі.

      Конкурстық комиссияның шешімімен келіспеген жағдайда осы конкурстық комиссияның кез келген мүшесі өз пікірін айта алады, ол құжаттың электрондық көшірмесі нысанында веб-порталда орналастырылады.

      Конкурстық комиссияның тиісті хаттамаларында конкурстық комиссияның қандай да бір мүшесінің қолы болмаған жағдайда конкурстық комиссияның хатшысы қолдың болмау себебі жазылған құжатты немесе ақпаратты веб-порталда орналастырады.

      56. Конкурс қорытындылары туралы хаттама:

      1) осы Қағидалардың 51-тармағына сәйкес конкурстық комиссияның сауалдары туралы;

      2) бас тарту себептері егжей-тегжейлі сипатталған, оның ішінде олардың біліктілік талаптарына және конкурстық құжаттама талаптарына сәйкес еместігін растайтын мәліметтер мен құжаттар көрсетілген конкурсқа қатысуға өтінімдері қабылданбаған әлеуетті өнім берушілер туралы;

      3) конкурстық комиссияның өлшемшарттарды қолдануы туралы ақпаратты қамтиды.

      57. Конкурстық комиссия конкурсқа қатысуға енгізілген өтінімді қамтамасыз етуді:

      1) электрондық банктік кепілдік түрінде ұсынылған конкурсқа қатысуға өтінімді қамтамасыз етудің қолданылу мерзімі жеткіліксіз болған жағдайда;

      2) конкурстық комиссияның:

      конкурсқа қатысуға өтінімді қамтамасыз етуді берген тұлғаны;

      электрондық банктік кепілдік түрінде конкурсқа қатысуға өтінімді қамтамасыз ету енгізілетін конкурстың атауы мен нөмірін;

      конкурсқа қатысуға өтінімді қамтамасыз етудің қолданылу мерзімін, электрондық банктік кепілдік түрінде ұсынылған оны беру шарттарын және (немесе) конкурсқа қатысуға өтінімді қамтамасыз ету сомасын;

      конкурсқа қатысуға өтінімді қамтамасыз ету берілген тұлғаны;

      пайдасына конкурсқа қатысуға өтінімді қамтамасыз ету енгізілетін тұлғаны анықтауына мүмкіндік бермейтін мәліметтердің болмауынан көрінетін конкурсқа қатысуға өтінімді қамтамасыз ету тиісінше ресімделмеген жағдайда;

      3) конкурсқа (лотқа) бөлінген соманың бір пайызынан кем мөлшерде конкурсқа қатысуға өтінімді қамтамасыз ету енгізілген жағдайларда конкурстық құжаттама талаптарына сәйкес емес деп таниды.

      58. Ұйымдастырушы әлеуетті өнім берушіге конкурсқа қатысуға өтінімді қамтамасыз етуді мынадай жағдайлардың бірі туындаған күннен бастап үш жұмыс күні ішінде қайтарады:

      1) әлеуетті өнім беруші конкурсқа қатысуға өтінімдер ұсынудың соңғы мерзімі аяқталғанға дейін өзінің конкурсқа қатысуға өтінімін кері қайтарып алған жағдайларда ашу хаттамасын орналастыру;

      2) конкурс қорытындылары туралы хаттамаға қол қою. Аталған жағдай конкурс жеңімпазы деп айқындалған конкурсқа қатысушыға қолданылмайды;

      3) әлеуетті өнім берушінің шартқа қол қоюы және оның шарттың орындалуын қамтамасыз етуді енгізуі.

      59. Конкурсты ұйымдастырушы электрондық банк кепілдігі түрінде енгізілген конкурсқа қатысуға өтінімді қамтамасыз етуді мынадай жағдайлардың бірі орын алған кезде әлеуетті өнім берушіге қайтармайды:

      1) конкурс жеңімпазы деп айқындалған әлеуетті өнім беруші шарт жасасудан жалтарса;

      2) конкурс жеңімпазы шарт жасасып, шартты орындауды қамтамасыз етуді енгізу және (немесе) енгізу мерзімдері туралы конкурстық құжаттамада белгіленген талаптарды орындамаса не тиісінше орындамаса, оның ішінде уақтылы орындамаса.

      Электрондық әмиян арқылы енгізілген конкурсқа қатысуға өтінімді қамтамасыз етуді бірыңғай оператор бұғаттайды және мынадай жағдайлардың бірі орын алған кезде әлеуетті өнім берушіге қайтармайды:

      1) конкурс жеңімпазы деп айқындалған әлеуетті өнім беруші шарт жасасудан жалтарса;

      2) конкурс жеңімпазы шарт жасасып, шартты орындауды қамтамасыз етуді енгізу және (немесе) енгізу мерзімдері туралы конкурстық құжаттамада белгіленген талаптарды орындамаса не тиісінше орындамаса, оның ішінде уақтылы орындамаса.

      Мұндай жағдайларда конкурсқа қатысуға өтінімді қамтамасыз ету сомасы тиісті бюджеттің кірісіне есептеледі.

      Әлеуетті өнім берушінің электрондық әмияндағы ақшаның тұтастай не оның бір бөлігін талап ету құқығының үшінші тұлғаларда туындауына әкеп соғатын іс-әрекеттер жасауына жол берілмейді.

      Осы тармақта көрсетілген жағдайларды қоспағанда, бірыңғай оператордың электрондық әмияндағы ақшаны пайдалануына жол берілмейді.

      60. Әлеуетті өнім берушінің өзінің электрондық әмиянында орналастырылған ақшаны қайтару туралы талабы бойынша бірыңғай оператор осындай талап келіп түскен күннен бастап үш жұмыс күні ішінде оларға қатысты бұғаттау жүзеге асырылмаған немесе бұғаттау тоқтатылған көрсетілген ақшаны қайтарады.

      61. Бірыңғай оператор тапсырыс берушіден веб-портал арқылы өтініш келіп түскен күннен бастап бес жұмыс күні ішінде, егер әлеуетті өнім беруші шарт жасасудан жалтарса немесе шарт жасасып, шарттың орындалуын қамтамасыз етуді енгізбесе, әлеуетті өнім берушінің электрондық әмиянынан тапсырыс берушінің өтінішінде көрсетілген шотқа өтінімді қамтамасыз ету бойынша бұғатталған ақшаны аударуды жүзеге асырады.

      62. Конкурс қорытындылары туралы хаттамаға веб-порталда конкурстық комиссияның барлық мүшелері қол қояды және конкурстық комиссияның хатшысы конкурсқа қатысуға өтінім берген барлық әлеуетті өнім берушілерді автоматты түрде хабардар ете отырып, оны конкурс қорытындылары туралы шешім қабылданған күні веб-порталда орналастырады.

      63. Конкурстық комиссия конкурс қорытындылары хаттамасында енгізілген конкурсқа қатысуға өтінімді қамтамасыз етуді конкурстық құжаттама талаптарына сәйкес келмейді деп тану себебін көрсетеді.

       64. Конкурстық комиссия конкурс қорытындылары туралы хаттаманы қалыптастыру кезінде конкурсқа қатысуға бір өтінім берілген жағдайларды қоспағанда, конкурсқа қатысуға өтінім берген әрбір әлеуетті өнім берушіге қатысты Үлгілік конкурстық құжаттамаға 7, 8-қосымшалардағы өлшемшарттарға сәйкес балл қояды.

      Барынша көп балл жинаған әлеуетті өнім беруші конкурс жеңімпазы болып танылады.

      Егер конкурсқа конкурстық құжаттаманың талаптарына сәйкес өтінімді ұсынған және осы Қағидалардың нормаларына сәйкес келетін бір әлеуетті өнім беруші қатысқан жағдайда, ол конкурс жеңімпазы болып танылады.

       65. Егер екі және одан да көп әлеуетті өнім беруші бірдей балл санын жинаған жағдайда, Үлгілік конкурстық құжаттамаға 7-қосымшаға сәйкес "Қызмет көрсету нарығында соңғы 5 жылдағы жұмыс тәжірибесі" өлшемшарты бойынша ең көп балл жинаған, Үлгілік конкурстық құжаттамаға 8-қосымшаға сәйкес "Тауар нарығындағы соңғы 5 жылдағы жұмыс тәжірибесі" өлшемшарты бойынша ең көп балл жинаған конкурсқа қатысушы жеңімпаз болып танылады.

      Жұмыс тәжірибесі бойынша балдар саны тең болған жағдайда конкурсқа қатысуға өтінімі басқа әлеуетті өнім берушілердің конкурсқа қатысуға өтінімдерінен бұрын түскен конкурсқа қатысушы жеңімпаз деп танылады.

      66. Конкурсты ұйымдастырушы:

      1) ұсынылған өтінімдер болмаған;

      2) конкурсқа қатысуға бірде-бір әлеуетті өнім беруші жіберілмеген;

      3) егер аталған өнім беруші конкурсқа жалғыз қатысып, конкурс жеңімпазы шарт жасасудан жалтарған жағдайларда конкурсты өткізілмеді деп таниды.

      67. Конкурс өткізілмеді деп танылған кезде конкурсты ұйымдастырушы осы Қағидалардың 30-тармағына сәйкес конкурс өткізілмеді деп танылған күннен бастап бір жұмыс күнінен кешіктірмей конкурсты қайта өткізу туралы хабарлайды.

      68. Конкурс жеңімпазы шарт жасасудан жалтарған жағдайда, конкурсқа екі және одан да көп әлеуетті өнім беруші қатысқан кезде конкурстық комиссия көрсетілетін қызметтерді немесе тауарларды жеткізушілерді таңдау өлшемшарттарына сәйкес конкурс жеңімпазынан кейін жиналған балдар саны бойынша келесі әлеуетті өнім берушімен шарт жасасу туралы шешім қабылдайды және екі жұмыс күні ішінде оған веб-портал арқылы электрондық цифрлық қолтаңбамен куәландырылған шартты жібереді.

      Әлеуетті өнім беруші шартты алған күннен бастап үш жұмыс күні ішінде шартқа электрондық цифрлық қолтаңбамен қол қояды.

      69. Білім алушыларды тамақтандыруды ұйымдастыру бойынша тапсырыс берушінің үздіксіз қызметін қамтамасыз ету мақсатында конкурс жеңімпазымен шарт күшіне енгенге дейінгі кезеңге өнім беруші тарапынан бұзушылықтар болмаған жағдайда, тікелей шарт жасасу арқылы жұмыс істеп тұрған өнім берушімен шарттың қолданылуын ұзартады.

      Өнім беруші шарттың қолданылу мерзімін ұзартудан бас тартқан, өнім беруші тарапынан бұзушылықтар болған жағдайда, шарт конкурс жеңімпазымен шарт күшіне енгенге дейінгі кезеңге алдыңғы конкурста екінші, үшінші, төртінші және одан әрі кезектілік тәртібімен орын алған әлеуетті өнім берушімен жасалады.

      Өнім беруші шарттың қолданылу мерзімін ұзартудан бас тартқан, өнім беруші тарапынан бұзушылықтар болған, шарт жасасудан бас тартқан немесе алдыңғы конкурста кезектілік тәртібімен екінші, үшінші, төртінші және тағы басқа орын алған әлеуетті өнім беруші болмаған жағдайда, конкурсты ұйымдастырушы, тапсырыс беруші тамақтандыруды ұйымдастыру немесе біліктілік талаптарына сәйкес келетін және білім беру ұйымдарында кемінде 2 жыл тауар жеткізу бойынша тәжірибесі бар тауарларды жеткізу жөнінде қызметтер көрсететін өнім берушіні тарту туралы шешім қабылдайды.

      Бұл ретте мұндай сатып алу конкурсты өткізу мерзімі ішінде тапсырыс берушінің қажеттілігін қамтамасыз ету үшін қажетті, бірақ екі айдан аспайтын мерзімде осындай көрсетілетін қызметтерді, тауарларды сатып алу көлемінен аспайтын көлемде жүзеге асырылады.

      Конкурс қорытындысына, уәкілетті органның шешіміне шағым жасалған жағдайда шарт шағым жасау кезеңіне ұзартылады.

      70. Тапсырыс беруші, конкурсты ұйымдастырушы екі жұмыс күні ішінде тапсырыс берушінің, конкурсты ұйымдастырушының интернет-ресурсында қызметті немесе тауарларды жеткізуші туралы ақпаратты орналастырады.

      71. Осы Қағидалардың 66-тармағына сәйкес қайта конкурс өткізілмеді деп танылған кезде, конкурсқа тапсырыс беруші біліктілік талаптарына сәйкес келетін және білім беру ұйымдарында кемінде 2 жыл қызмет көрсету, тауарларды ұсыну бойынша тәжірибесі бар тамақтандыруды ұйымдастыру бойынша қызмет көрсететін өнім берушіні тікелей шарт жасасу арқылы тарту туралы шешім қабылдайды.

       Ұйымдастырушы өнім берушіні тарту туралы шешім қабылданған күннен бастап екі жұмыс күні ішінде веб-портал арқылы осы Қағидаларға 7-қосымшаға сәйкес тапсырыс беруші айқындаған әлеуетті өнім берушіге шақыру жібереді.

       Әлеуетті өнім беруші келіскен жағдайда, осы әлеуетті өнім беруші күнтізбелік бес күн ішінде веб-портал арқылы тапсырыс берушіге Үлгілік конкурстық құжаттамаға 7, 8-қосымшаларға сәйкес жұмыс тәжірибесі туралы растайтын құжаттарды қоса бере отырып, қатысу туралы растау жібереді.

      Тапсырыс беруші қатысу туралы растауды алған күннен бастап үш жұмыс күні ішінде әлеуетті өнім берушіге веб-портал арқылы электрондық цифрлық қолтаңбамен куәландырылған шарттың жобасын жібереді.

      Әлеуетті өнім беруші шарттың жобасын алған күннен бастап үш жұмыс күні ішінде шарттың жобасын электрондық цифрлық қолтаңба арқылы куәландырады.

      72. Әлеуетті өнім беруші:

      1) егер ол мынадай негіздер бойынша біліктілік талаптарына сәйкес келмейді деп анықталса:

      конкурстық құжаттамаға біліктілік туралы мәліметтерді ұсынбаса, сол сияқты мәліметтерді толық ұсынбаса;

      әлеуетті өнім беруші конкурстық құжаттамада көрсетілген шарт бойынша міндеттемелерді орындау үшін жеткілікті материалдық және еңбек ресурстарына ие болу бөлігінде біліктілік талаптарына сәйкес келмесе;

      біліктілік талаптары бойынша дұрыс емес ақпарат беру фактісі анықталса;

      2) егер оның конкурсқа қатысуға өтінімі мынадай негіздер бойынша конкурстық құжаттаманың талаптарына сәйкес келмейді деп айқындалса:

      техникалық тапсырманы ұсынбаса;

      әлеуетті өнім беруші конкурстық құжаттаманың талаптарына сәйкес келмейтін техникалық тапсырманы ұсынса, сол сияқты техникалық тапсырмамен талап етілетін құжаттарды ұсынбаса;

      конкурстық құжаттаманың және осы Қағидалардың талаптарына сәйкес конкурсқа қатысуға өтінімді қамтамасыз етуді ұсынбаса;

      конкурстық өтінімде ұсынылған құжаттар бойынша дұрыс емес мәліметтерді ұсыну фактісі анықталса, конкурсқа қатысуға жіберілмейді, конкурсқа қатысушы, конкурс жеңімпазы ретінде таныла алмайды.

      73. Тапсырыс берушінің, ұйымдастырушының, комиссиялардың әрекеттеріне (әрекетсіздігіне), шешімдеріне шағым жасауды, егер олардың әрекеттері (әрекетсіздігі), шешімдері әлеуетті өнім берушінің құқықтары мен заңды мүдделерін бұзса, өнім беруші жүзеге асырады.

      Конкурс қорытындылары туралы хаттама орналастырылған күннен бастап бес жұмыс күнінен кешіктірмей уәкілетті органға шағым жасалған кезде шарт жасасу мерзімі шағымды қарау мерзімі аяқталғанға дейін тоқтатыла тұрады. Конкурсқа қатыспаған тұлғаларға шағым жасау шарт жасасу мерзімін тоқтата тұрмайды.

      74. Шағым Қазақстан Республикасының мемлекеттік аудит және қаржылық бақылау туралы заңнамасына сәйкес электрондық мемлекеттік аудит, камералдық тексеріс шеңберінде қаралады.

      75. Уәкілетті орган шағым түскен күннен бастап бір жұмыс күнінен кешіктірмей тапсырыс берушіге шарт жасасуды тоқтата тұру туралы хабарлама жібереді.

      76. Уәкілетті органға тапсырыс берушінің, конкурсты ұйымдастырушының, комиссиялардың іс-әрекеттеріне (әрекетсіздігіне), шешімдеріне жасалған шағымда іс-әрекетіне (әрекетсіздігіне), шешімдеріне шағым жасалып отырған заңды тұлғаның атауы, орналасқан жері, шағым берген тұлғаның атауы, орналасқан жері, конкурс туралы мәліметтер, тапсырыс берушінің, конкурсты ұйымдастырушының, комиссиялардың шағым жасалған іс-әрекеттері (әрекетсіздігі), шешімдері қамтылуы тиіс. Шағымға шағым берген адамның дәлелдерін растайтын құжаттар қоса берілуі мүмкін.

      Шағымға оны беруші тұлға немесе оның өкілі қол қояды. Өкіл берген шағымға сенімхат немесе өкілдің өкілеттігін куәландыратын өзге де құжат қоса берілуі тиіс.

      77. Түскен күннен бастап екі жұмыс күні ішінде шағым оны берген тұлғаға мынадай жағдайларда қараусыз қайтарылады:

      1) шағым осы Қағидалардың 76-тармағында белгіленген нормаларға сәйкес келмесе;

      2) шағымға қол қойылмаса не оған қол қоюға өкілеттігі жоқ тұлға қол қойса.

      78. Конкурс қорытындылары туралы хаттама қызмет көрсету немесе тауарларды жеткізу туралы шарт жасасуға негіз болып табылады. Қызметтерді, тауарларды сатып алу туралы шарт (бұдан әрі - шарт) тапсырыс беруші мен өнім беруші арасында жасалады.

       79. Конкурс қорытындылары туралы хаттамаға шағымдану мерзімі өткеннен кейін үш жұмыс күні ішінде тапсырыс беруші әлеуетті өнім берушіге Үлгілік конкурстық құжаттамаға 9-қосымшаға сәйкес Қызмет көрсету туралы үлгілік шартқа және 10-қосымшаға сәйкес Тауарларды жеткізу туралы үлгілік шартқа сәйкес жасалған қызмет көрсету немесе тауарларды жеткізу туралы қол қойылған шартты жібереді.

      80. Шарт тиісті қаржы жылына арналған міндеттемелер бойынша бекітілген жеке қаржыландыру жоспарына сәйкес бөлінген қаражат шегінде жасалады және өнім беруші тарапынан бұзушылықтар болмаған жағдайда, тікелей шарт жасасу арқылы келесі қаржы жылдарына екі рет ұзартылады.

      Шарттың қолданылу мерзімін ұзарту шарттың қолданылу мерзімі өткен күннен бастап 3 жұмыс күні ішінде тиісті қаржы жылына арналған көрсетілетін қызметтерді және (немесе) тауарларды сатып алу жоспарына сәйкес жүзеге асырылады.

      Мемлекеттік бюджет қаражаты есебінен тамақтанумен қамтамасыз етілетін тәрбиеленушілер мен білім алушылардың саны өзгерген жағдайда шартқа өзгерістер енгізіледі.

      81. Өнім беруші шартты алған күннен бастап үш жұмыс күні ішінде қол қойылған қызмет көрсету немесе тауарларды жеткізу туралы шартқа қол қояды және конкурсты ұйымдастырушыға қайтарады.

      82. Өнім беруші шарт жасалған күннен бастап он жұмыс күні ішінде шарттың орындалуын қамтамасыз етуді енгізеді.

      Бұл ретте тапсырыс беруші шартты орындауды қамтамасыз етуді енгізу мерзімі аяқталған күннен бастап екі жұмыс күні ішінде өнім берушіге шартты бұзу ниеті туралы хабарлама жібереді. Егер өнім беруші шартты бұзу ниеті туралы хабарламаны алған күннен бастап үш жұмыс күні ішінде шарттың орындалуын қамтамасыз етуді енгізбесе, тапсырыс беруші шартты бұзу туралы хабарлама жібереді.

      83. Қызметті берушіні таңдау бойынша конкурста жеңімпаз болып танылған әлеуетті өнім беруші күнтізбелік он бес күн ішінде мемлекеттік мүлік туралы Қазақстан Республикасының заңнамасына сәйкес мектеп асханасының орын-жайын және жабдықтарын жалға алу жөнінде шарт жасасады.

       84. Қызметті жеткізуші жалға алу шартын алған күннен бастап үш жұмыс күні ішінде халықтың санитариялық-эпидемиологиялық саламаттылығы саласындағы аумақтық органдарға объектінің қызметіне рұқсат беру құжаттарын алу үшін өтініш жібереді және білім алушыларды тамақтандыруды ұйымдастыру бойынша қызмет көрсетуге дейін "Халықтың санитарлық-эпидемиологиялық саламаттылығы саласындағы есепке алу мен есеп құжаттамасының нысандарын бекіту туралы" Қазақстан Республикасы Ұлттық экономика министрінің 2015 жылғы 30 мамырдағы № 415 бұйрығына (Нормативтік құқықтық актілерді мемлекеттік тіркеу тізілімінде № 11626 тіркелген) 17-қосымшаға сәйкес нысан бойынша объектінің халықтың санитариялық-эпидемиологиялық саламаттылығы саласындағы нормативтік құқықтық актілерге және гигиеналық нормативтерге сәйкестігі (сәйкес еместігі) туралы санитариялық-эпидемиологиялық қорытынды алады.

      85. Шарттық міндеттемелерді орындау процесінде туындайтын барлық даулар Қазақстан Республикасының азаматтық заңнамасына сәйкес шешіледі.

      86. Алдын ала жылдық сатып алу жоспары шеңберінде өткізілген өнім берушіні таңдау рәсімдері тиісті бюджет бекітілгенге дейін аяқталған жағдайда, шарт жеңімпазға тиісті бюджет бекітілген күннен бастап бес жұмыс күні ішінде жіберіледі.

      87. Көрсетілген мерзім ішінде шартқа қол қоймаған әлеуетті өнім беруші шарт жасасудан жалтарған болып есептеледі.

       88. Егер жеңімпаз деп танылған әлеуетті өнім беруші және екінші орын алған әлеуетті өнім беруші Қағидаларда белгіленген мерзімде тапсырыс берушіге қол қойылған шартты ұсынбаған және (немесе) шарттың орындалуын қамтамасыз етуді енгізбеген жағдайда, онда конкурсты ұйымдастырушы Қазақстан Республикасы Білім және ғылым министрінің 2018 жылғы 31 қазандағы № 599 бұйрығымен бекітілген Мемлекеттік орта білім беру ұйымдарында, мектептен тыс қосымша білім беру ұйымдарында білім алушыларды тамақтандыруды ұйымдастыру бойынша көрсетілетін қызметтерді, тауарларды, сондай-ақ мемлекеттік мектепке дейінгі ұйымдарда, жетім балалар мен ата-анасының қамқорлығынсыз қалған балаларға арналған білім беру ұйымдарында, техникалық және кәсіптік, орта білімнен кейінгі білім беру ұйымдарында тәрбиеленетін және білім алатын балаларды тамақтандыруды қамтамасыз етуге байланысты тауарларды жосықсыз берушілердің (әлеуетті берушілердің) тізбесін қалыптастыру қағидалары (бұдан әрі – Жосықсыз өнім берушілердің (әлеуетті өнім берушілердің) тізбесін қалыптастыру қағидалары) сәйкес күнтізбелік отыз күннен кешіктірмей мұндай өнім берушіні жосықсыз деп тану туралы талап арызбен сотқа жүгінеді.

      89. Жеңімпаз деп айқындалған әлеуетті өнім беруші шарт жасасудан жалтарған деп танылған жағдайда, ұйымдастырушы ол енгізген конкурсқа қатысуға өтінімді қамтамасыз етуді ұстап қалады.

      90. Егер жеңімпаз деп айқындалған әлеуетті өнім беруші қол қойылған шартты тапсырыс берушіге ұсынбаса, шартты алған күннен бастап он жұмыс күні ішінде шарттың орындалуын қамтамасыз етуді енгізбесе, тапсырыс беруші өнім берушінің шартты бұзу туралы хабарламасын алған күннен бастап үш жұмыс күні өткен соң екінші орын алған әлеуетті өнім берушіге шартты жібереді. Шартқа екінші орын алған әлеуетті өнім беруші оған шарт берілген күннен бастап үш жұмыс күні ішінде қол қояды.

      Егер екінші орын алған әлеуетті өнім беруші белгіленген мерзімде тапсырыс беруші қол қойған шартқа қол қоймаса, тапсырыс беруші қайта конкурс өткізуді жүзеге асырады.

      91. Қаржы органдары осы Қағидаларды бұза отырып қабылданған ұйымдастырушының және конкурстық комиссияның шешімдерін жою туралы не шарт жасалғанға дейін, оның ішінде ұйымдастырушының уәкілетті органның осындай шешіміне шағымдануы кезеңінде конкурстың күшін жою туралы шешім шығарған кезде, шарт жасалмайды.

      92. Уәкілетті орган ұйымдастырушының және конкурстық комиссияның не конкурстың (лоттың) шешімдерінің күшін жойған жағдайда, конкурсты ұйымдастырушы уәкілетті органның шешімін алған күннен бастап 3 жұмыс күні ішінде оны веб-порталға орналастырады. Уәкілетті органның шешімі орналастырылған күннен бастап 3 жұмыс күні ішінде конкурсты ұйымдастырушы конкурс қорытындыларын қайта қарауды жүзеге асырады немесе конкурс туралы хабарландыруды веб-порталға орналастырады.";

      93. Шарттың орындалуын қамтамасыз ету мөлшерін конкурсты ұйымдастырушы шарттың жалпы сомасының үш пайызы мөлшерінде белгілейді.

      94. Өнім беруші шарттың орындалуын қамтамасыз етудің мынадай түрлерінің бірін таңдай алады:

      1) тапсырыс берушінің банктік шотына не Қазақстан Республикасының бюджеттік заңнамасында көзделген шотқа енгізілетін кепілді ақшалай жарна;

      2) банктік кепілдік.

      Тапсырыс беруші өнім берушіге шарттың орындалуын қамтамасыз етуді өнім беруші шарт бойынша өз міндеттемелерін толық және тиісінше орындаған күннен бастап бес жұмыс күні ішінде қайтарады.

      95. Шарттың орындалғаны туралы құжаттар (тауарды қабылдау-тапсыру актісі, көрсетілген қызметтер актісі, шот-фактура) электрондық нысанда ресімделеді.

      Тапсырыс беруші мен өнім беруші көрсетілген шарт бойынша қабылдаған міндеттемелерін толық орындаған жағдайда шарт орындалды деп есептеледі.

      Тауарларды жеткізу кезінде шартты орындау мынадай ретпен жүзеге асырылады:

      1) жүкқұжаттың түпнұсқасын ұсына отырып, тауарды межелі жерге жеткізу;

      2) өнім берушінің тауарды жеткізу фактісін растайтын жүкқұжаттың электрондық көшірмесін тіркей отырып, веб-портал арқылы тауарды қабылдау-тапсыру актісін ресімдеуі;

      3) тапсырыс берушінің тауарды қабылдауы;

       4) Қазақстан Республикасы Премьер-Министрінің Бірінші орынбасары – Қазақстан Республикасы Қаржы министрінің 2019 жылғы 22 сәуірдегі № 370 бұйрығымен бекітілген, Нормативтік құқықтық актілерді мемлекеттік тіркеу тізілімінде № 18583 болып тіркелген Электрондық шот-фактуралардың ақпараттық жүйесінде шот-фактураны электронды нысанда жазып беру қағидаларына және оның нысандарына (бұдан әрі – Электрондық шот-фактуралардың ақпараттық жүйесінде шот-фактураны электронды нысанда жазып беру қағидалары) сәйкес электрондық шот-фактуралардың ақпараттық жүйесі арқылы жазып берілген электрондық шот-фактураны ресімдеу;

      5) тапсырыс берушінің жеткізілген тауар үшін ақы төлеуі.

      Қызметтерді көрсету кезінде шартты орындау мынадай кезектілікпен жүзеге асырылады:

      1) көрсетілген қызметтер актісін веб-портал арқылы ресімдеу;

      2) көрсетілген қызметтерді тапсыру және қабылдау;

      3) Электрондық шот-фактуралардың ақпараттық жүйесінде шот-фактураны электронды нысанда жазып беру қағидаларына сәйкес электрондық шот-фактуралардың ақпараттық жүйесі арқылы жазып берілген электрондық шот-фактураны ресімдеу;

      4) тапсырыс берушінің көрсетілген қызметтер үшін ақы төлеуі.

       96. Өнім беруші веб-портал арқылы тапсырыс берушіге тауарлар, қызметтер туралы мәліметтерді толтыра отырып, электрондық-цифрлық қолтаңбамен бекітілген осы Қағидаларға 8-қосымшаға сәйкес нысан бойынша тауарларды қабылдау-тапсыру актісін, 9-қосымшаға сәйкес нысан бойынша көрсетілген қызметтер актісін жібереді.

      97. Тапсырыс беруші веб-порталда өнім берушінің тауарларды қабылдау-тапсыру актісін, көрсетілген қызметтер актісін ресімдеуі туралы хабарлама алған күннен бастап үш жұмыс күнінен кешіктірмей, актіде шарт бойынша ақпаратты толтырады және оған электрондық-цифрлық қолтаңбамен қол қояды не дәлелді негіздемелерді көрсете отырып, тауарды, қызметтерді қабылдаудан бас тартады.

 2-параграф. Мемлекеттік-жекешелік әріптестік туралы заңға сәйкес мемлекеттік орта білім беру ұйымдарында білім алушыларды тамақтандыруды ұйымдастыру бойынша көрсетілетін қызметтерді сатып алу

       98. Мемлекеттік-жекешелік әріптестік туралы заңға сәйкес білім алушыларды тамақтандыруды ұйымдастыру бойынша көрсетілетін кызметтерді сатып алу осы Қағидаларға 6-қосымшаға сәйкес өтінім негізінде жүзеге асырылады.

      Өтінім қабылданбаған жағдайда конкурс осы Қағидалардың 2-тарауының 1-параграфында қарастырылған Тамақтандыруды ұйымдастыру тәртібіне сәйкес өткізіледі.

      99. Жеке әріптесті анықтау Мемлекеттік-жекешелік әріптестік туралы заңмен белгіленген тәсілдермен жүзеге асырылады.

       100. Әлеуетті жеке әріптестің біліктілік талаптарына сәйкестігін айқындау Мемлекеттік-жекешелік әріптестік туралы заңның 34-бабына сәйкес жүзеге асырылады.

      101.Мемлекеттік-жекешелік әріптестік туралы шарт жасасқанға дейінгі кезеңдегі қажеттілікке сәйкес білім алушыларды тамақтандыруды ұйымдастыру қызметтерін көрсету үшін білім беру ұйымы немесе білім беруді басқару органы, білім беру ұйымы бухгалтерлік есепті дербес жүргізбеген жағдайда, осы Қағидалардың 69-тармағына сәйкес тамақтандыруды ұйымдастыру бойынша қызметтер көрсететін өнім берушіні тарту туралы шешім қабылдайды.";

      102. Орта білім беру ұйымдарында білім алушыларды тамақтандыруды ұйымдастыру үшін жағдайларды қамтамасыз ету осы Қағидалардың 2-тарауының 3-параграфында көзделген орта білім беру ұйымдарында білім алушыларды тамақтандыруды ұйымдастыруға арналған жағдайларға сәйкес жүзеге асырылады.

 3-параграф. Мемлекеттік орта білім беру ұйымдарында білім алушыларды тамақтандыруды ұйымдастыру үшін жағдайларды қамтамасыз ету

      103. Тамақтануды ұйымдастыру кезінде халықтың санитариялық-эпидемиологиялық саламаттылығы саласындағы нормативтік құқықтық актілерге сәйкес тамақтанудың тиісті жағдайлары қамтамасыз етіледі.

      104. Асхананың және (немесе) буфеттің жұмыс уақыты оқу процесі аяқталғанға дейін бір сағат бұрын аяқталады.

      105. Білім беруді басқару органдары және орта білім беру ұйымдары интернет-ресурста "Мектептік тамақтандыру" айдарын құрады, білім алушыларды тамақтандыруды ұйымдастыру жөніндегі ақпаратты (перспективалық, тағамдардың фотосуреті бар күн сайынғы мәзір, жұмыс жоспары, тамақтану сапасының мониторингі жөніндегі комиссиялардың, ведомствоаралық сараптамалық топтардың актілері) "Мектептік тамақтандыру" айдарында, сондай-ақ білім беру органдары мен ұйымдары пайдаланатын басқа да электрондық білім беру ресурстары мен жүйелерінде жүйелі орналастыруды қамтамасыз етеді.

      106. Орта білім беру ұйымының басшысы білім беруді басқару органы бекіткен перспективалық мәзірге сәйкес күн сайын тамақтардың алдағы күнге шығуын көрсете отырып, ас мәзірін бекітеді және оны асханаға және білім алушылардың ата-аналары немесе заңды өкілдері үшін қолжетімді жерге орналастырады.

      107. Қызметті жеткізуші ай сайын орта білім беру ұйымының басшысына өнімнің сапасы мен қауіпсіздігін куәландыратын құжаттарды қоса бере отырып, білім алушылар үшін пайдаланылатын тамақ өнімдерінің тізбесі туралы мәліметтерді ұсынады.

      108. Ата-аналар төлемі есебінен тамақтанатын білім алушылардың мектеп асханасында тамақтану үшін қолма-қол ақшасыз есеп айырысуы кезінде мектеп асханасында сатып алынатын өнімнің бағасын мәзірде (бағалар прейскурантында) көрсетілген бағадан 10% мөлшерінде төмендету көзделеді.

      109. Орта білім беру ұйымдарында қамқоршылық кеңесі, ата-аналар комитеті, мектеп әкімшілігі өкілдерінің, білім беру ұйымының медициналық пунктінің медицина қызметкерінің қатысуымен тамақтану сапасына мониторинг жүргізу жөніндегі комиссия құрылады. Комиссияның төрағасы орта білім беру ұйымының басшысы болып табылады.

      110. Комиссияның міндеттеріне келіп түсетін тамақ өнімдерінің сапасына, отандық тауар өндірушілердің тамақ өнімдеріне CT-KZ сертификаттарының болуына, дайындалған тағамдардың сапасына, технологиялық жабдықтардың болуына және жарамдылығына, азық-түліктерді, дайын тағамдарды сақтау, жеткізу мерзімдері мен шарттарының сақталуына, балалардың нақты тамақтану рационының күнделікті, перспективалық ас мәзіріне сәйкестігіне, асхананың санитарлық жағдайына мониторинг жүргізу кіреді.

      111. Комиссия жұмысының қорытындылары ай сайын кейіннен оларды білім беру ұйымының педагогикалық кеңесінде қарау және орта білім беру ұйымының интернет-ресурсында орналастыру үшін ақпарат түрінде ресімделеді.

      112. Білім беруді басқару органдары жанында жұмыс істейтін тамақтану сапасын бақылау жөніндегі ведомствоаралық сараптамалық топтар тамақтану сапасына мониторинг жүргізу жөніндегі комиссиялардың қызметіне жүйелі мониторинг жүргізеді және оқушылардың тамақтануын тиімді ұйымдастыру бойынша шаралар қабылдайды.

      113. Тамақтану сапасының мониторингі жөніндегі комиссияның функциялары кәсіпкерлік қызметті жүзеге асыратын жеке тұлғаларды немесе заңды тұлғаларды тарту арқылы да жүзеге асырылады. Осы шешім қабылданған жағдайда білім беру ұйымы, қызметті жеткізуші жоғарыда көрсетілген функцияларды жүзеге асыру үшін кәсіпкерлік қызметті жүзеге асыратын жеке тұлғаларға немесе заңды тұлғаларға рұқсат береді.

 3-тарау. Мемлекеттік мектепке дейінгі ұйымдарда, жетім балалар мен ата-анасының қамқорлығынсыз қалған балаларға арналған білім беру ұйымдарында, техникалық және кәсіптік, орта білімнен кейінгі білім беру ұйымдарында тәрбиеленетін және білім алатын балаларды тамақтандыруды қамтамасыз етуге байланысты тауарларды сатып алу тәртібі

 1-параграф. Мемлекеттік мектепке дейінгі ұйымдарда тәрбиеленетін және білім алатын балаларды тамақтандыруды қамтамасыз етуге байланысты тауарларды сатып алу тәртібі

      114. Конкурстық негізде мектепке дейінгі ұйымдарда тәрбиеленетін және білім алатын балаларды тамақтандыруды қамтамасыз етуге байланысты тауарларды сатып алу мынадай дәйекті іс-қимылдарды орындауды көздейді:

      1) тауарларды сатып алу жоспарын әзірлеу және бекіту, егер конкурсты ұйымдастырушы тапсырыс берушінің өзі болмаған жағдайда – конкурсты ұйымдастыру және өткізу рәсімдерін орындау үшін тапсырыс берушінің веб-портал арқылы тауарларды сатып алудың жылдық жоспарының (тауарларды сатып алудың алдын ала жылдық жоспарының) тармақтарын жіберуі;

      2) конкурстық комиссияның құрамын қалыптастыру және бекіту, конкурсты ұйымдастырушы өткізген жағдайда, конкурстық комиссияның құрамына тапсырыс берушінің қызметкерлерін енгізу міндетті емес;

      3) конкурстық құжаттаманы бекіту;

      4) өнім берушіні таңдау рәсімін жүзеге асыру туралы хабарландыруды, сондай-ақ конкурстық құжаттаманың мәтінін веб-порталда орналастыру;

      5) әлеуетті өнім берушілердің конкурсқа қатысуға өтінімдерді электрондық құжат нысанында ұсынуы және оларды веб-порталда автоматты түрде тіркеуі;

      6) өтінімдерді автоматты түрде ашу және тиісті ашу хаттамасын веб-порталда орналастыру;

      7) конкурстық комиссияның веб-портал арқылы әлеуетті өнім берушілердің конкурсқа қатысуға өтінімдерін олардың біліктілік талаптарына және конкурстық құжаттама талаптарына сәйкестігі тұрғысынан қарауы;

      8) біліктілік талаптарына және конкурстық құжаттама талаптарына сәйкес келетін әлеуетті өнім берушілерді анықтау және оларды конкурсқа қатысушылар деп тану;

      9) конкурс жеңімпазын, сондай-ақ екінші орын алған әлеуетті өнім берушіні анықтау және сатып алу қорытындылары туралы хаттаманы веб-порталда орналастыру;

      10) конкурс қорытындылары туралы хаттама негізінде тапсырыс берушінің, ұйымдастырушының жеңімпазбен шарт жасасуы.

      115. Конкурстық құжаттамада не орналастырылатын ақпаратта әлеуетті өнім берушілерге сандық жағынан өлшенбейтін және (немесе) әкімшілендірілмейтін кез келген талаптарды белгілеуге не сатып алынатын тауарлардың жекелеген әлеуетті өнім берушілерге тиесілігін айқындайтын сипаттамаларды көрсетуге жол берілмейді.

      116. Тауарларды сатып алуды ұйымдастырушының немесе тапсырыс берушінің тауарларды сатып алудың бекітілген жоспары негізінде конкурсты ұйымдастырушы жүзеге асырады.

       117. Тапсырыс беруші немесе, егер тапсырыс беруші мен конкурсты ұйымдастырушы бір тұлға болған жағдайда, конкурсты ұйымдастырушы тиісті бюджет бекітілген күннен бастап он жұмыс күні ішінде осы Қағидаларға 1-қосымшаға сәйкес нысан бойынша тауарларға қажеттілікке сәйкес қаржы жылына арналған тауарларды сатып алу жоспарын тиісті бюджет негізінде әзірлейді және бекітеді.

      Тамақтану шығындарының 100 пайызы ата-анасынан немесе заңды өкілдерінен алынатын мектепке дейінгі ұйымдарда тауарларды сатып алу жоспары қаржы жылының желтоқсан айында бекітіледі.

      118. Тапсырыс беруші немесе, егер тапсырыс беруші мен конкурсты ұйымдастырушы бір тұлға болған жағдайда, конкурсты ұйымдастырушы тауарларды сатып алу жоспары бекітілген күннен бастап бес жұмыс күні ішінде оны веб-порталда орналастырады.

      Тапсырыс беруші ұйымдастырушыға конкурсты ұйымдастыру және өткізу үшін ақпарат пен құжаттарды ұсынады.

      119. Тауарларды сатып алу жоспарына өзгерістер және (немесе) толықтырулар енгізу тапсырыс берушінің немесе, егер тапсырыс беруші мен конкурсты ұйымдастырушы бір тұлға болған жағдайда, конкурсты ұйымдастырушының бюджетіне өзгерістер және (немесе) толықтырулар енгізілген жағдайда жүзеге асырылады.

      Тапсырыс беруші немесе, егер тапсырыс беруші мен конкурсты ұйымдастырушы бір тұлға болған жағдайда, конкурсты ұйымдастырушы тауарларды сатып алу жоспарына өзгерістер және (немесе) толықтырулар енгізу туралы шешім қабылданған күннен бастап бес жұмыс күні ішінде енгізілген өзгерістерді және (немесе) толықтыруларды веб-порталда орналастырады.

      120. Конкурсты ұйымдастыру және өткізу рәсімдерін орындау үшін ұйымдастырушы конкурстық комиссияны бекітеді және конкурстық комиссияның хатшысын айқындайды.

      121. Конкурстық комиссия құру және конкурстық комиссияның хатшысын айқындау туралы шешімді ұйымдастырушының бірінші басшысы не оның міндетін атқарушы тұлға қабылдайды.

      122. Конкурстық комиссия конкурсты ұйымдастырушының бұйрығымен құрылады және комиссия мүшелерінің тақ санынан, бірақ кемінде бес адамнан тұрады.

      Конкурстық комиссияның мүшелері өтінімдерді қарайды және комиссияның жоқ мүшелерін ауыстырусыз дауыс беруге қатысады.

      123. Конкурсты ұйымдастырушы конкурстық комиссияның құрамына келісім бойынша жергілікті атқарушы органдардың, сондай-ақ веб-порталда тіркелген халықтың санитариялық-эпидемиологиялық саламаттылығы саласындағы мемлекеттік орган ведомствосының аумақтық бөлімшелерінің өкілдерін енгізеді.

      124. Конкурстық комиссияның төрағасы болып ұйымдастырушының бірінші басшысының орынбасарынан не бірінші басшының немесе оның орынбасарының міндетін атқарушы тұлғадан төмен емес лауазымды адам айқындалады.

      Конкурстық комиссияның төрағасы болмаған жағдайда конкурстық комиссия төрағасының кандидатурасы қайта бекітіледі. Бұл ретте, конкурстық комиссияның төрағасы болып бірінші басшының орынбасарынан төмен емес лауазымды адам, ал ол болмаған жағдайда бірінші басшы айқындалады.

      125. Конкурстық комиссияның төрағасы конкурстық комиссияның қызметіне жетекшілік жасайды және осы Қағидаларда көзделген функцияларды жүзеге асырады.

      126. Конкурстық комиссия оны құру туралы шешім күшіне енген күннен бастап әрекет етеді және шарт жасалған күні өз қызметін тоқтатады.

      127. Конкурстық комиссияның отырысы, егер оған конкурстық комиссия мүшелерінің кемінде үштен екісі қатысса, алмастыру құқығынсыз заңды болып табылады. Конкурстық комиссия мүшелерінің бірі болмаған жағдайда, конкурстық комиссия отырысының хаттамасында оның болмау себебі көрсетіледі.

      128. Конкурстық комиссияның ұйымдастырушылық қызметін конкурстық комиссияның хатшысы қамтамасыз етеді. Конкурстық комиссияның хатшысы конкурстық комиссияның мүшесі болып табылмайды және конкурстық комиссия шешімдер қабылдаған кезде дауыс беруге қатыспайды.

      Конкурстық комиссияның хатшысы конкурсты ұйымдастырушы болып табылатын, конкурсты ұйымдастыруға және өткізуге жауапты органның немесе ұйымның лауазымды адамдарының арасынан айқындалады.

      129. Конкурстық комиссияның хатшысы:

      1) конкурстық құжаттаманы қалыптастырады және веб-порталға орналастырады;

      2) веб-порталда конкурс өткізу туралы хабарландыруды, конкурсқа қатысуға өтінімдерді ашу хаттамасын, конкурс қорытындылары туралы хаттаманы, сондай-ақ олар болған жағдайда басқа да құжаттарды орналастырады;

      3) осы Қағидаларда көзделген функцияларды жүзеге асырады.

       130. Конкурсты ұйымдастырушы осы Қағидаларға 2-қосымшаға сәйкес нысан бойынша Үлгілік конкурстық құжаттамаға сәйкес конкурстық құжаттаманы әзірлейді және бекітеді, ол мыналарды қамтиды:

       1) Үлгілік конкурстық құжаттамаға 2-қосымшаға сәйкес нысан бойынша сатып алынатын тауарлардың тізбесі;

       2) Үлгілік конкурстық құжаттамаға 3-қосымшаға сәйкес өнім берушіні таңдау бойынша конкурстық құжаттамаға техникалық тапсырма;

       3) Үлгілік конкурстық құжаттамаға 4, 5-қосымшаларға сәйкес нысандар бойынша заңды тұлғалар және жеке тұлғалар үшін конкурсқа қатысуға өтінім;

       4) Үлгілік конкурстық құжаттамаға 6-қосымшаға сәйкес нысан бойынша әлеуетті өнім берушінің біліктілігі туралы мәліметтер;

       5) Үлгілік конкурстық құжаттамаға 8-қосымшаға сәйкес тауарларды жеткізушіні таңдау өлшемшарттары;

       6) Үлгілік конкурстық құжаттамаға 10-қосымшаға сәйкес тауарларды жеткізу туралы үлгілік шарт.

      131. Тауарларды сатып алу кезінде ұйымдастырушы тауарларды лоттарға бөле отырып конкурс өткізу және (немесе) жекелеген тауарларды мынадай топтар бойынша бір лотқа біріктіру туралы шешім қабылдайды: сүт өнімдері, ет өнімдері, көкөністер мен аскөктер, жемістер мен шырындар, балық өнімдері, ұн өнімдері мен жармалар (бұршақ өнімдері).

      Конкурсқа қатысуға өтінімдерді қарау, сондай-ақ лоттарға бөлінген жағдайда конкурс жеңімпазын айқындау конкурстық құжаттамада көзделген әрбір лот бойынша жүзеге асырылады.

      132. Конкурсқа қатысуға арналған өтінімдерді қарау қорытындылары бойынша айқындалған, біліктілік талаптарына және конкурстық құжаттама талаптарына сәйкес келетін әлеуетті өнім берушілер конкурсқа қатысады.

      133. Конкурсқа қатысу үшін әлеуетті өнім беруші келесі біліктілік талаптарына сәйкес келеді:

      1) конкурс өткізу туралы хабарландыру орналастырған күннен кейін мемлекеттік кіріс органдарының мәліметтері негізінде веб-портал автоматты түрде айқындайтын тиісті қаржы жылына арналған республикалық бюджет туралы заңда белгіленген айлық есептік көрсеткіштің алты еселенген мөлшерінен асатын салық берешегінің болмауы;

      2) банкроттық не таратылу рәсіміне жатқызылмауы;

      3) материалдық және еңбек ресурстарының болуы.

      134. Отандық тауар өндірушілерді қолдау үшін конкурсты ұйымдастырушы (тапсырыс беруші) тамақтандыруды ұйымдастыру шеңберінде техникалық тапсырмада, шартта әлеуетті өнім берушілерге отандық өндірістің тамақ өнімдерінен кемінде 60% (алпыс пайыз) сатып алу туралы талаптарды қарастырады.

      135. Конкурстық құжаттама бекітілгеннен кейін конкурсты ұйымдастырушы веб-порталда қазақ және орыс тілдерінде конкурстық құжаттаманы қалыптастырады.

       136. Конкурсты ұйымдастырушы конкурстық құжаттама бекітілген күннен бастап үш жұмыс күнінен кешіктірмей веб-порталда осы Қағидаларға 3-қосымшаға сәйкес конкурс өткізу туралы хабарландырудың мәтінін, сондай-ақ конкурстық құжаттаманы орналастырады.

      Әлеуетті өнім берушілердің конкурсқа қатысуға өтінімдер ұсынуының соңғы күнінің мерзімі конкурс өткізу туралы хабарландырудың мәтінін және бекітілген конкурстық құжаттаманың мәтінін орналастырған күннен бастап кемінде күнтізбелік он бес күнді құрайды.

      137. Конкурстық құжаттамаға өзгерістерді конкурсты ұйымдастырушы конкурс өткізу туралы хабарландырудың мәтінін орналастырған күннен бастап күнтізбелік 10 күн ішінде енгізеді.

      Конкурсты ұйымдастырушы конкурстық құжаттамаға өзгерістер және (немесе) толықтырулар енгізу туралы шешім қабылданған күннен бастап бір жұмыс күнінен кешіктірмей енгізілген өзгерістердің және (немесе) толықтырулардың мәтінін веб-портал арқылы веб-порталда конкурстық құжаттаманы алған өнім берушілерге жібереді.

      Конкурсқа қатысуға өтінімдер берудің соңғы мерзімі күнтізбелік бес күннен он күнге дейінгі мерзімге ұзартылады.

      138. Қайта конкурсты жүзеге асырған жағдайда конкурсты ұйымдастырушы конкурсқа қатысуға өтінімдерді ұсынудың соңғы күніне дейін кемінде күнтізбелік он күн бұрын конкурсты қайта өткізуге байланысты шартты орындау мерзімін қоспағанда, өтпеген конкурстың конкурстық құжаттамасының өзгермеу шартымен қайта конкурсты жүзеге асыру туралы хабарландырудың мәтінін веб-порталда орналастырады.

      139. Конкурс өткізу туралы хабарландыру жарияланған күннен бастап барлық ниет білдірушілерге веб-порталда конкурстық құжаттаманы алу мүмкіндігі беріледі.

      140. Конкурстық құжаттаманы веб-порталда конкурс өткізу туралы хабарланған сәтке дейін беруге жол берілмейді.

      141. Құқықтық қабілеті бар, төлем қабілеті бар және материалдық және еңбек ресурстары бар әлеуетті өнім беруші конкурсқа қатысуға үміткер болады.

      142. Конкурсқа қатысуға өтінім конкурстық құжаттамада көрсетілген оны ұсынудың соңғы мерзімі өткенге дейін веб-портал арқылы электрондық құжат нысанында беріледі және әлеуетті өнім берушінің конкурстық құжаттамада белгіленген шарттарға келісім беру, сондай-ақ әлеуетті өнім берушінің осы Қағидаларда көзделген өнім берушіні таңдау жөніндегі біліктілік және конкурстық құжаттама талаптарына сәйкестігін растайтын мәліметтерді алуға келісім білдіру нысаны болып табылады.

      143. Конкурсқа қатысуға ниет білдірген әлеуетті өнім беруші ұйымдастырушыға ұсынатын конкурсқа қатысуға өтінім конкурстық құжаттамада келтірілген құжаттарды қамтуы тиіс.

      144. Әлеуетті өнім берушілер ұсынған конкурсқа қатысуға өтінімдер автоматты түрде веб-порталда тіркеледі.

      145. Веб-портал конкурсқа қатысуға өтінім берген әлеуетті өнім берушіге тиісті хабарламаны автоматты түрде жіберген кезде конкурсқа қатысуға өтінім қабылданған болып есептеледі.

      146. Әлеуетті өнім беруші конкурсқа, лоттар бойынша бөлінген жағдайда лотқа қатысуға бір ғана өтінім береді.

      147. Мынадай жағдайларда әлеуетті өнім берушінің конкурсқа қатысуға құқығы жоқ және әлеуетті өнім берушінің конкурсқа қатысуға өтінімін веб-портал автоматты түрде қабылдамайды:

      1) әлеуетті өнім беруші бұрын осы конкурсқа қатысуға өтінім берген болса;

      2) конкурсқа қатысуға өтінім веб-порталға осы конкурсқа қатысуға өтінімдерді қабылдаудың соңғы мерзімі өткеннен кейін келіп түссе;

      3) осы әлеуетті өнім берушінің бірінші басшыларының және (немесе) осы әлеуетті өнім берушінің уәкілетті өкілінің жақын туыстары, жұбайы (зайыбы) немесе жекжаттары өнім берушіні таңдау туралы шешім қабылдауға қатысса не өткізілетін конкурстарда тапсырыс берушінің немесе конкурсты ұйымдастырушының өкілі болып табылса;

      4) конкурсқа қатысуға үміткер әлеуетті өнім берушінің басшысы Мемлекеттік сатып алуға жосықсыз қатысушылардың тізілімінде, Жосықсыз өнім берушілер (әлеуетті өнім берушілер) тізбесінде тұрған заңды тұлғаларды басқаруға, құруға, жарғылық капиталына қатысуға байланысты болса;

      5) конкурсқа қатысуға үміткер әлеуетті өнім берушінің басшысы Мемлекеттік сатып алуға жосықсыз қатысушылардың тізіліміне, Жосықсыз өнім берушілердің (әлеуетті өнім берушілердің) тізбесіне енгізілген, кәсіпкерлік қызметті жүзеге асыратын жеке тұлға болып табылса;

      6) кәсіпкерлік қызметті жүзеге асыратын, конкурсқа қатысуға үміткер жеке тұлға болып табылатын әлеуетті өнім беруші Мемлекеттік сатып алуға жосықсыз қатысушылардың тізіліміне, Жосықсыз өнім берушілердің (әлеуетті өнім берушілердің) тізбесіне енгізілген әлеуетті өнім берушінің басшысы болып табылса;

      7) әлеуетті өнім беруші Мемлекеттік сатып алуға жосықсыз қатысушылардың тізілімінде, Жосықсыз өнім берушілердің (әлеуетті өнім берушілердің) тізбесінде тұрса;

      8) әлеуетті өнім берушінің атқарушылық құжаттар бойынша орындалмаған міндеттемелері болса және оны атқарушылық құжаттардың орындалуын қамтамасыз ету саласындағы мемлекеттік саясатты іске асыруды және қызметті мемлекеттік реттеуді жүзеге асыратын уәкілетті орган Борышкерлердің бірыңғай тізіліміне енгізсе;

      9) тиісті қаржы жылына республикалық бюджет туралы заңда белгіленген айлық есептік көрсеткіштің алты еселеген мөлшерінен асатын салық берешегі және міндетті зейнетақы жарналары, міндетті кәсіптік зейнетақы жарналары мен әлеуметтік аударымдары бойынша берешегі болса;

      10) әлеуетті өнім беруші Қазақстан Республикасының резиденті болып табылмаса;

      11) әлеуетті өнім берушінің баланстық құны тиісті негізгі қаражат құнының он пайызынан асатын мүлкіне тыйым салынса;

      12) әлеуетті өнім беруші және (немесе) олардың басшысы Қазақстан Республикасының заңнамасында белгіленген тәртіппен терроризм мен экстремизмді қаржыландырумен байланысты ұйымдар мен тұлғалар тізбесіне енгізілсе;

      13) банкроттық не тарату рәсіміне жатса.

      148. Әлеуетті өнім беруші конкурсқа қатысу үшін ұсынатын конкурсқа қатысуға өтінімнің қолданылу мерзімі конкурсқа қатысуға өтінімдер ашылған күннен бастап кемінде күнтізбелік алпыс күнді құрайды және конкурстық құжаттамада белгіленген мерзімге сәйкес келуі тиіс.

      149. Әлеуетті өнім берушінің конкурсқа қатысуға өтінімді өзгертуі немесе кері қайтарып алуы конкурсқа қатысуға өтінімдерді берудің соңғы мерзімі өткенге дейін кез келген уақытта жүзеге асырылады.

      Конкурсқа қатысуға өтінім берудің соңғы мерзімі өткеннен кейін оны қайтарып алуға жол берілмейді.

      150. Әлеуетті өнім берушінің конкурстық құжаттамаға сәйкес талап етілетін жекелеген құжаттарды ұсынуы мемлекеттік ақпараттық жүйелерге және (немесе) мемлекеттік деректер базаларына жүгіну арқылы не веб-порталды пайдалана отырып, электрондық нысанды толтыру арқылы құжаттарды алу жолымен жүзеге асырылады.

      151. Әлеуетті өнім беруші оларды ұсынудың соңғы мерзімі өткенге дейін веб-порталда мынадай құжаттарды қамтитын конкурстық өтінімді орналастырады:

       1) қолданыс мерзімін көрсете отырып, Үлгілік конкурстық құжаттамаға 4, 5-қосымшаларға сәйкес әлеуетті өнім берушінің қазақ және орыс тілдерінде жасалған конкурсқа қатысуға арналған өтінімі;

      2) әлеуетті өнім берушінің электрондық әмиянындағы ақша немесе тауарларды сатып алу үшін бөлінген соманың бір пайызы мөлшерінде электрондық банктік кепілдік түрінде конкурсқа қатысуға өтінімді қамтамасыз ету;

       3) Үлгілік конкурстық құжаттамаға 3-қосымшаға сәйкес жеткізушіні таңдау жөніндегі конкурстық құжаттамаға техникалық тапсырма;

       4) Үлгілік конкурстық құжаттамаға 6-қосымшаға сәйкес нысан бойынша әлеуетті өнім берушінің біліктілігі туралы мәліметтер.

      152. Тиынмен есептелген конкурсқа қатысуға өтінімді қамтамасыз ету сомасы дөңгелектенеді. Бұл ретте елу тиыннан кем сома нөлге дейін дөңгелектенеді, ал елу тиынға тең және одан жоғары сома бір теңгеге дейін дөңгелектенеді.

      153. Конкурсқа қатысуға өтінімді қамтамасыз етуді енгізу әрбір лотқа жеке немесе әлеуетті өнім беруші қатысатын конкурс лоттарының жалпы сомасына жүзеге асырылады.

      Әлеуетті өнім беруші ұйымдастырушының банктік шотына не мемлекеттік органдар және мемлекеттік мекемелер болып табылатын ұйымдастырушылар үшін Қазақстан Республикасының бюджеттік заңнамасында көзделген шотқа енгізілетін кепілді ақшалай жарна түрінде конкурсқа қатысуға өтінімді қамтамасыз етуді енгізген жағдайда, ол кепілді ақшалай жарнаны растайтын төлем құжатының электрондық көшірмесі түрінде ұсынылады. Бұл ретте кепілді ақшалай жарна конкурсқа қатысуға өтінімдерді ұсынудың соңғы мерзіміне дейін конкурстық құжаттамада көрсетілген банктік шотқа енгізіледі.

      154. Конкурсқа қатысуға өтінімдерді ашуды веб-портал конкурсқа қатысуға өтінімдерді ұсынудың соңғы мерзімі өткен сәттен бастап бес минут ішінде автоматты түрде жүргізеді.

      155. Егер конкурсқа (лотқа) қатысуға бір ғана өтінім берілсе, онда мұндай өтінім де осы Қағидаларға сәйкес ашылады және қаралады.

       156.Конкурсқа қатысуға өтінімдерді ашу хаттамасын веб-портал осы Қағидаларға 4-қосымшаға сәйкес оларды ашу сәтінде автоматты түрде орналастырады. Бұл ретте веб-портал конкурстық комиссияның мүшелеріне, конкурсқа қатысуға өтінім берген әлеуетті өнім берушілерге автоматты түрде хабарлама жібереді.

      157. Конкурсты өткізу басталғанға дейін конкурстық комиссияның мүшелері, конкурстық комиссияның хатшысы бекітілген конкурстық құжаттамамен және оның қосымшаларымен танысады.

      158. Конкурстық комиссия веб-портал арқылы біліктілік талаптарына және конкурстық құжаттама талаптарына сәйкес келетін әлеуетті өнім берушілерді анықтау мақсатында конкурсқа қатысуға арналған өтінімдерді қарайды.

      159. Әлеуетті өнім берушілердің біліктілік талаптарына және конкурстық құжаттама талаптарына сәйкестігі мәніне конкурсқа қатысуға өтінімдерді қарау кезінде конкурстық комиссия:

      1) конкурсқа қатысуға өтінімдерді қарауды, салыстыруды оңайлату үшін әлеуетті өнім берушілерден олардың өтінімдеріне байланысты материалдар мен түсіндірмелерді жазбаша нысанда және (немесе) электрондық құжат нысанында сұратады;

      2) конкурсқа қатысуға өтінімдерде қамтылған мәліметтерді нақтылау мақсатында тиісті жеке немесе заңды тұлғалардан, мемлекеттік органдардан жазбаша нысанда және (немесе) электрондық құжат нысанында қажетті ақпаратты сұратады.

      160. Конкурстық комиссияның конкурсқа қатысуға өтінімді жетіспейтін құжаттармен толықтыруға, конкурсқа қатысуға өтінімде ұсынылған құжаттарды ауыстыруға, тиісінше ресімделмеген құжаттарды сәйкес келтіруге байланысты сауал жіберуіне және өзге де іс-әрекеттеріне жол берілмейді.

      Конкурстық комиссия конкурсқа қатысуға өтінімді, егер онда ұсынылған өтінімнің мәнін қозғамай түзетуге болатын грамматикалық немесе арифметикалық қателер болса, конкурстық құжаттаманың талаптарына жауап беретін өтінім ретінде қарайды.

      161. Әлеуетті өнім берушілердің біліктілік талаптарының банкроттық не тарату рәсіміне қатыстылығы бойынша сәйкестігін нақтылау мақсатында конкурстық комиссия банкроттық не тарату рәсімдерінің жүргізілуін бақылауды жүзеге асыратын уәкілетті органның интернет-ресурсында орналастырылған ақпаратты қарайды.

      162. Конкурсқа қатысуға өтінімдерді қарау нәтижелері бойынша конкурстық комиссия конкурсқа қатысуға өтінімдерді ашқан күннен бастап бес жұмыс күні ішінде:

      1) біліктілік талаптарына және конкурстық құжаттаманың талаптарына сәйкес келетін әлеуетті өнім берушілерді айқындайды, конкурсқа қатысушылар деп таниды;

      2) өлшемшарттарды қолданады және есептейді;

      3) осы Қағидаларға 6-қосымшаға сәйкес конкурс қорытындылары туралы хаттаманы ресімдейді.

      163. Конкурстық комиссияның шешімі веб-портал арқылы дауыс берумен қабылданады және егер оған конкурстық комиссия мүшелерінің жалпы санынан конкурстық комиссия мүшелерінің көпшілігі дауыс берсе, қабылданды деп есептеледі. Дауыстар тең болған жағдайда конкурстық комиссияның төрағасы дауыс берген шешім қабылданды деп есептеледі.

      Конкурстық комиссияның шешімімен келіспеген жағдайда осы конкурстық комиссияның кез келген мүшесі өз пікірін айта алады, ол құжаттың электрондық көшірмесі нысанында веб-порталда орналастырылады.

      Конкурстық комиссияның тиісті хаттамаларында конкурстық комиссияның қандай да бір мүшесінің қолы болмаған жағдайда конкурстық комиссияның хатшысы қолдың болмау себебі жазылған құжатты немесе ақпаратты веб-порталда орналастырады.

      164. Конкурс қорытындылары туралы хаттама:

      1) осы Қағидалардың 159-тармағына сәйкес конкурстық комиссияның сауалдары туралы;

      2) бас тарту себептері егжей-тегжейлі сипатталған, оның ішінде олардың біліктілік талаптарына және конкурстық құжаттама талаптарына сәйкес еместігін растайтын мәліметтер мен құжаттар көрсетілген конкурсқа қатысуға өтінімдері қабылданбаған әлеуетті өнім берушілер туралы;

      3) конкурстық комиссияның өлшемшарттарды қолдануы туралы ақпаратты қамтиды.

      165. Конкурстық комиссия конкурсқа қатысуға енгізілген өтінімді қамтамасыз етуді:

      1) электрондық банктік кепілдік түрінде ұсынылған конкурсқа қатысуға өтінімді қамтамасыз етудің қолданылу мерзімі жеткіліксіз болған жағдайда;

      2) конкурстық комиссияның:

      конкурсқа қатысуға өтінімді қамтамасыз етуді берген тұлғаны;

      электрондық банктік кепілдік түрінде конкурсқа қатысуға өтінімді қамтамасыз ету енгізілетін конкурстың атауы мен нөмірін;

      конкурсқа қатысуға өтінімді қамтамасыз етудің қолданылу мерзімін, электрондық банктік кепілдік түрінде ұсынылған оны беру шарттарын және (немесе) конкурсқа қатысуға өтінімді қамтамасыз ету сомасын;

      конкурсқа қатысуға өтінімді қамтамасыз ету берілген тұлғаны;

      пайдасына конкурсқа қатысуға өтінімді қамтамасыз ету енгізілетін тұлғаны анықтауына мүмкіндік бермейтін мәліметтердің болмауынан көрінетін конкурсқа қатысуға өтінімді қамтамасыз ету тиісінше ресімделмеген жағдайда;

      3) конкурсқа (лотқа) бөлінген соманың бір пайызынан кем мөлшерде конкурсқа қатысуға өтінімді қамтамасыз ету енгізілген жағдайларда конкурстық құжаттама талаптарына сәйкес емес деп таниды.

      166. Ұйымдастырушы әлеуетті өнім берушіге конкурсқа қатысуға өтінімді қамтамасыз етуді мынадай жағдайлардың бірі туындаған күннен бастап үш жұмыс күні ішінде қайтарады:

      1) әлеуетті өнім беруші конкурсқа қатысуға өтінімдер ұсынудың соңғы мерзімі аяқталғанға дейін өзінің конкурсқа қатысуға өтінімін кері қайтарып алған жағдайларда ашу хаттамасын орналастыру;

      2) конкурс қорытындылары туралы хаттамаға қол қою. Аталған жағдай конкурс жеңімпазы деп айқындалған конкурсқа қатысушыға қолданылмайды;

      3) әлеуетті өнім берушінің шартқа қол қоюы және оның шарттың орындалуын қамтамасыз етуді енгізуі.

       167. Конкурсты ұйымдастырушы электрондық банк кепілдігі түрінде енгізілген конкурсқа қатысуға өтінімді қамтамасыз етуді мынадай жағдайлардың бірі орын алған кезде әлеуетті өнім берушіге қайтармайды:

      1) конкурс жеңімпазы деп айқындалған әлеуетті өнім беруші шарт жасасудан жалтарса;

      2) конкурс жеңімпазы шарт жасасып, шартты орындауды қамтамасыз етуді енгізу және (немесе) енгізу мерзімдері туралы конкурстық құжаттамада белгіленген талаптарды орындамаса не тиісінше орындамаса, оның ішінде уақтылы орындамаса.

      Электрондық әмиян арқылы енгізілген конкурсқа қатысуға өтінімді қамтамасыз етуді бірыңғай оператор бұғаттайды және мынадай жағдайлардың бірі орын алған кезде әлеуетті өнім берушіге қайтармайды:

      1) конкурс жеңімпазы деп айқындалған әлеуетті өнім беруші шарт жасасудан жалтарса;

      2) конкурс жеңімпазы шарт жасасып, шартты орындауды қамтамасыз етуді енгізу және (немесе) енгізу мерзімдері туралы конкурстық құжаттамада белгіленген талаптарды орындамаса не тиісінше орындамаса, оның ішінде уақтылы орындамаса.

      Мұндай жағдайларда конкурсқа қатысуға өтінімді қамтамасыз ету сомасы тиісті бюджеттің кірісіне есептеледі.

      Әлеуетті өнім берушінің электрондық әмияндағы ақшаның тұтастай не оның бір бөлігін талап ету құқығының үшінші тұлғаларда туындауына әкеп соғатын іс-әрекеттер жасауына жол берілмейді.

      Осы тармақта көрсетілген жағдайларды қоспағанда, бірыңғай оператордың электрондық әмияндағы ақшаны пайдалануына жол берілмейді.

      168. Әлеуетті өнім берушінің өзінің электрондық әмиянында орналастырылған ақшаны қайтару туралы талабы бойынша бірыңғай оператор осындай талап келіп түскен күннен бастап үш жұмыс күні ішінде оларға қатысты бұғаттау жүзеге асырылмаған немесе бұғаттау тоқтатылған көрсетілген ақшаны қайтарады.

      169. Бірыңғай оператор тапсырыс берушіден веб-портал арқылы өтініш келіп түскен күннен бастап бес жұмыс күні ішінде, егер әлеуетті өнім беруші шарт жасасудан жалтарса немесе шарт жасасып, шарттың орындалуын қамтамасыз етуді енгізбесе, әлеуетті өнім берушінің электрондық әмиянынан тапсырыс берушінің өтінішінде көрсетілген шотқа өтінімді қамтамасыз ету бойынша бұғатталған ақшаны аударуды жүзеге асырады.

      170. Конкурс қорытындылары туралы хаттамаға веб-порталда конкурстық комиссияның барлық мүшелері қол қояды және конкурстық комиссияның хатшысы конкурсқа қатысуға өтінім берген барлық әлеуетті өнім берушілерді автоматты түрде хабардар ете отырып, оны конкурс қорытындылары туралы шешім қабылданған күні веб-порталда орналастырады.

      171. Конкурстық комиссия конкурс қорытындылары хаттамасында енгізілген конкурсқа қатысуға өтінімді қамтамасыз етуді конкурстық құжаттама талаптарына сәйкес келмейді деп тану себебін көрсетеді.

      172. Конкурстық комиссия конкурс қорытындылары туралы хаттаманы қалыптастыру кезінде, конкурсқа қатысуға бір өтінім берілген жағдайларды қоспағанда, конкурсқа қатысуға өтінім берген әрбір әлеуетті өнім берушіге қатысты Үлгілік конкурстық құжаттамаға 8-қосымшаға сәйкес өлшемшарттар бойынша балл қояды.

      Барынша көп балл жинаған әлеуетті өнім беруші конкурс жеңімпазы болып танылады.

       Егер конкурсқа конкурстық құжаттаманың талаптарына сәйкес өтінімді ұсынған және осы Қағидалардың нормаларына жауап беретін бір әлеуетті өнім беруші қатысқан жағдайда, ол конкурс жеңімпазы болып танылады.

      173. Егер екі және одан да көп әлеуетті өнім беруші бірдей балл санын жинаған жағдайда, Үлгілік конкурстық құжаттамаға 8-қосымшаға сәйкес "Тауар нарығындағы соңғы 5 жылдағы жұмыс тәжірибесі" өлшемшарты бойынша ең көп балл жинаған конкурсқа қатысушы жеңімпаз деп танылады.

      Жұмыс тәжірибесі бойынша баллдар саны тең болған кезде конкурсқа қатысуға өтінімі басқа әлеуетті өнім берушілердің конкурсқа қатысуға өтінімдерінен бұрын түскен конкурсқа қатысушы жеңімпаз деп танылады.

      174. Конкурсты ұйымдастырушы:

      1) ұсынылған өтінімдер болмаған;

      2) конкурсқа қатысуға бірде-бір әлеуетті өнім беруші жіберілмеген;

      3) егер аталған өнім беруші конкурсқа жалғыз қатысып, конкурс жеңімпазы шарт жасасудан жалтарған жағдайларда конкурсты өткізілмеді деп таниды.

      175. Конкурс өткізілмеді деп танылған кезде конкурсты ұйымдастырушы осы Қағидалардың 138-тармағына сәйкес конкурс өткізілмеді деп танылған күннен бастап бір жұмыс күнінен кешіктірмей конкурсты қайта өткізу туралы хабарлайды.

      176. Конкурс жеңімпазы шарт жасасудан жалтарған жағдайда, конкурсқа екі және одан да көп әлеуетті өнім беруші қатысқан кезде конкурстық комиссия тауарларды жеткізушілерді таңдау өлшемшарттарына сәйкес конкурс жеңімпазынан кейін жиналған балдар саны бойынша келесі әлеуетті өнім берушімен шарт жасасу туралы шешім қабылдайды және екі жұмыс күні ішінде оған веб-портал арқылы электрондық цифрлық қолтаңбамен куәландырылған шартты жібереді.

      Әлеуетті өнім беруші шартты алған күннен бастап үш жұмыс күні ішінде шартқа электрондық цифрлық қолтаңбамен қол қояды.

      177. Тәрбиеленушілерді мен білім алушыларды тамақтандыруды ұйымдастыру бойынша тапсырыс берушінің үздіксіз қызметін қамтамасыз ету мақсатында конкурс жеңімпазымен шарт күшіне енгенге дейінгі кезеңге өнім беруші тарапынан бұзушылықтар болмаған жағдайда, тікелей шарт жасасу арқылы жұмыс істеп тұрған өнім берушімен шарттың қолданылуын ұзартады.

      Өнім беруші шарттың қолданылу мерзімін ұзартудан бас тартқан, өнім беруші тарапынан бұзушылықтар болған жағдайда, шарт конкурс жеңімпазымен шарт күшіне енгенге дейінгі кезеңге алдыңғы конкурста екінші, үшінші, төртінші және одан әрі кезектілік тәртібімен орын алған әлеуетті өнім берушімен жасалады.

      Өнім беруші шарттың қолданылу мерзімін ұзартудан бас тартқан, өнім беруші тарапынан бұзушылықтар болған, шарт жасасудан бас тартқан немесе алдыңғы конкурста кезектілік тәртібімен екінші, үшінші, төртінші және тағы басқа орын алған әлеуетті өнім беруші болмаған жағдайда, конкурсты ұйымдастырушы, тапсырыс беруші біліктілік талаптарына сәйкес келетін және білім беру ұйымдарында кемінде 2 жыл тауар жеткізу бойынша тәжірибесі бар тауарларды жеткізуді жүзеге асыратын өнім берушіні тарту туралы шешім қабылдайды.

      Бұл ретте мұндай сатып алу конкурсты өткізу мерзімі ішінде тапсырыс берушінің қажеттілігін қамтамасыз ету үшін қажетті, бірақ екі айдан аспайтын мерзімде осындай тауарларды сатып алу көлемінен аспайтын көлемде жүзеге асырылады.

      Конкурс қорытындысына, уәкілетті органның шешіміне шағым жасалған жағдайда шарт шағым жасау кезеңіне ұзартылады.

      178. Тапсырыс беруші, конкурсты ұйымдастырушы екі жұмыс күні ішінде тапсырыс берушінің, конкурсты ұйымдастырушының интернет-ресурсында тауарларды жеткізу туралы ақпаратты орналастырады.

      179. Осы Қағидалардың 174-тармағына сәйкес қайта конкурс өткізілмеді деп танылған кезде конкурсқа тапсырыс беруші біліктілік талаптарына сәйкес келетін және білім беру ұйымдарына тауарларды жеткізу бойынша кемінде 2 жыл жұмыс тәжірибесі бар тамақтандыруды ұйымдастыру бойынша тауарларды жеткізуді жүзеге асыратын өнім берушіні тікелей шарт жасасу арқылы тарту туралы шешім қабылдайды.

      Ұйымдастырушы өнім берушіні тарту туралы шешім қабылданған күннен бастап екі жұмыс күні ішінде веб-портал арқылы осы Қағидаларға 7-қосымшаға сәйкес тапсырыс беруші айқындаған әлеуетті өнім берушіге шақыру жібереді.

      Әлеуетті өнім беруші келіскен жағдайда, осы әлеуетті өнім беруші күнтізбелік бес күн ішінде веб-портал арқылы тапсырыс берушіге Үлгілік конкурстық құжаттамаға 8-қосымшаға сәйкес жұмыс тәжірибесі туралы растайтын құжаттарды қоса бере отырып, қатысу туралы растау жібереді.

      Тапсырыс беруші қатысу туралы растауды алған күннен бастап үш жұмыс күні ішінде әлеуетті өнім берушіге веб-портал арқылы электрондық цифрлық қолтаңбамен куәландырылған шарттың жобасын жібереді.

      Әлеуетті өнім беруші шарттың жобасын алған күннен бастап үш жұмыс күні ішінде шарттың жобасын электрондық цифрлық қолтаңба арқылы куәландырады

      180.Әлеуетті өнім беруші:

      1) егер ол мынадай негіздер бойынша біліктілік талаптарына сәйкес келмейді деп анықталса:

      конкурстық құжаттамаға біліктілік туралы мәліметтерді ұсынбаса, сол сияқты мәліметтерді толық ұсынбаса;

      әлеуетті өнім беруші конкурстық құжаттамада көрсетілген шарт бойынша міндеттемелерді орындау үшін жеткілікті материалдық және еңбек ресурстарына ие болу бөлігінде біліктілік талаптарына сәйкес келмесе;

      біліктілік талаптары бойынша дұрыс емес ақпарат беру фактісі анықталса;

      2) егер оның конкурсқа қатысуға өтінімі мынадай негіздер бойынша конкурстық құжаттаманың талаптарына сәйкес келмейді деп айқындалса:

      техникалық тапсырманы ұсынбаса;

      әлеуетті өнім беруші конкурстық құжаттаманың талаптарына сәйкес келмейтін техникалық тапсырманы ұсынса, сол сияқты техникалық тапсырмамен талап етілетін құжаттарды ұсынбаса;

      конкурстық құжаттаманың және осы Қағидалардың талаптарына сәйкес конкурсқа қатысуға өтінімді қамтамасыз етуді ұсынбаса;

      конкурстық өтінімде ұсынылған құжаттар бойынша дұрыс емес мәліметтерді ұсыну фактісі анықталса, конкурсқа қатысуға жіберілмейді, конкурсқа қатысушы, конкурс жеңімпазы ретінде таныла алмайды.

      181. Тапсырыс берушінің, ұйымдастырушының, комиссиялардың әрекеттеріне (әрекетсіздігіне), шешімдеріне шағым жасауды, егер олардың әрекеттері (әрекетсіздігі), шешімдері әлеуетті өнім берушінің құқықтары мен заңды мүдделерін бұзса, өнім беруші жүзеге асырады.

      Конкурс қорытындылары туралы хаттама орналастырылған күннен бастап бес жұмыс күнінен кешіктірмей уәкілетті органға шағым жасалған кезде шарт жасасу мерзімі шағымды қарау мерзімі аяқталғанға дейін тоқтатыла тұрады. Конкурсқа қатыспаған тұлғаларға шағым жасау шарт жасасу мерзімін тоқтата тұрмайды.

      182. Шағым Қазақстан Республикасының мемлекеттік аудит және қаржылық бақылау туралы заңнамасына сәйкес электрондық мемлекеттік аудит, камералдық тексеріс шеңберінде қаралады.

      183. Уәкілетті орган шағым түскен күннен бастап бір жұмыс күнінен кешіктірмей тапсырыс берушіге шарт жасасуды тоқтата тұру туралы хабарлама жібереді.

      184. Уәкілетті органға тапсырыс берушінің, конкурсты ұйымдастырушының, комиссиялардың іс-әрекеттеріне (әрекетсіздігіне), шешімдеріне жасалған шағымда іс-әрекетіне (әрекетсіздігіне), шешімдеріне шағым жасалып отырған заңды тұлғаның атауы, орналасқан жері, шағым берген тұлғаның атауы, орналасқан жері, конкурс туралы мәліметтер, тапсырыс берушінің, конкурсты ұйымдастырушының, комиссиялардың шағым жасалған іс-әрекеттері (әрекетсіздігі), шешімдері қамтылуы тиіс. Шағымға шағым берген адамның дәлелдерін растайтын құжаттар қоса берілуі мүмкін.

      Шағымға оны беруші тұлға немесе оның өкілі қол қояды. Өкіл берген шағымға сенімхат немесе өкілдің өкілеттігін куәландыратын өзге де құжат қоса берілуі тиіс.

      185. Түскен күннен бастап екі жұмыс күні ішінде шағым оны берген тұлғаға мынадай жағдайларда қараусыз қайтарылады:

      1) шағым осы Қағидалардың 184-тармағында белгіленген нормаларға сәйкес келмесе;

      2) шағымға қол қойылмаса не оған қол қоюға өкілеттігі жоқ тұлға қол қойса.

      186. Конкурс қорытындылары туралы хаттама тауарларды жеткізу туралы шарт жасасуға негіз болып табылады. Тауарларды жеткізу туралы шарт тапсырыс беруші мен өнім беруші арасында жасалады.

       187. Конкурс қорытындылары туралы хаттамаға шағымдану мерзімі өткеннен кейін үш жұмыс күні ішінде тапсырыс беруші әлеуетті өнім берушіге Үлгілік конкурстық құжаттамаға 10-қосымшаға сәйкес Тауарларды жеткізу туралы үлгілік шартқа сәйкес жасалған тауарларды жеткізу туралы қол қойылған шартты жібереді.

      188. Шарт тиісті қаржы жылына арналған міндеттемелер бойынша бекітілген жеке қаржыландыру жоспарына сәйкес бөлінген қаражат шегінде жасалады және өнім беруші тарапынан бұзушылықтар болмаған жағдайда, тікелей шарт жасасу арқылы келесі қаржы жылдарына екі рет ұзартылады.

      Шарттың қолданылу мерзімін ұзарту шарттың қолданылу мерзімі өткен күннен бастап 3 жұмыс күні ішінде тиісті қаржы жылына арналған тауарларды сатып алу жоспарына сәйкес жүзеге асырылады.

      Тамақтанумен қамтамасыз етілетін тәрбиеленушілер мен білім алушылардың саны өзгерген жағдайда шартқа өзгерістер енгізіледі.

      189. Өнім беруші шартты алған күннен бастап үш жұмыс күні ішінде қол қояды және қол қойылған тауарларды жеткізу туралы шартты конкурсты ұйымдастырушыға қайтарады.

      190. Өнім беруші шарт жасалған күннен бастап он жұмыс күні ішінде шарттың орындалуын қамтамасыз етуді енгізеді.

      Бұл ретте тапсырыс беруші шартты орындауды қамтамасыз етуді енгізу мерзімі аяқталған күннен бастап екі жұмыс күні ішінде өнім берушіге шартты бұзу ниеті туралы хабарлама жібереді. Егер өнім беруші шартты бұзу ниеті туралы хабарламаны алған күннен бастап үш жұмыс күні ішінде шарттың орындалуын қамтамасыз етуді енгізбесе, тапсырыс беруші шартты бұзу туралы хабарлама жібереді.

      191. Шарттық міндеттемелерді орындау процесінде туындайтын барлық даулар Қазақстан Республикасының азаматтық заңнамасына сәйкес шешіледі.

      192. Алдын ала жылдық сатып алу жоспары шеңберінде өткізілген өнім берушіні таңдау рәсімдері тиісті бюджет бекітілгенге дейін аяқталған жағдайда, шарт жеңімпазға тиісті бюджет бекітілген күннен бастап бес жұмыс күні ішінде жіберіледі.

      193. Көрсетілген мерзім ішінде шартқа қол қоймаған әлеуетті өнім беруші шарт жасасудан жалтарған болып есептеледі.

      194. Егер жеңімпаз деп танылған әлеуетті өнім беруші және екінші орын алған әлеуетті өнім беруші Қағидаларда белгіленген мерзімде тапсырыс берушіге қол қойылған шартты ұсынбаған және (немесе) шарттың орындалуын қамтамасыз етуді енгізбеген жағдайда, онда конкурсты ұйымдастырушы Жосықсыз өнім берушілердің (әлеуетті өнім берушілердің) тізбесін қалыптастыру қағидаларына сәйкес күнтізбелік отыз күннен кешіктірмей мұндай өнім берушіні жосықсыз өнім беруші деп тану туралы талап-арызбен сотқа жүгінеді.

      195. Жеңімпаз деп айқындалған әлеуетті өнім беруші шарт жасасудан жалтарған деп танылған жағдайда, ұйымдастырушы ол енгізген конкурсқа қатысуға өтінімді қамтамасыз етуді ұстап қалады.

      196. Егер жеңімпаз деп айқындалған әлеуетті өнім беруші қол қойылған шартты тапсырыс берушіге ұсынбаса, шартты алған күннен бастап он жұмыс күні ішінде шарттың орындалуын қамтамасыз етуді енгізбесе, тапсырыс беруші өнім берушінің шартты бұзу туралы хабарламасын алған күннен бастап үш жұмыс күні өткен соң екінші орын алған әлеуетті өнім берушіге шартты жібереді. Шартқа екінші орын алған әлеуетті өнім беруші оған шарт берілген күннен бастап үш жұмыс күні ішінде қол қояды.

      Егер екінші орын алған әлеуетті өнім беруші белгіленген мерзімде тапсырыс беруші қол қойған шартқа қол қоймаса, тапсырыс беруші қайта конкурс өткізуді жүзеге асырады.

      197. Қаржы органдары осы Қағидаларды бұза отырып қабылданған ұйымдастырушының және конкурстық комиссияның шешімдерін жою туралы не шарт жасалғанға дейін, оның ішінде ұйымдастырушының уәкілетті органның осындай шешіміне шағымдануы кезеңінде конкурстың күшін жою туралы шешім шығарған кезде, шарт жасалмайды.

      198. Уәкілетті орган ұйымдастырушының және конкурстық комиссияның не конкурстың (лоттың) шешімдерінің күшін жойған жағдайда, конкурсты ұйымдастырушы уәкілетті органның шешімін алған күннен бастап 3 жұмыс күні ішінде оны веб-порталға орналастырады. Уәкілетті органның шешімі орналастырылған күннен бастап 3 жұмыс күні ішінде конкурсты ұйымдастырушы конкурс қорытындыларын қайта қарауды жүзеге асырады немесе конкурс туралы хабарландыруды веб-порталға орналастырады.";

      199. Шарттың орындалуын қамтамасыз ету мөлшерін конкурсты ұйымдастырушы шарттың жалпы сомасының үш пайызы мөлшерінде белгілейді.

      200. Өнім беруші шарттың орындалуын қамтамасыз етудің мынадай түрлерінің бірін таңдай алады:

      1) тапсырыс берушінің банктік шотына не Қазақстан Республикасының бюджеттік заңнамасында көзделген шотқа енгізілетін кепілді ақшалай жарна;

      2) банктік кепілдік.

      Тапсырыс беруші өнім берушіге шарттың орындалуын қамтамасыз етуді өнім беруші шарт бойынша өз міндеттемелерін толық және тиісінше орындаған күннен бастап бес жұмыс күні ішінде қайтарады.

      201. Шарттың орындалғаны туралы құжаттар (тауарды қабылдау-тапсыру актісі, шот-фактура) электрондық нысанда ресімделеді.

      Тапсырыс беруші мен өнім беруші көрсетілген шарт бойынша қабылдаған міндеттемелерін толық орындаған жағдайда шарт орындалды деп есептеледі.

      Тауарларды жеткізу кезінде шартты орындау мынадай ретпен жүзеге асырылады:

      1) жүкқұжаттың түпнұсқасын ұсына отырып, тауарды межелі жерге жеткізу;

      2) өнім берушінің тауарды жеткізу фактісін растайтын жүкқұжаттың электрондық көшірмесін тіркей отырып, веб-портал арқылы тауарды қабылдау-тапсыру актісін ресімдеуі;

      3) тапсырыс берушінің тауарды қабылдауы;

      4) Электрондық шот-фактуралардың ақпараттық жүйесінде шот-фактураны электронды нысанда жазып беру қағидаларына сәйкес электрондық шот-фактуралардың ақпараттық жүйесі арқылы жазып берілген электрондық шот-фактураны ресімдеу;

      5) тапсырыс берушінің жеткізілген тауар үшін ақы төлеуі.

      202. Өнім беруші веб-портал арқылы тапсырыс берушіге тауарлар туралы мәліметтерді толтыра отырып, электрондық-цифрлық қолтаңбамен бекітілген осы Қағидаларға 8-қосымшаға сәйкес нысан бойынша тауарларды қабылдау-тапсыру актісін жібереді.

      203. Тапсырыс беруші веб-порталда өнім берушінің тауарларды қабылдау-тапсыру актісін ресімдеуі туралы хабарлама алған күннен бастап үш жұмыс күнінен кешіктірмей актіде шарт бойынша ақпаратты толтырады және оны электрондық-цифрлық қолтаңбамен бекітеді не дәлелді негіздемелер көрсете отырып, тауарды қабылдаудан бас тартады.

 2-параграф. Мемлекеттік жетім балалар мен ата-анасының қамқорлығынсыз қалған балаларға арналған білім беру ұйымдарында тәрбиеленетін және білім алатын балаларды тамақтандыруды қамтамасыз етуге байланысты тауарларды сатып алу тәртібі

      204. Конкурстық негізде жетім балалар мен ата-анасының қамқорлығынсыз қалған балаларға арналған білім беру ұйымдарында тәрбиеленетін және білім алатын балаларды тамақтандыруды қамтамасыз етуге байланысты тауарларды сатып алу мынадай дәйекті іс-қимылдарды орындауды көздейді:

      1) тауарларды сатып алу жоспарын әзірлеу және бекіту, егер конкурсты ұйымдастырушы тапсырыс берушінің өзі болмаған жағдайда – конкурсты ұйымдастыру және өткізу рәсімдерін орындау үшін тапсырыс берушінің веб-портал арқылы тауарларды сатып алудың жылдық жоспарының (тауарларды сатып алудың алдын ала жылдық жоспарының) тармақтарын жіберуі;

      2) конкурстық комиссияның құрамын қалыптастыру және бекіту, конкурсты ұйымдастырушы өткізген жағдайда, конкурстық комиссияның құрамына тапсырыс берушінің қызметкерлерін енгізу міндетті емес;

      3) конкурстық құжаттаманы бекіту;

      4) өнім берушіні таңдау рәсімін жүзеге асыру туралы хабарландыруды, сондай-ақ конкурстық құжаттаманың мәтінін веб-порталда орналастыру;

      5) әлеуетті өнім берушілердің конкурсқа қатысуға өтінімдерді электрондық құжат нысанында ұсынуы және оларды веб-порталда автоматты түрде тіркеуі;

      6) өтінімдерді автоматты түрде ашу және тиісті ашу хаттамасын веб-порталда орналастыру;

      7) конкурстық комиссияның веб-портал арқылы әлеуетті өнім берушілердің конкурсқа қатысуға өтінімдерін олардың біліктілік талаптарына және конкурстық құжаттама талаптарына сәйкестігі тұрғысынан қарауы;

      8) біліктілік талаптарына және конкурстық құжаттама талаптарына сәйкес келетін әлеуетті өнім берушілерді анықтау және оларды конкурсқа қатысушылар деп тану;

      9) конкурс жеңімпазын, сондай-ақ екінші орын алған әлеуетті өнім берушіні анықтау және сатып алу қорытындылары туралы хаттаманы веб-порталда орналастыру;

      10) конкурс қорытындылары туралы хаттама негізінде тапсырыс берушінің, ұйымдастырушының жеңімпазбен шарт жасасуы.

      205. Конкурстық құжаттамада не орналастырылатын ақпаратта әлеуетті өнім берушілерге сандық жағынан өлшенбейтін және (немесе) әкімшілендірілмейтін кез келген талаптарды белгілеуге не сатып алынатын тауарлардың жекелеген әлеуетті өнім берушілерге тиесілігін айқындайтын сипаттамаларды көрсетуге жол берілмейді.

      206. Тауарларды сатып алуды ұйымдастырушының немесе тапсырыс берушінің тауарларды сатып алудың бекітілген жоспары негізінде конкурсты ұйымдастырушы жүзеге асырады.

       207. Тапсырыс беруші немесе, егер тапсырыс беруші мен конкурсты ұйымдастырушы бір тұлға болған жағдайда, конкурсты ұйымдастырушы тиісті бюджет бекітілген күннен бастап он жұмыс күні ішінде осы Қағидаларға 1-қосымшаға сәйкес нысан бойынша тауарларға қажеттілікке сәйкес қаржы жылына арналған тауарларды сатып алу жоспарын тиісті бюджет негізінде әзірлейді және бекітеді.

      208. Тапсырыс беруші немесе, егер тапсырыс беруші мен конкурсты ұйымдастырушы бір тұлға болған жағдайда, конкурсты ұйымдастырушы тауарларды сатып алу жоспары бекітілген күннен бастап бес жұмыс күні ішінде оны веб-порталда орналастырады.

      Тапсырыс беруші ұйымдастырушыға конкурсты ұйымдастыру және өткізу үшін ақпарат пен құжаттарды ұсынады.

      209. Тауарларды сатып алу жоспарына өзгерістер және (немесе) толықтырулар енгізу тапсырыс берушінің немесе, егер тапсырыс беруші мен конкурсты ұйымдастырушы бір тұлға болған жағдайда, конкурсты ұйымдастырушының бюджетіне өзгерістер және (немесе) толықтырулар енгізілген жағдайда жүзеге асырылады.

      Тапсырыс беруші немесе, егер тапсырыс беруші мен конкурсты ұйымдастырушы бір тұлға болған жағдайда, конкурсты ұйымдастырушы тауарларды сатып алу жоспарына өзгерістер және (немесе) толықтырулар енгізу туралы шешім қабылданған күннен бастап бес жұмыс күні ішінде енгізілген өзгерістерді және (немесе) толықтыруларды веб-порталда орналастырады.

       210. Конкурсты ұйымдастыру және өткізу рәсімдерін орындау үшін ұйымдастырушы конкурстық комиссияны бекітеді және конкурстық комиссияның хатшысын айқындайды.

      211. Конкурстық комиссия құру және конкурстық комиссияның хатшысын айқындау туралы шешімді ұйымдастырушының бірінші басшысы не оның міндетін атқарушы тұлға қабылдайды.

      212. Конкурстық комиссия конкурсты ұйымдастырушының бұйрығымен құрылады және комиссия мүшелерінің тақ санынан, бірақ кемінде бес адамнан тұрады.

      Конкурстық комиссияның мүшелері өтінімдерді қарайды және комиссияның жоқ мүшелерін ауыстырусыз дауыс беруге қатысады.

      213. Конкурсты ұйымдастырушы конкурстық комиссияның құрамына келісім бойынша жергілікті атқарушы органдардың, сондай-ақ веб-порталда тіркелген халықтың санитариялық-эпидемиологиялық саламаттылығы саласындағы мемлекеттік орган ведомствосының аумақтық бөлімшелерінің өкілдерін енгізеді.

      214. Конкурстық комиссияның төрағасы болып ұйымдастырушының бірінші басшысының орынбасарынан не бірінші басшының немесе оның орынбасарының міндетін атқарушы тұлғадан төмен емес лауазымды адам айқындалады.

      Конкурстық комиссияның төрағасы болмаған жағдайда конкурстық комиссия төрағасының кандидатурасы қайта бекітіледі. Бұл ретте, конкурстық комиссияның төрағасы болып бірінші басшының орынбасарынан төмен емес лауазымды адам, ал ол болмаған жағдайда бірінші басшы айқындалады.

      215. Конкурстық комиссияның төрағасы конкурстық комиссияның қызметіне жетекшілік жасайды және осы Қағидаларда көзделген функцияларды жүзеге асырады.

      216. Конкурстық комиссия оны құру туралы шешім күшіне енген күннен бастап әрекет етеді және шарт жасалған күні өз қызметін тоқтатады.

      217. Конкурстық комиссияның отырысы, егер оған конкурстық комиссия мүшелерінің кемінде үштен екісі қатысса, алмастыру құқығынсыз заңды болып табылады. Конкурстық комиссия мүшелерінің бірі болмаған жағдайда, конкурстық комиссия отырысының хаттамасында оның болмау себебі көрсетіледі.

      218. Конкурстық комиссияның ұйымдастырушылық қызметін конкурстық комиссияның хатшысы қамтамасыз етеді. Конкурстық комиссияның хатшысы конкурстық комиссияның мүшесі болып табылмайды және конкурстық комиссия шешімдер қабылдаған кезде дауыс беруге қатыспайды.

      Конкурстық комиссияның хатшысы конкурсты ұйымдастырушы болып табылатын, конкурсты ұйымдастыруға және өткізуге жауапты органның немесе ұйымның лауазымды адамдарының арасынан айқындалады.

      219. Конкурстық комиссияның хатшысы:

      1) конкурстық құжаттаманы қалыптастырады және веб-порталға орналастырады;

      2) веб-порталда конкурс өткізу туралы хабарландыруды, конкурсқа қатысуға өтінімдерді ашу хаттамасын, конкурс қорытындылары туралы хаттаманы, сондай-ақ олар болған жағдайда басқа да құжаттарды орналастырады;

      3) осы Қағидаларда көзделген функцияларды жүзеге асырады.

       220. Конкурсты ұйымдастырушы осы Қағидаларға 2-қосымшаға сәйкес нысан бойынша Үлгілік конкурстық құжаттамаға сәйкес конкурстық құжаттаманы әзірлейді және бекітеді, ол мыналарды қамтиды:

       1) Үлгілік конкурстық құжаттамаға 2-қосымшаға сәйкес нысан бойынша сатып алынатын тауарлардың тізбесі;

       2) Үлгілік конкурстық құжаттамаға 3-қосымшаға сәйкес өнім берушіні таңдау бойынша конкурстық құжаттамаға техникалық тапсырма;

       3) Үлгілік конкурстық құжаттамаға 4, 5-қосымшаларға сәйкес нысандар бойынша заңды тұлғалар және жеке тұлғалар үшін конкурсқа қатысуға өтінім;

       4) Үлгілік конкурстық құжаттамаға 6-қосымшаға сәйкес нысан бойынша әлеуетті өнім берушінің біліктілігі туралы мәліметтер;

       5) Үлгілік конкурстық құжаттамаға 8-қосымшаға сәйкес тауарларды жеткізушіні таңдау өлшемшарттары;

       6) Үлгілік конкурстық құжаттамаға 10-қосымшаға сәйкес тауарларды жеткізу туралы үлгілік шарт.

      221. Тауарларды сатып алу кезінде ұйымдастырушы тауарларды лоттарға бөле отырып конкурс өткізу және (немесе) жекелеген тауарларды мынадай топтар бойынша бір лотқа біріктіру туралы шешім қабылдайды: сүт өнімдері, ет өнімдері, көкөністер мен аскөктер, жемістер мен шырындар, балық өнімдері, ұн өнімдері мен жармалар (бұршақ өнімдері).

      Конкурсқа қатысуға өтінімдерді қарау, сондай-ақ лоттарға бөлінген жағдайда конкурс жеңімпазын айқындау конкурстық құжаттамада көзделген әрбір лот бойынша жүзеге асырылады.

      222. Конкурсқа қатысуға арналған өтінімдерді қарау қорытындылары бойынша айқындалған, біліктілік талаптарына және конкурстық құжаттама талаптарына сәйкес келетін әлеуетті өнім берушілер конкурсқа қатысады.

      223. Конкурсқа қатысу үшін әлеуетті өнім беруші келесі біліктілік талаптарына сәйкес келеді:

      1) конкурс өткізу туралы хабарландыру орналастырған күннен кейін мемлекеттік кіріс органдарының мәліметтері негізінде веб-портал автоматты түрде айқындайтын тиісті қаржы жылына арналған республикалық бюджет туралы заңда белгіленген айлық есептік көрсеткіштің алты еселенген мөлшерінен асатын салық берешегінің болмауы;

      2) банкроттық не таратылу рәсіміне жатқызылмауы;

      3) материалдық және еңбек ресурстарының болуы.

      224. Отандық тауар өндірушілерді қолдау үшін конкурсты ұйымдастырушы (тапсырыс беруші) тамақтандыруды ұйымдастыру шеңберінде техникалық тапсырмада, шартта әлеуетті өнім берушілерге отандық өндірістің тамақ өнімдерінен кемінде 60% (алпыс пайыз) сатып алу туралы талаптарды қарастырады.

      225. Конкурстық құжаттама бекітілгеннен кейін конкурсты ұйымдастырушы веб-порталда қазақ және орыс тілдерінде конкурстық құжаттаманы қалыптастырады.

       226. Конкурсты ұйымдастырушы конкурстық құжаттама бекітілген күннен бастап үш жұмыс күнінен кешіктірмей веб-порталда осы Қағидаларға 3-қосымшаға сәйкес конкурс өткізу туралы хабарландырудың мәтінін, сондай-ақ конкурстық құжаттаманы орналастырады.

      Әлеуетті өнім берушілердің конкурсқа қатысуға өтінімдер ұсынуының соңғы күнінің мерзімі конкурс өткізу туралы хабарландырудың мәтінін және бекітілген конкурстық құжаттаманың мәтінін орналастырған күннен бастап кемінде күнтізбелік он бес күнді құрайды.

      227. Конкурстық құжаттамаға өзгерістерді конкурсты ұйымдастырушы конкурс өткізу туралы хабарландырудың мәтінін орналастырған күннен бастап күнтізбелік 10 күн ішінде енгізеді.

      Конкурсты ұйымдастырушы конкурстық құжаттамаға өзгерістер және (немесе) толықтырулар енгізу туралы шешім қабылданған күннен бастап бір жұмыс күнінен кешіктірмей енгізілген өзгерістердің және (немесе) толықтырулардың мәтінін веб-портал арқылы веб-порталда конкурстық құжаттаманы алған өнім берушілерге жібереді.

      Конкурсқа қатысуға өтінімдер берудің соңғы мерзімі күнтізбелік бес күннен он күнге дейінгі мерзімге ұзартылады.

      228. Қайта конкурсты жүзеге асырған жағдайда конкурсты ұйымдастырушы конкурсқа қатысуға өтінімдерді ұсынудың соңғы күніне дейін кемінде күнтізбелік он күн бұрын конкурсты қайта өткізуге байланысты шартты орындау мерзімін қоспағанда, өтпеген конкурстың конкурстық құжаттамасының өзгермеу шартымен қайта конкурсты жүзеге асыру туралы хабарландырудың мәтінін веб-порталда орналастырады.

      229. Конкурс өткізу туралы хабарландыру жарияланған күннен бастап барлық ниет білдірушілерге веб-порталда конкурстық құжаттаманы алу мүмкіндігі беріледі.

      230. Конкурстық құжаттаманы веб-порталда конкурс өткізу туралы хабарланған сәтке дейін беруге жол берілмейді.

      231. Құқықтық қабілеті бар, төлем қабілеті бар және материалдық және еңбек ресурстары бар әлеуетті өнім беруші конкурсқа қатысуға үміткер болады.

      232. Конкурсқа қатысуға өтінім конкурстық құжаттамада көрсетілген оны ұсынудың соңғы мерзімі өткенге дейін веб-портал арқылы электрондық құжат нысанында беріледі және әлеуетті өнім берушінің конкурстық құжаттамада белгіленген шарттарға келісім беру, сондай-ақ әлеуетті өнім берушінің осы Қағидаларда көзделген өнім берушіні таңдау жөніндегі біліктілік және конкурстық құжаттама талаптарына сәйкестігін растайтын мәліметтерді алуға келісім білдіру нысаны болып табылады.

      233. Конкурсқа қатысуға ниет білдірген әлеуетті өнім беруші ұйымдастырушыға ұсынатын конкурсқа қатысуға өтінім конкурстық құжаттамада келтірілген құжаттарды қамтуы тиіс.

      234. Әлеуетті өнім берушілер ұсынған конкурсқа қатысуға өтінімдер автоматты түрде веб-порталда тіркеледі.

      235. Веб-портал конкурсқа қатысуға өтінім берген әлеуетті өнім берушіге тиісті хабарламаны автоматты түрде жіберген кезде конкурсқа қатысуға өтінім қабылданған болып есептеледі.

      236. Әлеуетті өнім беруші конкурсқа, лоттар бойынша бөлінген жағдайда лотқа қатысуға бір ғана өтінім береді.

      237. Мынадай жағдайларда әлеуетті өнім берушінің конкурсқа қатысуға құқығы жоқ және әлеуетті өнім берушінің конкурсқа қатысуға өтінімін веб-портал автоматты түрде қабылдамайды:

      1) әлеуетті өнім беруші бұрын осы конкурсқа қатысуға өтінім берген болса;

      2) конкурсқа қатысуға өтінім веб-порталға осы конкурсқа қатысуға өтінімдерді қабылдаудың соңғы мерзімі өткеннен кейін келіп түссе;

      3) осы әлеуетті өнім берушінің бірінші басшыларының және (немесе) осы әлеуетті өнім берушінің уәкілетті өкілінің жақын туыстары, жұбайы (зайыбы) немесе жекжаттары өнім берушіні таңдау туралы шешім қабылдауға қатысса не өткізілетін конкурстарда тапсырыс берушінің немесе конкурсты ұйымдастырушының өкілі болып табылса;

      4) конкурсқа қатысуға үміткер әлеуетті өнім берушінің басшысы Мемлекеттік сатып алуға жосықсыз қатысушылардың тізілімінде, Жосықсыз өнім берушілер (әлеуетті өнім берушілер) тізбесінде тұрған заңды тұлғаларды басқаруға, құруға, жарғылық капиталына қатысуға байланысты болса;

      5) конкурсқа қатысуға үміткер әлеуетті өнім берушінің басшысы Мемлекеттік сатып алуға жосықсыз қатысушылардың тізіліміне, Жосықсыз өнім берушілердің (әлеуетті өнім берушілердің) тізбесіне енгізілген, кәсіпкерлік қызметті жүзеге асыратын жеке тұлға болып табылса;

      6) кәсіпкерлік қызметті жүзеге асыратын, конкурсқа қатысуға үміткер жеке тұлға болып табылатын әлеуетті өнім беруші Мемлекеттік сатып алуға жосықсыз қатысушылардың тізіліміне, Жосықсыз өнім берушілердің (әлеуетті өнім берушілердің) тізбесіне енгізілген әлеуетті өнім берушінің басшысы болып табылса;

      7) әлеуетті өнім беруші Мемлекеттік сатып алуға жосықсыз қатысушылардың тізілімінде, Жосықсыз өнім берушілердің (әлеуетті өнім берушілердің) тізбесінде тұрса;

      8) әлеуетті өнім берушінің атқарушылық құжаттар бойынша орындалмаған міндеттемелері болса және оны атқарушылық құжаттардың орындалуын қамтамасыз ету саласындағы мемлекеттік саясатты іске асыруды және қызметті мемлекеттік реттеуді жүзеге асыратын уәкілетті орган Борышкерлердің бірыңғай тізіліміне енгізсе;

      9) тиісті қаржы жылына республикалық бюджет туралы заңда белгіленген айлық есептік көрсеткіштің алты еселеген мөлшерінен асатын салық берешегі және міндетті зейнетақы жарналары, міндетті кәсіптік зейнетақы жарналары мен әлеуметтік аударымдары бойынша берешегі болса;

      10) әлеуетті өнім беруші Қазақстан Республикасының резиденті болып табылмаса;

      11) әлеуетті өнім берушінің баланстық құны тиісті негізгі қаражат құнының он пайызынан асатын мүлкіне тыйым салынса;

      12) әлеуетті өнім беруші және (немесе) олардың басшысы Қазақстан Республикасының заңнамасында белгіленген тәртіппен терроризм мен экстремизмді қаржыландырумен байланысты ұйымдар мен тұлғалар тізбесіне енгізілсе;

      13) банкроттық не тарату рәсіміне жатса.

      238. Әлеуетті өнім беруші конкурсқа қатысу үшін ұсынатын конкурсқа қатысуға өтінімнің қолданылу мерзімі конкурсқа қатысуға өтінімдер ашылған күннен бастап кемінде күнтізбелік алпыс күнді құрайды және конкурстық құжаттамада белгіленген мерзімге сәйкес келуі тиіс.

      239. Әлеуетті өнім берушінің конкурсқа қатысуға өтінімді өзгертуі немесе кері қайтарып алуы конкурсқа қатысуға өтінімдерді берудің соңғы мерзімі өткенге дейін кез келген уақытта жүзеге асырылады.

      Конкурсқа қатысуға өтінім берудің соңғы мерзімі өткеннен кейін оны қайтарып алуға жол берілмейді.

      240. Әлеуетті өнім берушінің конкурстық құжаттамаға сәйкес талап етілетін жекелеген құжаттарды ұсынуы мемлекеттік ақпараттық жүйелерге және (немесе) мемлекеттік деректер базаларына жүгіну арқылы не веб-порталды пайдалана отырып, электрондық нысанды толтыру арқылы құжаттарды алу жолымен жүзеге асырылады.

      241. Әлеуетті өнім беруші оларды ұсынудың соңғы мерзімі өткенге дейін веб-порталда мынадай құжаттарды қамтитын конкурстық өтінімді орналастырады:

       1) қолданыс мерзімін көрсете отырып, Үлгілік конкурстық құжаттамаға 4, 5-қосымшаларға сәйкес әлеуетті өнім берушінің қазақ және орыс тілдерінде жасалған конкурсқа қатысуға арналған өтінімі;

      2) әлеуетті өнім берушінің электрондық әмиянындағы ақша немесе тауарларды сатып алу үшін бөлінген соманың бір пайызы мөлшерінде электрондық банктік кепілдік түрінде конкурсқа қатысуға өтінімді қамтамасыз ету;

       3) Үлгілік конкурстық құжаттамаға 3-қосымшаға сәйкес жеткізушіні таңдау жөніндегі конкурстық құжаттамаға техникалық тапсырма;

       4) Үлгілік конкурстық құжаттамаға 6-қосымшаға сәйкес нысан бойынша әлеуетті өнім берушінің біліктілігі туралы мәліметтер.

      242. Тиынмен есептелген конкурсқа қатысуға өтінімді қамтамасыз ету сомасы дөңгелектенеді. Бұл ретте елу тиыннан кем сома нөлге дейін дөңгелектенеді, ал елу тиынға тең және одан жоғары сома бір теңгеге дейін дөңгелектенеді.

      243. Конкурсқа қатысуға өтінімді қамтамасыз етуді енгізу әрбір лотқа жеке немесе әлеуетті өнім беруші қатысатын конкурс лоттарының жалпы сомасына жүзеге асырылады.

       Әлеуетті өнім беруші ұйымдастырушының банктік шотына не мемлекеттік органдар және мемлекеттік мекемелер болып табылатын ұйымдастырушылар үшін Қазақстан Республикасының бюджеттік заңнамасында көзделген шотқа енгізілетін кепілді ақшалай жарна түрінде конкурсқа қатысуға өтінімді қамтамасыз етуді енгізген жағдайда, ол кепілді ақшалай жарнаны растайтын төлем құжатының электрондық көшірмесі түрінде ұсынылады. Бұл ретте кепілді ақшалай жарна конкурсқа қатысуға өтінімдерді ұсынудың соңғы мерзіміне дейін конкурстық құжаттамада көрсетілген банктік шотқа енгізіледі.

      244. Конкурсқа қатысуға өтінімдерді ашуды веб-портал конкурсқа қатысуға өтінімдерді ұсынудың соңғы мерзімі өткен сәттен бастап бес минут ішінде автоматты түрде жүргізеді.

      245. Егер конкурсқа (лотқа) қатысуға бір ғана өтінім берілсе, онда мұндай өтінім де осы Қағидаларға сәйкес ашылады және қаралады.

       246. Конкурсқа қатысуға өтінімдерді ашу хаттамасын веб-портал осы Қағидаларға 4-қосымшаға сәйкес оларды ашу сәтінде автоматты түрде орналастырады. Бұл ретте веб-портал конкурстық комиссияның мүшелеріне, конкурсқа қатысуға өтінім берген әлеуетті өнім берушілерге автоматты түрде хабарлама жібереді.

      247. Конкурсты өткізу басталғанға дейін конкурстық комиссияның мүшелері, конкурстық комиссияның хатшысы бекітілген конкурстық құжаттамамен және оның қосымшаларымен танысады.

      248. Конкурстық комиссия веб-портал арқылы біліктілік талаптарына және конкурстық құжаттама талаптарына сәйкес келетін әлеуетті өнім берушілерді анықтау мақсатында конкурсқа қатысуға арналған өтінімдерді қарайды.

      249. Әлеуетті өнім берушілердің біліктілік талаптарына және конкурстық құжаттама талаптарына сәйкестігі мәніне конкурсқа қатысуға өтінімдерді қарау кезінде конкурстық комиссия:

      1) конкурсқа қатысуға өтінімдерді қарауды, салыстыруды оңайлату үшін әлеуетті өнім берушілерден олардың өтінімдеріне байланысты материалдар мен түсіндірмелерді жазбаша нысанда және (немесе) электрондық құжат нысанында сұратады;

      2) конкурсқа қатысуға өтінімдерде қамтылған мәліметтерді нақтылау мақсатында тиісті жеке немесе заңды тұлғалардан, мемлекеттік органдардан жазбаша нысанда және (немесе) электрондық құжат нысанында қажетті ақпаратты сұратады.

      250. Конкурстық комиссияның конкурсқа қатысуға өтінімді жетіспейтін құжаттармен толықтыруға, конкурсқа қатысуға өтінімде ұсынылған құжаттарды ауыстыруға, тиісінше ресімделмеген құжаттарды сәйкес келтіруге байланысты сауал жіберуіне және өзге де іс-әрекеттеріне жол берілмейді.

      Конкурстық комиссия конкурсқа қатысуға өтінімді, егер онда ұсынылған өтінімнің мәнін қозғамай түзетуге болатын грамматикалық немесе арифметикалық қателер болса, конкурстық құжаттаманың талаптарына жауап беретін өтінім ретінде қарайды.

      251. Әлеуетті өнім берушілердің біліктілік талаптарының банкроттық не тарату рәсіміне қатыстылығы бойынша сәйкестігін нақтылау мақсатында конкурстық комиссия банкроттық не тарату рәсімдерінің жүргізілуін бақылауды жүзеге асыратын уәкілетті органның интернет-ресурсында орналастырылған ақпаратты қарайды.

      252. Конкурсқа қатысуға өтінімдерді қарау нәтижелері бойынша конкурстық комиссия конкурсқа қатысуға өтінімдерді ашқан күннен бастап бес жұмыс күні ішінде:

      1) біліктілік талаптарына және конкурстық құжаттаманың талаптарына сәйкес келетін әлеуетті өнім берушілерді айқындайды, конкурсқа қатысушылар деп таниды;

      2) өлшемшарттарды қолданады және есептейді;

       3) осы Қағидаларға 6-қосымшаға сәйкес конкурс қорытындылары туралы хаттаманы ресімдейді.

      253. Конкурстық комиссияның шешімі веб-портал арқылы дауыс берумен қабылданады және егер оған конкурстық комиссия мүшелерінің жалпы санынан конкурстық комиссия мүшелерінің көпшілігі дауыс берсе, қабылданды деп есептеледі. Дауыстар тең болған жағдайда конкурстық комиссияның төрағасы дауыс берген шешім қабылданды деп есептеледі.

      Конкурстық комиссияның шешімімен келіспеген жағдайда осы конкурстық комиссияның кез келген мүшесі өз пікірін айта алады, ол құжаттың электрондық көшірмесі нысанында веб-порталда орналастырылады.

      Конкурстық комиссияның тиісті хаттамаларында конкурстық комиссияның қандай да бір мүшесінің қолы болмаған жағдайда конкурстық комиссияның хатшысы қолдың болмау себебі жазылған құжатты немесе ақпаратты веб-порталда орналастырады.

      254. Конкурс қорытындылары туралы хаттама:

      1) осы Қағидалардың 249-тармағына сәйкес конкурстық комиссияның сауалдары туралы;

      2) бас тарту себептері егжей-тегжейлі сипатталған, оның ішінде олардың біліктілік талаптарына және конкурстық құжаттама талаптарына сәйкес еместігін растайтын мәліметтер мен құжаттар көрсетілген конкурсқа қатысуға өтінімдері қабылданбаған әлеуетті өнім берушілер туралы;

      3) конкурстық комиссияның өлшемшарттарды қолдануы туралы ақпаратты қамтиды.

      255. Конкурстық комиссия конкурсқа қатысуға енгізілген өтінімді қамтамасыз етуді:

      1) электрондық банктік кепілдік түрінде ұсынылған конкурсқа қатысуға өтінімді қамтамасыз етудің қолданылу мерзімі жеткіліксіз болған жағдайда;

      2) конкурстық комиссияның:

      конкурсқа қатысуға өтінімді қамтамасыз етуді берген тұлғаны;

      электрондық банктік кепілдік түрінде конкурсқа қатысуға өтінімді қамтамасыз ету енгізілетін конкурстың атауы мен нөмірін;

      конкурсқа қатысуға өтінімді қамтамасыз етудің қолданылу мерзімін, электрондық банктік кепілдік түрінде ұсынылған оны беру шарттарын және (немесе) конкурсқа қатысуға өтінімді қамтамасыз ету сомасын;

      конкурсқа қатысуға өтінімді қамтамасыз ету берілген тұлғаны;

      пайдасына конкурсқа қатысуға өтінімді қамтамасыз ету енгізілетін тұлғаны анықтауына мүмкіндік бермейтін мәліметтердің болмауынан көрінетін конкурсқа қатысуға өтінімді қамтамасыз ету тиісінше ресімделмеген жағдайда;

      3) конкурсқа (лотқа) бөлінген соманың бір пайызынан кем мөлшерде конкурсқа қатысуға өтінімді қамтамасыз ету енгізілген жағдайларда конкурстық құжаттама талаптарына сәйкес емес деп таниды.

      256. Ұйымдастырушы әлеуетті өнім берушіге конкурсқа қатысуға өтінімді қамтамасыз етуді мынадай жағдайлардың бірі туындаған күннен бастап үш жұмыс күні ішінде қайтарады:

      1) әлеуетті өнім беруші конкурсқа қатысуға өтінімдер ұсынудың соңғы мерзімі аяқталғанға дейін өзінің конкурсқа қатысуға өтінімін кері қайтарып алған жағдайларда ашу хаттамасын орналастыру;

      2) конкурс қорытындылары туралы хаттамаға қол қою. Аталған жағдай конкурс жеңімпазы деп айқындалған конкурсқа қатысушыға қолданылмайды;

      3) әлеуетті өнім берушінің шартқа қол қоюы және оның шарттың орындалуын қамтамасыз етуді енгізуі.

      257. Конкурсты ұйымдастырушы электрондық банк кепілдігі түрінде енгізілген конкурсқа қатысуға өтінімді қамтамасыз етуді мынадай жағдайлардың бірі орын алған кезде әлеуетті өнім берушіге қайтармайды:

      1) конкурс жеңімпазы деп айқындалған әлеуетті өнім беруші шарт жасасудан жалтарса;

      2) конкурс жеңімпазы шарт жасасып, шартты орындауды қамтамасыз етуді енгізу және (немесе) енгізу мерзімдері туралы конкурстық құжаттамада белгіленген талаптарды орындамаса не тиісінше орындамаса, оның ішінде уақтылы орындамаса.

      Электрондық әмиян арқылы енгізілген конкурсқа қатысуға өтінімді қамтамасыз етуді бірыңғай оператор бұғаттайды және мынадай жағдайлардың бірі орын алған кезде әлеуетті өнім берушіге қайтармайды:

      1) конкурс жеңімпазы деп айқындалған әлеуетті өнім беруші шарт жасасудан жалтарса;

      2) конкурс жеңімпазы шарт жасасып, шартты орындауды қамтамасыз етуді енгізу және (немесе) енгізу мерзімдері туралы конкурстық құжаттамада белгіленген талаптарды орындамаса не тиісінше орындамаса, оның ішінде уақтылы орындамаса.

      Мұндай жағдайларда конкурсқа қатысуға өтінімді қамтамасыз ету сомасы тиісті бюджеттің кірісіне есептеледі.

      Әлеуетті өнім берушінің электрондық әмияндағы ақшаның тұтастай не оның бір бөлігін талап ету құқығының үшінші тұлғаларда туындауына әкеп соғатын іс-әрекеттер жасауына жол берілмейді.

      Осы тармақта көрсетілген жағдайларды қоспағанда, бірыңғай оператордың электрондық әмияндағы ақшаны пайдалануына жол берілмейді.

      258. Әлеуетті өнім берушінің өзінің электрондық әмиянында орналастырылған ақшаны қайтару туралы талабы бойынша бірыңғай оператор осындай талап келіп түскен күннен бастап үш жұмыс күні ішінде оларға қатысты бұғаттау жүзеге асырылмаған немесе бұғаттау тоқтатылған көрсетілген ақшаны қайтарады.

      259. Бірыңғай оператор тапсырыс берушіден веб-портал арқылы өтініш келіп түскен күннен бастап бес жұмыс күні ішінде, егер әлеуетті өнім беруші шарт жасасудан жалтарса немесе шарт жасасып, шарттың орындалуын қамтамасыз етуді енгізбесе, әлеуетті өнім берушінің электрондық әмиянынан тапсырыс берушінің өтінішінде көрсетілген шотқа өтінімді қамтамасыз ету бойынша бұғатталған ақшаны аударуды жүзеге асырады.

      260. Конкурс қорытындылары туралы хаттамаға веб-порталда конкурстық комиссияның барлық мүшелері қол қояды және конкурстық комиссияның хатшысы конкурсқа қатысуға өтінім берген барлық әлеуетті өнім берушілерді автоматты түрде хабардар ете отырып, оны конкурс қорытындылары туралы шешім қабылданған күні веб-порталда орналастырады.

      261. Конкурстық комиссия конкурс қорытындылары хаттамасында енгізілген конкурсқа қатысуға өтінімді қамтамасыз етуді конкурстық құжаттама талаптарына сәйкес келмейді деп тану себебін көрсетеді.

       262. Конкурстық комиссия конкурс қорытындылары туралы хаттаманы қалыптастыру кезінде, конкурсқа қатысуға бір өтінім берілген жағдайларды қоспағанда, конкурсқа қатысуға өтінім берген әрбір әлеуетті өнім берушіге қатысты Үлгілік конкурстық құжаттамаға 8-қосымшаға сәйкес өлшемшарттар бойынша балл қояды.

      Барынша көп балл жинаған әлеуетті өнім беруші конкурс жеңімпазы болып танылады.

       Егер конкурсқа конкурстық құжаттаманың талаптарына сәйкес өтінімді ұсынған және осы Қағидалардың нормаларына жауап беретін бір әлеуетті өнім беруші қатысқан жағдайда, ол конкурс жеңімпазы болып танылады.

      263. Егер екі және одан да көп әлеуетті өнім беруші бірдей балл санын жинаған жағдайда, Үлгілік конкурстық құжаттамаға 8-қосымшаға сәйкес "Тауар нарығындағы соңғы 5 жылдағы жұмыс тәжірибесі" өлшемшарты бойынша ең көп балл жинаған конкурсқа қатысушы жеңімпаз деп танылады.

      Жұмыс тәжірибесі бойынша баллдар саны тең болған кезде конкурсқа қатысуға өтінімі басқа әлеуетті өнім берушілердің конкурсқа қатысуға өтінімдерінен бұрын түскен конкурсқа қатысушы жеңімпаз деп танылады.

      264. Конкурсты ұйымдастырушы:

      1) ұсынылған өтінімдер болмаған;

      2) конкурсқа қатысуға бірде-бір әлеуетті өнім беруші жіберілмеген;

      3) егер аталған өнім беруші конкурсқа жалғыз қатысып, конкурс жеңімпазы шарт жасасудан жалтарған жағдайларда конкурсты өткізілмеді деп таниды.

      265. Конкурс өткізілмеді деп танылған кезде конкурсты ұйымдастырушы осы Қағидалардың 228-тармағына сәйкес конкурс өткізілмеді деп танылған күннен бастап бір жұмыс күнінен кешіктірмей конкурсты қайта өткізу туралы хабарлайды.

      266. Конкурс жеңімпазы шарт жасасудан жалтарған жағдайда, конкурсқа екі және одан да көп әлеуетті өнім беруші қатысқан кезде конкурстық комиссия тауарларды жеткізушілерді таңдау өлшемшарттарына сәйкес конкурс жеңімпазынан кейін жиналған балдар саны бойынша келесі әлеуетті өнім берушімен шарт жасасу туралы шешім қабылдайды және екі жұмыс күні ішінде оған веб-портал арқылы электрондық цифрлық қолтаңбамен куәландырылған шартты жібереді.

      Әлеуетті өнім беруші шартты алған күннен бастап үш жұмыс күні ішінде шартқа электрондық цифрлық қолтаңбамен қол қояды.

      267. Тәрбиеленушілерді мен білім алушыларды тамақтандыруды ұйымдастыру бойынша тапсырыс берушінің үздіксіз қызметін қамтамасыз ету мақсатында конкурс жеңімпазымен шарт күшіне енгенге дейінгі кезеңге өнім беруші тарапынан бұзушылықтар болмаған жағдайда, тікелей шарт жасасу арқылы жұмыс істеп тұрған өнім берушімен шарттың қолданылуын ұзартады.

      Өнім беруші шарттың қолданылу мерзімін ұзартудан бас тартқан, өнім беруші тарапынан бұзушылықтар болған жағдайда, шарт конкурс жеңімпазымен шарт күшіне енгенге дейінгі кезеңге алдыңғы конкурста екінші, үшінші, төртінші және одан әрі кезектілік тәртібімен орын алған әлеуетті өнім берушімен жасалады.

      Өнім беруші шарттың қолданылу мерзімін ұзартудан бас тартқан, өнім беруші тарапынан бұзушылықтар болған, шарт жасасудан бас тартқан немесе алдыңғы конкурста кезектілік тәртібімен екінші, үшінші, төртінші және тағы басқа орын алған әлеуетті өнім беруші болмаған жағдайда, конкурсты ұйымдастырушы, тапсырыс беруші біліктілік талаптарына сәйкес келетін және білім беру ұйымдарында кемінде 2 жыл тауар жеткізу бойынша тәжірибесі бар тауарларды жеткізуді жүзеге асыратын өнім берушіні тарту туралы шешім қабылдайды.

      Бұл ретте мұндай сатып алу конкурсты өткізу мерзімі ішінде тапсырыс берушінің қажеттілігін қамтамасыз ету үшін қажетті, бірақ екі айдан аспайтын мерзімде осындай тауарларды сатып алу көлемінен аспайтын көлемде жүзеге асырылады.

      Конкурс қорытындысына, уәкілетті органның шешіміне шағым жасалған жағдайда шарт шағым жасау кезеңіне ұзартылады.

      268. Тапсырыс беруші, конкурсты ұйымдастырушы екі жұмыс күні ішінде тапсырыс берушінің, конкурсты ұйымдастырушының интернет-ресурсында тауарларды жеткізу туралы ақпаратты орналастырады.

      269. Осы Қағидалардың 264-тармағына сәйкес қайта конкурс өткізілмеді деп танылған кезде конкурсқа тапсырыс беруші біліктілік талаптарына сәйкес келетін және білім беру ұйымдарына тауарларды жеткізу бойынша кемінде 2 жыл жұмыс тәжірибесі бар тамақтандыруды ұйымдастыру бойынша тауарларды жеткізуді жүзеге асыратын өнім берушіні тікелей шарт жасасу арқылы тарту туралы шешім қабылдайды.

       Ұйымдастырушы өнім берушіні тарту туралы шешім қабылданған күннен бастап екі жұмыс күні ішінде веб-портал арқылы осы Қағидаларға 7-қосымшаға сәйкес тапсырыс беруші айқындаған әлеуетті өнім берушіге шақыру жібереді.

       Әлеуетті өнім беруші келіскен жағдайда, осы әлеуетті өнім беруші күнтізбелік бес күн ішінде веб-портал арқылы тапсырыс берушіге Үлгілік конкурстық құжаттамаға 8-қосымшаға сәйкес жұмыс тәжірибесі туралы растайтын құжаттарды қоса бере отырып, қатысу туралы растау жібереді.

      Тапсырыс беруші қатысу туралы растауды алған күннен бастап үш жұмыс күні ішінде әлеуетті өнім берушіге веб-портал арқылы электрондық цифрлық қолтаңбамен куәландырылған шарттың жобасын жібереді.

      Әлеуетті өнім беруші шарттың жобасын алған күннен бастап үш жұмыс күні ішінде шарттың жобасын электрондық цифрлық қолтаңба арқылы куәландырады

      270. Әлеуетті өнім беруші:

      1) егер ол мынадай негіздер бойынша біліктілік талаптарына сәйкес келмейді деп анықталса:

      конкурстық құжаттамаға біліктілік туралы мәліметтерді ұсынбаса, сол сияқты мәліметтерді толық ұсынбаса;

      әлеуетті өнім беруші конкурстық құжаттамада көрсетілген шарт бойынша міндеттемелерді орындау үшін жеткілікті материалдық және еңбек ресурстарына ие болу бөлігінде біліктілік талаптарына сәйкес келмесе;

      біліктілік талаптары бойынша дұрыс емес ақпарат беру фактісі анықталса;

      2) егер оның конкурсқа қатысуға өтінімі мынадай негіздер бойынша конкурстық құжаттаманың талаптарына сәйкес келмейді деп айқындалса:

      техникалық тапсырманы ұсынбаса;

      әлеуетті өнім беруші конкурстық құжаттаманың талаптарына сәйкес келмейтін техникалық тапсырманы ұсынса, сол сияқты техникалық тапсырмамен талап етілетін құжаттарды ұсынбаса;

      конкурстық құжаттаманың және осы Қағидалардың талаптарына сәйкес конкурсқа қатысуға өтінімді қамтамасыз етуді ұсынбаса;

      конкурстық өтінімде ұсынылған құжаттар бойынша дұрыс емес мәліметтерді ұсыну фактісі анықталса, конкурсқа қатысуға жіберілмейді, конкурсқа қатысушы, конкурс жеңімпазы ретінде таныла алмайды.

      271. Тапсырыс берушінің, ұйымдастырушының, комиссиялардың әрекеттеріне (әрекетсіздігіне), шешімдеріне шағым жасауды, егер олардың әрекеттері (әрекетсіздігі), шешімдері әлеуетті өнім берушінің құқықтары мен заңды мүдделерін бұзса, өнім беруші жүзеге асырады.

      Конкурс қорытындылары туралы хаттама орналастырылған күннен бастап бес жұмыс күнінен кешіктірмей уәкілетті органға шағым жасалған кезде шарт жасасу мерзімі шағымды қарау мерзімі аяқталғанға дейін тоқтатыла тұрады. Конкурсқа қатыспаған тұлғаларға шағым жасау шарт жасасу мерзімін тоқтата тұрмайды.

      272. Шағым Қазақстан Республикасының мемлекеттік аудит және қаржылық бақылау туралы заңнамасына сәйкес электрондық мемлекеттік аудит, камералдық тексеріс шеңберінде қаралады.

      273. Уәкілетті орган шағым түскен күннен бастап бір жұмыс күнінен кешіктірмей тапсырыс берушіге шарт жасасуды тоқтата тұру туралы хабарлама жібереді.

      274. Уәкілетті органға тапсырыс берушінің, конкурсты ұйымдастырушының, комиссиялардың іс-әрекеттеріне (әрекетсіздігіне), шешімдеріне жасалған шағымда іс-әрекетіне (әрекетсіздігіне), шешімдеріне шағым жасалып отырған заңды тұлғаның атауы, орналасқан жері, шағым берген тұлғаның атауы, орналасқан жері, конкурс туралы мәліметтер, тапсырыс берушінің, конкурсты ұйымдастырушының, комиссиялардың шағым жасалған іс-әрекеттері (әрекетсіздігі), шешімдері қамтылуы тиіс. Шағымға шағым берген адамның дәлелдерін растайтын құжаттар қоса берілуі мүмкін.

      Шағымға оны беруші тұлға немесе оның өкілі қол қояды. Өкіл берген шағымға сенімхат немесе өкілдің өкілеттігін куәландыратын өзге де құжат қоса берілуі тиіс.

      275. Түскен күннен бастап екі жұмыс күні ішінде шағым оны берген тұлғаға мынадай жағдайларда қараусыз қайтарылады:

      1) шағым осы Қағидалардың 274-тармағында белгіленген нормаларға сәйкес келмесе;

      2) шағымға қол қойылмаса не оған қол қоюға өкілеттігі жоқ тұлға қол қойса.

      276. Конкурс қорытындылары туралы хаттама тауарларды жеткізу туралы шарт жасасуға негіз болып табылады. Тауарларды жеткізу туралы шарт тапсырыс беруші мен өнім беруші арасында жасалады.

      277. Конкурс қорытындылары туралы хаттамаға шағымдану мерзімі өткеннен кейін үш жұмыс күні ішінде тапсырыс беруші әлеуетті өнім берушіге Үлгілік конкурстық құжаттамаға 10-қосымшаға сәйкес Тауарларды жеткізу туралы үлгілік шартқа сәйкес жасалған тауарларды жеткізу туралы қол қойылған шартты жібереді.

      278. Шарт тиісті қаржы жылына арналған міндеттемелер бойынша бекітілген жеке қаржыландыру жоспарына сәйкес бөлінген қаражат шегінде жасалады және өнім беруші тарапынан бұзушылықтар болмаған жағдайда, тікелей шарт жасасу арқылы келесі қаржы жылдарына екі рет ұзартылады.

      Шарттың қолданылу мерзімін ұзарту шарттың қолданылу мерзімі өткен күннен бастап 3 жұмыс күні ішінде тиісті қаржы жылына арналған тауарларды сатып алу жоспарына сәйкес жүзеге асырылады.

      Тамақтанумен қамтамасыз етілетін тәрбиеленушілер мен білім алушылардың саны өзгерген жағдайда шартқа өзгерістер енгізіледі.

      279. Өнім беруші шартты алған күннен бастап үш жұмыс күні ішінде қол қояды және қол қойылған тауарларды жеткізу туралы шартты конкурсты ұйымдастырушыға қайтарады.

      280. Өнім беруші шарт жасалған күннен бастап он жұмыс күні ішінде шарттың орындалуын қамтамасыз етуді енгізеді.

      Бұл ретте тапсырыс беруші шартты орындауды қамтамасыз етуді енгізу мерзімі аяқталған күннен бастап екі жұмыс күні ішінде өнім берушіге шартты бұзу ниеті туралы хабарлама жібереді. Егер өнім беруші шартты бұзу ниеті туралы хабарламаны алған күннен бастап үш жұмыс күні ішінде шарттың орындалуын қамтамасыз етуді енгізбесе, тапсырыс беруші шартты бұзу туралы хабарлама жібереді.

      281. Шарттық міндеттемелерді орындау процесінде туындайтын барлық даулар Қазақстан Республикасының азаматтық заңнамасына сәйкес шешіледі.

      282. Алдын ала жылдық сатып алу жоспары шеңберінде өткізілген өнім берушіні таңдау рәсімдері тиісті бюджет бекітілгенге дейін аяқталған жағдайда, шарт жеңімпазға тиісті бюджет бекітілген күннен бастап бес жұмыс күні ішінде жіберіледі.

      283. Көрсетілген мерзім ішінде шартқа қол қоймаған әлеуетті өнім беруші шарт жасасудан жалтарған болып есептеледі.

      284. Егер жеңімпаз деп танылған әлеуетті өнім беруші және екінші орын алған әлеуетті өнім беруші Қағидаларда белгіленген мерзімде тапсырыс берушіге қол қойылған шартты ұсынбаған және (немесе) шарттың орындалуын қамтамасыз етуді енгізбеген жағдайда, онда конкурсты ұйымдастырушы Жосықсыз өнім берушілердің (әлеуетті өнім берушілердің) тізбесін қалыптастыру қағидаларына сәйкес күнтізбелік отыз күннен кешіктірмей мұндай өнім берушіні жосықсыз өнім беруші деп тану туралы талап-арызбен сотқа жүгінеді.

      285. Жеңімпаз деп айқындалған әлеуетті өнім беруші шарт жасасудан жалтарған деп танылған жағдайда, ұйымдастырушы ол енгізген конкурсқа қатысуға өтінімді қамтамасыз етуді ұстап қалады.

      286. Егер жеңімпаз деп айқындалған әлеуетті өнім беруші қол қойылған шартты тапсырыс берушіге ұсынбаса, шартты алған күннен бастап он жұмыс күні ішінде шарттың орындалуын қамтамасыз етуді енгізбесе, тапсырыс беруші өнім берушінің шартты бұзу туралы хабарламасын алған күннен бастап үш жұмыс күні өткен соң екінші орын алған әлеуетті өнім берушіге шартты жібереді. Шартқа екінші орын алған әлеуетті өнім беруші оған шарт берілген күннен бастап үш жұмыс күні ішінде қол қояды.

      Егер екінші орын алған әлеуетті өнім беруші белгіленген мерзімде тапсырыс беруші қол қойған шартқа қол қоймаса, тапсырыс беруші қайта конкурс өткізуді жүзеге асырады.

      287. Қаржы органдары осы Қағидаларды бұза отырып қабылданған ұйымдастырушының және конкурстық комиссияның шешімдерін жою туралы не шарт жасалғанға дейін, оның ішінде ұйымдастырушының уәкілетті органның осындай шешіміне шағымдануы кезеңінде конкурстың күшін жою туралы шешім шығарған кезде, шарт жасалмайды.

      288. Уәкілетті орган ұйымдастырушының және конкурстық комиссияның не конкурстың (лоттың) шешімдерінің күшін жойған жағдайда, конкурсты ұйымдастырушы уәкілетті органның шешімін алған күннен бастап 3 жұмыс күні ішінде оны веб-порталға орналастырады. Уәкілетті органның шешімі орналастырылған күннен бастап 3 жұмыс күні ішінде конкурсты ұйымдастырушы конкурс қорытындыларын қайта қарауды жүзеге асырады немесе конкурс туралы хабарландыруды веб-порталға орналастырады.";

      289. Шарттың орындалуын қамтамасыз ету мөлшерін конкурсты ұйымдастырушы шарттың жалпы сомасының үш пайызы мөлшерінде белгілейді.

      290. Өнім беруші шарттың орындалуын қамтамасыз етудің мынадай түрлерінің бірін таңдай алады:

      1) тапсырыс берушінің банктік шотына не Қазақстан Республикасының бюджеттік заңнамасында көзделген шотқа енгізілетін кепілді ақшалай жарна;

      2) банктік кепілдік.

      Тапсырыс беруші өнім берушіге шарттың орындалуын қамтамасыз етуді өнім беруші шарт бойынша өз міндеттемелерін толық және тиісінше орындаған күннен бастап бес жұмыс күні ішінде қайтарады.

      291. Шарттың орындалғаны туралы құжаттар (тауарды қабылдау-тапсыру актісі, шот-фактура) электрондық нысанда ресімделеді.

      Тапсырыс беруші мен өнім беруші көрсетілген шарт бойынша қабылдаған міндеттемелерін толық орындаған жағдайда шарт орындалды деп есептеледі.

      Тауарларды жеткізу кезінде шартты орындау мынадай ретпен жүзеге асырылады:

      1) жүкқұжаттың түпнұсқасын ұсына отырып, тауарды межелі жерге жеткізу;

      2) өнім берушінің тауарды жеткізу фактісін растайтын жүкқұжаттың электрондық көшірмесін тіркей отырып, веб-портал арқылы тауарды қабылдау-тапсыру актісін ресімдеуі;

      3) тапсырыс берушінің тауарды қабылдауы;

      4) Электрондық шот-фактуралардың ақпараттық жүйесінде шот-фактураны электронды нысанда жазып беру қағидаларына сәйкес электрондық шот-фактуралардың ақпараттық жүйесі арқылы жазып берілген электрондық шот-фактураны ресімдеу;

      5) тапсырыс берушінің жеткізілген тауар үшін ақы төлеуі.

      292. Өнім беруші веб-портал арқылы тапсырыс берушіге тауарлар туралы мәліметтерді толтыра отырып, электрондық-цифрлық қолтаңбамен бекітілген осы Қағидаларға 8-қосымшаға сәйкес нысан бойынша тауарларды қабылдау-тапсыру актісін жібереді.

      293. Тапсырыс беруші веб-порталда өнім берушінің тауарларды қабылдау-тапсыру актісін ресімдеуі туралы хабарлама алған күннен бастап үш жұмыс күнінен кешіктірмей актіде шарт бойынша ақпаратты толтырады және оны электрондық-цифрлық қолтаңбамен бекітеді не дәлелді негіздемелер көрсете отырып, тауарды қабылдаудан бас тартады.

 3-параграф. Мемлекеттік техникалық және кәсіптік, орта білімнен кейінгі білім беру ұйымдарында білім алатын балаларды тамақтандыруды қамтамасыз етуге байланысты тауарларды сатып алу тәртібі

      294. Техникалық және кәсіптік, орта білімнен кейінгі білім беру ұйымдарында білім алатын балаларды тамақтандыруды қамтамасыз етуге байланысты тауарларды конкурстық негізде сатып алу мынадай дәйекті іс-қимылдарды орындауды көздейді:

      1) тауарларды сатып алу жоспарын әзірлеу және бекіту, егер конкурсты ұйымдастырушы тапсырыс берушінің өзі болмаған жағдайда – конкурсты ұйымдастыру және өткізу рәсімдерін орындау үшін тапсырыс берушінің веб-портал арқылы тауарларды сатып алудың жылдық жоспарының (тауарларды сатып алудың алдын ала жылдық жоспарының) тармақтарын жіберуі;

      2) конкурстық комиссияның құрамын қалыптастыру және бекіту, конкурсты ұйымдастырушы өткізген жағдайда, конкурстық комиссияның құрамына тапсырыс берушінің қызметкерлерін енгізу міндетті емес;

      3) конкурстық құжаттаманы бекіту;

      4) өнім берушіні таңдау рәсімін жүзеге асыру туралы хабарландыруды, сондай-ақ конкурстық құжаттаманың мәтінін веб-порталда орналастыру;

      5) әлеуетті өнім берушілердің конкурсқа қатысуға өтінімдерді электрондық құжат нысанында ұсынуы және оларды веб-порталда автоматты түрде тіркеуі;

      6) өтінімдерді автоматты түрде ашу және тиісті ашу хаттамасын веб-порталда орналастыру;

      7) конкурстық комиссияның веб-портал арқылы әлеуетті өнім берушілердің конкурсқа қатысуға өтінімдерін олардың біліктілік талаптарына және конкурстық құжаттама талаптарына сәйкестігі тұрғысынан қарауы;

      8) біліктілік талаптарына және конкурстық құжаттама талаптарына сәйкес келетін әлеуетті өнім берушілерді анықтау және оларды конкурсқа қатысушылар деп тану;

      9) конкурс жеңімпазын, сондай-ақ екінші орын алған әлеуетті өнім берушіні анықтау және сатып алу қорытындылары туралы хаттаманы веб-порталда орналастыру;

       10) конкурс қорытындылары туралы хаттама негізінде тапсырыс берушінің, ұйымдастырушының жеңімпазбен шарт жасасуы.

      295. Конкурстық құжаттамада не орналастырылатын ақпаратта әлеуетті өнім берушілерге сандық жағынан өлшенбейтін және (немесе) әкімшілендірілмейтін кез келген талаптарды белгілеуге не сатып алынатын тауарлардың жекелеген әлеуетті өнім берушілерге тиесілігін айқындайтын сипаттамаларды көрсетуге жол берілмейді.

      296. Тауарларды сатып алуды ұйымдастырушының немесе тапсырыс берушінің тауарларды сатып алудың бекітілген жоспары негізінде конкурсты ұйымдастырушы жүзеге асырады.

       297. Тапсырыс беруші немесе, егер тапсырыс беруші мен конкурсты ұйымдастырушы бір тұлға болған жағдайда, конкурсты ұйымдастырушы тиісті бюджет бекітілген күннен бастап он жұмыс күні ішінде осы Қағидаларға 1-қосымшаға сәйкес нысан бойынша тауарларға қажеттілікке сәйкес қаржы жылына арналған тауарларды сатып алу жоспарын тиісті бюджет негізінде әзірлейді және бекітеді.

      298. Тапсырыс беруші немесе, егер тапсырыс беруші мен конкурсты ұйымдастырушы бір тұлға болған жағдайда, конкурсты ұйымдастырушы тауарларды сатып алу жоспары бекітілген күннен бастап бес жұмыс күні ішінде оны веб-порталда орналастырады.

      Тапсырыс беруші ұйымдастырушыға конкурсты ұйымдастыру және өткізу үшін ақпарат пен құжаттарды ұсынады.

      299. Тауарларды сатып алу жоспарына өзгерістер және (немесе) толықтырулар енгізу тапсырыс берушінің немесе, егер тапсырыс беруші мен конкурсты ұйымдастырушы бір тұлға болған жағдайда, конкурсты ұйымдастырушының бюджетіне өзгерістер және (немесе) толықтырулар енгізілген жағдайда жүзеге асырылады.

      Тапсырыс беруші немесе, егер тапсырыс беруші мен конкурсты ұйымдастырушы бір тұлға болған жағдайда, конкурсты ұйымдастырушы тауарларды сатып алу жоспарына өзгерістер және (немесе) толықтырулар енгізу туралы шешім қабылданған күннен бастап бес жұмыс күні ішінде енгізілген өзгерістерді және (немесе) толықтыруларды веб-порталда орналастырады.

      300. Конкурсты ұйымдастыру және өткізу рәсімдерін орындау үшін ұйымдастырушы конкурстық комиссияны бекітеді және конкурстық комиссияның хатшысын айқындайды.

      301. Конкурстық комиссия құру және конкурстық комиссияның хатшысын айқындау туралы шешімді ұйымдастырушының бірінші басшысы не оның міндетін атқарушы тұлға қабылдайды.

      302. Конкурстық комиссия конкурсты ұйымдастырушының бұйрығымен құрылады және комиссия мүшелерінің тақ санынан, бірақ кемінде бес адамнан тұрады.

      Конкурстық комиссияның мүшелері өтінімдерді қарайды және комиссияның жоқ мүшелерін ауыстырусыз дауыс беруге қатысады.

      303. Конкурсты ұйымдастырушы конкурстық комиссияның құрамына келісім бойынша жергілікті атқарушы органдардың, сондай-ақ веб-порталда тіркелген халықтың санитариялық-эпидемиологиялық саламаттылығы саласындағы мемлекеттік орган ведомствосының аумақтық бөлімшелерінің өкілдерін енгізеді.

      304. Конкурстық комиссияның төрағасы болып ұйымдастырушының бірінші басшысының орынбасарынан не бірінші басшының немесе оның орынбасарының міндетін атқарушы тұлғадан төмен емес лауазымды адам айқындалады.

      Конкурстық комиссияның төрағасы болмаған жағдайда конкурстық комиссия төрағасының кандидатурасы қайта бекітіледі. Бұл ретте, конкурстық комиссияның төрағасы болып бірінші басшының орынбасарынан төмен емес лауазымды адам, ал ол болмаған жағдайда бірінші басшы айқындалады.

      305. Конкурстық комиссияның төрағасы конкурстық комиссияның қызметіне жетекшілік жасайды және осы Қағидаларда көзделген функцияларды жүзеге асырады.

      306. Конкурстық комиссия оны құру туралы шешім күшіне енген күннен бастап әрекет етеді және шарт жасалған күні өз қызметін тоқтатады.

      307. Конкурстық комиссияның отырысы, егер оған конкурстық комиссия мүшелерінің кемінде үштен екісі қатысса, алмастыру құқығынсыз заңды болып табылады. Конкурстық комиссия мүшелерінің бірі болмаған жағдайда, конкурстық комиссия отырысының хаттамасында оның болмау себебі көрсетіледі.

      308. Конкурстық комиссияның ұйымдастырушылық қызметін конкурстық комиссияның хатшысы қамтамасыз етеді. Конкурстық комиссияның хатшысы конкурстық комиссияның мүшесі болып табылмайды және конкурстық комиссия шешімдер қабылдаған кезде дауыс беруге қатыспайды.

      Конкурстық комиссияның хатшысы конкурсты ұйымдастырушы болып табылатын, конкурсты ұйымдастыруға және өткізуге жауапты органның немесе ұйымның лауазымды адамдарының арасынан айқындалады.

      309. Конкурстық комиссияның хатшысы:

      1) конкурстық құжаттаманы қалыптастырады және веб-порталға орналастырады;

      2) веб-порталда конкурс өткізу туралы хабарландыруды, конкурсқа қатысуға өтінімдерді ашу хаттамасын, конкурс қорытындылары туралы хаттаманы, сондай-ақ олар болған жағдайда басқа да құжаттарды орналастырады;

      3) осы Қағидаларда көзделген функцияларды жүзеге асырады.

       310. Конкурсты ұйымдастырушы осы Қағидаларға 2-қосымшаға сәйкес нысан бойынша Үлгілік конкурстық құжаттамаға сәйкес конкурстық құжаттаманы әзірлейді және бекітеді, ол мыналарды қамтиды:

       1) Үлгілік конкурстық құжаттамаға 2-қосымшаға сәйкес нысан бойынша сатып алынатын тауарлардың тізбесі;

       2) Үлгілік конкурстық құжаттамаға 3-қосымшаға сәйкес өнім берушіні таңдау бойынша конкурстық құжаттамаға техникалық тапсырма;

       3) Үлгілік конкурстық құжаттамаға 4, 5-қосымшаларға сәйкес нысандар бойынша заңды тұлғалар және жеке тұлғалар үшін конкурсқа қатысуға өтінім;

       4) Үлгілік конкурстық құжаттамаға 6-қосымшаға сәйкес нысан бойынша әлеуетті өнім берушінің біліктілігі туралы мәліметтер;

       5) Үлгілік конкурстық құжаттамаға 8-қосымшаға сәйкес тауарларды жеткізушіні таңдау өлшемшарттары;

       6) Үлгілік конкурстық құжаттамаға 10-қосымшаға сәйкес тауарларды жеткізу туралы үлгілік шарт.

      311. Тауарларды сатып алу кезінде ұйымдастырушы тауарларды лоттарға бөле отырып конкурс өткізу және (немесе) жекелеген тауарларды мынадай топтар бойынша бір лотқа біріктіру туралы шешім қабылдайды: сүт өнімдері, ет өнімдері, көкөністер мен аскөктер, жемістер мен шырындар, балық өнімдері, ұн өнімдері мен жармалар (бұршақ өнімдері).

      Конкурсқа қатысуға арналған өтінімдерді қарау қорытындылары бойынша айқындалған, біліктілік талаптарына және конкурстық құжаттама талаптарына сәйкес келетін әлеуетті өнім берушілер конкурсқа қатысады.

      312. Конкурсқа қатысуға арналған өтінімдерді қарау қорытындылары бойынша айқындалған, біліктілік талаптарына және конкурстық құжаттама талаптарына сәйкес келетін әлеуетті өнім берушілер конкурсқа қатысады.

      313. Конкурсқа қатысу үшін әлеуетті өнім беруші келесі біліктілік талаптарына сәйкес келеді:

      1) конкурс өткізу туралы хабарландыру орналастырған күннен кейін мемлекеттік кіріс органдарының мәліметтері негізінде веб-портал автоматты түрде айқындайтын тиісті қаржы жылына арналған республикалық бюджет туралы заңда белгіленген айлық есептік көрсеткіштің алты еселенген мөлшерінен асатын салық берешегінің болмауы;

      2) банкроттық не таратылу рәсіміне жатқызылмауы;

      3) материалдық және еңбек ресурстарының болуы.

      314. Отандық тауар өндірушілерді қолдау үшін конкурсты ұйымдастырушы (тапсырыс беруші) тамақтандыруды ұйымдастыру шеңберінде техникалық тапсырмада, шартта әлеуетті өнім берушілерге отандық өндірістің тамақ өнімдерінен кемінде 60% (алпыс пайыз) сатып алу туралы талаптарды қарастырады.

      315. Конкурстық құжаттама бекітілгеннен кейін конкурсты ұйымдастырушы веб-порталда қазақ және орыс тілдерінде конкурстық құжаттаманы қалыптастырады.

       316. Конкурсты ұйымдастырушы конкурстық құжаттама бекітілген күннен бастап үш жұмыс күнінен кешіктірмей веб-порталда осы Қағидаларға 3-қосымшаға сәйкес конкурс өткізу туралы хабарландырудың мәтінін, сондай-ақ конкурстық құжаттаманы орналастырады.

      Әлеуетті өнім берушілердің конкурсқа қатысуға өтінімдер ұсынуының соңғы күнінің мерзімі конкурс өткізу туралы хабарландырудың мәтінін және бекітілген конкурстық құжаттаманың мәтінін орналастырған күннен бастап кемінде күнтізбелік он бес күнді құрайды.

      317. Конкурстық құжаттамаға өзгерістерді конкурсты ұйымдастырушы конкурс өткізу туралы хабарландырудың мәтінін орналастырған күннен бастап күнтізбелік 10 күн ішінде енгізеді.

      Конкурсты ұйымдастырушы конкурстық құжаттамаға өзгерістер және (немесе) толықтырулар енгізу туралы шешім қабылданған күннен бастап бір жұмыс күнінен кешіктірмей енгізілген өзгерістердің және (немесе) толықтырулардың мәтінін веб-портал арқылы веб-порталда конкурстық құжаттаманы алған өнім берушілерге жібереді.

      Конкурсқа қатысуға өтінімдер берудің соңғы мерзімі күнтізбелік бес күннен он күнге дейінгі мерзімге ұзартылады.

      318. Қайта конкурсты жүзеге асырған жағдайда конкурсты ұйымдастырушы конкурсқа қатысуға өтінімдерді ұсынудың соңғы күніне дейін кемінде күнтізбелік он күн бұрын конкурсты қайта өткізуге байланысты шартты орындау мерзімін қоспағанда, өтпеген конкурстың конкурстық құжаттамасының өзгермеу шартымен қайта конкурсты жүзеге асыру туралы хабарландырудың мәтінін веб-порталда орналастырады.

      319. Конкурс өткізу туралы хабарландыру жарияланған күннен бастап барлық ниет білдірушілерге веб-порталда конкурстық құжаттаманы алу мүмкіндігі беріледі.

      320. Конкурстық құжаттаманы веб-порталда конкурс өткізу туралы хабарланған сәтке дейін беруге жол берілмейді.

      321. Құқықтық қабілеті бар, төлем қабілеті бар және материалдық және еңбек ресурстары бар әлеуетті өнім беруші конкурсқа қатысуға үміткер болады.

      322. Конкурсқа қатысуға өтінім конкурстық құжаттамада көрсетілген оны ұсынудың соңғы мерзімі өткенге дейін веб-портал арқылы электрондық құжат нысанында беріледі және әлеуетті өнім берушінің конкурстық құжаттамада белгіленген шарттарға келісім беру, сондай-ақ әлеуетті өнім берушінің осы Қағидаларда көзделген өнім берушіні таңдау жөніндегі біліктілік және конкурстық құжаттама талаптарына сәйкестігін растайтын мәліметтерді алуға келісім білдіру нысаны болып табылады.

      323. Конкурсқа қатысуға ниет білдірген әлеуетті өнім беруші ұйымдастырушыға ұсынатын конкурсқа қатысуға өтінім конкурстық құжаттамада келтірілген құжаттарды қамтуы тиіс.

      324. Әлеуетті өнім берушілер ұсынған конкурсқа қатысуға өтінімдер автоматты түрде веб-порталда тіркеледі.

      325. Веб-портал конкурсқа қатысуға өтінім берген әлеуетті өнім берушіге тиісті хабарламаны автоматты түрде жіберген кезде конкурсқа қатысуға өтінім қабылданған болып есептеледі.

      326. Әлеуетті өнім беруші конкурсқа, лоттар бойынша бөлінген жағдайда лотқа қатысуға бір ғана өтінім береді.

      327. Мынадай жағдайларда әлеуетті өнім берушінің конкурсқа қатысуға құқығы жоқ және әлеуетті өнім берушінің конкурсқа қатысуға өтінімін веб-портал автоматты түрде қабылдамайды:

      1) әлеуетті өнім беруші бұрын осы конкурсқа қатысуға өтінім берген болса;

      2) конкурсқа қатысуға өтінім веб-порталға осы конкурсқа қатысуға өтінімдерді қабылдаудың соңғы мерзімі өткеннен кейін келіп түссе;

      3) осы әлеуетті өнім берушінің бірінші басшыларының және (немесе) осы әлеуетті өнім берушінің уәкілетті өкілінің жақын туыстары, жұбайы (зайыбы) немесе жекжаттары өнім берушіні таңдау туралы шешім қабылдауға қатысса не өткізілетін конкурстарда тапсырыс берушінің немесе конкурсты ұйымдастырушының өкілі болып табылса;

      4) конкурсқа қатысуға үміткер әлеуетті өнім берушінің басшысы Мемлекеттік сатып алуға жосықсыз қатысушылардың тізілімінде, Жосықсыз өнім берушілер (әлеуетті өнім берушілер) тізбесінде тұрған заңды тұлғаларды басқаруға, құруға, жарғылық капиталына қатысуға байланысты болса;

      5) конкурсқа қатысуға үміткер әлеуетті өнім берушінің басшысы Мемлекеттік сатып алуға жосықсыз қатысушылардың тізіліміне, Жосықсыз өнім берушілердің (әлеуетті өнім берушілердің) тізбесіне енгізілген, кәсіпкерлік қызметті жүзеге асыратын жеке тұлға болып табылса;

      6) кәсіпкерлік қызметті жүзеге асыратын, конкурсқа қатысуға үміткер жеке тұлға болып табылатын әлеуетті өнім беруші Мемлекеттік сатып алуға жосықсыз қатысушылардың тізіліміне, Жосықсыз өнім берушілердің (әлеуетті өнім берушілердің) тізбесіне енгізілген әлеуетті өнім берушінің басшысы болып табылса;

      7) әлеуетті өнім беруші Мемлекеттік сатып алуға жосықсыз қатысушылардың тізілімінде, Жосықсыз өнім берушілердің (әлеуетті өнім берушілердің) тізбесінде тұрса;

      8) әлеуетті өнім берушінің атқарушылық құжаттар бойынша орындалмаған міндеттемелері болса және оны атқарушылық құжаттардың орындалуын қамтамасыз ету саласындағы мемлекеттік саясатты іске асыруды және қызметті мемлекеттік реттеуді жүзеге асыратын уәкілетті орган Борышкерлердің бірыңғай тізіліміне енгізсе;

      9) тиісті қаржы жылына республикалық бюджет туралы заңда белгіленген айлық есептік көрсеткіштің алты еселеген мөлшерінен асатын салық берешегі және міндетті зейнетақы жарналары, міндетті кәсіптік зейнетақы жарналары мен әлеуметтік аударымдары бойынша берешегі болса;

      10) әлеуетті өнім беруші Қазақстан Республикасының резиденті болып табылмаса;

      11) әлеуетті өнім берушінің баланстық құны тиісті негізгі қаражат құнының он пайызынан асатын мүлкіне тыйым салынса;

      12) әлеуетті өнім беруші және (немесе) олардың басшысы Қазақстан Республикасының заңнамасында белгіленген тәртіппен терроризм мен экстремизмді қаржыландырумен байланысты ұйымдар мен тұлғалар тізбесіне енгізілсе;

      13) банкроттық не тарату рәсіміне жатса.

      328. Әлеуетті өнім беруші конкурсқа қатысу үшін ұсынатын конкурсқа қатысуға өтінімнің қолданылу мерзімі конкурсқа қатысуға өтінімдер ашылған күннен бастап кемінде күнтізбелік алпыс күнді құрайды және конкурстық құжаттамада белгіленген мерзімге сәйкес келуі тиіс.

      329. Әлеуетті өнім берушінің конкурсқа қатысуға өтінімді өзгертуі немесе кері қайтарып алуы конкурсқа қатысуға өтінімдерді берудің соңғы мерзімі өткенге дейін кез келген уақытта жүзеге асырылады.

      Конкурсқа қатысуға өтінім берудің соңғы мерзімі өткеннен кейін оны қайтарып алуға жол берілмейді.

      330. Әлеуетті өнім берушінің конкурстық құжаттамаға сәйкес талап етілетін жекелеген құжаттарды ұсынуы мемлекеттік ақпараттық жүйелерге және (немесе) мемлекеттік деректер базаларына жүгіну арқылы не веб-порталды пайдалана отырып, электрондық нысанды толтыру арқылы құжаттарды алу жолымен жүзеге асырылады.

      331. Әлеуетті өнім беруші оларды ұсынудың соңғы мерзімі өткенге дейін веб-порталда мынадай құжаттарды қамтитын конкурстық өтінімді орналастырады:

       1) қолданыс мерзімін көрсете отырып, Үлгілік конкурстық құжаттамаға 4, 5-қосымшаларға сәйкес әлеуетті өнім берушінің қазақ және орыс тілдерінде жасалған конкурсқа қатысуға арналған өтінімі;

      2) әлеуетті өнім берушінің электрондық әмиянындағы ақша немесе тауарларды сатып алу үшін бөлінген соманың бір пайызы мөлшерінде электрондық банк кепілдігі түрінде конкурсқа қатысуға өтінімді қамтамасыз ету;

       3) Үлгілік конкурстық құжаттамаға 3-қосымшаға сәйкес жеткізушіні таңдау жөніндегі конкурстық құжаттамаға техникалық тапсырма;

       4) Үлгілік конкурстық құжаттамаға 6-қосымшаға сәйкес нысан бойынша әлеуетті өнім берушінің біліктілігі туралы мәліметтер.

      332. Тиынмен есептелген конкурсқа қатысуға өтінімді қамтамасыз ету сомасы дөңгелектенеді. Бұл ретте елу тиыннан кем сома нөлге дейін дөңгелектенеді, ал елу тиынға тең және одан жоғары сома бір теңгеге дейін дөңгелектенеді.

      333. Конкурсқа қатысуға өтінімді қамтамасыз етуді енгізу әрбір лотқа жеке немесе әлеуетті өнім беруші қатысатын конкурс лоттарының жалпы сомасына жүзеге асырылады.

       Әлеуетті өнім беруші ұйымдастырушының банктік шотына не мемлекеттік органдар және мемлекеттік мекемелер болып табылатын ұйымдастырушылар үшін Қазақстан Республикасының бюджеттік заңнамасында көзделген шотқа енгізілетін кепілді ақшалай жарна түрінде конкурсқа қатысуға өтінімді қамтамасыз етуді енгізген жағдайда, ол кепілді ақшалай жарнаны растайтын төлем құжатының электрондық көшірмесі түрінде ұсынылады. Бұл ретте кепілді ақшалай жарна конкурсқа қатысуға өтінімдерді ұсынудың соңғы мерзіміне дейін конкурстық құжаттамада көрсетілген банктік шотқа енгізіледі.

      334. Конкурсқа қатысуға өтінімдерді ашуды веб-портал конкурсқа қатысуға өтінімдерді ұсынудың соңғы мерзімі өткен сәттен бастап бес минут ішінде автоматты түрде жүргізеді.

      335. Егер конкурсқа (лотқа) қатысуға бір ғана өтінім берілсе, онда мұндай өтінім де осы Қағидаларға сәйкес ашылады және қаралады.

      336. Конкурсқа қатысуға өтінімдерді ашу хаттамасын веб-портал осы Қағидаларға 4-қосымшаға сәйкес оларды ашу сәтінде автоматты түрде орналастырады. Бұл ретте веб-портал конкурстық комиссияның мүшелеріне, конкурсқа қатысуға өтінім берген әлеуетті өнім берушілерге автоматты түрде хабарлама жібереді.

      337. Конкурсты өткізу басталғанға дейін конкурстық комиссияның мүшелері, конкурстық комиссияның хатшысы бекітілген конкурстық құжаттамамен және оның қосымшаларымен танысады.

      338. Конкурстық комиссия веб-портал арқылы біліктілік талаптарына және конкурстық құжаттама талаптарына сәйкес келетін әлеуетті өнім берушілерді анықтау мақсатында конкурсқа қатысуға арналған өтінімдерді қарайды.

      339. Әлеуетті өнім берушілердің біліктілік талаптарына және конкурстық құжаттама талаптарына сәйкестігі мәніне конкурсқа қатысуға өтінімдерді қарау кезінде конкурстық комиссия:

      1) конкурсқа қатысуға өтінімдерді қарауды, салыстыруды оңайлату үшін әлеуетті өнім берушілерден олардың өтінімдеріне байланысты материалдар мен түсіндірмелерді жазбаша нысанда және (немесе) электрондық құжат нысанында сұратады;

      2) конкурсқа қатысуға өтінімдерде қамтылған мәліметтерді нақтылау мақсатында тиісті жеке немесе заңды тұлғалардан, мемлекеттік органдардан жазбаша нысанда және (немесе) электрондық құжат нысанында қажетті ақпаратты сұратады.

      340. Конкурстық комиссияның конкурсқа қатысуға өтінімді жетіспейтін құжаттармен толықтыруға, конкурсқа қатысуға өтінімде ұсынылған құжаттарды ауыстыруға, тиісінше ресімделмеген құжаттарды сәйкес келтіруге байланысты сауал жіберуіне және өзге де іс-әрекеттеріне жол берілмейді.

      Конкурстық комиссия конкурсқа қатысуға өтінімді, егер онда ұсынылған өтінімнің мәнін қозғамай түзетуге болатын грамматикалық немесе арифметикалық қателер болса, конкурстық құжаттаманың талаптарына жауап беретін өтінім ретінде қарайды.

      341. Әлеуетті өнім берушілердің біліктілік талаптарының банкроттық не тарату рәсіміне қатыстылығы бойынша сәйкестігін нақтылау мақсатында конкурстық комиссия банкроттық не тарату рәсімдерінің жүргізілуін бақылауды жүзеге асыратын уәкілетті органның интернет-ресурсында орналастырылған ақпаратты қарайды.

      342. Конкурсқа қатысуға өтінімдерді қарау нәтижелері бойынша конкурстық комиссия конкурсқа қатысуға өтінімдерді ашқан күннен бастап бес жұмыс күні ішінде:

      1) біліктілік талаптарына және конкурстық құжаттаманың талаптарына сәйкес келетін әлеуетті өнім берушілерді айқындайды, конкурсқа қатысушылар деп таниды;

      2) өлшемшарттарды қолданады және есептейді;

      3) осы Қағидаларға 6-қосымшаға сәйкес конкурс қорытындылары туралы хаттаманы ресімдейді.

      343. Конкурстық комиссияның шешімі веб-портал арқылы дауыс берумен қабылданады және егер оған конкурстық комиссия мүшелерінің жалпы санынан конкурстық комиссия мүшелерінің көпшілігі дауыс берсе, қабылданды деп есептеледі. Дауыстар тең болған жағдайда конкурстық комиссияның төрағасы дауыс берген шешім қабылданды деп есептеледі.

      Конкурстық комиссияның шешімімен келіспеген жағдайда осы конкурстық комиссияның кез келген мүшесі өз пікірін айта алады, ол құжаттың электрондық көшірмесі нысанында веб-порталда орналастырылады.

      Конкурстық комиссияның тиісті хаттамаларында конкурстық комиссияның қандай да бір мүшесінің қолы болмаған жағдайда конкурстық комиссияның хатшысы қолдың болмау себебі жазылған құжатты немесе ақпаратты веб-порталда орналастырады.

      344. Конкурс қорытындылары туралы хаттама:

      1) осы Қағидалардың 339-тармағына сәйкес конкурстық комиссияның сауалдары туралы;

      2) бас тарту себептері егжей-тегжейлі сипатталған, оның ішінде олардың біліктілік талаптарына және конкурстық құжаттама талаптарына сәйкес еместігін растайтын мәліметтер мен құжаттар көрсетілген конкурсқа қатысуға өтінімдері қабылданбаған әлеуетті өнім берушілер туралы;

      3) конкурстық комиссияның өлшемшарттарды қолдануы туралы ақпаратты қамтиды.

      345. Конкурстық комиссия конкурсқа қатысуға енгізілген өтінімді қамтамасыз етуді:

      1) электрондық банктік кепілдік түрінде ұсынылған конкурсқа қатысуға өтінімді қамтамасыз етудің қолданылу мерзімі жеткіліксіз болған жағдайда;

      2) конкурстық комиссияның:

      конкурсқа қатысуға өтінімді қамтамасыз етуді берген тұлғаны;

      электрондық банктік кепілдік түрінде конкурсқа қатысуға өтінімді қамтамасыз ету енгізілетін конкурстың атауы мен нөмірін;

      конкурсқа қатысуға өтінімді қамтамасыз етудің қолданылу мерзімін, электрондық банктік кепілдік түрінде ұсынылған оны беру шарттарын және (немесе) конкурсқа қатысуға өтінімді қамтамасыз ету сомасын;

      конкурсқа қатысуға өтінімді қамтамасыз ету берілген тұлғаны;

      пайдасына конкурсқа қатысуға өтінімді қамтамасыз ету енгізілетін тұлғаны анықтауына мүмкіндік бермейтін мәліметтердің болмауынан көрінетін конкурсқа қатысуға өтінімді қамтамасыз ету тиісінше ресімделмеген жағдайда;

      3) конкурсқа (лотқа) бөлінген соманың бір пайызынан кем мөлшерде конкурсқа қатысуға өтінімді қамтамасыз ету енгізілген жағдайларда конкурстық құжаттама талаптарына сәйкес емес деп таниды.

      346. Ұйымдастырушы әлеуетті өнім берушіге конкурсқа қатысуға өтінімді қамтамасыз етуді мынадай жағдайлардың бірі туындаған күннен бастап үш жұмыс күні ішінде қайтарады:

      1) әлеуетті өнім беруші конкурсқа қатысуға өтінімдер ұсынудың соңғы мерзімі аяқталғанға дейін өзінің конкурсқа қатысуға өтінімін кері қайтарып алған жағдайларда ашу хаттамасын орналастыру;

      2) конкурс қорытындылары туралы хаттамаға қол қою. Аталған жағдай конкурс жеңімпазы деп айқындалған конкурсқа қатысушыға қолданылмайды;

      3) әлеуетті өнім берушінің шартқа қол қоюы және оның шарттың орындалуын қамтамасыз етуді енгізуі.

      347. Конкурсты ұйымдастырушы электрондық банк кепілдігі түрінде енгізілген конкурсқа қатысуға өтінімді қамтамасыз етуді мынадай жағдайлардың бірі орын алған кезде әлеуетті өнім берушіге қайтармайды:

      1) конкурс жеңімпазы деп айқындалған әлеуетті өнім беруші шарт жасасудан жалтарса;

      2) конкурс жеңімпазы шарт жасасып, шартты орындауды қамтамасыз етуді енгізу және (немесе) енгізу мерзімдері туралы конкурстық құжаттамада белгіленген талаптарды орындамаса не тиісінше орындамаса, оның ішінде уақтылы орындамаса.

      Электрондық әмиян арқылы енгізілген конкурсқа қатысуға өтінімді қамтамасыз етуді бірыңғай оператор бұғаттайды және мынадай жағдайлардың бірі орын алған кезде әлеуетті өнім берушіге қайтармайды:

      1) конкурс жеңімпазы деп айқындалған әлеуетті өнім беруші шарт жасасудан жалтарса;

      2) конкурс жеңімпазы шарт жасасып, шартты орындауды қамтамасыз етуді енгізу және (немесе) енгізу мерзімдері туралы конкурстық құжаттамада белгіленген талаптарды орындамаса не тиісінше орындамаса, оның ішінде уақтылы орындамаса.

      Мұндай жағдайларда конкурсқа қатысуға өтінімді қамтамасыз ету сомасы тиісті бюджеттің кірісіне есептеледі.

      Әлеуетті өнім берушінің электрондық әмияндағы ақшаның тұтастай не оның бір бөлігін талап ету құқығының үшінші тұлғаларда туындауына әкеп соғатын іс-әрекеттер жасауына жол берілмейді.

      Осы тармақта көрсетілген жағдайларды қоспағанда, бірыңғай оператордың электрондық әмияндағы ақшаны пайдалануына жол берілмейді.

      348. Әлеуетті өнім берушінің өзінің электрондық әмиянында орналастырылған ақшаны қайтару туралы талабы бойынша бірыңғай оператор осындай талап келіп түскен күннен бастап үш жұмыс күні ішінде оларға қатысты бұғаттау жүзеге асырылмаған немесе бұғаттау тоқтатылған көрсетілген ақшаны қайтарады.

      349. Бірыңғай оператор тапсырыс берушіден веб-портал арқылы өтініш келіп түскен күннен бастап бес жұмыс күні ішінде, егер әлеуетті өнім беруші шарт жасасудан жалтарса немесе шарт жасасып, шарттың орындалуын қамтамасыз етуді енгізбесе, әлеуетті өнім берушінің электрондық әмиянынан тапсырыс берушінің өтінішінде көрсетілген шотқа өтінімді қамтамасыз ету бойынша бұғатталған ақшаны аударуды жүзеге асырады.

      350. Конкурс қорытындылары туралы хаттамаға веб-порталда конкурстық комиссияның барлық мүшелері қол қояды және конкурстық комиссияның хатшысы конкурсқа қатысуға өтінім берген барлық әлеуетті өнім берушілерді автоматты түрде хабардар ете отырып, оны конкурс қорытындылары туралы шешім қабылданған күні веб-порталда орналастырады.

      351. Конкурстық комиссия конкурс қорытындылары хаттамасында енгізілген конкурсқа қатысуға өтінімді қамтамасыз етуді конкурстық құжаттама талаптарына сәйкес келмейді деп тану себебін көрсетеді.

       352. Конкурстық комиссия конкурс қорытындылары туралы хаттаманы қалыптастыру кезінде, конкурсқа қатысуға бір өтінім берілген жағдайларды қоспағанда, конкурсқа қатысуға өтінім берген әрбір әлеуетті өнім берушіге қатысты Үлгілік конкурстық құжаттамаға 8-қосымшаға сәйкес өлшемшарттар бойынша балл қояды.

      Барынша көп балл жинаған әлеуетті өнім беруші конкурс жеңімпазы болып танылады.

       Егер конкурсқа конкурстық құжаттаманың талаптарына сәйкес өтінімді ұсынған және осы Қағидалардың нормаларына жауап беретін бір әлеуетті өнім беруші қатысқан жағдайда, ол конкурс жеңімпазы болып танылады.

      353. Егер екі және одан да көп әлеуетті өнім беруші бірдей балл санын жинаған жағдайда, Үлгілік конкурстық құжаттамаға 8-қосымшаға сәйкес "Тауар нарығындағы соңғы 5 жылдағы жұмыс тәжірибесі" өлшемшарты бойынша ең көп балл жинаған конкурсқа қатысушы жеңімпаз деп танылады.

      Жұмыс тәжірибесі бойынша баллдар саны тең болған кезде конкурсқа қатысуға өтінімі басқа әлеуетті өнім берушілердің конкурсқа қатысуға өтінімдерінен бұрын түскен конкурсқа қатысушы жеңімпаз деп танылады.

      354. Конкурсты ұйымдастырушы:

      1) ұсынылған өтінімдер болмаған;

      2) конкурсқа қатысуға бірде-бір әлеуетті өнім беруші жіберілмеген;

      3) егер аталған өнім беруші конкурсқа жалғыз қатысып, конкурс жеңімпазы шарт жасасудан жалтарған жағдайларда конкурсты өткізілмеді деп таниды.

      355. Конкурс өткізілмеді деп танылған кезде конкурсты ұйымдастырушы осы Қағидалардың 318-тармағына сәйкес конкурс өткізілмеді деп танылған күннен бастап бір жұмыс күнінен кешіктірмей конкурсты қайта өткізу туралы хабарлайды.

      356. Конкурс жеңімпазы шарт жасасудан жалтарған жағдайда, конкурсқа екі және одан да көп әлеуетті өнім беруші қатысқан кезде конкурстық комиссия тауарларды жеткізушілерді таңдау өлшемшарттарына сәйкес конкурс жеңімпазынан кейін жиналған балдар саны бойынша келесі әлеуетті өнім берушімен шарт жасасу туралы шешім қабылдайды және екі жұмыс күні ішінде оған веб-портал арқылы электрондық цифрлық қолтаңбамен куәландырылған шартты жібереді.

      Әлеуетті өнім беруші шартты алған күннен бастап үш жұмыс күні ішінде шартқа электрондық цифрлық қолтаңбамен қол қояды.

      357. Тәрбиеленушілерді мен білім алушыларды тамақтандыруды ұйымдастыру бойынша тапсырыс берушінің үздіксіз қызметін қамтамасыз ету мақсатында конкурс жеңімпазымен шарт күшіне енгенге дейінгі кезеңге өнім беруші тарапынан бұзушылықтар болмаған жағдайда, тікелей шарт жасасу арқылы жұмыс істеп тұрған өнім берушімен шарттың қолданылуын ұзартады.

      Өнім беруші шарттың қолданылу мерзімін ұзартудан бас тартқан, өнім беруші тарапынан бұзушылықтар болған жағдайда, шарт конкурс жеңімпазымен шарт күшіне енгенге дейінгі кезеңге алдыңғы конкурста екінші, үшінші, төртінші және одан әрі кезектілік тәртібімен орын алған әлеуетті өнім берушімен жасалады.

      Өнім беруші шарттың қолданылу мерзімін ұзартудан бас тартқан, өнім беруші тарапынан бұзушылықтар болған, шарт жасасудан бас тартқан немесе алдыңғы конкурста кезектілік тәртібімен екінші, үшінші, төртінші және тағы басқа орын алған әлеуетті өнім беруші болмаған жағдайда, конкурсты ұйымдастырушы, тапсырыс беруші біліктілік талаптарына сәйкес келетін және білім беру ұйымдарында кемінде 2 жыл тауар жеткізу бойынша тәжірибесі бар тауарларды жеткізуді жүзеге асыратын өнім берушіні тарту туралы шешім қабылдайды.

      Бұл ретте мұндай сатып алу конкурсты өткізу мерзімі ішінде тапсырыс берушінің қажеттілігін қамтамасыз ету үшін қажетті, бірақ екі айдан аспайтын мерзімде осындай тауарларды сатып алу көлемінен аспайтын көлемде жүзеге асырылады.

      Конкурс қорытындысына, уәкілетті органның шешіміне шағым жасалған жағдайда шарт шағым жасау кезеңіне ұзартылады.

      358. Тапсырыс беруші, конкурсты ұйымдастырушы екі жұмыс күні ішінде тапсырыс берушінің, конкурсты ұйымдастырушының интернет-ресурсында тауарларды жеткізу туралы ақпаратты орналастырады.

      359. Осы Қағидалардың 354-тармағына сәйкес қайта конкурс өткізілмеді деп танылған кезде конкурсқа тапсырыс беруші біліктілік талаптарына сәйкес келетін және білім беру ұйымдарына тауарларды жеткізу бойынша кемінде 2 жыл жұмыс тәжірибесі бар тамақтандыруды ұйымдастыру бойынша тауарларды жеткізуді жүзеге асыратын өнім берушіні тікелей шарт жасасу арқылы тарту туралы шешім қабылдайды.

      Ұйымдастырушы өнім берушіні тарту туралы шешім қабылданған күннен бастап екі жұмыс күні ішінде веб-портал арқылы осы Қағидаларға 7-қосымшаға сәйкес тапсырыс беруші айқындаған әлеуетті өнім берушіге шақыру жібереді.

       Әлеуетті өнім беруші келіскен жағдайда, осы әлеуетті өнім беруші күнтізбелік бес күн ішінде веб-портал арқылы тапсырыс берушіге Үлгілік конкурстық құжаттамаға 8-қосымшаға сәйкес жұмыс тәжірибесі туралы растайтын құжаттарды қоса бере отырып, қатысу туралы растау жібереді.

      Тапсырыс беруші қатысу туралы растауды алған күннен бастап үш жұмыс күні ішінде әлеуетті өнім берушіге веб-портал арқылы электрондық цифрлық қолтаңбамен куәландырылған шарттың жобасын жібереді.

       Әлеуетті өнім беруші шарттың жобасын алған күннен бастап үш жұмыс күні ішінде шарттың жобасын электрондық

      360. Әлеуетті өнім беруші:

      1) егер ол мынадай негіздер бойынша біліктілік талаптарына сәйкес келмейді деп анықталса:

      конкурстық құжаттамаға біліктілік туралы мәліметтерді ұсынбаса, сол сияқты мәліметтерді толық ұсынбаса;

      әлеуетті өнім беруші конкурстық құжаттамада көрсетілген шарт бойынша міндеттемелерді орындау үшін жеткілікті материалдық және еңбек ресурстарына ие болу бөлігінде біліктілік талаптарына сәйкес келмесе;

      біліктілік талаптары бойынша дұрыс емес ақпарат беру фактісі анықталса;

      2) егер оның конкурсқа қатысуға өтінімі мынадай негіздер бойынша конкурстық құжаттаманың талаптарына сәйкес келмейді деп айқындалса:

      техникалық тапсырманы ұсынбаса;

      әлеуетті өнім беруші конкурстық құжаттаманың талаптарына сәйкес келмейтін техникалық тапсырманы ұсынса, сол сияқты техникалық тапсырмамен талап етілетін құжаттарды ұсынбаса;

      конкурстық құжаттаманың және осы Қағидалардың талаптарына сәйкес конкурсқа қатысуға өтінімді қамтамасыз етуді ұсынбаса;

      конкурстық өтінімде ұсынылған құжаттар бойынша дұрыс емес мәліметтерді ұсыну фактісі анықталса, конкурсқа қатысуға жіберілмейді, конкурсқа қатысушы, конкурс жеңімпазы ретінде таныла алмайды.

      361. Тапсырыс берушінің, ұйымдастырушының, комиссиялардың әрекеттеріне (әрекетсіздігіне), шешімдеріне шағым жасауды, егер олардың әрекеттері (әрекетсіздігі), шешімдері әлеуетті өнім берушінің құқықтары мен заңды мүдделерін бұзса, өнім беруші жүзеге асырады.

      Конкурс қорытындылары туралы хаттама орналастырылған күннен бастап бес жұмыс күнінен кешіктірмей уәкілетті органға шағым жасалған кезде шарт жасасу мерзімі шағымды қарау мерзімі аяқталғанға дейін тоқтатыла тұрады. Конкурсқа қатыспаған тұлғаларға шағым жасау шарт жасасу мерзімін тоқтата тұрмайды.

      362. Шағым Қазақстан Республикасының мемлекеттік аудит және қаржылық бақылау туралы заңнамасына сәйкес электрондық мемлекеттік аудит, камералдық тексеріс шеңберінде қаралады.

      363. Уәкілетті орган шағым түскен күннен бастап бір жұмыс күнінен кешіктірмей тапсырыс берушіге шарт жасасуды тоқтата тұру туралы хабарлама жібереді.

      364. Уәкілетті органға тапсырыс берушінің, конкурсты ұйымдастырушының, комиссиялардың іс-әрекеттеріне (әрекетсіздігіне), шешімдеріне жасалған шағымда іс-әрекетіне (әрекетсіздігіне), шешімдеріне шағым жасалып отырған заңды тұлғаның атауы, орналасқан жері, шағым берген тұлғаның атауы, орналасқан жері, конкурс туралы мәліметтер, тапсырыс берушінің, конкурсты ұйымдастырушының, комиссиялардың шағым жасалған іс-әрекеттері (әрекетсіздігі), шешімдері қамтылуы тиіс. Шағымға шағым берген адамның дәлелдерін растайтын құжаттар қоса берілуі мүмкін.

      Шағымға оны беруші тұлға немесе оның өкілі қол қояды. Өкіл берген шағымға сенімхат немесе өкілдің өкілеттігін куәландыратын өзге де құжат қоса берілуі тиіс.

      365. Түскен күннен бастап екі жұмыс күні ішінде шағым оны берген тұлғаға мынадай жағдайларда қараусыз қайтарылады:

      1) шағым осы Қағидалардың 364-тармағында белгіленген нормаларға сәйкес келмесе;

      2) шағымға қол қойылмаса не оған қол қоюға өкілеттігі жоқ тұлға қол қойса.

      366. Конкурс қорытындылары туралы хаттама тауарларды жеткізу туралы шарт жасасуға негіз болып табылады. Тауарларды жеткізу туралы шарт тапсырыс беруші мен өнім беруші арасында жасалады.

      367. Конкурс қорытындылары туралы хаттамаға шағымдану мерзімі өткеннен кейін үш жұмыс күні ішінде тапсырыс беруші әлеуетті өнім берушіге Үлгілік конкурстық құжаттамаға 10-қосымшаға сәйкес Тауарларды жеткізу туралы үлгілік шартқа сәйкес жасалған тауарларды жеткізу туралы қол қойылған шартты жібереді.

      368. Шарт тиісті қаржы жылына арналған міндеттемелер бойынша бекітілген жеке қаржыландыру жоспарына сәйкес бөлінген қаражат шегінде жасалады және өнім беруші тарапынан бұзушылықтар болмаған жағдайда, тікелей шарт жасасу арқылы келесі қаржы жылдарына екі рет ұзартылады.

      Шарттың қолданылу мерзімін ұзарту шарттың қолданылу мерзімі өткен күннен бастап 3 жұмыс күні ішінде тиісті қаржы жылына арналған тауарларды сатып алу жоспарына сәйкес жүзеге асырылады.

      Тамақтанумен қамтамасыз етілетін тәрбиеленушілер мен білім алушылардың саны өзгерген жағдайда шартқа өзгерістер енгізіледі.

      369. Өнім беруші шартты алған күннен бастап үш жұмыс күні ішінде қол қояды және қол қойылған тауарларды жеткізу туралы шартты конкурсты ұйымдастырушыға қайтарады.

      370. Өнім беруші шарт жасалған күннен бастап он жұмыс күні ішінде шарттың орындалуын қамтамасыз етуді енгізеді.

      Бұл ретте тапсырыс беруші шартты орындауды қамтамасыз етуді енгізу мерзімі аяқталған күннен бастап екі жұмыс күні ішінде өнім берушіге шартты бұзу ниеті туралы хабарлама жібереді. Егер өнім беруші шартты бұзу ниеті туралы хабарламаны алған күннен бастап үш жұмыс күні ішінде шарттың орындалуын қамтамасыз етуді енгізбесе, тапсырыс беруші шартты бұзу туралы хабарлама жібереді.

      371. Шарттық міндеттемелерді орындау процесінде туындайтын барлық даулар Қазақстан Республикасының азаматтық заңнамасына сәйкес шешіледі.

      372. Алдын ала жылдық сатып алу жоспары шеңберінде өткізілген өнім берушіні таңдау рәсімдері тиісті бюджет бекітілгенге дейін аяқталған жағдайда, шарт жеңімпазға тиісті бюджет бекітілген күннен бастап бес жұмыс күні ішінде жіберіледі.

      373. Көрсетілген мерзім ішінде шартқа қол қоймаған әлеуетті өнім беруші шарт жасасудан жалтарған болып есептеледі.

      374. Егер жеңімпаз деп танылған әлеуетті өнім беруші және екінші орын алған әлеуетті өнім беруші Қағидаларда белгіленген мерзімде тапсырыс берушіге қол қойылған шартты ұсынбаған және (немесе) шарттың орындалуын қамтамасыз етуді енгізбеген жағдайда, онда конкурсты ұйымдастырушы Жосықсыз өнім берушілердің (әлеуетті өнім берушілердің) тізбесін қалыптастыру қағидаларына сәйкес күнтізбелік отыз күннен кешіктірмей мұндай өнім берушіні жосықсыз өнім беруші деп тану туралы талап-арызбен сотқа жүгінеді.

      375. Жеңімпаз деп айқындалған әлеуетті өнім беруші шарт жасасудан жалтарған деп танылған жағдайда, ұйымдастырушы ол енгізген конкурсқа қатысуға өтінімді қамтамасыз етуді ұстап қалады.

      376. Егер жеңімпаз деп айқындалған әлеуетті өнім беруші қол қойылған шартты тапсырыс берушіге ұсынбаса, шартты алған күннен бастап он жұмыс күні ішінде шарттың орындалуын қамтамасыз етуді енгізбесе, тапсырыс беруші өнім берушінің шартты бұзу туралы хабарламасын алған күннен бастап үш жұмыс күні өткен соң екінші орын алған әлеуетті өнім берушіге шартты жібереді. Шартқа екінші орын алған әлеуетті өнім беруші оған шарт берілген күннен бастап үш жұмыс күні ішінде қол қояды.

      Егер екінші орын алған әлеуетті өнім беруші белгіленген мерзімде тапсырыс беруші қол қойған шартқа қол қоймаса, тапсырыс беруші қайта конкурс өткізуді жүзеге асырады.

      377. Қаржы органдары осы Қағидаларды бұза отырып қабылданған ұйымдастырушының және конкурстық комиссияның шешімдерін жою туралы не шарт жасалғанға дейін, оның ішінде ұйымдастырушының уәкілетті органның осындай шешіміне шағымдануы кезеңінде конкурстың күшін жою туралы шешім шығарған кезде, шарт жасалмайды.

      378. Уәкілетті орган ұйымдастырушының және конкурстық комиссияның не конкурстың (лоттың) шешімдерінің күшін жойған жағдайда, конкурсты ұйымдастырушы уәкілетті органның шешімін алған күннен бастап 3 жұмыс күні ішінде оны веб-порталға орналастырады. Уәкілетті органның шешімі орналастырылған күннен бастап 3 жұмыс күні ішінде конкурсты ұйымдастырушы конкурс қорытындыларын қайта қарауды жүзеге асырады немесе конкурс туралы хабарландыруды веб-порталға орналастырады.";

      379. Шарттың орындалуын қамтамасыз ету мөлшерін конкурсты ұйымдастырушы шарттың жалпы сомасының үш пайызы мөлшерінде белгілейді.

      380. Өнім беруші шарттың орындалуын қамтамасыз етудің мынадай түрлерінің бірін таңдай алады:

      1) тапсырыс берушінің банктік шотына не Қазақстан Республикасының бюджеттік заңнамасында көзделген шотқа енгізілетін кепілді ақшалай жарна;

      2) банктік кепілдік.

      Тапсырыс беруші өнім берушіге шарттың орындалуын қамтамасыз етуді өнім беруші шарт бойынша өз міндеттемелерін толық және тиісінше орындаған күннен бастап бес жұмыс күні ішінде қайтарады.

      381. Шарттың орындалғаны туралы құжаттар (тауарды қабылдау-тапсыру актісі, шот-фактура) электрондық нысанда ресімделеді.

      Тапсырыс беруші мен өнім беруші көрсетілген шарт бойынша қабылдаған міндеттемелерін толық орындаған жағдайда шарт орындалды деп есептеледі.

      Тауарларды жеткізу кезінде шартты орындау мынадай ретпен жүзеге асырылады:

      1) жүкқұжаттың түпнұсқасын ұсына отырып, тауарды межелі жерге жеткізу;

      2) өнім берушінің тауарды жеткізу фактісін растайтын жүкқұжаттың электрондық көшірмесін тіркей отырып, веб-портал арқылы тауарды қабылдау-тапсыру актісін ресімдеуі;

      3) тапсырыс берушінің тауарды қабылдауы;

      4) Электрондық шот-фактуралардың ақпараттық жүйесінде шот-фактураны электронды нысанда жазып беру қағидаларына сәйкес электрондық шот-фактуралардың ақпараттық жүйесі арқылы жазып берілген электрондық шот-фактураны ресімдеу;

      5) тапсырыс берушінің жеткізілген тауар үшін ақы төлеуі.

       382. Өнім беруші веб-портал арқылы тапсырыс берушіге тауарлар туралы мәліметтерді толтыра отырып, электрондық-цифрлық қолтаңбамен бекітілген осы Қағидаларға 8-қосымшаға сәйкес нысан бойынша тауарларды қабылдау-тапсыру актісін жібереді.

      383. Тапсырыс беруші веб-порталда өнім берушінің тауарларды қабылдау-тапсыру актісін ресімдеуі туралы хабарлама алған күннен бастап үш жұмыс күнінен кешіктірмей актіде шарт бойынша ақпаратты толтырады және оны электрондық-цифрлық қолтаңбамен бекітеді не дәлелді негіздемелер көрсете отырып, тауарды қабылдаудан бас тартады.

	Мемлекеттік орта білім беру ұйымдарында, мектептен тыс қосымша білім беру ұйымдарында білім алушыларды тамақтандыруды ұйымдастыру, сондай-ақ мемлекеттік мектепке дейінгі ұйымдарда, жетім балалар мен ата-анасының қамқорлығынсыз қалған балаларға арналған білім беру ұйымдарында, техникалық және кәсіптік, орта білімнен кейінгі білім беру ұйымдарында тәрбиеленетін және білім алатын балаларды тамақтандыруды қамтамасыз етуге байланысты тауарларды сатып алу қағидаларына 1-қосымша
	нысан
	Бекітемін:
	____________________________ (Тапсырыс берушінің толық атауын және оның лауазымды адамының тегін, атын, әкесінің атын (бар болса) көрсету)

 _________ жылға арналған көрсетілген қызметтерді және (немесе) тауарларды сатып алу жоспары

       Жалпы мәліметтер

Тапсырыс берушінің БСН	Мемлекеттік мекемелер үшін		Тапсырыс берушінің атауы	Қаржы жылы
	ММ коды	Бюджеттің түрі
1	2	3	4	5

      Көрсетілетін қызметтерді немесе тауарларды сатып алу жоспары

№	Жоспар тармағының түрі	Бюджеттік бағдарлама әкімшісі	Бағдарлама	Кіші бағдарлама * *	Ерекшелік*	Қаржыландыру көзі	Сатып алу мәнінің түрі
1	2	3	4	5	6	7	8

 

Тауардың, көрсетілетін қызметтің коды	Сатып алынатын тауарлардың, көрсетілетін қызметтердің атауы	Тауарлардың, көрсетілетін қызметтердің қысқаша сипаттамасы (сипаттауы)	Сатып алу тәсілі	Өлшем бірлігі	Саны, көлемі	Бір бірлігі үшін баға, теңге	Сатып алудың бекітілген сомасы, теңге
9	10	11	12	13	14	15	16

 

Сатып алуды хабарлаудың жоспарланған мерзімі (ай)	Тауарды жеткізу, қызметтерді көрсету мерзімі (қазақ тілінде)	Тауарды жеткізу, қызметтерді көрсету мерзімі (орыс тілінде)	ӘАОС	Тауарды жеткізу, қызметтерді көрсету орны (қазақ тілінде)	Тауарды жеткізу, қызметтерді көрсету орны (орыс тілінде)	Аванстық төлемнің мөлшері, %	Өнім берушінің белгісі
17	18	19	20	21	22	23	24

       Жалпы мәліметтер:

      1) "Тапсырыс берушінің БСН" деген жолақта – заңды тұлғаны мемлекеттік тіркеу (қайта тіркеу) туралы куәлікте көрсетілген ұйымның бизнес сәйкестендіру нөмірі (он екі мәндегі код);

       2) "ММ коды" деген жолақта – бюджетті атқару жөніндегі орталық уәкілетті орган беретін мемлекеттік мекеменің коды (жеті мәндегі код) көрсетіледі;

       3) "Бюджеттің түрі" деген жолақта – оның қаражаты есебінен мемлекеттік мекеме ұсталатын бюджеттің түрін білдіретін мән көрсетіледі (республикалық бюджет; облыстық бюджет, республикалық маңызы бар қала, астана бюджеті, аудандық бюджет, облыстық маңызы бар қала бюджеті);

       4) "Тапсырыс берушінің атауы" деген жолақта – ұйымның толық атауы көрсетіледі;

      5) "Қаржы жылы" деген жолақта – көрсетілетін қызметтерді және (немесе) тауарларды сатып алу жоспары жасалатын қаржы жылы көрсетіледі.

      _____жылға арналған көрсетілген қызметтерді және (немесе) тауарларды сатып алу жоспары

      1) "№" деген жолақта – веб-портал айқындайтын мемлекеттік сатып алудың сәйкестендіру коды;

      2) "Жоспар тармағының түрі" деген жолақта – жоспар тармағы түрлерінің мынадай мәндерінің бірі көрсетіледі:

      Қаржы жылынан асып кетпейтін сатып алу;

      Қаржы жылынан асып кететін сатып алу;

      Шартты үнемдеу есебінен сатып алу;

      3) "Әкімшінің коды" деген жолақта – бюджеттік жоспарлау жөніндегі орталық уәкілетті орган беретін Бюджеттік бағдарлама әкімшісінің коды көрсетіледі;

      4) "Бағдарлама" деген жолақта – оның шеңберінде көрсетілетін қызметтерді және (немесе) тауарларды сатып алу жүзеге асырылатын шығыстарды функционалдық жіктеудің бюджеттік бағдарламасының коды көрсетіледі;

      5) "Кіші бағдарлама" деген жолақта – оның шеңберінде көрсетілетін қызметтерді және (немесе) тауарларды сатып алу жүзеге асырылатын шығыстарды функционалдық жіктеудің бюджеттік кіші бағдарламасының коды көрсетіледі;

      6) "Ерекшелік" деген жолақта – оның шеңберінде көрсетілетін қызметтерді және (немесе) тауарларды сатып алу жүзеге асырылатын шығыстарды экономикалық жіктеудің ерекшелігі коды көрсетіледі;

       7) "Қаржыландыру көзі" деген жолақта – түскен көрсетілетін қызметтерді және (немесе) тауарларды сатып алу қаржыландыру көзін көрсету қажет

      мемлекеттік мекемелердің иелігінде қалған тауарларды (жұмыстарды, көрсетілетін қызметтерді) өткізуінен түскен ақша есебінен;

      демеушілік және қайырымдылық көмек қаражаты есебінен;

      жергілікті өзін-өзі басқару органдарына берілетін трансферттер есебінен;

       8) "Сатып алу мәнінің түрі" деген жолақта – қызметтерді және (немесе) тауарларды (тауар, көрсетілетін қызмет) сатып алу мәнінің түрі көрсетіледі;

      9) "Тауардың, көрсетілетін қызметтің коды" деген жолақта – тауарлардың, көрсетілетін қызметтердің анықтамалығына сәйкес тауардың, көрсетілетін қызметтің коды көрсетіледі;

      10) "Сатып алынатын тауарлардың, көрсетілетін қызметтердің атауы" деген жолақта – "Тауардың, көрсетілетін қызметтің коды" деген жолаққа енгізілген мәнге сәйкес сатып алынатын тауарлардың, көрсетілетін қызметтердің атауы көрсетіледі;

      11) "Тауарлардың, көрсетілетін қызметтердің қысқаша сипаттамасы (сипаттауы)" деген жолақта – "Тауардың, көрсетілетін қызметтің коды" деген жолаққа енгізілген мәнге сәйкес тауарлардың, көрсетілетін қызметтердің қысқаша сипаттамасы (сипаттауы) көрсетіледі;

      12) "Сатып алу тәсілі" деген жолақта – сатып алу өткізу тәсілі көрсетіледі;

      13) "Өлшем бірлігі" деген жолақта – "Тауардың, көрсетілетін қызметтің коды" деген жолаққа енгізілген мәнге сәйкес сатып алу мәнінің өлшем бірлігі көрсетіледі;

      14) "Жалпы саны, көлемі" деген жолақта – сатып алынатын тауарлардың, көрсетілетін қызметтердің жалпы саны немесе көлемі көрсетіледі;

      15) "Бір бірлігі үшін баға, теңге" деген жолақта – теңгеде сатып алу мәнінің бірлігі үшін баға көрсетіледі;

      16) "Сатып алу үшін бекітілген жалпы сома, теңге" деген жолақта – "Жалпы саны, көлемі" деген жолақты "Бір бірлігі үшін баға, теңге" деген жолаққа көбейту арқылы есептеледі және сатып алу жоспарланатын соманы білдіреді;

      17) Сатып алуды хабарлаудың жоспарланған мерзімі (ай)" деген жолақта – көрсетілетін қызметтерді және (немесе) тауарларды сатып алу жоспарланған ай көрсетіледі;

      18) "Тауарды жеткізу, қызметтерді көрсету мерзімі (қазақ тілінде)" деген жолақта – қазақ тілінде тауарды жеткізу, қызметтерді көрсету мерзімі көрсетіледі;

      19) "Тауарды жеткізу, қызметтерді көрсету мерзімі (орыс тілінде)" деген жолақта – орыс тілінде тауарды жеткізу, қызметтерді көрсету мерзімі көрсетіледі;

       20) "ӘАОС" деген жолақта – "Әкімшілік-аумақтық объектілер сыныптауышы" анықтамалығына сәйкес сандық мәнде елді мекеннің коды көрсетіледі;

      21) "Тауарды жеткізу, қызметтерді көрсету орны (қазақ тілінде)" деген жолақта – қазақ тілінде тауарды жеткізу, қызметтерді көрсету орны көрсетіледі;

      22) "Тауарды жеткізу, қызметтерді көрсету орны (орыс тілінде)" деген жолақта – орыс тілінде тауарды жеткізу, қызметтерді көрсету орны көрсетіледі;

      23) "Аванстық төлемнің мөлшері, %" деген жолақта – жоспарланған аванстық төлем мөлшері көрсетіледі;

      24) "Өнім берушінің белгісі" деген жолақта – әлеуетті өнім берушілердің жекелеген санаттарында сатып алуды жүргізу белгісі көрсетіледі.

	Мемлекеттік орта білім беру ұйымдарында, мектептен тыс қосымша білім беру ұйымдарында білім алушыларды тамақтандыруды ұйымдастыру, сондай-ақ мемлекеттік мектепке дейінгі ұйымдарда, жетім балалар мен ата-анасының қамқорлығынсыз қалған балаларға арналған білім беру ұйымдарында, техникалық және кәсіптік, орта білімнен кейінгі білім беру ұйымдарында тәрбиеленетін және білім алатын балаларды тамақтандыруды қамтамасыз етуге байланысты тауарларды сатып алу қағидаларына 2-қосымша
	нысан
	Бекітемін:
	____________________________ (ұйымдастырушының толық атауы ____________________________ (конкурстық құжаттаманы бекіткен адамның Т.А.Ә.)
	Шешім № _____ Күні_________

 Жеткізушіні таңдау жөніндегі үлгілік конкурстық құжаттама

      _________________________________________________________________

      (конкурстың атуын, білім беру ұйымының атауы бар лотты көрсету)

       Тапсырыс беруші (тапсырыс беруші мен ұйымдастырушы бір тұлға ретінде әрекет етсе көрсетілмейді)___________________________________________

      (атауын, орналасқан жерін, БСН, банктік деректемелерін көрсету)

       Ұйымдастырушы________________________________________________

      (тапсырыс берушінің толық атауын, орналасқан жерін,

      БСН, банктік деректемелерін, байланыс телефондарын, электрондық және почта мекенжайын көрсету)

       Конкурстық комиссияның хатшысы ________________________________

      (Т.А.Ә., лауазымы, телефоны, e-mail көрсетіледі)

 1. Жалпы ережелер

      1. Конкурс өнім берушіні таңдау мақсатында өткізіледі (көрсетілетін қызметтер немесе тауарлар атауын көрсету).

      2. Көрсетілетін қызметті немесе тауарды сатып алу жөніндегі осы конкурс (лот) үшін бөлінген сома ____ теңге (лоттарға бөлген жағдайда, әрбір лот үшін сома жеке көрсетіледі), оның ішінде ҚҚС (ҚҚС сомасын санмен және жазумен көрсету)/ҚҚС есептелмей.

      3. Осы конкурстық құжаттама мыналарды:

       1) осы Үлгілік конкурстық құжаттамаға 1-қосымшаға сәйкес нысан бойынша көрсетілетін қызметті алушылар санаттарының тізбесін, тауарды жеткізушіні таңдау кезінде 2-қосымшаға сәйкес нысан бойынша сатып алынатын тауарлардың тізбесін;

       2) осы Үлгілік конкурстық құжаттамаға 3-қосымшаға сәйкес орта білім беру ұйымдарында, мектептен тыс қосымша білім беру ұйымдарында білім алушыларды тамақтандыруды ұйымдастыру бойынша қызметті (білім беру органы бекіткен және Қазақстан Республикасының заңнамасында белгіленген нормаларға сәйкес келетін перспективалық мәзір қоса беріле отырып) немесе тауарларды жеткізушіні, сондай-ақ мемлекеттік мектепке дейінгі ұйымдарда, жетім балалар мен ата-аналарының қамқорлығынсыз қалған балаларға арналған, техникалық және кәсіптік, орта білімнен кейінгі білім беру ұйымдарында тәрбиеленетін және білім алатын балаларды тамақтандыруды қамтамасыз етуге байланысты тауарларды жеткізушіні таңдау жөніндегі конкурстық құжаттамаға техникалық тапсырманы;

       3) осы Үлгілік конкурстық құжаттамаға 4, 5-қосымшаларға сәйкес нысандар бойынша жеке және заңды тұлғалар үшін конкурсқа қатысуға арналған өтінімді;

       4) осы Үлгілік конкурстық құжаттамаға 6-қосымшаға сәйкес нысан бойынша әлеуетті өнім берушінің біліктілігі туралы мәліметтерді;

       5) осы Үлгілік конкурстық құжаттамаға 7, 8-қосымшаларға сәйкес қызметтерді немесе тауарларды жеткізушіні таңдау өлшемшарттарын;

       6) осы Үлгілік конкурстық құжаттамаға 9-қосымшаға сәйкес Қызметтерді көрсету туралы үлгілік шартты және 10-қосымшаға сәйкес Тауарларды жекізу туралы үлгілік шарттықамтиды.

      4. Конкурсқа қатысуға ниет білдірген әлеуетті өнім беруші конкурсқа қатысуға өтінімімен қоса көрсетілетін қызметтерді немесе тауарларды сатып алу үшін бөлінген соманың бір пайызы мөлшерінде конкурсқа қатысуға арналған өтінімнің қамтамасыз етуін төменде аталған нысандардың біреуімен енгізеді:

      1) әлеуетті өнім берушінің электрондық әмиянындағы ақша;

      2) банктік кепілдік.

       Әлеуетті өнім беруші осы Қағидаларға сәйкес құжаттар топтамасын өтінім беру мерзімі аяқталғанға дейінгі мерзімде веб-порталға орналастырады.

Мемлекеттік орта білім беру ұйымдарында, мектептен тыс қосымша білім беру ұйымдарында білім алушыларды тамақтандыруды ұйымдастыру бойынша қызметті немесе тауарларды жеткізушіні, сондай-ақ мемлекеттік мектепке дейінгі ұйымдарда, жетім балалар мен ата-анасының қамқорлығынсыз қалған балаларға арналған білім беру ұйымдарында, техникалық және кәсіптік, орта білімнен кейінгі білім беру ұйымдарында тәрбиеленетін және білім алатын балаларды тамақтандыруды қамтамасыз етуге байланысты тауарларды жеткізушіні таңдау жөніндегі үлгілік конкурстық құжаттамаға 1-қосымша

нысан

 Көрсетілетін қызметті алушылар санатының тізбесі _________________________________________________  бойынша конкурс (конкурсты ұйымдастырушының толық атауын көрсету)

Лот №
ҚҚС есебінсіз лот бойынша жалпы сома теңгемен (соманы көрсету)
Қызмет көрсету мерзімі
Қызмет көрсету орны
Барлық тәрбиеленушілер мен білім алушылар
оның ішінде, мемлекеттік бюджет қаражаты есебінен тамақтанатын тәрбиеленушілер мен білім алушылар саны
Оның ішінде:
"Мемлекеттік білім беру мекемелерінің мемлекеттік атаулы әлеуметтік көмек алуға құқығы бар отбасылардан, сондай-ақ мемлекеттік атаулы әлеуметтік көмек алмайтын, жан басына шаққандағы табысы ең төменгі күнкөріс деңгейінің шамасынан төмен отбасылардан шыққан білім алушылары мен тәрбиеленушілеріне және жетім балаларға, ата-анасының қамқорлығынсыз қалып, отбасыларда тұратын балаларға, төтенше жағдайлардың салдарынан шұғыл жәрдемді талап ететін отбасылардан шыққан балаларға және өзге де санаттағы білім алушылар мен тәрбиеленушілерге қаржылай және материалдық көмек көрсетуге бөлінетін қаражатты қалыптастыру, жұмсау бағыты мен оларды есепке алу қағидаларын бекіту туралы"Қазақстан Республикасы Үкіметінің 2008 жылғы 25 қаңтардағы №64 қаулысына (бұдан әрі – ҚР Үкіметінің 2008 жылғы 25 қаңтардағы №64 Қаулысы)сәйкес мемлекеттік бюджет қаражаты есебінен тамақтандырумен қамтамасыз етілетін балалар саны
басқалар (балалардың санаты мен санын көрсету)
Күніне 1 балаға тамақтану құны (теңгемен)
ҚР Үкіметінің 2008 жылғы 25 қаңтардағы №64 қаулысына сәйкес мемлекеттік бюджет қаражаты есебінен тамақтанумен қамтамасыз етілетін балалар үшін тамақтану құны
басқа санаттар үшін тамақтану құны (санаты мен құнын көрсету)
Мектеп жанындағы лагерь
Мектеп жанындағы лагерьдегі балалар саны
оның ішінде, мемлекеттік бюджет қаражаты есебінен тамақтанатын тәрбиеленушілер мен білім алушылар саны
Оның ішінде:
ҚР Үкіметінің 2008 жылғы 25 қаңтардағы №64 қаулысына сәйкес мемлекеттік бюджет қаражаты есебінен тамақтанумен қамтамасыз етілетін балалар саны
басқалар (балалардың санаты мен санын көрсету)
Күніне 1 балаға тамақтану құны (теңгемен)
ҚР Үкіметінің 2008 жылғы 25 қаңтардағы №64 қаулысына сәйкес мемлекеттік бюджет қаражаты есебінен тамақтанумен қамтамасыз етілетін балалар үшін тамақтану құны
басқа санаттар үшін тамақтану құны (санаты мен құнын көрсету)

       Ескерту:

      Күні

Мемлекеттік орта білім беру ұйымдарында, мектептен тыс қосымша білім беру ұйымдарында білім алушыларды тамақтандыруды ұйымдастыру бойынша қызметті немесе тауарларды жеткізушіні, сондай-ақ мемлекеттік мектепке дейінгі ұйымдарда, жетім балалар мен ата-анасының қамқорлығынсыз қалған балаларға арналған білім беру ұйымдарында, техникалық және кәсіптік, орта білімнен кейінгі білім беру ұйымдарында тәрбиеленетін және білім алатын балаларды тамақтандыруды қамтамасыз етуге байланысты тауарларды жеткізушіні таңдау жөніндегі үлгілік конкурстық құжаттамаға 2-қосымша

нысан

 Сатып алынатын тауарлардың тізбесі ____________________________________________________ бойынша конкурс (толық атауын көрсету)

Лот №	Тапсырыс берушінің атауы	Тауардың атауы	Өлшем бірлігі	Саны, көлемі
1	2	3	4	5
		(Тауарлардың сипаттамасы техникалық тапсырмада жазылған жағдайда, бұл бағанда тауардың қысқаша атауы және әрбір позиция бойынша техникалық тапсырманың нақты бөліміне сілтеме көрсетіледі)

      кестенің жалғасы

Жеткізу шарты	Тауарларды жеткізу мерзімі	Тауарларды жеткізу орны	Аванстық төлем мөлшері, %	Сатып алу үшін бөлінген сома (№ лот бойынша), теңге	оның ішінде бюджет қаражаты
6	7	8	9	10	11

      * Тауарлардың толық сипаты мен сипаттамасы техникалық тапсырмада көрсетіледі

Мемлекеттік орта білім беру ұйымдарында, мектептен тыс қосымша білім беру ұйымдарында білім алушыларды тамақтандыруды ұйымдастыру бойынша қызметті немесе тауарларды жеткізушіні, сондай-ақ мемлекеттік мектепке дейінгі ұйымдарда, жетім балалар мен ата-анасының қамқорлығынсыз қалған балаларға арналған білім беру ұйымдарында, техникалық және кәсіптік, орта білімнен кейінгі білім беру ұйымдарында тәрбиеленетін және білім алатын балаларды тамақтандыруды қамтамасыз етуге байланысты тауарларды жеткізушіні таңдау жөніндегі үлгілік конкурстық құжаттамаға 3-қосымша

 Жеткізушіні таңдау жөніндегі конкурстық құжаттамаға техникалық тапсырма

Сатып алу нөмірі:
Конкурстың атауы:
Лот №
Лоттың атауы ҚҚС есебінсіз лот бойынша жалпы сома теңгемен (соманы көрсету)
Тамақтануды ұйымдастыру бойынша қызмет. Осы техникалық тапсырмада _________________________________________________ (білім беру ұйымының атауын көрсету) білім алушыларды тамақтандыруды ұйымдастыру бойынша көрсетілетін қызмет сәйкес келуі тиіс сапалық және сандық сипаттамалар жазылады.
Барлық тәрбиеленушілер мен білім алушылар
оның ішінде, мемлекеттік бюджет қаражаты есебінен тамақтанатын тәрбиеленушілер мен білім алушылар саны
Оның ішінде:
ҚР Үкіметінің 2008 жылғы 25 қаңтардағы №64 қаулысына сәйкес мемлекеттік бюджет қаражаты есебінен мектептік тамақтанумен қамтамасыз етілетін балалар саны
басқалар (балалардың санаты мен санын көрсету)
Күніне 1 балаға тамақтану құны (теңгемен)
ҚР Үкіметінің 2008 жылғы 25 қаңтардағы №64 қаулысына сәйкес мемлекеттік бюджет қаражаты есебінен мектептік тамақтанумен қамтамасыз етілетін балалар үшін тамақтану құны
басқа санаттар үшін тамақтану құны (санаты мен құнын көрсету)
Мектеп жанындағы лагерь
Мектеп жанындағы лагерьдегі балалар саны
оның ішінде, мемлекеттік бюджет қаражаты есебінен тамақтанатын тәрбиеленушілер мен білім алушылар саны
Оның ішінде:
ҚР Үкіметінің 2008 жылғы 25 қаңтардағы №64 қаулысына сәйкес мемлекеттік бюджет қаражаты есебінен мектептік тамақтанумен қамтамасыз етілетін балалар саны
басқалар (балалардың санаты мен санын көрсету)
Күніне 1 балаға тамақтану құны (теңгемен)
ҚР Үкіметінің 2008 жылғы 25 қаңтардағы №64 қаулысына сәйкес мемлекеттік бюджет қаражаты есебінен мектептік тамақтанумен қамтамасыз етілетін балалар үшін тамақтану құны
басқа санаттар үшін тамақтану құны (санаты мен құнын көрсету)

      _____________________________________(білім беру ұйымының атауын көрсету) балалардың тамақтануын ұйымдастыру кезіндегі негізгі мақсаттары мен міндеттері оқушыларды тамақтық заттар мен энергияға жас ерекшеліктеріне сәйкес теңгерімді тамақтандырумен қамтамасыз ету болып табылады.

      Білім алушыларды тамақтандыру _____________________________ (білім алушыларды тамақтандыру ұйымдастырылатын орынды көрсету, асхана және (немесе) буфет) жүзеге асырылады.

      Қызметті жеткізуші ас блогының және оның персоналының жұмысына басшылық жасайды, сондай-ақ тамақ дайындау технологиясының, азық-түлік салудың, порциялардың шығу нормаларының сақталуын, білім алушыларға азық-түлік пен тағамдардың босатылуын және жеткізілетін өнімдердің сапасын бақылауды, оларды сақтау және өткізу қағидаларының сақталуын қамтамасыз етеді.

      Қызметті жеткізуші ас блогында, өндірістік және қойма үй-жайларында халықтың санитариялық-эпидемиологиялық саламаттылығы саласындағы нормативтік құқықтық актілердің сақталуын қамтамасыз етеді.

      Қала мектептерінде қызметті жеткізуші Шарт заңды күшіне енген күннен бастап бір ай ішінде ас әзірлейтін асхананың ас блогында бейнебақылау жүйесін орнатады және Тапсырыс берушіге объектіде орнатылған бейнебақылау жүйесімен бөлінген бейне сигнал (бейнекамералар) көзі бар нақты уақыт режимінде тағамдарды дайындау процесінің бейне ағындарына қол жеткізуді қамтамасыз етеді. Бейнебақылау жүйесі арқылы түсірілген материалдар білім беру ұйымында келесі 10 жұмыс күні ішінде сақталады. Шарттың қолданылу мерзімі өткен соң аталған жабдық жеткізушінің меншігінде қалады.

      Қала мектептерінде қызметті жеткізуші Шарт заңды күшіне енген күннен бастап екі ай ішінде арнайы жабдықтар мен бағдарламалық қамтамасыз етуді орната отырып, білім алушылармен қолма-қол ақшасыз есеп айырысу жүйесін енгізеді. Шарттың қолданылу мерзімі өткен соң аталған жабдық жеткізушінің меншігінде қалады.

      Ата-аналар төлемі есебінен тамақтанатын білім алушылар мектеп асханасында тамақтану үшін қолма-қол ақшасыз есеп айырысу кезінде мектеп асханасында сатылатын өнімнің құнын мәзірде (бағалар прейскурантында) көрсетілген құннан 10% мөлшерінде төмендету көзделеді.

      Өнім беруші халықтың санитариялық-эпидемиологиялық саламаттылығы саласындағы нормативтік құқықтық актілердің талаптарына сәйкес білім беру ұйымының дайын тағамның сапасын бақылау журналын жүргізуі үшін (бракераждық) жағдайлармен қамтамасыз етеді.

      Өнім беруші білім алушылардың тамақтануын ұйымдастыруға байланысты мәліметтерді күн сайын немесе Тапсырыс берушінің талабы бойынша білім беру ұйымының сайтында орналастыру үшін (тағамның суреті бар ас мәзірі, атауы, бағасы) ұсынады.

      Өнім беруші тамақтану сапасына мониторинг жүргізу жөніндегі комиссиялар (бракераждық), тамақтану сапасын бақылау жөніндегі ведомствоаралық сараптамалық топтар мүшелерінің ас блогына кіруін қамтамасыз етеді.

      Тағамдардың, тамақ өнімдерінің және аспаздық өнімдердің тұтынушылық қасиеттері, олардың органолептикалық қасиеттері, дайындау технологиялары мен шарттары балаларға арналған тамақ өнімдерінің қауіпсіздігі бөлігінде Еуразиялық экономикалық одақтың техникалық регламенттеріне сәйкес келуі тиіс.

      Мектептегі тамақтанудың базалық ұйымынан _______________________ (білім беру ұйымының атауын көрсету) асханасына және (немесе) буфетіне тағамдарды жеткізу жағдайында тиісті температураның сақталуын қамтамасыз ететін арнайы ыдыстар (термоконтейнерлер) пайдаланылады.

      Оқу процесі кезеңінде білім алушыларға ыстық тамақ: бірінші ауысым үшін _____, ______, ______, _______ (уақыты мен үзілісті көрсету), екінші ауысым үшін _____, ______, ______, _______ (уақыты мен үзілісті көрсету). Жазғы мектеп жанындағы лагерь қызметі кезінде_____, ______, ______, _______ (тамақтану уақыты мен атауын көрсету).

      Білім алушылар мен тәрбиеленушілердің тамақтану кестесі білім беру ұйымының басшысы _____________________________(басшының тегі, аты, әкесінің аты (бар болса) бекіткен белгіленген тамақтану режиміне сәйкес белгіленеді.

      Халықтың санитариялық-эпидемиологиялық саламаттылығы саласындағы нормативтік құқықтық актілерге сәйкес келетін буфет өнімдерін сатуға жағдай жасалады.

      Дайын аспаздық өнімдер мен тамақ өнімдерін өткізу ___________ сағатта жүзеге асырылады (асхананың және (немесе) буфеттің жұмыс уақыты көрсетіледі).

      Өнім беруші ай сайын _________ (орта білім беру ұйымы басшысының тегі, аты, әкесінің аты (бар болса)) мынадай мәліметтер ұсынады:

      -білім алушылар үшін олардың сапасы мен қауіпсіздігін куәландыратын құжаттарды қоса бере отырып, пайдаланылатын тамақ өнімдерінің тізбесі туралы;

      -конкурс кезінде көрсетілген ас блогы қызметкерлерінің сандық және сапалық құрамының сәйкестігі туралы.

      Өнім беруші міндетті түрде шығарылатын өнімнің ассортименттік тізбесін халықтың санитариялық-эпидемиологиялық саламаттылығы саласындағы нормативтік құқықтық актілердің талаптарына сәйкес бекітеді.

      Нақты тамақтану рационы перспективалық мәзірге сәйкес келуі тиіс. Бір азық-түлікті, тағамдарды және аспаздық өнімдерді басқасына ауыстыру халықтың санитариялық-эпидемиологиялық саламаттылығы саласындағы нормативтік құқықтық актілердің талаптарына сәйкес ерекше жағдайларда жол беріледі.

      Оқушылардың жекелеген санаттары үшін (оқушылардың санаттарын көрсету) жеңіл (диеталық) тамақтану ұйымдастырылады.

      Қызметті жеткізуші дайын тағамдарды дайындау технологиясын сақтау және калориялығына сәйкес болу үшін ас блоктарында тағам дайындаудың бірыңғай картотекасының (технологиялық карталар) болуын қамтамасыз етеді.

      Тағамдар картотекасын пайдалану арқылы тамақты дайындау жүзеге асырылады, онда өнімдердің таратылуы, тағамдардың түсімі, әр тағамның құрамы туралы және оның тағамдық құндылығы (ақуыздың, майлардың, көмірсулардың, витаминдердің болуы) және әр тағамның (аспаздық бұйымның) энергетикалық құндылығы (калориялығы) мен әр тамақты қабылдау жиынтығы туралы толық ақпарат көрсетіледі.

      Асхананың ас блогында тағамдар мен аспаздық өнімдерді дайындаудың технологиялық процесін қамтамасыз ету жұмысын ұйымдастыруды өндіріс меңгерушісі қамтамасыз етеді.

      Ас блогында халықтың санитариялық-эпидемиологиялық саламаттылығы саласындағы нормативтік құқықтық актілердің талаптарына сәйкес қажетті құжаттама (шикі өнімдердің, дайын тағамның бракераж журналдарын, ас блогы қызметкерлерінің денсаулық жағдайын тіркеу журналын, тағамдарды витаминдеуді жүргізу журналын, ас мәзірін, дайындалатын тағамдардың технологиялық картасын, тамақ өнімдеріне кіріс құжаттарын, келіп түсетін тамақ өнімдерінің сапасын растайтын құжаттарды (жүкқұжаттар, сәйкестік сертификаттары, сапа куәліктері, ветеринариялық-санитариялық сараптама құжаттары, ұсыныс-пікірлер кітабы және басқалар) атап көрсету) үнемі болуы тиіс.

      Өнім берушіде қызмет көрсету басталар алдында жұмыс істеуге рұқсаты бар ас блогының әрбір қызметкерінің медициналық кітапшаларыболады.

      Өнім беруші қызмет көрсетуді бастамас бұрын өндірістік бақылау жоспарын бекітеді және тапсырыс берушіге (ұйымдастырушыға) тиісті растайтын құжаттармен қоса жоспардың көшірмесін ұсынады.

      Өнім беруші қолда бар технологиялық, тоңазытқыш және санитариялық-техникалық жабдықтардың жарамдылығын және уақытында мемлекеттік тексеруді (өлшеу құралдары үшін) қамтамасыз етеді, сондай-ақ халықтың санитариялық-эпидемиологиялық саламаттылығы саласындағы нормативтік құқықтық актілердің талаптарына сәйкес тамақ өнімдерін жеткізуді ұйымдастырады.

      Білім беру ұйымында қажетті технологиялық, тоңазытқыш және санитарлық-техникалық жабдықтар мен мүкәммал болмаған жағдайда өнім беруші қызмет көрсету процесінде олардың болуын қамтамасыз етеді.

      Отандық тауар өндірушілерді қолдау үшін өнім беруші тамақтандыруды ұйымдастыру шеңберінде отандық өндірістен кемінде 60% (алпыс пайыз) тамақ өнімдерін сатып алады.

      Бұл ретте, отандық өндірістің азық-түлік өнімдерін сатып алу фактісін растайтын құжат ретінде белгіленген үлгідегі түпнұсқасы немесе көшірмесі не уәкілетті ұйым куәландырған белгіленген тәртіппен берілген "СТ-KZ" тауардың шығу тегі туралы сертификаттың көшірмесі ұсынылады (егер жеткізілетін тауарлардың көлемі екі және одан көп бірлікті құраса, онда белгіленген үлгідегі түпнұсқасы немесе көшірмесі не Уәкілетті ұйым куәландырған, ұсынылған көлемге (үлгіге берілген сертификатты қоспағанда) немесе сериялық өндіріс өніміне белгіленген тәртіппен берілген "СТ-KZ" тауардың шығу тегі туралы сертификаттың көшірмесі ұсынылады.

      Тауарларды жеткізу. Техникалық тапсырмада жеткізілетін тауарлар сәйкес келуі тиіс сатып алынатын тауарлардың толық сипаттамасы және талап етілетін функционалдық, техникалық, сапалық сипаттамалары, кепілдік мерзімі, шығу тегі жазылады.

      Тауарларға арналған техникалық тапсырмада функционалдық, техникалық, сапалық сипаттамалардың сипаты функционалдық шектерін, техникалық сипаттамалардың параметрлерін, үздік сипаттаманы айқындау мақсаттары үшін тауардың мақсатын қамтитын тиісті бөлімдерге бөлінуі тиіс.

      Сатып алынатын тамақ өнімдері Қазақстан Республикасының тамақ өнімдерінің қауіпсіздігі туралы заңнамасында белгіленген талаптарға сәйкес келуі тиіс.

      Отандық тауар өндірушілерді қолдау үшін өнім беруші тамақтандыруды ұйымдастыру шеңберінде отандық тауар өндірушілерден азық-түлік өнімдерінің кемінде 60% (алпыс пайыз) сатып алады.

      Бұл ретте, отандық өндірістің азық-түлік өнімдерін сатып алу фактісін растайтын құжат ретінде белгіленген үлгідегі түпнұсқасы немесе көшірмесі не Уәкілетті ұйым куәландырған белгіленген тәртіппен берілген "СТ-KZ" тауардың шығу тегі туралы сертификаттың көшірмесі ұсынылады (егер жеткізілетін тауарлардың көлемі екі және одан көп бірлікті құраса, онда белгіленген үлгідегі түпнұсқасы немесе көшірмесі не Уәкілетті ұйым куәландырған, ұсынылған көлемге (үлгіге берілген сертификатты қоспағанда) немесе сериялық өндіріс өніміне белгіленген тәртіппен берілген "СТ-KZ" тауардың шығу тегі туралы сертификаттың көшірмесі ұсынылады.

      Ескерту.

      Орындаушыға әрбір сипаттамалар мен қосымша шарттар жеке жолда көрсетіледі.

      Күні

Мемлекеттік орта білім беру ұйымдарында, мектептен тыс қосымша білім беру ұйымдарында білім алушыларды тамақтандыруды ұйымдастыру бойынша қызметті немесе тауарларды жеткізушіні, сондай-ақ мемлекеттік мектепке дейінгі ұйымдарда, жетім балалар мен ата-анасының қамқорлығынсыз қалған балаларға арналған білім беру ұйымдарында, техникалық және кәсіптік, орта білімнен кейінгі білім беру ұйымдарында тәрбиеленетін және білім алатын балаларды тамақтандыруды қамтамасыз етуге байланысты тауарларды жеткізушіні таңдау жөніндегі үлгілік конкурстық құжаттамаға 4-қосымша

нысан

 Конкурсқа қатысуға өтінім (заңды тұлғалар үшін)

       Кімге __________________________________________________________

       (конкурсты ұйымдастырушының атауы)

       Кімнен ____________________________________________________________

      (әлеуетті өнім берушінің толық атауы)

      1. Конкурсқа қатысуға үміткер әлеуетті өнім беруші туралы мәліметтер:

Әлеуетті өнім берушінің заңды, пошталық мекенжайы және байланыс телефондары
Заңды тұлғаның банктік деректемелері (БСН, БСК), сондай-ақ заңды тұлғаға қызмет көрсететін банктің немесе оның филиалының толық атауы мен мекенжайы
Заңды тұлғаның бірінші басшысының тегі, аты, әкесінің аты (бар болса)

       2.______________________________________________________________

      (заңды тұлғаның толық атауы)

       осы өтініммен _______________________________________________________

      (конкурстың, лоттың (бар болса) толық атауы)

      конкурсына әлеуетті өнім беруші ретінде қатысуға ниет білдіреді және конкурстық құжаттамада көзделген талаптар мен шарттарға сәйкес ________________________________________________ (қажетін көрсету керек)

       қызмет көрсетуді немесе тауарлар жеткізуді жүзеге асыруға келісім береді.

       3._____________________________________________________________

      (заңды тұлғаның толық атауы)

       осы өтініммен заңнамада көзделген бұзушылықтардың жоқтығын растайды.

       4._____________________________________________________________

      (заңды тұлғаның толық атауы)

      конкурстық құжаттамамен танысқанын және конкурсты ұйымдастырушыға және конкурстық комиссияға өзінің құқықтық қабілеті, біліктілігі, сапалық және______________________________ көрсетілетін қызметтердің немесе сатып алынатын тауарлардың (қажетін көрсету керек)өзге де сипаттамалары туралы дұрыс емес мәліметтерді бергені үшін жауапкершілігі,сондай-ақ Қазақстан Республикасының қолданыстағы заңнамасында көзделген өзге де шектеулер туралы хабардар етілгендігін растайды.

       ____________________________________________________________________

      (заңды тұлғаның толық атауы)

      осы конкурсқа қатысуға өтінімде және оған қоса берілетін құжаттарда мұндай дұрыс емес мәліметтерді бергені үшін өзіне толық жауапкершілікті қабылдайды.

       5. Осы конкурстық өтінім 60 күн ішінде қолданылады.

       6.________________________________________________________________

       (заңды тұлғаның толық атауы)

      конкурс жеңімпазы деп танылған жағдайда, біз шарттың орындалуын қамтамасыз етуді шарттың жалпы сомасының кемінде үш пайызын құрайтын сомада енгізуге міндеттенеміз.

      7. Конкурсқа қатысуға өтінім біздің арамыздағы міндетті шарттың рөлін атқарады.

      Күні

Мемлекеттік орта білім беру ұйымдарында, мектептен тыс қосымша білім беру ұйымдарында білім алушыларды тамақтандыруды ұйымдастыру бойынша қызметті немесе тауарларды жеткізушіні, сондай-ақ мемлекеттік мектепке дейінгі ұйымдарда, жетім балалар мен ата-анасының қамқорлығынсыз қалған балаларға арналған білім беру ұйымдарында, техникалық және кәсіптік, орта білімнен кейінгі білім беру ұйымдарында тәрбиеленетін және білім алатын балаларды тамақтандыруды қамтамасыз етуге байланысты тауарларды жеткізушіні таңдау жөніндегі үлгілік конкурстық құжаттамаға 5-қосымша

нысан

 Конкурсқа қатысуға өтінім (жеке тұлға үшін)

       Кімге______________________________________________________________

       (конкурсты ұйымдастырушының атауы)

       Кімнен_____________________________________________________________

      (әлеуетті өнім берушінің тегі, аты, әкесінің аты (бар болса)

      1. Конкурсқа қатысуға үміткер жеке тұлға (әлеуетті өнім беруші) туралы мәлімет:

Жеке тұлғаның – әлеуетті өнім берушінің жеке басын куәландыратын құжатқа сәйкес тегі, аты, әкесінің аты (бар болса)
Жеке тұлғаның– әлеуетті өнім берушінің тіркелген мекенжайы
Жеке тұлғаның – әлеуетті өнім берушінің банктік деректемелері (ЖСН, БСН, БСК, ЖСК), сондай-ақ жеке тұлғаға қызмет көрсететін банктің немесе оның филиалының толық атауы мен мекенжайы
Жеке тұлға – әлеуетті өнім берушінің байланыс телефондары, пошта мекенжайы мен электрондық пошта мекенжайы (болған жағдайда)

       2. ________________________________________________________________

      (жеке тұлғаныңтегі, аты, әкесінің аты (бар болса) көрсетіледі)

      осы өтініммен конкурсқа (конкурстың толық атауын көрсету) әлеуетті өнім беруші ретінде қатысуға ниет білдіреді және конкурстық құжаттамада көзделген талаптар мен шарттарға сәйкес _________________(қажеттісін көрсету керек) қызметтер көрсетуді немесе тауарлар жеткізуді жүзеге асыруға келісім білдіреді.

       3. ______________________________________________________________

      (әлеуетті өнім берушінің атауы)

       осы өтініммен заңнамада көзделген бұзушылықтардың жоқтығын растайды.

       4._______________________________________________________________

      (әлеуетті өнім берушінің атауы)

       осы өтініммен конкурстық құжаттамамен танысқанын және конкурсты ұйымдастырушыға өзініңқұқығы, біліктілігі, көрсетілетін қызметтер мен сатып алынатын тауарлардың сапалық және өзге де сипаттамалары туралы (қажеттісін көрсету) дұрыс емес мәліметтер бергені үшін жауапкершілігі, сондай-ақ Қазақстан Республикасының қолданыстағы заңнамасында көзделген өзге де шектеулертуралы хабардар етілгендігін растайды. ________________________________________________________________

      (әлеуетті өнім берушінің атауы)

      осы конкурсқа қатысуға өтінімде және оған қоса берілетін құжаттарда мұндай дұрыс емес мәліметтер бергені үшін өзіне толық жауапкершілікті қабылдайды.

       5. Осы конкурстық өтінім 60 күн ішінде қолданылады.

      6.______________________________________________________________ (әлеуетті өнім берушінің атауы) конкурстың жеңімпазы деп танылған жағдайда, шарттың орындалуын қамтамасыз етуді шарттың жалпы сомасының кемінде үш пайызын құрайтын сомада енгізуге міндеттенеді. 7. Конкурсқа қатысуға өтінім біздің арамыздағы міндетті шарттың рөлін атқарады.

      Күні

Мемлекеттік орта білім беру ұйымдарында, мектептен тыс қосымша білім беру ұйымдарында білім алушыларды тамақтандыруды ұйымдастыру бойынша қызметті немесе тауарларды жеткізушіні, сондай-ақ мемлекеттік мектепке дейінгі ұйымдарда, жетім балалар мен ата-анасының қамқорлығынсыз қалған балаларға арналған білім беру ұйымдарында, техникалық және кәсіптік, орта білімнен кейінгі білім беру ұйымдарында тәрбиеленетін және білім алатын балаларды тамақтандыруды қамтамасыз етуге байланысты тауарларды жеткізушіні таңдау жөніндегі үлгілік конкурстық құжаттамаға 6-қосымша

нысан

 Әлеуетті өнім берушінің біліктілігі туралы мәліметтер (әлеуетті өнім беруші көрсетілетін қызметтерді сатып алу кезінде толтырады)

      1. Әлеуетті өнім берушінің атауы ___________________________________

      2. Орта білім беру ұйымдарында білім алушыларды тамақтандыруды ұйымдастыру бойынша қызметті көрсету үшін ____________________________

      (әлеуетті өнім берушінің атауын, тегін, атын, әкесінің атын (бар болса) көрсету) әлеуетті өнім берушіде қажетті штат қызметкерлері бар.

      Қызметкерлердің жалпы саны ____ құрайды, оның ішінде растайтын құжаттарының көшірмелері бар ____ аспазшы, ____ өндіріс меңгерушісі, ____ диетолог немесе диеталық бике _____ басқа қызметкер бар:

Қызметкердің тегі, аты, әкесінің аты (бар болса)	Аспаз (қоғамдық тамақтандыру саласында) біліктілігі берілген білімі (орта-арнайы, техникалық және кәсіптік, жоғары білім) және мамандығы (диплом, куәлік №), разряды (сертификаттың, куәліктің №)	Қысқа мерзімді курстар, біліктілігі (куәлік № және (немесе) сертификат №)	Лауазымы (ҚР Еңбек кодексіне сәйкес лауазымын көрсете отырып,еңбек қатынастары туралы растайтын құжаттың күні, № (болған жағдайда)
1	2	3	4

      3. Растайтын құжаттардың көшірмелерін қоса бере отырып, _________________________________________________________ (әлеуеттi өнiм берушiнің атауын көрсету) өткен 5 жылда көрсетілген қызмет көрсету нарығындағы қызметтердің көлемі

Көрсетiлген қызметтердiң атауы

Тапсырыс берушiлердiң атауы

Қызметтерді көрсету орны, жылы

      4. Әлеуетті өнім беруші қызмет көрсетуге арналған ресурстар туралы қосымша мәліметтерді көрсетеді.

      Бiлiктiлiгi туралы барлық мәлiметтердiң дұрыстығын растаймын.

      Күні

 Әлеуетті өнім беруші туралы мәліметтер (әлеуетті өнім беруші тауарларды сатып алу кезінде толтырады)

      1. Әлеуетті өнім берушінің атауы ___________________________________

      2. Өткен 5 жылда әлеуетті өнім беруші жеткізген (өндірген) конкурста сатып алынатын ұқсас тауарлардың көлемі, теңгемен __________

Тауардың атауы	Тапсырыс берушілердің атауы және олардың телефон нөмірлері	Тауарды жеткізу орны және күні	Шарттың құны, теңге (әлеуетті өнім берушінің қалауы бойынша көрсетіледі)

      Барлық мәліметтердің дұрыстығын растаймын.

      Күні

Мемлекеттік орта білім беру ұйымдарында, мектептен тыс қосымша білім беру ұйымдарында білім алушыларды тамақтандыруды ұйымдастыру бойынша қызметті немесе тауарларды жеткізушіні, сондай-ақ мемлекеттік мектепке дейінгі ұйымдарда, жетім балалар мен ата-анасының қамқорлығынсыз қалған балаларға арналған білім беру ұйымдарында, техникалық және кәсіптік, орта білімнен кейінгі білім беру ұйымдарында тәрбиеленетін және білім алатын балаларды тамақтандыруды қамтамасыз етуге байланысты тауарларды жеткізушіні таңдау жөніндегі үлгілік конкурстық құжаттамаға 7-қосымша

 Көрсетілетін қызметтіжеткізушіні таңдау өлшемшарттары

№	Өлшемшарттар	Балдар
1.	Қызмет көрсету нарығында соңғы 5 жылдағы жұмыс тәжірибесі (5 балдан артық емес)	Жоқ (0 балл)	Мемлекеттік білім беру ұйымдарының білім алушылары мен тәрбиеленушілерін тамақтандыруды ұйымдастыру бойынша жұмыс тәжірибесі – әр 8 айға 1 балдан	Басқа қоғамдық тамақтану объектілерінде тамақтандыруды ұйымдастыру бойынша жұмыс тәжірибесі – әр 12 айға 1 балдан
2.	Экологиялық менеджмент жүйесін қанағаттандыратын тамақтандыруды ұйымдастыру бойынша көрсетілетін қызметке қолданылатын сәйкестік сертификатының болуы	Жоқ (0 балл)	Бар (1 балл)
3.	Тамақтандыруды ұйымдастыру бойынша көрсетілетін қызметке қолданылатын сапа менеджменті жүйесі сертификатының болуы	Жоқ (0 балл)	Бар (1 балл)
4.	Орта арнайы білімі (2007 жылғы 27 шілдеге дейін білімі туралы құжатты алған жағдайда) немесе азпаз біліктілігін бере отырып, техникалық және кәсіптік, жоғары білімі бар аспаздың (қоғамдық тамақтандыру саласында) болуы (10 балдан аспайды)	Арнайы орта білім (білім туралы құжатын 2007 жылғы 27 шілдеге дейін алған жағдайда) немесе техникалық және кәсіптік білім 3 разряд (1 балл)	Арнайы орта білім (білім туралы құжатын 2007 жылғы 27 шілдеге дейін алған жағдайда) немесе техникалық және кәсіптік білім 4 разряд (2 балл)	Арнайы орта білім (білім туралы құжатын 2007 жылғы 27 шілдеге дейін алған жағдайда) немесе техникалық және кәсіптік білім 5 разряд және (немесе) жоғары білім (3 балл)
5.	Диетология саласында медициналық білімі және біліктілігі және (немесе) диетология саласында біліктілігін арттырудан (қайта даярлаудан) өткен медициналық білімі бар диетологтың немесе диеталық бикенің болуы (1 балдан аспайды)	Жоқ (0 балл)		Бар (1 балл)
6.	Технолог біліктілігі бар (қоғамдық тамақтану саласында) арнайы орта білімі (білім туралы құжатын 2007 жылғы 27 шілдеге дейін алған жағдайда) немесе техникалық және кәсіптік, жоғары білімі бар өндіріс меңгерушісінің болуы, (2 балдан аспайды)	Жоқ (0 балл)	Бар (2 балл)
7.	Конкурс өткізілетін тиісті облыстың, республикалық маңызы бар қаланың, астананың аумағында әлеуетті өнім берушіні тіркеудің болуы (3 балдан аспайды)	Жоқ (0 балл)	Бар (3 балл)

      Примечание:

      - 1-тармақ бойынша ағымдағы жылдың алдындағы 5 жылдағы жұмыс тәжірибесінің болуы:

      мемлекеттік білім беру ұйымдарының білім алушылары мен тәрбиеленушілерін тамақтандыруды ұйымдастыру бойынша бұрын жасалған шарттардың көшірмелерімен, осы шарттардың орындалуының соңғы айы үшін көрсетілген қызметтер актілерімен және шот-фактуралармен, мемлекеттік заңды тұлғалардың асханаларын мүліктік жалдау (жалға беру) шарттарының көшірмелерімен расталады;

      басқа қоғамдық тамақтану объектілерінде тамақтандыруды ұйымдастыру бойынша:

      қызметті ұсыну кезінде – бұрын жасалған шарттардың көшірмелерімен, осы шарттардың орындалуының соңғы айы үшін көрсетілген қызметтер актілерімен және шот-фактуралармен, объектінің халықтың санитариялық-эпидемиологиялық саламаттылығы саласындағы нормативтік құқықтық актілерге сәйкестігі (сәйкес еместігі) туралы санитариялық-эпидемиологиялық қорытындының көшірмелерімен;

      басқа қоғамдық тамақтану объектілерінде тамақтандыруды ұйымдастыру – объектінің халықтың санитариялық-эпидемиологиялық саламаттылығы саласындағы нормативтік құқықтық актілерге сәйкестігі (сәйкес еместігі) туралы санитариялық-эпидемиологиялық қорытындыны қоса бере отырып, қоғамдық тамақтану объектісіне құқық белгілейтін құжаттардың көшірмелерімен (жекеменшік, жалдау, өтеусіз пайдалану, сенімгерлік басқару және т.б.) расталады.

      Бұл ретте бір мезгілде бірнеше білім беру ұйымдарында және (немесе) қоғамдық тамақтандыру саласында қызмет көрсету кезінде деректер жинақталмайды. Бір кезең ішінде білім беру ұйымында және қоғамдық тамақтандыру саласында бір мезгілде қызмет көрсеткені туралы растаушы құжаттар ұсынылған жағдайда білім беру ұйымдарындағы жұмыс тәжірибесі ескеріледі. Білім беру ұйымындағы және қоғамдық тамақтандыру саласындағы жұмыс тәжірибесін жинақтауға жол берілмейді.

      - 2, 3-тармақтар бойынша: өтінім берген сәтте сертификаттар жарамды болған жағдайда сертификаттар көшірмелерімен расталады;

       - 4, 5, 6-тармақтар бойынша әлеуетті өнім беруші өтінім берген сәтте ҚР Еңбек кодексіне сәйкес қызметкерлердің еңбек қызметін, "Білім туралы" ҚР Заңына сәйкес кәсіптік білімі туралы құжаттарды, разрядын растайтын, сондай-ақ маманның жеке басын куәландыратын құжаттардың көшірмелерін ұсынған кезде тиісті балдар қойылады.

      Аспаз біліктілігі бар білімі болған жағдайда аспаздың біліктілігін (разрядын) арттыру уәкілетті орган белгілеген үлгідегі электрондық көшірмесі құжатпен расталады.

      Медициналық білімі болған жағдайда, диетология саласында біліктілігін арттыру немесе қайта даярлау уәкілетті орган белгілеген үлгідегі құжаттың электрондық көшірмесімен расталады.

      - 7-тармақ бойынша конкурс өткізілетін тиісті облыстың, республикалық маңызы бар қаланың, астананың аумағында қызметін растайтын өткен жылдың алдынғы кезені үшін салық есептілігі ұсынылған жағдайда тиісті балл қойылады.

      Бір қызметкер бірнеше лауазымдарды қоса атқарған жағдайда балдар критерийлердің біреуі бойынша ғана қойылады.

Мемлекеттік орта білім беру ұйымдарында, мектептен тыс қосымша білім беру ұйымдарында білім алушыларды тамақтандыруды ұйымдастыру бойынша қызметті немесе тауарларды жеткізушіні, сондай-ақ мемлекеттік мектепке дейінгі ұйымдарда, жетім балалар мен ата-анасының қамқорлығынсыз қалған балаларға арналған білім беру ұйымдарында, техникалық және кәсіптік, орта білімнен кейінгі білім беру ұйымдарында тәрбиеленетін және білім алатын балаларды тамақтандыруды қамтамасыз етуге байланысты тауарларды жеткізушіні таңдау жөніндегі үлгілік конкурстық құжаттамаға 8-қосымша

нысан

 Тауарларды жеткізушіні таңдау өлшемшарттары

№	Өлшемшарттар	Балдар
1.	Конкурстың мәні болып табылатын тауар нарығындағы соңғы 5 жылдағы жұмыс тәжірибесі	Әр 12 айға 1 балдан, бірақ 5 балдан аспайды
2.	Конкурстың (лоттың) мәні болып табылатын тауар нарығындағы отандық тауар өндірушілер үшін тауарларды ерікті түрде сертификаттау туралы құжаттың бар болуы	Жоқ (0 балл)		Бар (3 балл)
3.	Ұлттық стандарт талаптарына сәйкес сатып алынатын тауарлар бойынша сапа менеджментінің сертификатталған жүйесінің (сертификатталған жүйелерінің) бар болуы	Жоқ (0 балл)		Бар (1 балл)
4.	Ұлттық стандарттар талаптарына сәйкес қоршаған ортаны басқару менеджментінің сертификатталған жүйесінің (сертификатталған жүйелерінің) және (немесе) экологиялық таза өнім стандартына сәйкестікті растаудың бар болуы	Жоқ (0 балл)		Бар (1 балл)
5.	Азық-түлікті арнайы автокөлікпен жеткізу шарттары (3 балдан аспайды)	Жалдап алу, өтеусіз пайдалану, лизинг және басқа шарттар негізінде көліктің болуы (2 балл)		Жеке көлігінің болуы (3 балл)
6.	Конкурс өткізілетін тиісті облыстың, республикалық маңызы бар қаланың, астананың аумағында әлеуетті өнім берушіні тіркеудің болуы (3 балдан аспайды)	Жоқ (0 балл)		Бар (3 балл)
Примечание: – 1-тармақ бойынша ағымдағы жылдың алдындағы соңғы 5 жылдағы жұмыс тәжірибесінің болуы – тауарларды жеткізу кезеңі, шот-фактуралар және шартты орындаудың соңғы айы үшін жүкқұжаттар (актілер) көрсетіле отырып, бұрын жасалған шарттардың көшірмелерімен расталады; – 2-тармақ бойынша – әлеуетті өнім беруші біріктірілген лотқа қатысқан жағдайда, әлеуетті өнім беруші-отандық тауар өндіруші ерікті түрде сертификатт(ард)ы ұсынған кезде балдар осы лот тауарларының кемінде 20%- ына (жиырма пайызына) қойылады;  – 5-тармақ бойынша Қазақстан Республикасы Денсаулық сақтау министрінің 2021 жылғы 11 қаңтардағы № ҚР ДСМ-5 бұйрығымен бекітілген "Жолаушылар мен жүктерді тасымалдауға арналған көлік құралдарына қойылатын санитариялық-эпидемиологиялық талаптар" санитариялық қағидаларының талаптарына сәйкес мамандандырылған көліктің бар болуына арналған құжаттар, әлеуетті өнім беруші автокөліктің мамандандырылған автокөлікке қойылатын талаптарға сәйкестігін растайтын әулетті өнім берушінің қолымен куәландырылған аңықтама (автокөліктің техникалық сипаттамаларын, автокөлікке техникалық паспортың мәліметтерін (№, берілген күні, автокөліктің маркасы, автокөліктің мемлекеттік тіркеу нөмірі, иесі) ұсынылған кезде тиісті балл қойылады; – 6-тармақ бойынша конкурс өткізілетін тиісті облыстың, республикалық маңызы бар қаланың, астананың аумағында қызметін растайтын өткен жылдың алдыңғы кезеңі үшін салық есептілігі ұсынылған жағдайда тиісті балдар қойылады.
			Мемлекеттік орта білім беру ұйымдарында, мектептен тыс қосымша білім беру ұйымдарында білім алушыларды тамақтандыруды ұйымдастыру бойынша қызметті немесе тауарларды жеткізушіні, сондай-ақ мемлекеттік мектепке дейінгі ұйымдарда, жетім балалар мен ата-анасының қамқорлығынсыз қалған балаларға арналған білім беру ұйымдарында, техникалық және кәсіптік, орта білімнен кейінгі білім беру ұйымдарында тәрбиеленетін және білім алатын балаларды тамақтандыруды қамтамасыз етуге байланысты тауарларды жеткізушіні таңдау жөніндегі үлгілік конкурстық құжаттамаға 9-қосымша

 Қызмет көрсету туралы үлгілік шарт

      ______________________                        "___" ____________ _______ ж.

      (өткізілетін орны)

      Бұдан әрі Тапсырыс беруші деп аталатын ___________________________ (конкурсты ұйымдастырушының толық атауын көрсету) атынан _____________________________________ (басшының лауазымы, тегі, аты, әкесінің аты (бар болса) бір тараптан және бұдан әрі Өнім беруші деп аталатын, ___________ негізінде әрекет ететін (Жарғының көшірмесі және басқалар) __________________________________ (жеткізушінің – конкурс жеңімпазының толық атауы) атынан __________________________________(басшының лауазымы, тегі, аты, әкесінің аты (бар болса) екінші тараптан, көрсетілетін қызметті жеткізушіні таңдау жөніндегі конкурстың қорытындылары туралы "___"________20___ жылы жасалған хаттама негізінде қызмет көрсету туралы осы Шартты (бұдан әрі – Шарт) жасасты және төмендегілер туралы келісімге келді:

       1. Шарттың мәні

      1.1. Өнім беруші Қызметті оның ажырамас бөлігі болып табылатын техникалық тапсырмада көрсетілген шарттарға, талаптарға сәйкес және бағалар бойынша көрсетуге міндеттенеді, ал Тапсырыс беруші көрсетілген Қызметті қабылдауға және Өнім беруші Шарт бойынша өз міндеттемелерін тиісінше орындаған жағдайда осы Шарттың талаптарында ол үшін ақы төлеуге міндеттенеді:

      "Ерекшелік коды" ерекшелігі бойынша – "№ ерекшелік бойынша шарт мәнінің қысқаша сипаттамасы";

      …

      "Ерекшелік коды" ерекшелігі бойынша – "№ ерекшелік бойынша шарт мәнінің қысқаша сипаттамасы".

      1.2. Төменде келтірілген құжаттар мен онда айтылған шарттар осы Шартты құрайды және оның ажырамас бөлігі болып табылады, атап айтқанда:

      1) осы Шарт;

      2) техникалық тапсырма;

      3) Шартты орындауды қамтамасыз ету.

      1.3. Осы Шартта төменде көрсетілген ұғымдар мынадай түсіндірмені білдіретін болады:

      1) "Дүлей күш (Форс-мажор)" – төтенше және тойтаруға болмайтын оқиғалар (дүлей құбылыстар, соғыс қимылдары және басқалары). Мұндай оқиғаларға, атап айтқанда, мiндеттеменi орындау үшiн қажеттi тауарлардың нарықта болмауы жатпайды;

      2) "Көрсетілетін қызмет" – өндіріс процесін және тауарлар мен аспаздық өнімдерді өндіруді қосқанда, орта білім беру ұйымдарының білім алушыларына сапалы және қауіпсіз тамақтандыруды ұсыну;

      3) "Тапсырыс беруші" – орган немесе орта білім беру ұйымы;

       4) "Өнім беруші" – кәсіпкерлік қызметті жүзеге асыратын, Тапсырыс берушімен жасасқан шартта оның контрагенті ретінде әрекет ететін жеке тұлға немесе заңды тұлға (егер Қазақстан Республикасының заңдарында өзгеше белгіленбесе, мемлекеттік мекемелерді қоспағанда);

      5) "Шарт" – Тапсырыс беруші мен Өнім беруші арасында жасалған, Қазақстан Республикасының азаматтық заңнамасына сәйкес жазбаша нысанда жазылған, тараптар оған барлық қосымшаларымен және толықтыруларымен бірге, сондай-ақ шартта сілтеме бар барлық құжаттамамен бірге қол қойған азаматтық-құқықтық акт;

      6) "Шарттың бағасы" – Тапсырыс беруші Шарттың шеңберінде Өнім берушіге шарттық міндеттемелерін толық орындағаны үшін төлейтін сома.

      Тараптар осы шарт бойынша өз міндеттемелерін толық немесе жартылай орындамаған жағдайда, егер ол дүлей күш нәтижесі болып табылса, жауапкершілік алмайды.

       2. Шарттың сомасы және ақы төлеу шарттары

      2.1. Шарттың жалпы сомасы _____________("сома жазумен") теңгені құрайды және қызметтерді көрсетумен байланысты барлық шығыстарды, сондай-ақ Қазақстан Республикасының заңнамасында көзделген барлық салықтар мен алымдарды қамтиды, оның ішінде ҚҚС "ҚҚС сомасы" / "ҚҚС есепке алмағанда" (бұдан әрі – Шарттың сомасы).

      2.2. Қазынашылықтың аумақтық органында Шарт "Бағдарламаның коды мен атауы" бюджеттік бағдарламасы, "Кіші бағдарламаның коды мен атауы" кіші бағдарламасы, "Ерекшелік коды мен атауы" - "ерекшелік бойынша сома" теңге ерекшелігі бойынша ("ерекшелік бойынша сома жазумен"), "оның ішінде ҚҚС" "ҚҚС сомасы" теңге/ "ҚҚС есепке алмағанда" "_____" жылға тіркеуге жатады.

      2.3. Көрсетілген қызмет үшін төлемді Тапсырыс беруші көрсетілген қызмет актісіне Тараптар қол қойған күннен бастап күнтізбелік 30 (отыз) күннен кешіктірмей Өнім берушінің есеп шотына ақшалай қаражат аудару "төлем шарты" арқылы жүргізеді.

      Қызмет көрсету актісінің нысанын Өнім беруші Тапсырыс берушімен алдын ала келіседі.

      2.4. Көрсетілетін қызметтердің көлемі сандық және құндық мәнде техникалық тапсырмада айтылған.

       3. Тараптардың міндеттемелері

      3.1. Өнім беруші:

      1) Шарт бойынша өзіне алған міндеттемелердің толық және тиісті орындалуын қамтамасыз етуге;

      2) Шарт бойынша өз міндеттемелерін орындау кезінде көрсетілетін қызметтердің конкурстық құжаттамада, техникалық тапсырмада көрсетілген талаптарға сәйкестігін қамтамасыз етуге;

      3) Шарттың талаптарын орындау үшін Өнім беруші тартқан персоналды қоспағанда, Тапсырыс берушінің алдын ала жазбаша келісімінсіз Тапсырыс беруші немесе оның атынан басқа тұлғалар ұсынған техникалық құжаттаманың мазмұнын ашпауға міндетті. Көрсетілген ақпарат осы персоналға құпия түрде және міндеттемелерді орындау үшін қажетті шамада берілуі тиіс;

      4) Тапсырыс берушінің алдын ала жазбаша келісімінсіз жоғарыда көрсетілген құжаттарды және ақпаратты Шартты іске асыру мақсатынан басқа мақсатта пайдаланбауға;

      5) Тапсырыс берушінің бірінші талабы бойынша Шарт бойынша міндеттемелердің орындалу барысы туралы ақпарат ұсынуға;

      6) Өнім берушінің Шарт талаптарын тиісінше орындамауынан және/немесе өзге де заңсыз әрекеттерден туындаған өзіне келтірілген залалдарды Тапсырыс берушіге толық көлемде өтеуге;

      7) көрсетілген қызметтер актісін ресімдеуге және Тапсырыс берушіге жіберуге;

      8) Тапсырыс беруші көрсетілген қызметтер актісін бекіткеннен кейін Электрондық шот-фактуралардың ақпараттық жүйесінде электрондық нысанда шот-фактураларды жазып беру қағидаларына сәйкес электрондық шот-фактуралардың ақпараттық жүйесі арқылы электрондық нысанда шот-фактура жазып беруге міндеттенеді.

      3.2. Өнім беруші Тапсырыс берушіден Шарт бойынша көрсетілген қызметтер үшін төлемді талап етуге құқылы.

      3.3. Тапсырыс беруші:

      1) қызметтер көрсету үшін Өнім беруші мамандарының қолжетімділігін қамтамасыз етуге;

      2) көрсетілген Қызметтердің сәйкессіздіктері анықталған кезде тез арада Өнім берушіні жазбаша хабарландыруға;

      3) Қызметті қабылдау кезінде Көрсетілген қызмет актісіне қол қоюға не оның қабылданбауының дәлелді негіздемелерін көрсете отырып қабылдаудан бас тартуға;

      4) көрсетілген қызметтер актісін бекіткеннен кейін Электрондық шот-фактуралардың ақпараттық жүйесінде шот-фактураны электронды нысанда жазып беру қағидаларына сәйкес электрондық шот-фактуралардың ақпараттық жүйесі арқылы электрондық нысанда Өнім беруші жазып берген шот-фактураны қабылдауға;

      5) осы Шартта белгіленген тәртіпте және мерзімдерде төлем жүргізуге міндеттенеді.

      3.4. Тапсырыс беруші көрсетілген қызметтердің сапасын тексеруге құқылы.

       4. Қызметтердің техникалық тапсырмаға, конкурстық өтінімге сәйкестігін тексеру

      4.1. Тапсырыс беруші немесе оның өкілдері көрсетілетін қызметтердің конкурстық құжаттамада көрсетілген талаптарға сәйкестігі мәніне бақылау және тексеру жүргізе алады. Тапсырыс беруші Өнім берушіні осы мақсаттар үшін белгіленген өздерінің өкілдері туралы уақтылы жазбаша түрде хабардар етуге тиіс.

      4.2. Осы Шарт шеңберінде көрсетілетін Қызметтер техникалық тапсырмада, конкурстық өтінімде көрсетілген стандарттарға сәйкес келуі немесе одан жоғары болуы тиіс.

      4.3. Егер тексеру кезінде көрсетілген қызметтердің нәтижелері конкурстық құжаттама талаптарына сәйкес келмейді деп танылса, Өнім беруші тексеру сәтінен бастап "сәйкессіздіктерді жою мерзімі" ішінде Тапсырыс беруші тарапынан қандай да бір қосымша шығынсыз конкурстық құжаттама талаптарына сәйкессіздіктерді жою бойынша шаралар қабылдайды.

      4.4. Жоғарыда көрсетілген бірде-бір тармақ Өнім берушіні Шарт бойынша басқа міндеттемелерден босатпайды.

       5. Қызметтер көрсету

      5.1. Өнім берушінің қызметтерді көрсетуі Шартта көрсетілген мерзімдерде жүзеге асырылады.

      5.2. Қызмет Өнім беруші техникалық тапсырмада көрсетілген талаптарға дәл сәйкес келетін қызметті Тапсырыс берушіге толық тапсырған жағдайда көрсетілген болып есептеледі.

       6. Кепілдік

      6.1. Өнім беруші Тапсырыс берушіге үздіксіз, сапалы және уақтылы қызмет көрсетудің қамтамасыз етілуіне кепілдік береді.

      6.2. Тапсырыс беруші Өнім берушіні осы кепілдікке байланысты барлық талаптар туралы жазбаша түрде жедел хабардар етуге міндетті, содан кейін Өнім беруші Тапсырыс беруші хабарламада белгілеген мерзімде осыған байланысты барлық шығыстарды қоса алғанда, кемшіліктерді өз есебінен жою жөнінде шаралар қабылдауы тиіс.

       7. Тараптардың жауапкершілігі

      7.1. Тараптар осы Шарт шеңберіндегі өз міндеттемелерін орындамаған немесе тиісінше орындамаған жағдайда барлық даулар мен келіспеушіліктер Қазақстан Республикасының қолданыстағы заңнамасына сәйкес шешіледі.

      7.2. Тиісті бюджеттердің қолма-қол ақшаны бақылау шотында секвестрлеу және/немесе ақша жеткіліксіз болған жағдайларды қоспағанда, егер Тапсырыс беруші Өнім берушіге Шартта көрсетілген мерзімде оған тиесілі қаражатты төлемесе, онда Тапсырыс беруші Өнім берушіге кешіктірілген әрбір күн үшін тиесілі соманың 0,1% (нөл бүтін оннан бір) мөлшерінде ұсталған төлемдер бойынша тұрақсыздық айыбын (өсімпұлды) төлейді. Бұл ретте тұрақсыздық айыбының (өсімпұлдың) жалпы сомасы Шарттың жалпы сомасының 10%-ынан аспауы тиіс.

      7.3. Қызмет көрсету мерзімдерін өткізіп алған жағдайда, Тапсырыс беруші Өнім берушіден ол міндеттемелерін толық орындамаған жағдайда мерзімі өткен әрбір күн үшін шарттың жалпы сомасының 0,1 % мөлшерінде тұрақсыздық айыбын (айыппұл, өсімпұл) ұстайды (өндіріп алады) не міндеттемелерін тиісінше орындамаған (ішінара орындамаған) жағдайда мерзімі өткен әрбір күн үшін орындалмаған міндеттемелер сомасының 0,1 % мөлшерінде тұрақсыздық айыбын (айыппұл, өсімпұл) ұстайды (өндіріп алады). Бұл ретте тұрақсыздық айыбының (өсімпұл) жалпы сомасы Шарттың жалпы сомасының 10 %-нан аспауға тиіс.

      7.4. Өнім беруші Шарт бойынша қызмет көрсету мерзімі аяқталған күннен бастап бір айдан астам мерзімге қызмет көрсетуден бас тартқан немесе қызмет көрсету мерзімін өткізіп алған жағдайда, бірақ Шарттың қолданылу мерзімінің аяқталу мерзімінен кешіктірмей, Тапсырыс беруші Өнім берушіден мерзімі өткен әрбір күн үшін Шарттың жалпы сомасының 0,1% мөлшерінде тұрақсыздық айыбының (айыппұлдың, өсімпұлдың) сомасын өндіріп ала отырып, осы Шартты біржақты тәртіппен бұзуға құқылы.

      7.5. Тұрақсыздық айыбын (айыппұл, өсімпұл) төлеу Тараптарды осы Шартта көзделген міндеттемелерді орындаудан босатпайды.

      7.6. Өнім беруші осы Шарт бойынша өз міндеттемелерін біреуге толық не ішінара бермеуі тиіс.

       7.7. Өнім берушінің осы Шарт бойынша өз міндеттемелерін орындамауына не тиісінше орындамауына байланысты шарт бұзылған жағдайда Тапсырыс беруші Шарттың орындалуын қамтамасыз етуді қайтармайды.

      7.8. Өнім берушінің шарт бойынша міндеттемелер толық орындалғанға дейін үшінші тұлғаларда енгізілген кепілдік ақшалай жарнаға тұтастай не бір бөлігінде талап ету құқығының туындауына әкеп соғатын іс-әрекеттер жасауына жол берілмейді.

      7.9. Өнім беруші қызметтерді сатып алу туралы жасалған шарттар бойынша өз міндеттемелерін орындамаған не тиісінше орындамаған жағдайда Тапсырыс беруші Жосықсыз өнім берушілердің тізбесін қалыптастыру қағидаларына сәйкес өнім берушінің міндеттемелерді бұзу фактісі туралы өзіне белгілі болған күннен бастап күнтізбелік отыз күннен кешіктірмей, мұндай өнім берушіні балаларды тамақтандыруды қамтамасыз етуге байланысты қызметтерді жосықсыз жеткізуші деп тану туралы талап арызбен сотқа жүгінеді.

       8. Шарттың қолданыс мерзімі және бұзу талаптары

      8.1. Шарт "Тапсырыс беруші оны Қазақстан Республикасы Қаржы министрлігінің аумақтық қазынашылық бөлімшесінде тіркегеннен кейін/қол қойылған күнінен бастап" күшіне енеді және "______" жылы әрекет етеді.

      8.2. Шарт тиісті қаржы жылына арналған міндеттемелер бойынша бекітілген жеке қаржыландыру жоспарына сәйкес бөлінген қаражат шегінде жасалады және өнім беруші тарапынан бұзушылықтар болмаған жағдайда шарттың қолданылу мерзімі аяқталған күннен бастап 3 жұмыс күні ішінде екі рет кейінгі қаржы жылдарына ұзартылады.

      Мемлекеттік бюджет қаражаты есебінен тамақтанумен қамтамасыз етілетін тәрбиеленушілер мен білім алушылардың саны өзгерген жағдайда шартқа өзгерістер енгізіледі.

      8.3. Егер өнім беруші банкрот немесе төлеуге қабілетсіз болса, тапсырыс беруші өнім берушіге тиісті жазбаша хабарлама жібере отырып, кез келген уақытта біржақты тәртіппен Шарт талаптарын орындаудан бас тарта алады. Бұл жағдайда Шарт талаптарын орындаудан бас тарту дереу жүзеге асырылады және егер Шарттың талаптарын орындаудан бас тарту зиян келтірмесе немесе тапсырыс берушіге қойылған немесе кейіннен қойылатын іс-әрекеттерді жасауға немесе санкцияларды қолдануға қандай да бір құқықтарды қозғамаса, тапсырыс беруші өнім берушіге қатысты ешқандай қаржылық міндеттеме алмайды.

       8.4. Жоғарыда көрсетілген мән-жайларға байланысты Шарт жойылған кезде Өнім беруші Шарттың бұзылуына байланысты бұзылу күніне жұмсалған нақты шығындар үшін ғана ақы төлеуді талап етуге құқылы.

       8.5. Тапсырыс беруші:

      1) егер Өнім беруші Шартта көзделген мерзімде немесе Тапсырыс беруші ұсынған осы Шартты ұзарту кезеңі ішінде қызметтер көрсете алмаса;

      2) егер Өнім беруші Шарт бойынша өз міндеттемелерін орындамаса, оның ішінде конкурс кезінде көрсетілген ас блогы қызметкерлерінің сандық және сапалық құрамы сәйкес келмесе;

      3) Қазақстан Республикасының Кәсіпкерлік Кодексіне сәйкес жүргізілген тексеріс нәтижелерімен расталған мектептегі асханада қызметтерді жеткізушінің кінәсінен балалардың, ересектердің улану фактісі болса, Шарт талаптарын бұзғаны үшін қандай да бір басқа санкцияларға залал келтірмей, Өнім берушіге міндеттемелерді орындамағаны туралы жазбаша хабарлама жібере отырып, осы Шартты толық немесе ішінара бұза алады.

      8.6. Шарт:

      1) конкурсқа қатыса отырып, Қағидаларда көзделген шектеулердің бұзылуы анықталған;

      2) конкурсты ұйымдастырушы Өнім берушіге Қағидаларда көзделмеген көмек көрсеткен;

      3) уәкілетті орган конкурс қорытындыларына (нұсқама, хабарлама, ұсыну, шешім) ықпал еткен конкурстық рәсімдерді өткізу кезінде бұзушылық фактілерін анықтаған жағдайда, кез келген уақытта бұзылуы мүмкін және міндеттемелер тиісінше орындалған шарттарды қоспағанда, уәкілетті мемлекеттік органдардың актілеріне сәйкес 10 жұмыс күні ішінде конкурс жеңімпазымен шарт жасалады.

      8.7. Шарт тараптардың келісімі бойынша, оны одан әрі орындау мақсатсыз болған жағдайда бұзылуы мүмкін. Хабарламада Шартты бұзу себебі көрсетіледі, күші жойылған шарттық міндеттемелердің көлемі, сондай-ақ Шартты бұзу күшіне енген күні көрсетіледі.

       8.8 Шарттың қолданылу мерзімі халықтың санитариялық-эпидемиологиялық саламаттылығы саласындағы нормативтік құқықтық актілермен бекітілген, тамақтану сапасына мониторинг жүргізу жөніндегі комиссиялардың, ведомствоаралық комиссиялардың үш және одан да көп актілерімен расталған тамақтандыруды ұйымдастыруға қойылатын талаптардың жүйелі түрде бұзылуы анықталған жағдайда, сондай-ақ "Халықтың санитариялық-эпидемиологиялық саламаттылығы саласындағы тәуекел дәрежесін бағалау критерийлерін және тексеру парақтарын бекіту туралы" Қазақстан Республикасы Денсаулық сақтау министрінің 2017 жылғы 27 маусымдағы № 463 және Қазақстан Республикасы Ұлттық экономика министрінің 2017 жылғы 20 шілдедегі № 285 бірлескен бұйрығына сәйкес халықтың санитариялық-эпидемиологиялық саламаттылығы саласындағы мемлекеттік органның ведомствосының аумақтық бөлімшілері өрескел бұзушылықтарды қайта анықтаған жағдайда ұзартылмайды.

       Жоғарыда көрсетілген мән-жайларға байланысты Шарт жойылған кезде Өнім берушіге Шарттың бұзылу күніне дейін жұмсалған нақты шығындар үшін ғана ақы төлеуді жүргізеді.

       9. Хабарлама

      9.1. Шартқа сәйкес бір тарап екінші тарапқа жіберетін кез келген хабарлама төленген тапсырыс хатпен немесе телеграф, телекс, факс, телефакс бойынша не веб-портал арқылы жіберіледі.

      9.2. Хабарлама жеткізілгеннен кейін немесе күшіне енудің көрсетілген күні (егер хабарламада көрсетілсе) осы күндердің қайсысы кешірек болуына байланысты күшіне енеді.

       10. Форс-мажор

      10.1. Егер Шарт талаптарының орындалмауы форс-мажорлық жағдаяттардың нәтижесі болып табылса, Тараптар ол үшін жауапкершілікте болмайды.

      10.2. Егер Шартты орындауды кешіктіру форс-мажорлық жағдаяттардың нәтижесі болып табылса, Өнім беруші Шарт талаптарының орындалмауына байланысты тұрақсыздық айыбын төлеуге немесе оны бұзуға жауапты болмайды.

      10.3. Шарт мақсаттары үшін "форс-мажор" Тараптардың бақылауына бағынбайтын және күтпеген сипаттағы оқиғаны білдіреді. Мұндай оқиғалар соғыс қимылдарын, табиғи немесе дүлей апаттарды және басқа да жағдайларды қамтуы мүмкін.

      10.4. Форс-мажорлық жағдаяттар туындаған кезде Өнім беруші тез арада Тапсырыс берушіге осындай жағдаяттар мен олардың себептері туралы жазбаша хабарлама жіберуі тиіс. Егер Тапсырыс берушіден басқа жазбаша нұсқаулықтар келіп түспесе, Өнім беруші Шарт бойынша өз міндеттерін мүмкіндігінше орындауды жалғастырады және форс-мажорлық жағдаяттарға байланысты емес Шартты орындаудың баламалы тәсілдерін іздейді.

       11. Даулы мәселелерді шешу

      11.1. Тапсырыс беруші мен Өнім беруші тікелей келіссөздер процесінде Шарт бойынша немесе оған байланысты олардың арасында туындайтын барлық келіспеушіліктерді немесе дауларды шешу үшін барлық күш-жігерін жұмсауға тиіс.

      11.2. Егер осындай келіссөздер басталғаннан кейін күнтізбелік 15 (он бес) күн ішінде Тапсырыс беруші мен Өнім беруші Шарт бойынша дауды шеше алмаса, Тараптардың кез келгені бұл мәселені Қазақстан Республикасының заңнамасына сәйкес шешуді талап ете алады.

       12. Өзге де шарттар

      12.1. Салықтар мен бюджетке басқа міндетті төлемдер Қазақстан Республикасының салық және кеден заңнамасына сәйкес төленуге жатады.

      12.2. Шартқа кез келген өзгерістер мен толықтырулар Шарт жасасу нысаны сияқты нысанда жасалады.

      12.3. Өнім берушінің таңдауы үшін негіз болған сапаның өзгермеуі жағдайындажәне басқа да жағдайларда жасалған Шартқа өзгерістерді енгізуге:

      1) Тараптардың өзара келісімі бойынша Тапсырыс берушінің мәзірін жақсарту (тамақтану рационын ұлғайту) және тиісінше өнім берушіні таңдауға негіз болған сапаның және басқа да жағдайлардың өзгермеуі шартымен тараптардың өзара келісімі бойынша шарт сомасын ұлғайту бөлігінде;

      2) Шартта көрсетілген қызметтер бірлігі үшін бағаның өзгермеуі жағдайында көрсетілетін қызметтер көлемінде қажеттіліктің азаюына немесе артуына байланысты (мемлекеттік бюджет қаражаты есебінен тамақпен қамтамасыз етілетін білім алушылардың санына байланысты) Шарт сомасын азайту не ұлғайту бөлігінде;

      3) егер Өнім беруші онымен жасасқан Шартты орындау процесінде көрсетілетін қызмет бірлігі үшін бағаның өзгермеуі жағдайында онымен жасасқан Шарттың мәні болып табылған анағұрлым жақсы сапалы және (немесе) техникалық сипаттамасын ұсынған жағдайда рұқсат беріледі.

      Осы Шартқа енгізілетін басқа да өзгерістер мен толықтырулар Тапсырыс берушінің конкурстық құжаттамасына, Өнім берушінің конкурстық өтініміне және конкурс қорытындылары туралы хаттамаға сәйкес келуге тиіс.

      12.4. Шарт бірдей заңды күші бар, веб-портал арқылы жасалған қазақ және орыс тілдерінде жасалды.

      12.5. Шартта реттелмеген бөлік бойынша Тараптар Қазақстан Республикасының заңнамасын басшылыққа алады.

       13. Тараптардың деректемелері

Тапсырыс беруші:	Өнім беруші
"Тапсырыс берушінің толық атауы" "Тапсырыс берушінің толық заңды мекенжайы" БСН "Тапсырыс берушінің БСН" БСК "Тапсырыс берушінің БСК" ЖСК "Тапсырыс берушінің ЖСК" "Банктің атауы" Тел.: "Тапсырыс берушінің телефоны" "Тапсырыс берушінің лауазымы" "Тапсырыс берушінің ТАӘ"	"Өнім берушінің толық атауы" "Өнім берушінің толық заңды мекенжайы" БСН/ССН/ТЕН "Өнім берушінің БСН/ССН/ТЕН" БСК "Өнім берушінің БСК" ЖСК "Өнім берушінің ЖСК" "Банктің атауы" Тел.: "Өнім берушінің телефоны" "Өнім берушінің лауазымы" "Өнім берушінің ТАӘ"

      Аббревиатуралардың толық жазылуы:

      БСН – бизнес-сәйкестендіру нөмірі;

      БСК – банктік сәйкестендіру коды;

      ЖСК – жеке сәйкестендіру коды;

      ЖСН – жеке сәйкестендіру нөмірі;

      ССН – салық төлеушінің сәйкестендіру нөмірі;

      ТЕН – төлеушінің есепке алу нөмірі;

      ҚҚС – қосылған құн салығы;

      Т.А.Ә. – тегі, аты, әкесінің аты (бар болса)

Мемлекеттік орта білім беру ұйымдарында, мектептен тыс қосымша білім беру ұйымдарында білім алушыларды тамақтандыруды ұйымдастыру бойынша қызметті немесе тауарларды жеткізушіні, сондай-ақ мемлекеттік мектепке дейінгі ұйымдарда, жетім балалар мен ата-анасының қамқорлығынсыз қалған балаларға арналған білім беру ұйымдарында, техникалық және кәсіптік, орта білімнен кейінгі білім беру ұйымдарында тәрбиеленетін және білім алатын балаларды тамақтандыруды қамтамасыз етуге байланысты тауарларды жеткізушіні таңдау жөніндегі үлгілік конкурстық құжаттамаға 10-қосымша

 Тауарларды жеткізу туралы үлгілік шарт

      ______________________                        "___" ____________ _______ ж.

      (өткізілетін орын)

       Бұдан әрі Тапсырыс беруші деп аталатын ___________________________ (конкурсты ұйымдастырушының толық атауын көрсету) атынан _____________________________________ (басшының лауазымы, тегі, аты, әкесінің аты (бар болса) бір тараптан және бұдан әрі Өнім беруші деп аталатын, ___________ негізінде әрекет ететін (Жарғы және басқалар) __________________________________ (жеткізушінің – конкурс жеңімпазының толық атауы) атынан __________________________________(басшының лауазымы, тегі, аты, әкесінің аты (бар болса) екінші тараптан, тауарларды жеткізушіні таңдау жөніндегі конкурстың қорытындылары туралы "___"________20___ жылы жасалған хаттама негізінде тауарларды жеткізу туралы осы Шартты (бұдан әрі – Шарт) жасасты және төмендегілер туралы келісімге келді:

       1. Шарттың мәні

      1.1. Өнім беруші техникалық тапсырманың ажырамас бөлігі болып табылатын техникалық тапсырмада көрсетілген шарттарға, талаптарға сәйкес және бағалар бойынша Тауарды жеткізуге міндеттенеді, ал Тапсырыс беруші Тауарды қабылдауға және Өнім беруші Шарт бойынша өз міндеттемелерін тиісінше орындаған жағдайда осы Шарттың талаптарында ол үшін ақы төлеуге міндеттенеді:

      "Ерекшелік коды" ерекшелігі бойынша – "1-ерекшелік бойынша шарт мәнінің қысқаша сипаттамасы";

      "Ерекшелік коды" ерекшелігі бойынша – "N-ерекшелік бойынша шарт мәнінің қысқаша сипаттамасы".

      1.2. Төменде келтірілген құжаттар мен онда келісілген шарттар осы Шартты құрайды және оның ажырамас бөлігі болып табылады, атап айтқанда:

      1) осы Шарт;

      2) сатып алынатын тауарлар тізбесі;

      3) техникалық тапсырма;

      4) Шарттың орындалуын қамтамасыз ету.

      1.3. Осы Шартта төменде көрсетілген ұғымдар мынадай түсіндірмені білдіретін болады:

      1) "Дүлей күш (форс-мажор)" – төтенше және тойтаруға болмайтын оқиғалар (дүлей құбылыстар, соғыс қимылдары және басқалары). Мұндай оқиғаларға, атап айтқанда, мiндеттеменi орындау үшiн қажеттi тауарлардың нарықта болмауы жатпайды;

      2) "Тапсырыс беруші" – орган немесе орта білім беру ұйымы;

      3) "Өнім беруші" – кәсіпкерлік қызметті жүзеге асыратын, Тапсырыс берушімен жасасқан шартта оның контрагенті ретінде әрекет ететін жеке кәсіпкер немесе заңды тұлға (егер Қазақстан Республикасының заңдарында өзгеше белгіленбесе, мемлекеттік мекемелерді қоспағанда);

      4) "Шарт" – Тапсырыс беруші мен Өнім беруші арасында Қазақстан Республикасының азаматтық заңнамасына сәйкес жазбаша нысанда жазылған, тараптар оған барлық қосымшаларымен және толықтыруларымен бірге, сондай-ақ шартта сілтеме бар барлық құжаттамамен бірге қол қойған азаматтық-құқықтық акт;

      5) "Шарттың бағасы" – Тапсырыс беруші Шарттың шеңберінде Өнім берушіге өзінің шарттық міндеттемелерін толық орындағаны үшін төлейтін сома.

      Тараптар осы шарт бойынша міндеттемелерін толық немесе жартылай орындамаған жағдайда, егер ол дүлей күш нәтижесі болып табылса, жауапкершілік алмайды.

       2. Шарттың сомасы және ақы төлеу шарттары

      2.1. Шарттың жалпы сомасы ________ ("сома жазумен") теңгені құрайды және Тауарлар жеткізумен байланысты барлық шығыстарды, сондай-ақ Қазақстан Республикасының заңнамасында көзделген барлық салықтар мен алымдарды, оның ішінде ҚҚС "ҚҚС сомасы" / "ҚҚС есепке алмағанда" (бұдан әрі – Шарттың сомасы) қамтиды.

      2.2. Қазынашылықтың аумақтық органында Шарт "Бағдарламаның коды мен атауы" бюджеттік бағдарламасы, "Кіші бағдарламаның коды мен атауы" кіші бағдарламасы, "Ерекшелік коды мен атауы" - "ерекшелік бойынша сома", теңге ерекшелігі бойынша ("ерекшелік бойынша сома жазумен"), "оның ішінде ҚҚС" "ҚҚС сомасы" теңге/ "ҚҚС есепке алмағанда" "_____" жылы тіркеуге жатады.

      2.3. Жеткізілген тауар үшін төлемді Тапсырыс беруші Тауарды қабылдау-тапсыру актісіне Тараптар қол қойған күннен бастап күнтізбелік 30 (отыз) күннен кешіктірмей Жеткізушінің есеп шотына ақша қаражатын аудару жолымен жүргізеді.

      2.4. Сандық және құндық шамадағы жеткізілетін тауарлар көлемі техникалық тапсырмада келтірілген.

       3. Тараптардың міндеттемелері

      3.1. Өнім беруші:

      1) Шарт бойынша өзіне алған міндеттемелердің толық және тиісінше орындалуын қамтамасыз етуге;

      2) Шарт бойынша өз міндеттемелерін орындау кезінде тауарлардың конкурстық құжаттамада, техникалық тапсырмада көрсетілген талаптарға сәйкестігін қамтамасыз етуге;

      3) Тауарларды түпкілікті арналған пунктіне тасымалдау кезінде оларды бұзылудан немесе бүлінуден сақтай алатын орауышын қамтамасыз етуге міндеттенеді. Орауыш қандай да бір шектеулерсіз қарқынды көтергіш-көліктік өңдеуге және тасымалдау, сондай-ақ ашық сақтау кезінде экстремалды температуралардың, тұздар мен жауын-шашынның әсеріне төзуі тиіс.

      Оралған жәшіктер габариттері мен олардың салмақтарын айқындау кезінде, Тауарлар тасымалының барлық пункттерінде жеткізудің соңғы пунктінің алыстығын және қуатты жүккөтергіш құралдарының болуын ескеру қажет;

      4) Тапсырыс берушінің алдын ала жазбаша келісімінсіз Тапсырыс беруші немесе Шарттың жағдайларын орындау үшін Өнім беруші тартқан персоналдан басқа оның атынан басқа тұлғалар ұсынған техникалық құжаттаманың мазмұнын ашпауға міндеттенеді. Көрсетілген ақпарат бұл персоналға құпия түрде және міндеттемелерді орындауға қажетті шамада ұсынылуы тиіс.

      5) Тапсырыс берушінің алдын ала жазбаша келісімінсіз жоғарыда көрсетілген құжаттарды және ақпаратты Шартты іске асыру мақсатынан басқа мақсатта пайдаланбауға;

      6) Тапсырыс берушінің бірінші талабы бойынша Шарт бойынша міндеттемелердің орындалу барысы туралы ақпарат ұсынуға;

      7) Өнім берушінің Шарттың талаптарын тиісінше орындамауынан және/немесе өзге де заңсыз іс-әрекеттерден туындаған келтірілген залалдарды Тапсырыс берушіге толық көлемде өтеуге;

      8) тауарларды қабылдау-табыстау актісін ресімдеу және Тапсырыс берушіге жіберуге;

      9) Тапсырыс беруші тауарды(ларды) беру актісін бекіткеннен кейін Электрондық шот-фактуралардың ақпараттық жүйесінде электрондық нысанда шот-фактураларды жазып беру қағидаларына сәйкес электрондық шот-фактуралардың ақпараттық жүйесі арқылы электрондық нысанда шот-фактураларды жазып беруге міндеттенеді.

      3.2. Өнім беруші Тапсырыс берушіден Шарт бойынша жеткізілген Тауар үшін төлемді талап етуге құқылы.

      3.3. Тапсырыс беруші:

      1) Тауар жеткізу үшін Өнім берушінің мамандарының қолжетімділігін қамтамасыз етуге;

      2) Тауардың сәйкессіздіктері мен кемшіліктері анықталған кезде тез арада Өнім берушіні жазбаша хабарландыруға;

      3) Тауарды қабылдау кезінде оны қабылдамаудың дәлелді негіздемелерін көрсете отырып, тауарды қабылдауға не қабылдаудан бас тартуға міндеттенеді.

      Бұл ретте тауарды қабылдап алуды Тапсырыс беруші не сенімхат бойынша оның өкілі жүзеге асырады;

      4) тауарды(ларды) беру актісі бекітілгеннен кейін Электрондық шот-фактуралардың ақпараттық жүйесінде электрондық нысанда шот-фактураларды жазып беру қағидаларына сәйкес электрондық шот-фактуралардың ақпараттық жүйесі арқылы Өнім беруші электрондық нысанда жазып берген шот-фактураны қабылдауға;

      5) осы Шартта белгіленген тәртіпте және мерзімдерде төлем жүргізуге міндеттенеді.

      3.4. Тапсырыс беруші жеткізілген Тауарлардың сапасын тексеруге құқықты.

       4. Тауарлардың техникалық тапсырмаға, конкурстық өтінімге сәйкестігін тексеру

      4.1. Тапсырыс беруші немесе оның өкілдері жеткізілген тауарлардың конкурстық құжаттамада көрсетілген талаптарға сәйкестігі мәніне бақылау және тексеру жүргізе алады. Бұл ретте осы тексерулер бойынша барлық шығыстарды Өнім беруші көтереді. Тапсырыс беруші Өнім берушіні осы мақсаттар үшін белгіленген өздерінің өкілдері туралы уақтылы жазбаша түрде хабардар етуге тиіс.

      4.2. Осы Шарт шеңберінде жеткізілетін тауарлар техникалық тапсырмада, конкурстық өтінімде көрсетілген стандарттарға сәйкес келуі немесе одан жоғары болуы тиіс.

      4.3. Егер жеткізілген тауарлар тексеру кезінде конкурстық құжаттама талаптарына сәйкес келмейді деп танылса, Өнім беруші тексеру сәтінен бастап "сәйкессіздіктерді жою мерзімі" ішінде Тапсырыс беруші тарапынан қандай да бір қосымша шығынсыз конкурстық құжаттама талаптарына сәйкессіздіктерді жою жөнінде шаралар қабылдайды.

      4.4. Тауарлардың техникалық ерекшелікке сәйкестігін тексеру Өнім берушінің аумағында, жеткізу орнында және (немесе) тауарлардың түпкі межелі пунктінде жүргізілуі мүмкін. Егер олар Өнім берушінің аумағында өткізілсе, Тапсырыс берушінің инспекторларына Тапсырыс беруші тарапынан қандай да бір қосымша шығынсыз өндірістік ақпаратқа қол жеткізуді қоса алғанда, барлық қажетті қаражат берілетін және жәрдем көрсетілетін болады.

      4.5. Жоғарыда көрсетілген тармақтың ешқайсысы Өнім берушіні Шарт бойынша басқа міндеттемелерден босатпайды.

       5. Тауарларды жеткізу және құжаттама

      5.1. Өнім беруші Тауарды Тапсырыс берушіге толық берген жағдайда жеткізу техникалық тапсырмада көрсетілген талаптарға сәйкес келеді деп есептеледі.

      5.2. Осы Шарттың 5.1-тармағындағы талаптар сақталған жағдайда, Өнім берушінің Тауарды қабылдау-табыстау актісін Тапсырыс берушіге жіберген күні Тауарды қабылдау/табыстау күні болып есептеледі.

       6. Кепілдік. Сапа

      6.1. Өнім беруші осы Шарт шеңберінде жеткізілетін Тауардың:

      1) сапалы және сатып алынатын тауарларға ұлттық стандарттардың, ал олар болмаған жағдайда мемлекетаралық стандарттардың талаптарына сәйкес келетініне;

      2) жаңа, пайдаланылмаған, зауыт орамасында, материалы мен орындауында ешқандай ақаулықтары жоқ екендігіне;

      3) өнеркәсіптік және (немесе) басқа зияткерлік меншікке негізделген үшінші тұлғаның кез келген құқықтары мен талаптарынан бос екеніне кепілдік береді.

      6.2. Сатып алынатын тауарлардың тізбесіне және техникалық тапсырмаға сәйкес Тауардың жеткізілмегені анықталған немесе жеткізілген Тауарда орауышты ашу сәтінде қандай да бір жасырын зауыттық ақаулар анықталған жағдайда немесе егер Тауардың сапасы дайындаудың техникалық шарттарына толық сәйкес келмесе, Тапсырыс беруші жиырма күн мерзімде жарнамалық акт жасайды, ал Өнім беруші күнтізбелік 14 (он төрт) күн ішінде және өз есебінен Тауарды жаңасымен алмастырады.

       7. Тараптардың жауапкершілігі

      7.1. Тараптар осы Шарт шеңберіндегі өз міндеттемелерін орындамаған немесе тиісінше орындамаған жағдайда, барлық даулар мен келіспеушіліктер Қазақстан Республикасының қолданыстағы заңнамасына сәйкес шешіледі.

      7.2. Секвестрлеу және/немесе тиісті бюджеттердің қолма-қол ақшаны бақылау шотында/мемлекеттік кәсіпорынның, дауыс беретін акцияларының елу және одан да көп пайызы мемлекетке тиесілі заңды тұлғаның қолма-қол ақшаны бақылау шотында ақша жеткіліксіз болған жағдайларды қоспағанда, егер Тапсырыс беруші Өнім берушіге Шартта көрсетілген мерзімде өзіне тиесілі қаражатты төлемесе, онда Тапсырыс беруші кешіктірілген әрбір күн үшін тиесілі соманың 0,1% (нөл бүтін оннан бір) мөлшерінде ұсталған төлемдер бойынша тұрақсыздық айыбын (өсімпұл) төлейді. Бұл ретте тұрақсыздық айыбының (өсімпұлдың) жалпы сомасы Шарттың жалпы сомасының 10%-ынан аспауы тиіс.

      7.3. Тауарды жеткізу мерзімі кешіктірілген жағдайда, Тапсырыс беруші Өнім берушіден мерзімі кешіктірілген әрбір күн үшін Шарттың жалпы сомасының 0,1%-ы мөлшерінде тұрақсыздық айыбын (айыппұл, өсімпұл) ұстап қалады (өндіріп алады) не міндеттемелерді тиісінше орындамаған (ішінара орындамаған) жағдайда әрбір мерзімі өткен күн үшін орындалмаған міндеттемелер сомасының 0,1%-ы мөлшерінде тұрақсыздық айыбын (айыппұл, өсімпұл) ұстап қалады (өндіріп алады). Бұл ретте тұрақсыздық айыбының (айыппұлдың, өсімпұлдың) жалпы сомасы Шарттың жалпы сомасының 10%-ынан аспауы тиіс.

      7.4. Өнім беруші Тауарды жеткізуден бас тартқан немесе Шарт бойынша Тауар жеткізу мерзімі өткен күннен бастап, бірақ Шарт қолданысының аяқталу мерзімінен кешіктірмей, бір айдан аса мерзімге Тауар жеткізу мерзімін өткізіпалған жағдайда, Тапсырыс беруші Өнім берушіден мерзімі өткен әрбір күн үшін Шарттың жалпы сомасының 0,1 % мөлшерінде тұрақсыздық айыбының (айыппұл, өсімпұл) сомасын өндіріп ала отырып, бір жақты тәртіпте осы Шартты бұзуға құқылы.

      7.5. Тұрақсыздық айыбын (айыппұл, өсімпұл) төлеу Тараптарды осы Шартта көзделген міндеттемелерді орындаудан босатпайды.

      7.6. Егер кез келген өзгеріс Өнім берушіге Шарт бойынша Тауар жеткізу үшін қажетті құнның немесе мерзімдердің азаюына әкелетін болса, Шарт сомасы немесе Тауар жеткізу кестесі, немесе екеуі де тиісінше түзетіледі, ал Шартқа тиісті түзетулер енгізіледі. Өнім берушінің түзету жүргізуге барлық сұрау салулары Өнім беруші Тапсырыс берушіден өзгерістер туралы өкім алған күннен бастап күнтізбелік 30 (отыз) күн ішінде ұсынылуы тиіс.

      7.7. Өнім беруші толығымен де, ішінара да біреуге осы Шарт бойынша өз міндеттемелерін бермеуі тиіс.

      7.8. Өнім берушінің осы Шарт бойынша өз міндеттемелерін орындамауына не тиісінше орындамауына байланысты шарт бұзылған жағдайда Тапсырыс беруші Шарттың орындалуын қамтамасыз етуді қайтармайды.

      7.9. Өнім берушінің шарт бойынша міндеттемелер толық орындалғанға дейін үшінші тұлғаларда енгізілген кепілдік ақшалай жарнаға тұтастай не бір бөлігінде талап ету құқығының туындауына әкеп соғатын іс-әрекеттер жасауына жол берілмейді.

      7.10. Өнім беруші қызметтерді сатып алу туралы жасалған шарттар бойынша өз міндеттемелерін орындамаған не тиісінше орындамаған жағдайда Тапсырыс беруші Жосықсыз өнім берушілердің тізбесін қалыптастыру қағидаларына сәйкес өнім берушінің міндеттемелерді бұзу фактісі туралы өзіне белгілі болған күннен бастап күнтізбелік отыз күннен кешіктірмей, мұндай өнім берушіні балаларды тамақтандыруды қамтамасыз етуге байланысты қызметтерді жосықсыз жеткізуші деп тану туралы талап арызбен сотқа жүгінеді.

       8. Шарттың қолданыс мерзімі және бұзу талаптары

      8.1. Шарт "Тапсырыс беруші оны Қазақстан Республикасы Қаржы министрлігінің аумақтық қазынашылық органында тіркегеннен кейін/қол қойған күннен бастап" күшіне енеді және "_____"жылға дейін қолданылады.

      8.2. Шарт тиісті қаржы жылына арналған міндеттемелер бойынша бекітілген жеке қаржыландыру жоспарына сәйкес бөлінген қаражат шегінде жасалады және өнім беруші тарапынан бұзушылықтар болмаған жағдайда шарттың қолданылу мерзімі аяқталған күннен бастап 3 жұмыс күні ішінде екі рет кейінгі қаржы жылдарына ұзартылады.

      Мемлекеттік бюджет қаражаты есебінен тамақтанумен қамтамасыз етілетін тәрбиеленушілер мен білім алушылардың саны өзгерген жағдайда шартқа өзгерістер енгізіледі.

      8.3. Тапсырыс беруші, егер Өнім беруші банкрот немесе төлемге қабілетсіз болса, Өнім берушіге тиісті жазбаша хабарлама жібере отырып, Шарттың талаптарын орындаудан кез келген уақытта біржақты тәртіппен бас тарта алады. Мұндай жағдайда Шарт талаптарын орындаудан бас тарту дереу жүзеге асырылады және Тапсырыс беруші, егер Шарт талаптарын орындаудан бас тарту Тапсырыс берушіге залал келтірмесе немесе іс-әрекеттер жасауға немесе санкцияларды қолдануға қандай да бір құқықтарды қозғамаса, Өнім берушіге қатысты ешқандай қаржылық міндеттеме алмайды.

      8.4. Шарт талаптарын бұзғаны үшін қандай да бір санкцияларға зиян келтірместен Тапсырыс беруші осы Шарттың 7.4-тармағының талаптарын ескере отырып, Өнім берушіге міндеттемелерін орындамағаны туралы жазбаша хабарлама жіберіп:

      1) егер Өнім беруші Шартта көзделген мерзімде немесе Тапсырыс беруші ұсынған осы Шарттың ұзартылған кезеңі ішінде тауар жеткізе алмаса;

      2) егер Өнім беруші осы Шарт бойынша өз міндеттемелерін орындай алмаса, толық немесе ішінара бұза алады.

      8.5. Шартта мынадай фактілердің бірі анықталған жағдайда:

      1) осы Шарт негізінде жасалған осы Қағидаларда көзделген шектеулерді бұзу анықталған;

      2) ұйымдастырушы Өнім берушіге Қағидаларда көзделмеген жәрдем көрсеткен;

      3) уәкілетті орган конкурс қорытындыларына (нұсқама, хабарлама, ұсыну, шешім) ықпал еткен конкурстық рәсімдерді өткізу кезінде бұзушылық фактілерін анықтаған жағдайда, Шарттың кез келген уақытта бұзылуы туралы талапты қамтуы тиіс және міндеттемелер тиісінше орындалған шарттарды қоспағанда, уәкілетті мемлекеттік органдардың актілеріне сәйкес 10 жұмыс күні ішінде конкурс жеңімпазымен шарт жасалады.

      8.6. Шарт тараптардың келісімі бойынша, оны одан әрі орындау орынсыз болған жағдайда бұзылуы мүмкін. Хабарламада шартты бұзу себебі көрсетіледі,күші жойылған шарттық міндеттемелердің көлемі, сондай-ақ Шартты бұзу күшіне енген күні көрсетіледі.

      Шарттың күші жоғарыда көрсетілген мән-жайларға байланысты жойылғанда, Өнім беруші Шарт бойынша бұзуға байланысты нақты шығындар үшін, бұзу күніне ақы төлеуді талап етуге құқылы.

       9. Хабарлама

      9.1. Шартқа сәйкес бір тарап екінші тарапқа жіберетін кез келген хабарлама төленген тапсырыс хатпен немесе телеграмма, телекс, телефакс бойынша не веб-портал арқылы жіберіледі.

      9.2. Хабарлама жеткізілгеннен кейін немесе көрсетілген күшіне ену күні (егер хабарламада көрсетілсе), осы екі күннің қайсысы кеш келетініне байланысты күшіне енеді.

       10. Форс-мажор

      10.1. Егер Шарт міндеттемелерінің орындалмауы форс-мажорлық жағдаяттардың нәтижесі болып табылса, Тараптар оның толық немесе ішінара орындалмағаны үшін жауапкершілік алмайды.

      10.2. Егер Шартты орындауды кешіктіру форс-мажорлық жағдаяттардың нәтижесі болып табылса, Өнім беруші өзінің Шарттың орындалуын қамтамасыз етуінен босамайды және Шарт талаптарының орындалмауына байланысты тұрақсыздық айыбын төлеуге немесе оны бұзуға жауапты болмайды.

      10.3. Шарт мақсаттары үшін "форс-мажор" Тараптардың бақылауына бағынбайтын және күтпеген сипаттағы оқиғаны білдіреді. Мұндай оқиғалар мыналарды қамти алады, бірақ тек олар ғана емес: соғыс қимылдары, табиғи немесе дүлей апаттар және басқалар.

      10.4. Форс-мажорлық жағдаяттар туындаған кезде Өнім беруші тез арада Тапсырыс берушіге осындай жағдаяттар мен олардың себептері туралы жазбаша хабарлама жіберуге тиіс. Егер Тапсырыс берушіден басқа жазбаша нұсқаулықтар келіп түспесе, Өнім беруші Шарт бойынша өз міндеттерін мүмкіндігінше орындауды жалғастырады және форс-мажорлық жағдаяттарға байланысты емес Шартты орындаудың баламалы тәсілдерін іздейді.

       11. Даулы мәселелерді шешу

      11.1. Тапсырыс беруші мен Өнім беруші Шарт бойынша немесе оған байланысты олардың арасында туындайтын барлық келіспеушіліктер немесе дауларды тікелей келіссөздер процесінде шешуге барлық күш-жігерлерін салуға тиіс.

      11.2. Егер осындай келіссөздерден кейін күнтізбелік 15 (он бес) күн ішінде Тапсырыс беруші мен Өнім беруші Шарт бойынша дауды шеше алмаса, Тараптардың кез келгені бұл мәселені Қазақстан Республикасының заңнамасына сәйкес шешуді талап ете алады.

       12. Өзге де шарттар

      12.1. Салықтар мен бюджетке басқа міндетті төлемдер Қазақстан Республикасының салық заңнамасына сәйкес төленуге жатады.

      12.2. Шартқа кез келген өзгерістер мен толықтырулар Шарт жасасу нысаны сияқты нысанда жасалады.

      12.3. Өнім берушінің таңдауы үшін негіз болған сапаның өзгермеуі жағдайында және басқа да жағдайларда жасалған Шартқа өзгерістерді енгізуге:

      1) Шартта көрсетілген қызметтер бірлігі үшін бағаның өзгермеуі жағдайында жеткізілетін Тауарлар көлемінде қажеттіліктің азаюына немесе артуына байланысты Шарт сомасын азайту не ұлғайту бөлігінде;

      2) егер Өнім беруші онымен жасалған Шартты орындау процесінде тауар бірлігі үшін бағаның өзгермейтін талабы жағдайында неғұрлым жақсы сапалық және (немесе) техникалық сипаттамаларды не тауарларды жеткізу мерзімдерін және (немесе) шарттарын ұсынған жағдайда;

      3) тараптардың өзара келісімі бойынша тауарлардың бағасын және тиісінше Шарттың сомасын азайту бөлігінде жол беріледі.

      12.4. Шарт бірдей заңды күші бар, веб-портал арқылы жасалған қазақ және орыс тілдерінде жасалды.

      12.5. Шартта реттелмеген бөлікте Тараптар Қазақстан Республикасының заңнамасын басшылыққа алады.

       13. Тараптардың деректемелері

Тапсырыс беруші	Өнім беруші
"Тапсырыс берушінің толық атауы" "Тапсырыс берушінің толық заңды мекенжайы" БСН "Тапсырыс берушінің БСН" БСК "Тапсырыс берушінің БСК" ЖСК "Тапсырыс берушінің ЖСК" "Банктің атауы" Тел.: "Тапсырыс берушінің телефоны" "Тапсырыс берушінің лауазымы" "Тапсырыс берушінің ТАӘ>	"Өнім берушінің толық атауы" "Өнім берушінің толық заңды мекенжайы" БСН/ССН/ТЕН "Өнім берушінің БСН/ССН/ТЕН" БСК "Өнім берушінің БСК" ЖСК "Өнім берушінің ЖСК" "Банктің атауы" Тел.: "Өнім берушінің телефоны" "Өнім берушінің лауазымы" "Өнім берушінің ТАӘ"

      Аббревиатураларды таратып жазу:

      БСН – бизнес-сәйкестендіру нөмірі;

      БСК – банктік сәйкестендіру коды;

      ЖСК – жеке сәйкестендіру коды;

      ЖСН – жеке сәйкестендіру нөмірі;

      ССН – салық төлеушінің сәйкестендіру нөмірі;

      ТЕН – төлеушінің есепке алу нөмірі;

      ҚҚС – қосылған құн салығы;

      Т.А.Ә. – тегі, аты, әкесінің аты (бар болса)

Мемлекеттік орта білім беру ұйымдарында, мектептен тыс қосымша білім беру ұйымдарында білім алушыларды тамақтандыруды ұйымдастыру, сондай-ақ мемлекеттік мектепке дейінгі ұйымдарда, жетім балалар мен ата-анасының қамқорлығынсыз қалған балаларға арналған білім беру ұйымдарында, техникалық және кәсіптік, орта білімнен кейінгі білім беру ұйымдарында тәрбиеленетін және білім алатын балаларды тамақтандыруды қамтамасыз етуге байланысты тауарларды сатып алу қағидаларына 3-қосымша

нысан

 Конкурс туралы хабарландыру

       ____________________________________________________________________

      (конкурсты ұйымдастырушының атауы, пошталық және электрондық мекенжайлары, лот №)

       орта білім беру ұйымдарында білім алушыларды тамақтандыруды ұйымдастыру, сондай-ақ мектепке дейінгі ұйымдарда, жетім балалар мен ата-анасының қамқорлығынсыз қалған балаларға арналған білім беру ұйымдарында тәрбиеленетін және білім алатын балаларды тамақтандыруды қамтамасыз етуге байланысты көрсетілетін қызметтерді немесе тауарларды жеткізушіні таңдау жөніндегі конкурс өткізілетіні туралы хабарлайды

       _________________________________________________________________

      (сатып алынатын көрсетілетін қызметтердің немесе тауарлардың атауы)

       Қызмет:

       ______________________________________________________________________

       (қызмет көрсету орны және оның көлемі, көрсетілетін қызметті алушылар санаттарының тізбесі және олардың саны, қызмет көрсетуге бөлінген сома көрсетіледі) көрсетілуі тиіс.

       Қызметті көрсету мерзімі _________________________________________

      Немесе:

       Тауар__________________________________________________________

      (тауарларды жеткізудің орны, сатып алынатын тауарлардың тізбесі, тауарларды сатып алуға бөлінген сома көрсетіледі) жеткізіледі.

      Тауарларды жеткізудің талап етілетін мерзімі _________________.

      Конкурстық құжаттаманың талаптарына жауап беретін барлық әлеуетті өнім берушілер конкурсқа жіберіледі.

      Конкурсқа қатысуға арналған өтінімдерді берудің соңғы мерзімі _______ (уақыты мен күнін көрсету керек) дейін.

	Мемлекеттік орта білім беру ұйымдарында, мектептен тыс қосымша білім беру ұйымдарында білім алушыларды тамақтандыруды ұйымдастыру, сондай-ақ мемлекеттік мектепке дейінгі ұйымдарда, жетім балалар мен ата-анасының қамқорлығынсыз қалған балаларға арналған білім беру ұйымдарында, техникалық және
	кәсіптік, орта білімнен кейінгі білім беру ұйымдарында тәрбиеленетін және білім алатын балаларды тамақтандыруды қамтамасыз етуге байланысты тауарларды сатып алу қағидаларына 4-қосымша
	Нысан

 Конкурсқа қатысуға арналған өтінімдерді ашу хаттамасы

       ___________________

      (уақыты мен күні)

       Тапсырыс беруші* ____________________________________________________

       Конкурс № _______________________________________________________

       Конкурстың атауы ________________________________________________

       Ұйымдастырушының атауы _________________________________________

       Ұйымдастырушының мекенжайы_____________________________________

      Конкурстық комиссияның құрамы:

№	Т. А. Ә.	Лауазымы, жұмыс орны	Комиссиядағы рөлі

      Жалпы сомасын көрсете отырып, сатып алынатын қызметтердің, тауарлардың тізбесі______

№ р/с	Лот №	Лоттың атауы	Саны	Бірлік бағасы	Бөлінген сома, теңге

       Лот № _______________________________________________________ Лоттың атауы _________________________________________

      Конкурсқа қатысуға арналған өтінімді мынадай әлеуетті өнім берушілер ұсынды (өтінім саны):

№	Әлеуетті өнім берушінің атауы	БСН (ЖСН) / ТЕН	Әлеуетті өнім берушінің мекенжайы (облыс, қала, көше, үй, пәтер)	Өтінімді ұсыну күні мен уақыты (хронология бойынша)

      Конкурстық құжаттамада көрсетілген құжаттардың болуы (болмауы) туралы ақпарат:

№ Әлеуетті өнім берушінің атауы БСН (ЖСН) / ТЕН
№	Құжаттың атауы	Болу белгісі

      Ескерту:

      * Егер бірнеше тапсырыс беруші болса, тапсырыс беруші туралы мәлімет көрсетілмейді.

      Аббревиатуралардың толық жазылуы:

      БСН – бизнес-сәйкестендіру нөмірі;

      ЖСН – жеке сәйкестендіру нөмірі;

      ТЕН – төлеушінің есеп нөмірі;

      Т.А.Ә. – тегі, аты, әкесінің аты (бар болса)

Мемлекеттік орта білім беру ұйымдарында, мектептен тыс қосымша білім беру ұйымдарында білім алушыларды тамақтандыруды ұйымдастыру, сондай-ақ мемлекеттік мектепке дейінгі ұйымдарда, жетім балалар мен ата-анасының қамқорлығынсыз қалған балаларға арналған білім беру ұйымдарында, техникалық және кәсіптік, орта білімнен кейінгі білім беру ұйымдарында тәрбиеленетін және білім алатын балаларды тамақтандыруды қамтамасыз етуге байланысты тауарларды сатып алу қағидаларына 5-қосымша

нысан

 Конкурс қорытындылары туралы хаттама

      ____________ (күні мен уақыты)

       Тапсырыс беруші*_______________________________________________

       Конкурстың №__________________________________________________

       Конкурстың атауы _______________________________________________

       Ұйымдастырушының атауы _______________________________________

      Ұйымдастырушының мекенжайы___________________________________

      Конкурстық комиссияның құрамы:

№	Т.А.Ә.	Лауазымы, жұмыс орны	Комиссиядағы рөлі

      Жалпы сомасын көрсете отырып, сатып алынатын қызметтердің, тауарлардың тізбесі____

№ р/с	Лот №	Лоттың атауы	Саны	Бірлік бағасы	Бөлінген сома, теңге

      Лот № ___________________________________________________________

      Лоттың атауы _____________________________________________________

      Конкурсқа қатысу үшін ұсынылған өтінімдер (лот) туралы ақпарат (хронология бойынша): (өтінім саны)

№	Әлеуетті өнім берушінің атауы	БСН (ЖСН) / ТЕН	Өтінімді ұсыну күні мен уақыты (хронология бойынша)

      Конкурсқа қатысуға арналған өтінімдерді қарау кезінде мынадай құжаттар сұралды (осы Қағидаларға сәйкес сұраулар болған жағдайда толтырылады):

№ р/с	Сұрау жіберілген ұйымның/адамның аты	Сұрау жіберілген күн	Сұраудың қысқаша сипаттамасы	Сұрауға жауап беру күні

      Конкурстық комиссия мүшелерінің дауыс беру нәтижелері:

№ р/с	Әлеуетті өнім берушінің атауы (әлеуетті өнім берушілердің тізбесі), БСН (ЖСН) / ТЕН
	Комиссия мүшесінің Т.А.Ә.	Комиссия мүшесінің шешімі	Бас тарту себебі	Мәліметтер мен құжаттарды көрсете отырып, олардың біліктілік талаптарына және конкурстық құжаттама талаптарына сәйкес еместігін растайтын бас тарту себептерін нақты көрсету

      Конкурсқа қатысуға жіберілмеген өтінімдер (өтінімдер саны):

№ р/с	Әлеуетті өнім берушінің атауы	БСН (ЖСН) / ТЕН	Бас тарту себебі

      Мынадай өтінімдер конкурсқа қатысуға жіберілді (өтінім саны):

№ р/с	Әлеуетті өнім берушінің атауы	БСН (ЖСН) / ТЕН

       Осы Қағидаларда көрсетілген өлшемшарттарды осы конкурсқа қатысуға ұсынылған конкурсқа қатысуға арналған барлық өтінімдерге қолдану нәтижелері туралы ақпарат:

      қызметтерді жеткізушілерге:

№	Әлеуетті өнім берушінің атауы	БСН (ЖСН) / ТЕН	Өлшемшарттар
			Соңғы 5 жылдағы қызмет көрсету нарығындағы жұмыс тәжірибесі		Тамақтандыруды ұйымдастыру бойынша қызметтерге қатысты экологиялық менеджмент жүйесін қанағаттандыратын сәйкестік сертификатының болуы	Тамақтандыруды ұйымдастыру бойынша қызметтерге қолданылатын сапа менеджменті жүйесі сертификатының болуы
			Мемлекеттік білім беру ұйымдарының білім алушылары мен тәрбиеленушілерін тамақтандыруды ұйымдастыру бойынша жұмыс тәжірибесі	Басқа қоғамдық тамақтану объектілерінде тамақтандыруды ұйымдастыру бойынша жұмыс тәжірибесі

      кестенің жалғасы

Аспаз біліктілігін бере отырып, орта арнайы білімі (2007 жылғы 27 шілдеге дейін білімі туралы құжатты алған жағдайда) немесе техникалық және кәсіптік, жоғары білімі бар аспаздың (қоғамдық тамақтандыру саласында) болуы	Диетология саласында медициналық білімі және біліктілігі және (немесе) диетология саласында біліктілігін арттырудан (қайта даярлаудан) өткен медициналық білімі бар диетологтың немесе диеталық бикенің болуы	Технолог біліктілігі беріле отырып арнайы орта білімі немесе техникалық және кәсіптік, жоғары білімі бар өндіріс меңгерушісінің болуы (қоғамдық тамақтану саласында)	Конкурс өткізілетін тиісті облыстың, республикалық маңызы бар қаланың, астананың аумағында әлеуетті өнім берушіні тіркеудің болуы

      тауарларды жеткізушілерге:

№	Әлеуетті өнім берушінің атауы	БСН (ЖСН) / ТЕН	Өлшемшарттар
			Конкурстың мәні болып табылатын тауар нарығындағы соңғы 5 жылдағы жұмыс тәжірибесі	Конкурстың (лоттың) мәні болып табылатын тауар нарығындағы отандық тауар өндірушілер үшін тауарларды ерікті түрде сертификаттау туралы құжаттың	Сатып алынатын тауарлар бойынша ұлттық стандарттар талаптарына сәйкес сапа менеджментінің сертификатталған жүйесінің (сертификатталған жүйелерінің) болуы

      кестенің жалғасы

Ұлттық стандарттардың талаптарына сәйкес қоршаған ортаны басқару менеджментінің сертификатталған жүйесінің (сертификатталған жүйелерінің) және (немесе) экологиялық таза өнім стандартына сәйкестігін растаудың болуы

Азық-түлік өнімдерін арнайы автокөлікпен жеткізу шарттары

Конкурс өткізілетін тиісті облыстың, республикалық маңызы бар қаланың, астананың аумағында әлеуетті өнім берушіні тіркеудің болуы

      Конкурсқа қатысушылардың балдарын есептеу:

№	Әлеуетті өнім берушінің атауы	БСН (ЖСН) / ТЕН	Өлшемшарттар бойынша жалпы балл	Өлшемшарттар бойынша жұмыс тәжірибесі	Өтінім беру күні мен уақыты

      3. Конкурстық комиссия өлшемшарттарға сәйкес қарастыру нәтижелері бойынша ашық дауыс беру жолымен былай деп шешті:

      1) конкурстың (лоттың) жеңімпазы ______________________(конкурсқа қатысушының атауы мен орналасқан жерін, сондай-ақ ол жеңімпаз деп танылған жағдайларды көрсету),

      екінші орын иегері ___________________(конкурсқа қатысушының атауы мен орналасқан жерін көрсету) деп танылсын;

      үшінші орын иегері ___________________(конкурсқа қатысушының атауы мен орналасқан жерін көрсету) деп танылсын;

      төртінші орын иегері ___________________(конкурсқа қатысушының атауы мен орналасқан жерін көрсету) деп танылсын;

      және т.б.

      2) Конкурстың тапсырыс берушісі _________________ (атауын және орналасқан жерін көрсету) _______________-мен (конкурс жеңімпазының атауын көрсету) осы Қағидаларда белгіленген мерзімде орта білім беру ұйымдарында білім алушыларды, сондай-ақ мектепке дейінгі ұйымдарда, жетім балалар мен ата-анасының қамқорлығынсыз қалған балаларға арналған білім беру ұйымдарында тәрбиеленушілер мен білім алушыларды тамақтандыруды ұйымдастыру бойынша қызметтер көрсету немесе тауарлар жеткізу туралы шарт жасассын

       Не:

      __________________ конкурс (лот) өткізілмеді деп танылсын (конкурстың атауын және конкурсты (лотты) өткізілмеді деп тану себебін көрсету)

       Не:

       Мынадай негізде конкурс (лот) өткізілмеді: Уәкілетті мемлекеттік органдардың актілері (нұсқама, хабарлама, ұсыныс, шешім) ________ жылғы "__"___________№___.

      Болдырмау туралы шешім қабылдаған орган: (______________________).

      Не:

      Осы Қағидаларға сәйкес көрсетілетін қызметтерді және (немесе) тауарларды сатып алудың жылдық жоспарында көзделмеген көрсетілетін қызметтерді, тауарларды сатып алу бойынша конкурстан (лоттан) бас тартылды.

      Ескерту:

      * Егер бірнеше тапсырыс беруші болса, тапсырыс беруші туралы мәлімет көрсетілмейді.

      Аббревиатуралардың толық жазылуы:

      БСН – бизнес-сәйкестендіру нөмірі;

      ЖСН – жеке сәйкестендіру нөмірі;

      ТЕН – төлеушінің есеп нөмірі;

      Т.А.Ә. – тегі, аты, әкесінің аты (бар болса)

Мемлекеттік орта білім беру ұйымдарында, мектептен тыс қосымша білім беру ұйымдарында білім алушыларды тамақтандыруды ұйымдастыру, сондай-ақ мемлекеттік мектепке дейінгі ұйымдарда, жетім балалар мен ата-анасының қамқорлығынсыз қалған балаларға арналған білім беру ұйымдарында, техникалық және кәсіптік, орта білімнен кейінгі білім беру ұйымдарында тәрбиеленетін және білім алатын балаларды тамақтандыруды қамтамасыз етуге байланысты тауарларды сатып алу қағидаларына 6-қосымша

нысан

 "Мемлекеттік-жекешелік әріптестік туралы заңға сәйкес тамақтандыруды ұйымдастыру бойынша қызметтерді сатып алу қажеттілігі туралы өтінім

      _______________________________________________________________

      (білім беру ұйымының немесе білім беруді басқару органының атауы, пошталық және электрондық мекенжайы)

      жетіспейтін жабдықтарды сатып алуға және/немесе асхананың барлық тозған жабдықтарын жаңа жабдыққа ауыстыруға қажеттілік бар екенін хабарлайды, осыған байланысты Мемлекеттік-жекешелік әріптестік туралы заңға сәйкес білім алушыларды тамақтандыруды ұйымдастыру бойынша көрсетілетін қызметтерді сатып алуды жүзеге асыруды сұрайды.

      Күні

      Басшының қолы___________

      М. О.

      (тегін, атын, әкесінің атын (бар болса), лауазымын көрсету).

Мемлекеттік орта білім беру ұйымдарында, мектептен тыс қосымша білім беру ұйымдарында білім алушыларды тамақтандыруды ұйымдастыру, сондай-ақ мемлекеттік мектепке дейінгі ұйымдарда, жетім балалар мен ата-анасының қамқорлығынсыз қалған балаларға арналған білім беру ұйымдарында, техникалық және кәсіптік, орта білімнен кейінгі білім беру ұйымдарында тәрбиеленетін және білім алатын балаларды тамақтандыруды қамтамасыз етуге байланысты тауарларды сатып алу қағидаларына 7-қосымша

 Қатысуға шақыру

      Құрметті қатысушы (әлеуетті өнім берушінің атауы).

      Сіз веб-портал арқылы тамақтануды ұйымдастыру бойынша көрсетілетін қызметтерді, тауарларды сатып алуға қатысуға (шақыру №, шақыру атауы) шақырылдыңыз.

      Шақыруды қарау үшін сілтеме (шақыруға сілтеме) бойынша жүріңіз.

      Егер жоғарыда көрсетілген сілтеме ашылмаса, оны алмасу буферіне көшіріп алыңыз да браузердің мекенжай жолына қойыңыз және "Енгізуді" басыңыз.

Мемлекеттік орта білім беру ұйымдарында, мектептен тыс қосымша білім беру ұйымдарында білім алушыларды тамақтандыруды ұйымдастыру, сондай-ақ мемлекеттік мектепке дейінгі ұйымдарда, жетім балалар мен ата-анасының қамқорлығынсыз қалған балаларға арналған білім беру ұйымдарында, техникалық және кәсіптік, орта білімнен кейінгі білім беру ұйымдарында тәрбиеленетін және білім алатын балаларды тамақтандыруды қамтамасыз етуге байланысты тауарларды сатып алу қағидаларына 8-қосымша

 Тауар(лар)ды қабылдау-тапсыру актісі

      №__ "___"_____20_____ж.

      Құжаттың нөмірі* қол қою күні *

      (тапсырыс беруші актіні қабылдаған күнін және уақытын тіркейді)

      Осы акт төменде қол қойылған Өнім берішінің атынан _____________, (Өнім беруші) берілгені, ал (Өнім берушінің атауы*) 20 __ жылғы "__"________ № __ _________ шартқа (және қосымша келісімге) (шарттың (және қосымша келісімнің) атауы, күні және нөмірі*) сәйкес тапсырыс берушінің өкілі атынан __________________________ (Тапсырыс беруші)

      (Тапсырыс берушінің атауы*) қабылдағаны жөнінде жасалды:

Тауар туралы мәліметтер**
№	Тауарды беру орны	Тауардың атауы	Номенклатуралық (зауыттық) нөмірі (болған жағдайда)	Өлшем бірлігі	Саны	Әр бірлік үшін баға (теңге), оның ішінде ҚҚС/ҚҚС есепке алмағанда	Сома, теңге
	1	2	3	4	5	6	7
1

      Шартқа сәйкес осы акт бойынша тауар(лар)дың құны ____________________(цифрмен, әріппен жазылады) теңгені құрайды, оның ішінде ҚҚС/ҚҚС есепке алмағанда**,

Өнім берішінің атауы*		ЖСН/БСН*	ЖСК/БСК*	Банк*		Заңды мекенжайы*		Өнім берішінің өкілдері **		Бекітемін **
								Т.А.Ә., лауазымы	қолы	Т.А.Ә., лауазымы		қолы
1		2	3	4		5		6	7	8		9
Шарт бойынша ақпарат***
	Жалпы мәлімет
1	Шарттың жалпы құны *	Аванстық төлемдер сомасы ***	Шарттың қолданылуынан бастап төлем сомасы***		Бұрын актіленгендердің сомасы***		Тауарды жеткізу мерзімін өткізіп не міндеттемелерін тиісінше орындамағаны (ішінара орындамағаны) үшін тұрақсыздық айыбының (айыппұл, өсімпұл) сомасы***				Мерзімі өткен күндердің саны***
	1	2	3		4		5				6
2	Шығыстардың бірыңғай бюджеттік сыныптамасының коды: Бағдарлама/Кіші бағдарлама/Ерекшелік***
3	Осы акт бойынша өнім беруші жүргізген нақты шығыстар ***
	Тауардың атауы*		Өлшем бірлігі*		Саны*		Әр бірлік үшін баға, теңге*				Сома, теңге*
	1		2		3		4				5
1
...
4	Өнім берушіге аудару талап етiлетiн сома***

      Қосымша: құжаттардың электрондық көшірмелерінің тізбесі (болған жағдайда өнім беруші/тапсырыс беруші тіркеп отырады)

Тапсырыс берушінің атауы*	ЖСН/ БСН*	ЖСК/ БСК*	Банк*	Заңды мекенжайы***	Тапсырыс берушінің өкілдері***				Бекітемін*** (ұйымның басшысы)
					Тауарлар қабылдау үшін жауапты		Ресімдеудің дұрыстығына жауапты (деректемелер, ерекшеліктер)
					Т.А.Ә.	қолы	Т.А.Ә.	қолы	Т.А.Ә.	қолы
1	2	3	4	5	6	7	8	9	10	11

      Ескертпе:

      *мемлекеттік сатып алу веб-порталында автоматты түрде толтырылады;

      ** өнім беруші толтырады;

      ***тапсырыс беруші толтырады.

      Аббревиатураларды таратып жазу:

      БСН – бизнес-сәйкестендіру нөмірі;

      БСК – банктік сәйкестендіру коды;

      ЖСК – жеке сәйкестендіру коды;

      ЖСН – жеке сәйкестендіру нөмірі;

      ҚҚС – қосылған құн салығы;

      Т.А.Ә. – тегі, аты, әкесінің аты.

Мемлекеттік орта білім беру ұйымдарында, мектептен тыс қосымша білім беру ұйымдарында білім алушыларды тамақтандыруды ұйымдастыру, сондай-ақ мемлекеттік мектепке дейінгі ұйымдарда, жетім балалар мен ата-анасының қамқорлығынсыз қалған балаларға арналған білім беру ұйымдарында, техникалық және кәсіптік, орта білімнен кейінгі білім беру ұйымдарында тәрбиеленетін және білім алатын балаларды тамақтандыруды қамтамасыз етуге байланысты тауарларды сатып алу қағидаларына 9-қосымша

 Көрсетілген қызмет актісі

      №__ "___"_____20_____ж.

      Құжаттың нөмірі* қол қою күні *

      (тапсырыс беруші актіні қабылдаған күнін және уақытын тіркейді)

      Осы акті төменде қол қойылған Өнім берішінің атынан _____________, (Өнім беруші) орындалуы, ал (Өнім берушінің атауы*) 20 __ жылғы "__"________ № __ _________ шартқа (және қосымша келісімге) (шарттың (және қосымша келісімнің) атауы, күні және нөмірі*) сәйкес тапсырыс берушінің өкілі атынан __________________________ (Тапсырыс беруші)

      (Тапсырыс берушінің атауы*) қабылдағаны жөнінде жасалды:

Көрсетілген қызмет туралы мәліметтер**
№	Қызмет көрсету орны	Қызметтің атауы	Өлшем бірлігі	Саны	Әр бірлік үшін баға (теңге), оның ішінде ҚҚС/ҚҚС есепке алмағанда	Сома, теңге
	1	2	3	4	5	6
1

      Шартқа сәйкес осы акт бойынша көрсетілген қызметтердің құны ____________________(цифрмен, әріппен жазылады) теңгені құрайды, оның ішінде ҚҚС/ҚҚС есепке алмағанда**,

Өнім берішінің атауы*		ЖСН/БСН*		ЖСК/БСК*	Банк*		Заңды мекенжайы*			Өнім берішінің өкілдері **			Бекітемін **
										Т.А.Ә., лауазымы		қолы	Т.А.Ә., лауазымы		қолы
1		2		3	4		5			6		7	8		9
Шарт бойынша ақпарат***
	Жалпы мәлімет
1	Шарттың жалпы құны *	Аванстық төлемдер сомасы ***		Шарттың қолданылуынан бастап төлем сомасы***		Бұрын актіленгендердің сомасы***		Көрсетілген қызмет мерзімін өткізіп не міндеттемелерін тиісінше орындамаған (ішінара орындамаған) үшін тұрақсыздық айыбының (айыппұл, өсімпұл) сомасы***						Мерзімі өткен күндердің саны***
	1	2		3		4		5						6
2	Шығыстардың бірыңғай бюджеттік сыныптамасының коды: Бағдарлама/Кіші бағдарлама/Ерекшелік***
3	Осы акті бойынша іс жүзінде көрсетілген қызметтер***
	Қызметтің атауы*		Қызмет көрсету күні/кезеңі				Өлшем бірлігі*		Саны*		Әр бірлік үшін баға, теңге*				Сома, теңге*
	1		2				3		4		5				6
1
...
4	Өнім берушіге аудару талап етiлетiн сома***

      Қосымшасы: құжаттардың электрондық көшірмелерінің тізбесі (болған жағдайда өнім беруші/тапсырыс беруші тіркеп отырады)

Тапсырыс берішінің атауы*	ЖСН/ БСН*	ЖСК/ БСК*	Банк*	Заңды мекенжайы***	Тапсырыс берішінің өкілдері***				Бекітемін*** (ұйымның басшысы)
					Қызмет қабылдау үшін жауапты		Ресімдеудің дұрыстығына жауапты (деректемелер, ерекшеліктер)
					Т.А.Ә.	қолы	Т.А.Ә.	қолы	Т.А.Ә.	қолы
1	2	3	4	5	6	7	8	9	10	11

      Ескертпе:

      *мемлекеттік сатып алу веб-порталында автоматты түрде толтырылады;

      ** өнім беруші толтырады;

      ***тапсырыс беруші толтырады.

      Аббревиатураларды таратып жазу:

      БСН – бизнес-сәйкестендіру нөмірі;

      БСК – банктік сәйкестендіру коды;

      ЖСК – жеке сәйкестендіру коды;

      ЖСН – жеке сәйкестендіру нөмірі;

      ҚҚС – қосылған құн салығы;

      Т.А.Ә. – тегі, аты, әкесінің аты.

 

© 2012. Қазақстан Республикасы Әділет министрлігінің «Қазақстан Республикасының Заңнама және құқықтық ақпарат институты» ШЖҚ РМК